14-a jarkolekto n-ro 3 aŭgusto 2007 Dua Lingvofestivalo en Kopenhago 15-an de Septembro 2007

Transkript

1 Esperanto en Danio 14-a jarkolekto n-ro 3 aŭgusto 2007 Dua Lingvofestivalo en Kopenhago 15-an de Septembro 2007

2 Esperanto en Danio membroorgano de Dana Esperanto Asocio IŭN Adreso de la asocio/prezidanto: Ileana Schrøder Vestavej 4, 2770 Kastrup Ĝirokonto: UEA kodo: deaa t Kromaj estraranoj: Ina Schultz (kasisto) Jens S. Larsen (sekretario) Ejnar Hjorth (vicprezidanto) Bent Jensenius Rasmus Høyrup Jensen Torben Svendsen Redakcia adreso: Jens S. Larsen c/o Trillingsgård, Munkebjergvej Kastrup eed@esperanto.dk Presado: Kjeld Steffensen, Malmö Adresŝanĝoj al: Ina Schultz Bredagervej 21, 3.th., 2770 Kastrup ina.schultz@get2net.dk Represo de artikoloj el EeD estas permesata kun indiko de la fonto. Limdato por la venonta numero: Lande Enhavo Niaj venontjaraj defioj...3 Lingvofestivalo...4 Malfruiĝinta raporto...5 Frua dana pionirino...6 Nekrologoj...8 PechaKucha...9 Nova dana lingvorevuo...9 Gazeteltondaĵoj...9 Junulare Roskilde Festivalo IJK 2007 en Vjetnamio...11 Loke Kopenhago...12 Århus...17 Næstved...19 Odense...19 Monde Sukcesa EEU kongreso...20 UK en Jokohamo...22 Esperantio en koloroj...24

3 Lande Niaj venontjaraj defioj Per rezolucio pri plurlingvismo, en majo 2007, UN proklamis la jaron 2008 Internacia Jaro de Lingvoj. Estas klare ke nia movado devas utiligi ĉi tiun ŝancon por prezenti Esperanto kiel solvon je la problemoj de justa plurlingvismo, precipe ĉe UNESKO, kiu estas la instanco por la Internacia Jaro de la Lingvoj, sed ankau ĉe aliaj UN instancoj. Tiurilate ni planas kontakton kun la danaj Unesko komisiono kaj UN asocio, por rememorigi ilin pri Esperanto, kiel rimedon por protekti lingvojn kaj plurlingvismon. Preskaŭ similan temon proklamis ankau EU por la venonta jaro, kiam ili proklamis ĝin kiel la jaron de Interkultura dialogo (legu pli en la artikolo pri la kongreso de EEU), kaj ankaŭ tiu proklamo donas al ni la ŝancon prezenti Esperanton kiel dezirata neŭtrala lingva solvo. La ĉi jara kongresa rezolucio, akceptita de la komitato de UEA en Jokohamo, atentigas ankaŭ pri la akuta neceso konsciiĝi pri interkulturaj problemoj en kaj ekster la Esperanto komunumo, kaj rilati kun instancoj kaj asocioj kiuj jam okupiĝas pri tiaj problemoj. Nia landa defio venontjare estos en la unua duono de la jaro la festado de DEA kaj KEK pro ilia 100 jara jubileo, kaj en aŭgusto ni festos la 100 jaran jubileon de UEA dum