Avtala millum Føroya Læknafelag og Almannamálaráðið

Transkript

1 Avtala millum Føroya Læknafelag og Almannamálaráðið januar Um nýtslu av læknaváttanum og prísir fyri læknaváttanir í virksemi hjá Almannaverkinum

2 Innihaldsyvirlit Inngangur Yvirlit yvir oyðubløð* Prísir fyri læknaváttanir Vegleiðing um nýtslu av læknaváttanum, serliga ætlað læknum Vegleiðing um nýtslu av læknaváttanum, serliga ætlað málsviðgerðum Heimildir og skyldir Heimildir hjá Almannaverkinum at innheinta upplýsingar Samtykki á umsóknarblaði Serstakt samtykki Skyldur hjá læknum at veita læknaváttanir Tíðarfreistir Treytir fyri útfylling og prísáseting Gildiskoma og nýggjar samráðingar... 20

3 Inngangur Henda avtala fevnir um limir hjá Føroya Læknafelag og Almannamálaráðið. Føroya Læknafelag ger avtalu við Almannamálaráðið vegna attestudvalget hjá danska læknafelagnum. Avtalan fevnir um vegleiðing um nýtslu av læknaváttanum, treytir og prísir fyri læknaváttanir, sum verða nýttar í virkseminum hjá Almannaverkinum. Í Kongelig anordning nr. 35 af 26. februar 1935 for Færøerne om udøvelse af lægegerning er í 16 ásett, at viðkomandi landsstýrisfólk eftir samráðingar við læknafelagið kann áseta prísir fyri læknaváttanir. Viðvíkjandi tilvísing til Kongelig anordning nr. 35 af 26. februar 1935 í avtaluni, skal viðmerkjast, at sambært løglistanum fyri 2012 verður Uppskot til ríkislógartilmæli um at seta í gildi fyri Føroyar Lov om autorisation af sundhedspersoner og om sundhedsfaglig virksomhed lagt fyri Løgtingið í hesum tingárinum. Við gildiskomu av nýggjari lóg, verða samsvarandi ásetingar í nýggju lógini galdandi. Viðvíkjandi reglum um latan av upplýsingum til annan fyrisitingarmyndugleika verður víst til galdandi reglur í fyrisitingarlógini (løgtingslóg nr. 132 frá 1993) og lóg um viðgerð av persónsupplýsingum (løgtingslóg nr. 73 frá 2001). Váttanirnar, sum henda avtala fevnir um, verða lagdar inn í talgildu heilsuskipanina.

4 1. Yvirlit yvir oyðubløð* LÆ 100 FO LÆ 101 FO LÆ 105 FO LÆ 115 FO LÆ 125 FO LÆ 135 FO LÆ 145 FO LÆ 155 FO LÆ 165 FO LÆ 175 FO LÆ 205 FO LÆ 215 FO LÆ 235 FO LÆ 245 FO LÆ 255 FO Umbøn um læknaváttan (anmodning om lægeattest) Fráboðan um læknakanning (medd. om helbredsundersøg.) Journaltilfar frá sjúkrahúsi (journaloplysninger fra sygehus) Journaltilfar frá serlækna (journaloplysninger fra speciallæge) Støðuváttan (statusattest) Serstøk heilsuváttan (specifik helbredsattest) Heildarheilsuváttan (generel helbredsattest) Serlæknaváttan onki oyðiblað (speciallægeattest) Uppskot um alm.heilsul. málsviðgerð (forslag til soc.med.sagsbeh.) Váttan um kroniska sjúku/brek Váttan um óarbeiðsføri (uarbejdsdygtighed) Váttan um framhaldandi ella langtíðarsjúka (fortsat el. langtidssygdom) Váttan um vanda fyri fosturskaða el. sjúku í viðgongutíðini (risiko for fosterskade el. sygdom under graviditet) Váttan um fráveru vegna álvarsliga sjúku hjá barni/hjúnafelaga (fravær p.g.a. alvorlig sygdom hos ægtefælle/barn) Váttan um almannaheilsulig framhaldsviðgerð (sosialmedisinsk opfølgning) * Oyðubløðini eru fylgiskjøl til hesa avtalu.

5 2. Prísir fyri læknaváttanir LÆ 105 FO Journaltilfar frá sjúkrahúsi (journaloplysninger fra sygehus) 0 LÆ 115 FO Journaltilfar frá serlækna (journaloplysninger fra speciallæge) 177 LÆ 125 FO Støðuváttan (statusattest) 393 LÆ 135 FO Serstøk heilsuváttan (specifik helbredsattest) 789 LÆ 145 FO Heildarheilsuváttan (generel helbredsattest) LÆ 155 FO Serlæknaváttan onki oyðiblað (speciallægeattest) sambært rokning LÆ 175 FO Váttan um kroniska sjúku/brek 192 LÆ 165 FO Uppskot um alm.heilsul. málsviðgerð (forslag til soc.med.sagsbeh.) 0 LÆ 205 FO Váttan um óarbeiðsføri (uarbejdsdygtighed) 151* LÆ 215 FO Váttan um framhaldandi ella langtíðarsjúku (fortsat el. langtidssygdom) 273 LÆ 235 FO Váttan um vanda fyri fosturskaða el. sjúku í viðgongutíðini (risiko for 192 fosterskade el. sygdom under graviditet) LÆ 245 FO váttan um fráveru vegna álvarsliga sjúku hjá barni/hjúnafelaga 192 (fravær p.g.a. alvorlig sygdom hos ægtefælle/barn) LÆ 255 FO váttan um almannaheilsuliga framhaldsviðgerð (sosialmedisinsk 700 opfølgning) *Um sjúkrahúslækni nýtir hesa váttan, so er tó framvegis talan um journaltilfar frá sjúkrahúsi (LÆ 105 FO), sum einki gjald verður rindað fyri. Upphæddirnar í uppskotinum eru ásettar við støði í prísum fyri læknaváttanir í Danmark, ið eru galdandi frá 1. apríl 2012, sambært avtalu millum danska læknafelagið og Kommunernes Landsforening. Donsku prísirnir fyri læknaváttanir verða 1. apríl á hvørjum ári dagførdir við lønarútviklingini í Danmark seinasta árið. Viðvíkjandi LÆ 105 FO, LÆ 115 FO, LÆ 125 FO, LÆ 135 FO, LÆ 145 FO, LÆ 155 FO, LÆ 165 FO og LÆ 235 FO eru læknaváttanirnar samanberiligar við samsvarandi donsku læknaváttanirnar og fyri hesar er sama upphædd ásett. Prísirnir fyri hesar váttanir fylgja donsku prísunum. Viðvíkjandi LÆ 155 FO (serlæknaváttan), so verður prísurin ásettur sambært rokning, eins og er galdandi í Danmark. Viðkomandi lækni metir um kostnaðin fyri læknaváttan, men fyri hesa váttan er tó galdandi, at kostnaðurin fyri læknaváttanina má samsvara við tað arbeiðið, sum útfyllingin av læknaváttanini krevur.

6 Viðvíkjandi LÆ 175 FO, LÆ 205 FO, LÆ 215 FO, LÆ 245 FO, LÆ 255 FO er talan um læknaváttanir, ið eru tillagaðar øðrvísi føroyskari lóggávu og føroyskum mannagongdum. Upphæddirnar eru ásettar eftir fylgjandi metingum: - LÆ 175 FO váttan um kroniska sjúku/brek er innihaldsliga øðrvísi enn danska váttanin um kroniska sjúku LÆ 225. Mett verður at kravið til læknan í hesum sambandi er nakað størri enn við LÆ 225, men er at samanbera við LÆ 235 FO og LÆ 245 FO, og er tí ásett til 192 kr. - LÆ 205 FO ein váttan um óarbeiðsføri krevur, at lækni skal vátta, at persónur er sjúkur, og at talan er um sjúku undir 30 dagar. Mett verður, at kravið til læknan í hesum sambandi er samanberligt við donsku læknaváttanina fyri kroniska sjúku (LÆ 225), ið er ásett til 151 kr. - LÆ 215 FO henda váttan um óarbeiðsføri og metingar um útlit o.a. er samanberilig við donsku læknaváttanina LÆ 255, 1. part, og tí er kostnaðurin fyri hesa læknaváttan ásettur til 273 kr. - LÆ 245 FO samsvarandi váttan er ikki í danska yvirlitinum (øðrvísi lóggáva), mett verður at henda váttan er samanberilig við váttan LÆ 235 FO og er tí kostnaðurin eisini ásettur til 192 kr. - LÆ 255 FO henda váttan snýr seg um framhaldsviðgerð og meting um møguleikar í mun til arbeiðsmøguleikar, tvs. hon er samanberilig við LÆ 255, tó uttan at fevna um deil 1. Prísurin fyri deil 1 er tí drigin frá samlaðu upphæddini og avrundað upp til 700 kr. Prísirnir fyri LÆ 175 FO, LÆ 205 FO, LÆ 215 FO, LÆ 245 FO, LÆ 255 FO verða somuleiðis dagførdir 1. apríl á hvørjum ári við einum satsi svarandi til vøksturin fyri donsku læknaváttanirnar.

7 3. Vegleiðing um nýtslu av læknaváttanum, serliga ætlað læknum LÆ 105 FO Journaltilfar frá sjúkrahúsi læknaváttan, har krossur er settur við LÆ 105 FO. Váttanin verður umbiðin frá sjúkrahúsi, har borgarin hevur verið til kanningar ella viðgerð. Tað er vanliga læknaráðgevi hjá Almannaverkinum, sum tekur stig til áheitanina. Til dømis í sambandi við viðgerð av einum máli um arbeiðsbúgving ella fyritíðarpensjón, har Almannaverkið frammanundan hevur læknaligar upplýsingar um heilsuviðurskiftini, men vantar neyvari upplýsing um einhvønn heilsutrupulleika ella vantar dagførdar upplýsingar. Svarið frá sjúkrahúsinum kann vera avrit av útskrivingarbrævi ella ein stuttur samandráttur av upplýsingum í journalini av týdningi fyri málið - um innleggingar, kanningar, viðgerðir og sjúkuavgerðir (diagnosir). Eru upplýsingar í avritaða tilfarinum, sum ikki metast at hava týdning fyri málsviðgerðina í Almannaverkinum, verða hesar útstrikaðar ella á annan hátt gjørdar ólesiligar. Avrit av laboratoriiroyndum, røntgenkanningum og líknandi av týdningi verða send við. Læknin ger ikki ítøkiligar metingar í mun til málsviðgerðina í Almannaverkinum. Men læknin skal uttan mun til, hvønn form hann brúkar undirskriva og senda váttan LÆ 105 FO. Tað er skylda læknans at gera hesa váttan. Metir lækni, at fyriliggjandi upplýsingar ikki í nóg góðan mun kunnu nøkta tørvin hjá Almannaverkinum á upplýsingum, eigur hann at gera vart við hetta við grundgeving fyri, hví upplýsingarnar ikki verða mettar nøktandi fyri Almannaverkið. Váttanin er ein áheitan um upplýsingar, sum fyriliggja. Ongin kanning skal gerast av sjúklinginum og heldur ikki læknalig meting. LÆ 115 FO Journaltilfar frá serlækna læknaváttan, har krossur er settur við LÆ 115 FO. Hon verður umbiðin frá serlæknapraksis (privat starvandi serlækna). Kommunulæknar kunnu ikki brúka oyðublaðið, hóast teir eru serlæknar í almennum medisini. Váttanin verður umbiðin frá serlækna, sum hevur staðið fyri kanning ella viðgerð av sjúklinginum. Tað er vanliga læknaráðgevi hjá Almannaverkinum, sum tekur stig til áheitanina. Til dømis í sambandi við viðgerð av einum máli um íverksetan av arbeiðsbúnandi fyriskipan hjá einum borgara, har Almannaverkinum vantar neyvari upplýsing um einhvønn heilsutrupulleika ella vantar dagførdar upplýsingar. Serlæknin sendir við avrit av pørtum av journalini, sum hava týdning, herundir laboratoriiroyndir, røntgenkanningar o.l. Upplýsingar í avritaða tilfarinum, sum eru uttan týdning í mun til fyrispurningin frá Almannaverkinum, verða útstrikaðar ella á annan hátt gjørdir ólesiligar. Læknin undirskrivar og sendir váttanina til Almannaverkið.

8 Tað er skylda læknans at gera hesa váttan. Metir lækni, at fyriliggjandi upplýsingar ikki í nóg góðan mun kunnu dekka tørvin hjá Almannaverkinum, eigur hann at gera vart við hetta við grundgeving fyri, hví fyriliggjandi journalupplýsingar ikki verða mettir nøktandi. Um so er, kann oyðiblaðið sendast aftur til Almannaverkið uttan journalupplýsingar. Váttanin er ein áheitan um upplýsingar, sum fyriliggja. Ongin kanning skal gerast av sjúklinginum og heldur ikki skal læknalig meting gerast. LÆ 125 FO Støðumeting Váttanin verður umbiðin av Almannaverkinum við oyðiblaðnum LÆ 100 FO áheitan um læknaváttan, har krossur er settur við LÆ 125 FO. Váttanin verður umbiðin frá viðgerðandi lækna (kommunulæknaviðtalu, sjúkrahúsi ella serlæknapraksis). Váttanin verður brúkt, tá Almannaverkið roknar við, at viðkomandi lækni hevur dagførdan kunnleika til tey heilsuviðurskifti, sum áheitanin snýr seg um. Læknin ger váttanina við støði í verandi sjúklingajournal og hansara kunnleika annars til sjúklingin. Sjúklingurin skal ikki boðsendast til kanningar fyri at kunna gera váttanina. Meting læknans verður gjørd við støði í fyriliggjandi upplýsingum. Váttanin skal innihalda eina stutta lýsing av heilsuviðurskiftunum, sum Almannaverkið hevur biðið um (sjúkusøgu, sjúkuavgerðir, viðgerðir í løtuni og útlit). Harumframt skal læknin gera eina meting av týdninginum av heilsuviðurskiftunum fyri virknisførið (funktiónsevnini) og hvørji serlig atlit mugu havast í huga í sambandi við ætlanir um fyriskipan í Almannaverkinum. Læknin metir tó ikki um slag og vav av einari møguligari sosialari fyriskipan. Við kunnu leggjast týðandi partar av journalini, harímillum úrslit av laboratorii- og røntgenkanningum. Læknin hevur vanliga skyldu til at gera hesa váttan. Metir læknin, at fyriliggjandi upplýsingar ikki í nóg góðan mun dekka tørvin hjá Almannaverkinum, skal hann ikki gera váttanina, men í staðin senda oyðiblaðið til Almannaverkið við stuttari viðmerking um, hví hann ikki er førur fyri at gera váttanina. Hetta kann vera, tá læknin ikki hevur sæð sjúklingin í longri tíð - seinasta árið ella seinasta hálvárið eftir hvørji eyðkenni eru við sjúkuni. Í slíkum førum verður ikki goldið fyri váttanina. Metir læknin, at tað er ein fyrimunur at kanna ella at hava samtalu við borgaran við atliti til lýsing av heilsuviðurskiftum, viðgerð, serligum atlitum í mun til arbeiðsuppgávur e.a., kann læknin mæla Almannaverkinum til í staðin at biðja um aðra LÆ-váttan, ið eftir hansara meting, í størri mun fer at dekka tørvin hjá Almannaverkinum. LÆ 135 FO Serstøk heilsuváttan læknaváttan, har krossur er settur við LÆ 135 FO.

9 Serstaka heilsuváttanin er ein samandráttur av sjúkugongdini við tilhoyrandi objektivari kanning av einum avmarkaðum heilsutrupulleika, umframt ein meting av heilsuviðurskiftunum í mun til málsviðgerðina hjá Almannaverkinum. Váttanin verður gjørd við støði í sjúklingajournalini og kunnleika læknans til sjúklingin, umframt eini objektivari kanning av einum avmarkaðum heilsutrupulleika, sum Almannaverkið ynskir at fáa lýstan. Váttanin kann brúkast av serlækna og á sjúkrahúsi, hóast heilsutrupulleikin ikki er kendur frammanundan. Avmarkaði heilsutrupulleikin krevur, at ein klinisk kanning verður gjørd, sum grund ikki hevur verið til at gera áður, ella sum bara ikki er gjørd nýliga. Váttanin inniheldur væntandi: stutta frágreiðing um heilsuviðurskiftini hjá borgaranum, viðgerðir, sum eru í gongd og annað, ið hevur týdning fyri málið í Almannaverkinum frágreiðing um úrslit av objektivum kanningum, íroknað sjúkuavgerð (diagnosu) og útlit (prognosu) meting læknans av heilsuviðurskiftunum í mun til málið í Almannaverkinum. Tó uttan at meta um vav og slag av sosialari veiting. Við kunnu leggjast týðandi partar av journalini, harímillum úrslit av laboratorii- og røntgenkanningum. Eyka kanningar (laboratoriikanningar, røntgenkanningar e.l.) skulu ikki gerast fyri at røkja váttanaruppgávuna. Vísir tað seg í sambandi við, at váttanin skal gerast, at tørvur er á fleiri kanningum við diagnostiskum ella viðgerðarligum endamáli, má hetta henda í heilsuverkinum eftir vanligum mannagongdum. Metir læknin, at fyriliggjandi upplýsingar saman við einari objektivari kanning ikki í nóg góðan mun kann dekka tørvin hjá Almannaverkinum, eigur váttanin ikki at verða gjørd, men oyðiblaðið verða sent til Almannaverkið við viðmerking um orsøk. Sama er galdandi, um sjúklingurin ikki vil gera sítt til, at kanningin kann verða framd.. LÆ 145 FO Heildarheilsuváttan læknaváttan, har krossur er settur við LÆ 145 FO. Heildarheilsuváttan verður bara gjørd av kommunulækna (serlækna í almennum medisini). Váttanin verður brúkt, tá Almannaverkið hevur tørv á einari umfatandi heilsukanning, sum bæði fevnir um likamlig og sálarlig viðurskifti, umframt meting læknans av trupulleikunum í løtuni. Objektiv kanning verður gjørd og kann miðvísast til ávísar heilsutrupulleikar, sum Almannaverkið vísir á. LÆ 145 FO verður gjørd við støði í sjúklingajournalini og kunnleika læknans til sjúklingin, umframt einari objektivari kanning av heilsutrupulleikunum hjá sjúklinginum. Uppgávan hjá læknanum er at lýsa heilsutrupulleikarnar hjá sjúklinginum samanborið við almannaheilsuligu støðuna, sum hon er

10 lýst av Almannaverkinum. Læknin ger eina grundaða meting av virknisførinum (funktiónsevninum) hjá sjúklinginum - so nágreiniligt (detaljerað) sum til ber í mun til heilsutrupulleikan. Fyriliggjandi úrslit av serligum kanningum verða send við í tann mun, tey hava týdning. Hetta kann hjálpa Almannaverkinum til at meta um slag av veiting og vav. Ein ískoytiskanning (røntgen-, laboratorii-) kann ikki gerast fyri at kunna røkja váttanaruppgávuna. Um so er, at tað vísir seg í sambandi við ger av váttanini, at tørvur er á fleiri kanningum við diagnostiskum ella viðgerðarligum endamáli, má hetta henda í heilsuverkinum eftir vanligum mannagongdum. Væntaða innihaldið í teimum einstøku punktunum í váttanini framganga av tekstinum í oyðublaðnum LÆ 145 FO Heildarheilsuváttan. Dentur verður lagdur á, at læknin í váttanini heldur seg til arbeiðs-/virknisføri (funktiónsevnini), meðan Almannaverkið tekur avgerð um, hvørja veiting, sjúklingurin skal hava. LÆ 155 FO Serlæknaváttan læknaváttan, har krossur er settur við LÆ 155 FO. Henda váttan kann ikki brúkast av serlæknum í almennum medisini (kommunulæknum). Læknin boðsendir sjúklingin til ynsktu kanningina. Er læknin, t.d. orsakað av langari bíðitíð, ikki førur fyri at gera uppgávuna, skal Almannaverkið beinanvegin hava boð um hetta. Almannaverkið kann biðja um eina serlæknaváttan fyri at fáa eina dagførda frágreiðing um og meting av einum sergreinaspesifikkum heilsutrupulleika. Onki oyðiblað er gjørt til serlæknaváttanir, tí svarini eru ymisk í bygnaði og vavi í teimum einstøku sergreinunum. Váttanin skal innihalda relevanta anamnesu (forsøgu) og objektiva kanning, umframt niðurstøður bygdar á hetta. Læknin eigur so vítt møguligt at taka við ítøkiligar spurningar frá Almannaverkinum í sítt svar. Serlæknin ger ikki eina meting av slagi og vavi av møguligari veiting. Um so er, at serlæknaváttanin er grundað á fleiri viðtalur (konsultatiónir), eigur tað at síggjast í svari læknans. Ein ískoytiskanning (røntgen-, laboratorii-) í sambandi við ger av LÆ 155 FO kann ikki útvegast fyri at røkja váttanaruppgávuna. Um so er, at tørvur vísir seg í sambandi við ger av váttanini at vera á fleiri kanningum við diagnostiskum ella viðgerðarligum endamáli, mugu hesar gerast í heilsuverkinum eftir vanligum mannagongdum. LÆ 165 FO uppskot um almannaheilsuliga málsviðgerð

11 læknaváttan, har krossur er settur við LÆ 165 FO. Læknar, sum ynskja at Almannaverkið byrjar málsviðgerð av einum trupulleika, sum verður lýstur í oyðiblaðnum t.d. um uppihaldshjálp, hjálpartól, heimarøkt, enduruppvenjing, arbeiðsbúgving o.a. kunnu senda LÆ 165 FO til Almannaverkið. LÆ 165 FO verður einans brúkt sjálvboðið av lækna. Tað er ikki neyðugt, at læknin grundar sítt uppskot, men tað minkar helst um málsviðgerðartíðina, um læknin ger eina frágreiðing, so Almannaverkinum ikki nýtist at innheinta fleiri upplýsingar. Læknin kann møguliga vísa á, á hvønn hátt nágreinligari upplýsingar kunnu útvegast. Læknin kann viðmerkja, um hann ynskir at verða upplýstur um gongdina í málinum og hvat fer at verða gjørt frameftir. Almannaverkið kann við borgarans samtykki geva læknanum upplýsing um, hvat víðari hendir í málinum. Hetta verður mett fremjandi fyri samstarvið og fyri brúk hjá læknunum av LÆ 165 FO. Dentur skal leggjast á, at váttanin er eitt uppskot til hjálp í einum givnum máli. Avgerð um sosiala veiting til borgaran tekur Almannaverkið. Eisini er tað Almannaverkið, sum metir, um málsviðgerð skal setast í verk av tí trupulleika, sum læknin lýsir. Almannaverkið kann útvega iskoytisupplýsingar, t.d. við at útvega eina LÆ-váttan, t.d. støðuváttan. LÆ 175 FO váttan um kroniska sjúku/brek læknaváttan, har krossur verður settur við LÆ 175 FO. Váttanin verður umbiðin frá viðgerðandi lækna. Váttanin verður brúkt, tá Almannaverkið hevur tørv á at fáa staðfest, um sjúklingurin (umsøkjarin) hevur varandi sjúku ella brek, ið hava við sær, at tørvur er á serligum hjálparráðum, útgerð, varandi hjálp, umsjón ella røkt. Læknin ger váttanina við støði í fyriliggjandi upplýsingum og Sjúklingurin skal ikki møta. kunnleika annars til sjúklingin. Í váttanini krossar læknin av, um talan er um kroniska sjúku ella brek ella um sjúkan er fyribils og í játtandi føri, hvussu leingi sjúkan væntast at vara. Harumframt ger læknin við støði í tí, Almannaverkið upplýsir um málið eina stutta lýsing av avleiðingum av sjúkuni fyri virknisførið, t.d. minni, gonguføri inni og úti, røktartørv, tørv á serkosti o.l. Viðvíkjandi koyriførleika er hetta ætlað sum liður í meting av umsókn um (avlamis)bil. Viðvíkjandi sosial-heilsuligum viðgerðarmøguleikum ber læknin fram síni tilmæli um viðgerð og/ella metir um ta viðgerð, hjálparráð, røkt ella annað, sum málið snýr seg um. Hetta um hann metir seg føran fyri tað við støði í sínum fakøki. Metir læknin, at fyriliggjandi upplýsingar ikki í nóg stóran mun eru nøktandi fyri tørvin hjá Almannaverkinum, skal hann ikki gera váttanina, men senda hana aftur við stuttari viðmerking á oyðiblaðnum um orsøkina. Hetta kann vera, tí læknin ikki hevur sæð sjúklingin í langa tíð, tað er ½-1

12 ár eftir eyðkennum við sjúkuni. Læknin kann mæla Almannaverkinum til at umbiðja aðra LÆ-váttan, ið eftir hansara tykki, er meiri nøktandi í mun til tørvin hjá Almannaverkinum á upplýsingum. LÆ 205 FO um óarbeiðsføri læknaváttan, har krossur er settur við LÆ 205 FO. Váttanin verður brúkt í sambandi við mál um dagpening ella fyribils uppihaldshjálp í sambandi við óarbeiðsføri vegna sjúku ella skaða, har læknaváttanin er partur av grundarlagnum fyri avgerðini, um borgarin lýkur treytirnar fyri útgjaldi av dagpeningi. LÆ 205 FO verður einans brúkt í sambandi við sjúkramelding í stutta tíð. Váttanin er ein stutt lýsing av heilsustøðuni og umstøðunum hesum viðvíkjandi. Verður frá byrjan mett av lækna, at sjúklingurin verður óarbeiðsførur longur enn 30 dagar, skal LÆ 215 FO um framhaldandi og langtíðarsjúku brúkast. Somuleiðis skal LÆ 215 FO brúkast, tá eitt stutt sjúkraskeið, sum er váttað á LÆ 205 FO, verður longt. Váttanin er bara ætlað til nýtslu í samskiftinum millum Almannaverkið og læknar, og kann tí ikki brúkast sum læknaváttan um sjúku til t.d. ein arbeiðsgevara. Siðvenjan hevur verið, at lækni - í samráð við sjúkling hevur sent Almannaverkinum váttanina, uttan at hon er umbiðin av Almannaverkinum. Tað kann læknin framhaldandi, um borgari biðir um tað í sambandi við, at hann ætlar sær at søkja dagpening. Annars er mannagongdin, at Almannaverkið í sambandi við, at umsókn um sjúkradagpening ella uppihaldshjálp vegna sjúku er móttikin, sendir umbøn á LÆ 100 FO til læknan um at gera LÆ 205 FO. Ein læknaváttan, sum ikki er umbiðin og sum ikki verður eftirfylgd av einari umsókn um dagpening ella uppihaldshjálp vegna sjúku, verður ikki goldin. LÆ 215 FO um framhaldandi ella langtíðarsjúku læknaváttan, har krossur er settur við LÆ 215 FO. Váttan LÆ 215 FO verður brúkt í sambandi við mál um dagpening ella fyribils uppihaldshjálp vegna sjúku. Váttanin verður brúkt sum partur av grundalagnum í metingini av, um borgari lýkur treytirnar fyri at fáa sjúkradagpening ella uppihaldshjálp og annars í sambandi við ráð og vegleiðing og uppfylging í málum, har sjúkustøðan og arbeiðsførið eru grundleggjandi og týðandi tættir í málsviðgerðini. LÆ 215 FO skal nýtast, tá læknin frá byrjan metir, at sjúklingurin verður óarbeiðsførur longur enn 30 dagar. Somuleiðis verður LÆ 215 FO brúkt, tá eitt stutt sjúkraskeið verður longt og LÆ 205 FO tiskíl fyriliggur frammanundan. Læknaváttanin krevur, at sjúklingurin møtir hjá lækna.

13 Váttanin skal innihalda somu grundupplýsingar sum LÆ 205 FO um sjúklingin, sjúkuna og umstøðurnar kring hana. Er talan um leinging av sjúkraskeiði, er tó nóg mikið við dagføringum av grundupplýsingum í mun til áður latnað LÆ 205 FO. Síðani verður upplýst um møguligar kanningar og viðgerðir, sum eru settar í verk ella eru lagdar til rættis. Harumframt skal læknin meta um arbeiðsførið og útlitini, møguleika fyri uppafturtøku av arbeiði parttíð, o.a. av týdningi viðvíkjandi arbeiðsførinum frameftir. Eisini kann læknin seta fram uppskot um sosialheilsuliga fyriskipan. Eins og tá talan er um LÆ 205 FO, kann læknin senda inn váttanina í samráð við sjúklingin, uttan at hava fingið umbøn frá Almannaverkinum. Av týdningi er tað, at váttanin einans verður send inn eftir umbøn frá sjúklingi, sum hevur ella ætlar sær at søkja dagpening ella uppihaldshjálp. Ein váttan, sum verður móttikin, uttan at umsókn um veiting samtíðis ella eftirfylgjandi kemur frá sjúklinginum, verður ikki goldin. Annars er mannagongdin, at Almannaverkið í sambandi við móttøku av umsókn um sjúkradagpening ella uppihaldshjálp, sendir umbøn á LÆ 100 FO til læknan um at gera LÆ 215 FO. LÆ 235 FO um vanda fyri fosturskaða ella sjúku í viðgongutíðini (graviditetinum) læknaváttan, har krossur er settur við LÆ 235 FO. Váttanin verður brúkt í sambandi við umsókn um dagpening ella fyribils uppihaldshjálp frá kvinnu, sum er við barn og verður brúkt sum liður í grundarlagnum fyri meting av rættinum til sjúkradagpening ella uppihaldshjálp. LÆ 235 FO verður brúkt í tveimum ymiskum førum: tá kvinnan verður sjúkrameldað orsakað av graviditetstreytaðari sjúku, áðrenn rætturin til barsilspening kann taka við, t.v.s. áðrenn 13 vikur eru eftir til barnsburð ella tá læknin metir, at vandi er fyri, at fostrið verður sjúkt, um kvinnan heldur fram í sínum arbeiði, ið hevur serlig eyðkenni, ið økja vandan fyri fosturskaðum. Hetta áðrenn rætturin til barsilspening kann taka við, t.v.s. áðrenn 13 vikur eru eftir til barnsburð Váttanin krevur, at kvinnan møtir hjá lækna. Læknin fyllir antin út teigarnar pkt. 3 ella pkt. 4 í oyðublaðnum - pkt 3, um talan er um graviditetstreytaða sjúku, sum inniber vanda fyri heilsuni hjá mammuni og fostrinum og pkt. 4, um talan er um vanda fyri fosturskaða orsakað av serligum eyðkennum við tí arbeiði, sum kvinnan hevur. Sum siðvenjan hevur verið, kann læknin senda inn váttanina í samráð við kvinnuna, uttan at hava fingið umbøn frá Almannaverkinum. Av týdningi er tað, at váttanin einans verður send inn eftir umbøn frá kvinnu, sum hevur ella fer at søkja dagpening ella uppihaldshjálp. Ein váttan, sum verður móttikin, uttan at umsókn um veiting samtíðis ella seinni kemur frá sjúklinginum, verður ikki goldin av Almannaverkinum. Annars er mannagongdin, at Almannaverkið í sambandi við móttøku av umsókn um dagpening ella uppihaldshjálp vegna graviditetstreytaða sjúku ella vanda fyri fostrinum, á LÆ 100 FO sendir umbøn til læknan um at gera LÆ 235 FO.

14 LÆ 245 FO fráveru vegna álvarsliga sjúku hjá barni/hjúnafelaga læknaváttan, har krossur er settur við LÆ 245 FO. Váttan LÆ 245 FO verður brúkt í sambandi við umsókn um dagpening vegna fráveru frá arbeiði, tí barn ella hjúnafelagi hevur álvarsliga sjúku. Váttanin er partur av grundalagnum hjá Almannaverkinum fyri meting av rættinum til dagpening sambært 3, stk. 3 í dagpengalógini. Rætturin er m.a. treytaður av, at læknin metir tað vera alneyðugt, at umsøkjarin er um barn ella hjúnafelaga, sum er álvarsliga sjúkt. Tað er ein fyritreyt fyri at gera váttanina, at læknin kennir heilsustøðuna í løtuni hjá sjúklinginum sera væl, og at hann eisini kennir umsøkjaran væl. LÆ 245 FO skal innihalda grundupplýsingar um umsøkjaran, sum søkir dagpening, umframt grundupplýsingar og upplýsingar um sjúkuna og tørvin hjá tí sjúka avvarðandi, sum umsøkjarin skal vera um. Læknin skal meta, um talan er um álvarsliga sjúku, t.v.s. á hvønn hátt mett verður, at álvarsligur vandi er fyri lívinum og heilsustøðuni hjá sjúklinginum og á hvønn hátt mett verður, at tað er alneyðugt, at umsøkjarin er um sjúklingin. Her verður víst til Leiðbeining um Dagpeningalógina 3, stk. 3 og 4, um álvarsliga sjúk børn og hjúnafelaga. Rundskriv hjá AMR til allar læknar í Føroyum frá Viðvíkjandi mannagongdini verður víst til viðmerkingar til 215 FO omanfyri. LÆ 255 FO almannaheilsulig framhaldsviðgerð læknaváttan, har krossur er settur við LÆ 255 FO. Læknaváttan LÆ 255 FO kann verða umbiðin í øllum sløgum av málum, har Almannaverkinum tørvar lýsing av heilsuviðurskiftunum og arbeiðsførinum í mun til almannaheilsuligar trupulleikar. Hetta kann vera í málum um dagpening, forsorgarhjálp, arbeiðsfremjandi tiltøk o.a. Hetta eru mál, har Almannaverkið, millum annað við støði í læknaligum upplýsingum, skal meta um møguleikarnar hjá borgara at koma út (aftur) á arbeiðsmarknaðin. Serliga verður LÆ 255 FO umbiðin í sambandi við framhaldsviðgerð í dagpengamálum og forsorgarmálum. Tá tað í oyðiblaðnum verður spurt um uppgávur, sum mettar verða, at borgarin kann ella ikki kann átaka sær í arbeiðshøpi, so verður ikki væntað, at svarið verður tengt at ítøkiligum arbeiðsuppgávum á einum arbeiðsplássi, men heldur eyðkennum við uppgávunum. T.d. at sjúklingurin ikki kann átaka sær uppgávur, ið krevja, at hann skal lyfta tungt, standa leingi ella ganga nógv, men kann átaka sær uppgávur, har hann kann sita niðri, brúka síni andsevni o.l. - vísandi til teir heilsubágar, hann hevur. Fyritreytin fyri at skriva læknaváttan um almannaheilsuliga framhaldsviðgerð er, at borgarin møtir hjá lækna.

15 4. Vegleiðing um nýtslu av læknaváttanum, serliga ætlað málsviðgerðum LÆ 100 FO Umbøn um læknaváttan Allar læknaváttanir skulu umbiðast av Almannaverkinum við at fylla út LÆ 100 FO. Krossur verður settur við ta ávísu læknaváttanina, sum biðið verður um. Siðvenjan, at læknin av sínum eintingum í samráð við sjúklingin sendir váttan til Almannaverkið í sambandi við, at sjúklingurin hevur søkt ella ætlar at søkja um sjúkradagpening verður varðveitt. T.v.s. at læknin framvegis kann skriva LÆ 205, 215, 235 ella 245 FO uttan at váttanin er umbiðin av Almannaverkinum. Ein læknaváttan, sum ikki er umbiðin og sum ikki verður fylgd av einari umsókn um dagpening ella uppihaldshjálp vegna sjúku, verður ikki goldin. Eitt umbønar-oyðublað skal altíð innihalda: Frágreiðing um orsøkina til, at upplýsingarnar verða umbidnar Kontaktupplýsingar - upplýsing um, hvaðar og møguliga til hvønn, svarið skal sendast bústaður, telefonnr., telefontíð, t-postbústað Upplýsing um lógarheimild og/ella samtykki at útvega upplýsingarnar. Í umbønini krossar málsviðgerin av, á hvønn hátt loyvi at útvega læknaligar upplýsingar er fingið. Hetta kann vera við heimild í lóg, við samtykki á umsóknarblaði ella við serstøkum samtykki. Sí nærri undir partinum Læknaváttanir. Frágreiðing um orsøk Í frágreiðingini um orsøk til, at viðkomandi læknaváttan verður umbiðin, skal Almannaverkið greiða frá: máli til viðgerðar, sambært hvørja lóg/lógargrein sosialu støðuni hjá borgaranum, t.d. uppihaldsgrundarlagið í løtuni, støðu viðvíkjandi arbeiði, dagfesting fyri møguliga sjúkramelding v.m. í tann mun hesar upplýsingar eru viðkomandi. Eitt nú eru upplýsingarnar ikki neyðugar, tá biðið verður um serstaka heilsuváttan í sambandi við eina umsókn um t.d. hjálparráð/-tól sambært 18b, endurgjald fyri meirútreiðslur sambært 17 í forsorgarlógini o.l., tí fíggjarligu viðurskiftini hava ikki týdning í viðgerðini av slíkum málum egnu frágreiðing borgarans um heilsuviðurskiftini hvat heilsuupplýsingarnar skulu brúkast til teimum heilsuviðurskiftum, sum serliga ynskjast lýst hvørjar heilsuupplýsingar, Almannaverkið longu hevur og hvørjar upplýsingar møguliga verða umbidnar frá øðrum í sambandi við áheitan um serlæknaváttan kunnu leggja við avrit av heilsuupplýsingum, sum fyriliggja í málinum. Hetta krevur samtykki frá borgaranum um, at heilsuupplýsingar kunnu latast øðrum antin á umsóknarblaði ella serstakari samtykkiváttan.

16 LÆ 101 FO Fráboðan um læknakanning LÆ 101 FO fráboðan um læknakanning skal sendast til borgaran, tá Almannaverkið í viðgerð av umsókn ella máli hansara hevur brúk fyri læknaligum upplýsingum, sum krevja, at viðkomandi vendir sær til læknan, sum er biðin um at gera læknaváttan um heilsuviðurskifti av týdningi fyri málið. Tá ein borgari fyllir út eitt umsóknarblað um eina almannaveiting, sum er grundað á heilsutrupulleikar, verður hann samstundis biðin um í viðkomandi umsóknarblaði at undirskriva, at hann samtykkir í, at Almannaverkið útvegar tær læknaupplýsingar, sum metast neyðugar fyri viðgerð av umsóknini. Tí er ikki neyðugt í øllum førum at senda fráboðan til borgara, tá heilsuupplýsingar verða útvegaðar, eitt nú tá journalupplýsingar verða útvegaðar frá sjúkrahúsi ella biðið verður um støðumeting. Tað kemur ofta fyri, serliga í dagpengamálum, at Almannaverkið móttekur eina læknaváttan, uttan sjálv at hava biðið um hana. Hetta eitt nú, tá lækni sjúkraskrivar borgara/sjúkling, sum hevur verið til viðtalu hjá honum og sendir Almannaverkinum váttan um óarbeiðsføri vegna sjúku í sambandi við, at sjúklingurin ætlar at søkja um dagpening. Henda siðvenja verður ikki broytt, men kemur at halda fram. Í øllum førum, har Almannaverkið sendir umbøn til lækna um at gera eina læknaváttan, sum krevur, at læknin sær sjúklingin, skal ein fráboðan sendast til viðskiftafólkið við boðum um at venda sær til lækna við atliti at læknaváttan. Fráboðan verður send til borgaran, tá Almannaverkið umbiðir hesar váttanir: serstøk heilsuváttan (LÆ 135 FO) heildarheilsuváttan (LÆ 145 FO) serlæknaváttan (LÆ 155 FO) váttan um óarbeiðsføri (LÆ 205 FO) váttan um framhaldandi ella langtíðarsjúku (LÆ 215 FO) váttan um fráveru vegna álvarsliga sjúku hjá barni / hjúnafelaga (LÆ 245 FO) váttan um vanda fyri fosturskaða ella sjúku í viðgongutíðini (LÆ 235 FO) váttan um almannaheilsuliga framhaldsviðgerð (LÆ 255 FO) Í fráboðanini skal Almannaverkið greiða frá grundini til, at viðkomandi verður biðin um at venda sær til lækna, hvønn lækna talan er um og hvørjar avleiðingarnar eru fyri viðgerðina av málinum, útgjaldi av veiting ella annað, um Almannaverkið ikki fær læknaligu upplýsingarnar. LÆ 105 FO Journaltilfar frá sjúkrahúsi LÆ 105 FO Journaltilfar frá sjúkrahúsi verður umbiðið frá tí sjúkrahúsi, har borgarin hevur verið til kanningar ella viðgerð. Biðið verður einans um upplýsingar. Ongin kanning ella meting skal gerast av sjúkrahúsinum. Tað er vanliga læknaráðgevin hjá Almannaverkinum, sum tekur stig til áheitanina í førum, har Almannaverkið frammanundan hevur læknaligar upplýsingar, men vantar neyvari ella dagførdar upplýsingar um einhvønn heilsutrupulleika.

17 LÆ 115 FO journaltilfar frá serlækna LÆ 115 FO journaltilfar frá serlækna verður umbiðið frá serlæknapraksis (privat starvandi serlækna). Serlæknar í almennum medisini (kommunulæknar) skulu ikki brúka oyðublaðið. Biðið verður um upplýsingar - ikki kanning ella meting. Váttanin verður umbiðin frá serlækna, sum hevur staðið fyri kanning ella viðgerð av borgaranum. Tað er vanliga læknaráðgevin hjá Almannaverkinum, sum tekur stig til áheitanina. Til dømis í sambandi við viðgerð av einum máli, har Almannaverkinum vantar neyvari upplýsingar um einhvønn heilsutrupulleika ella vantar dagførdar upplýsingar. LÆ 125 FO støðuváttan LÆ 125 FO støðuváttan verður umbiðin, tá Almannaverkið roknar við, at læknin hevur dagførdan kunnleika til tey heilsuviðurskifti, sum áheitanin snýr seg um og kann gera metingar við støði í journalini og sínum kunnleika annars til borgaran. Umbønin verður send viðgerandi lækna hjá borgaranum (kommunulækna, serlæknapraksis ella sjúkrahús), tá Almannverkið roknar við, at læknin uttan at kanna sjúklingin - í sjúklingajournalini og við kunnleika annars til borgaran, hevur vitan um tey heilsuviðurskifti, sum áheitanin snýr seg um. LÆ 135 FO serstøk heilsuváttan LÆ 135 FO serstøk heilsuváttan verður umbiðin, tá tørvur er á læknaligum upplýsingum + læknaligari meting + objektivari kanning av einum avmarkaðum, frammanundan kendum heilsutrupulleika. Tó krevst ikki, at heilsutrupulleikin er kendur frammanundan, tá váttanin skal brúkast av sjúkrahúsum ella serlæknapraksis. Umbønin verður send til viðgerandi læknan hjá borgaranum (kommunulæknaella serlæknaviðtalu ella sjúkrahús). LÆ 101 FO fráboðan um heilsukanning skal sendast til borgaran. LÆ 145 FO heildarheilsuváttan LÆ 145 FO heildarheilsuváttan verður umbiðin, tá talan er um meiri víðfevnandi og samansettar heilsutrupulleikar. Áheitanin verður send til kommunulæknan, tá Almannaverkið í sambandi við meiri víðfevnandi heilsutrupulleikar hjá einum borgara hevur brúk fyri at fáa eina samlaða frágreiðing og aktuella meting av heilsuviðurskiftunum við støði í fyriliggjandi upplýsingum og einari objektivari kanning av sjúklinginum. LÆ 101 FO fráboðan um heilsukanning skal sendast til borgaran. LÆ 155 FO serlæknaváttan LÆ 155 FO serlæknaváttan verður brúkt, tá Almannaverkið hevur brúk fyri einari aktuellari frágreiðing um og meting av einum sergreinaspesifikkum heilsutrupulleika. Onki oyðiblað verður brúkt til serlæknaváttanina, tí svarini eru ymisk í uppbygging og vavi í teimum einstøku sergreinunum. Áheitanin verður send til viðkomandi serlækna tó ikki serlækna í almennum medisini (kommunulækna) - um at gera eina kanning og meting av sjúklinginum og senda serlæknaváttan til Almannaverkið. LÆ 101 FO fráboðan um heilsukanning skal sendast til borgaran. LÆ 175 FO um kroniska sjúku/brek LÆ 175 FO verður brúkt sum partur av grundarlagnum í málum, har tað er ein treyt, at heilsustøðan hjá sjúklinginum er varandi, og at sjúkan hevur við sær avleiðingar, sum bøtast kann um við ávísum hjálparráðum. Herundir hjálpartólum frá HTM, avlamisbili, ávísum viðgerðum, serligari útgerð, at onnur veita hjálp ella røkt o.l. Tað er heilsuliga grundarlagið og heilsuligu grundaðu viðgerðina, læknin fyriheldur seg til. Er til dømis ivi um, hvørt eitt hjálpartól, eitt hjálparráð ella ávís serútgerð, bøtur um brekið, lættir munandi um gerandisdagin, stuðlar undir menning hjá einum barni ella

18 líknandi, so eru tað onnur fakfólk innan- ella uttanhýsis ella aðrir stovnar, ið skulu hoyrast. T.d. ergoterapeutur, fysioterapeutur, sernám e.a. LÆ 205 FO um óarbeiðsføri LÆ 205 FO um óarbeiðsføri verður brúkt sum partur av grundarlagnum at meta, um ein umsøkjari lýkur treytirnar fyri at fáa dagpeng vegna sjúku sambært dagpengalógini. Harumframt verður váttanin brúkt í sambandi við umsókn um uppihaldshjálp vegna sjúku eftir forsorgarlógini. LÆ 205 FO verður einans brúkt, um sjúkuskeiðið væntast at verða stutt upp til 30 dagar. Væntast sjúkuskeiðið at verða longur, skal LÆ 215 FO brúkast í staðin. LÆ 215 FO um framhaldandi ella langtíðarsjúku LÆ 215 FO um framhaldandi ella langtíðarsjúku verður brúkt sum partur av grundarlagnum at meta, um ein umsøkjari lýkur treytirnar fyri at fáa dagpeng vegna sjúku sambært dagpengalógini ella fyribils uppihaldshjálp vegna sjúku eftir forsorgarlógini. LÆ 215 FO verður brúkt til leingjan av sjúkramelding, tá LÆ 205 FO frammanundan er latin inn, umframt tá sjúkuskeiðið væntast at verða langt longur enn 30 dagar. Útskriving av váttanini er treytað av, at borgarin / sjúklingurin er kannaður av lækna. LÆ 101 FO fráboðan um heilsukanning skal sendast til borgaran, um so er, at lækni ikki hevur sent læknaváttanina í samráð við borgaran. LÆ 235 FO um vanda fyri fosturskaða ella sjúku í viðgongutíðini LÆ 235 FO um vanda fyri fosturskaða ella sjúku í viðgongutíðini verður brúkt sum partur av grundarlagnum at meta, um ein umsøkjari lýkur treytirnar fyri at fáa dagpeng í sambandi við barnsburð sambært dagpengalógini. Sjúka í viðgongutíðini er at skilja sum graviditetstreytað sjúka. Útskriving av váttanini er treytað av, at borgarin/sjúklingurin er kannaður av lækna. LÆ 101 FO fráboðan um heilsukanning skal sendast til borgaran, um so er, at lækni ikki longu hevur sent læknaváttanina í samráð við borgaran. LÆ 245 FO um fráveru vegna álvarsliga sjúku hjá barni/hjúnafelaga LÆ 245 FO um fráveru vegna álvarsliga sjúku hjá barni/hjúnafelaga verður brúkt sum partur av grundarlagnum at meta, um ein umsøkjari lýkur treytirnar fyri at fáa dagpeng vegna fráveru frá arbeiði, tí barn ella hjúnafelagi hevur so álvarsliga sjúku (lívsvandi, álvarsligur heilsuvandi), at mett verður alneyðugt, at umsøkjarin er um tann sjúka. Útskriving av váttanini er treytað av, at læknin kennir sjúklingin og hansara støðu og kennir umsøkjaran. LÆ 101 FO fráboðan um heilsukanning skal sendast til borgaran, um so er, at lækni ikki hevur sent læknaváttanina í samráð við borgaran. LÆ 255 FO almannaheilsulig framhaldsviðgerð LÆ 255 FO almannaheilsulig framhaldsviðgerð verður brúkt í øllum sløgum av málum, har Almannaverkinum tørvar lýsing av heilsuviðurskiftunum og arbeiðsførinum í mun til almannaheilsuligar trupulleikar. Hetta í málum hjá borgara, sum fær ella søkir um almannaveiting, har Almannaverkið - millum annað við støði í læknaligum upplýsingum - skal meta um møguleikarnar at koma út (aftur) á arbeiðsmarknaðin. LÆ 255 FO verður m.a. umbiðin í sambandi við framhaldsviðgerð í dagpengamálum og forsorgarmálum. Fyritreytin fyri at skriva læknaváttan um almannaheilsuliga framhaldsviðgerð er, at læknin hevur samrøðu við/kannar sjúklingin. LÆ 101 FO fráboðan um heilsukanning skal sendast til borgaran.

19 5. Heimildir og skyldir 5.1 Heimildir hjá Almannaverkinum at innheinta upplýsingar Í umbønini um læknaváttan krossar málsviðgerin av, á hvønn hátt loyvi at útvega læknaligar upplýsingar er fingið. Hetta kann vera við heimild í lóg, við samtykki á umsóknarblaði ella við serstøkum samtykki. Almannaverkið hevur heimildir at heinta upplýsingar frá m.a. læknum sambært hesum lógargreinum í almannalóggávuni: 36, stk. 2 í forsorgarlógini 24 í dagpengalógini 29 í lóg um arbeiðsfremjandi tiltøk - við samtykki frá borgaranum (gildi frá 1. januar 2013) 31 í almannapenjsónslógini 5.2 Samtykki á umsóknarblaði Á umsóknarblaði og váttanaroyðiblaði frá tí óhjálpna í málum um samsýning fyri at ansa eldri og óhjálpnum heima vátta ansari og tann óhjálpni, at Almannaverkið kann útvega neyðugar heilsuupplýsingar frá kommunulækna. Annars váttar umsøkjari á øllum umsóknarbløðum á forsorgarøkinum, har læknaligar upplýsingar eru viðkomandi, at Almannaverkið kann innheinta læknaligar upplýsingar, sum eru neyðugar fyri málsviðgerðina. Harumframt gevur umsøkjari av fyritíðarpensjón, arbeiðsbúgving ella tillagaðum starvi Almannaverkinum heimild at lata víðari læknaligar upplýsingar til annan lækna, um hetta er neyðugt fyri málsviðgerðina. 5.3 Serstakt samtykki Eins og staðfest í 1.2 hevur Almannaverkið heimild at útvega upplýsingar í málum, har læknaváttan er neyðug. Skuldi tað borið á í einstøkum máli, at heimildin at útvega upplýsingar ella lata víðari fyriliggjandi læknaligar upplýsingar til annan lækna er ivasom, biður Almannaverkið viðskiftafólkið um at undirskriva serstakt samtykki. 5.4 Skyldur hjá læknum at veita læknaváttanir Skyldur hjá læknum í mun til læknaváttanir eru ásettar í Kongelig anordning nr. 35 frá 26. februar 1935 om udøvelse af lægegerning og kunngerð nr. 212 frá 1935 um vanligar reglur fyri læknaváttanir. Sambært 8, stk. 3 í nevndu lóg hevur ein lækni, eftir áheitan frá einum almennum myndugleika, skyldu til at veita váttan til almenna nýtslu um læknaligar eygleiðingar. 8, stk. 3 er soljóðandi: En Læge er forpligtet til paa Begæring af en offentlig Myndighed i det efter Øjemedet fornødne Omfang at afgive Attest til offentligt Brug om de lægelige Iagttagelser, som han er i Stand til at meddele Oplysning om, vedrørende en af ham undersøgt eller behandlet Person, der søger eller oppebærer Pension, Understøttelse eller anden offentlig Hjælp, herunder Hjælp i Henhold til

20 Forsikrings- og Forsørgelseslovene. Samme Pligt paahviler Sygehuse og lignende Institutioner. De i Henhold til denne Bestemmelse modtagne Oplysninger er at betragte som Tjenestehemmeligheder. 5.5 Tíðarfreistir Vegleiðandi freistir fyri at veita læknaváttan eru : LÆ 125 FO: 14 dagar eftir at lækni hevur móttikið áheitan LÆ 135 FO og LÆ 145 FO: 14 dagar eftir viðtalu hjá lækna og 30 dagar eftir áheitan LÆ 155 FO: 30 dagar eftir viðtalu hjá lækna og 2 mánaðir eftir áheitan LÆ 235 FO, LÆ 205 FO, LÆ 215 FO: 7 dagar eftir viðtalu hjá lækna og 14 dagar eftir áheitan LÆ 255 FO: 2 vikur og 3 gerandisdagar eftir áheitan Um lækni hevur trupulleikar við at veita váttanina til ásetta freist, so setur Læknin seg í samband við Almannaverkið í seinasta lagi 14 dagar eftir at hava móttikið umbøn um læknaváttan. 5.6 Treytir fyri útfylling og prísáseting Sambært 8, stk. 1 í Kongelig anordning om udøvelse af lægegerning er ásett, at lækni skal vísa nærlagni í sambandi við læknaváttanir og neyvt fylgja ásettum reglum. Treytir fyri læknaváttanir eru eisini ásettar í kunngerð nr. 212 frá Um Almannaverkið metir, at læknaváttan í mun til vegleiðingina - ikki er nøktandi fylt út, verður váttanin send aftur til lækna og í tílíkum førum verður einki gjald rindað fyri læknaváttanina. Einki gjald verður rindað fyri aðra læknaváttan enn tær, sum henda avtala fevnir um (avtalaðu oyðibløðini skulu nýtast). Viðvíkjandi ásetan av prísi fyri LÆ 155 FO, sum læknin sjálvur ásetur, verður víst til áseting í 15, stk. 1 í nevndu lóg, har ásett er, at lækni ikki kann krevja meiri enn, hvat rímiligt er við atliti at slagi og vavi av uppgávuni.

21 6. Gildiskoma og nýggjar samráðingar Henda avtala kemur í gildi 1. januar Sáttmálin kann sigast upp við 12 mánaða freist til tann 1. í mánaðinum. Hesin sáttmáli verður verandi í gildi, til nýggjur sáttmáli er komin í gildi. Í sáttmálatíðarskeiðinum kunnu báðir partar taka stig til nýggjar samráðingar um innihald í váttanum, nýggjar váttanir, prísir og treytir annars. Partarnir eftirmeta avtaluna í seinasta lagi tvey ár eftir gildiskomu, við møguleika fyri at tillaga avtaluna. Tórshavn, tann 25. oktober 2012 Føroya Læknafelag Almannamálaráðið Kommunulæknafelagið Annika Olsen Landsstýriskvinna Serlæknafelagið Eyðun Mohr Hansen aðalstjóri Felagið yngri læknar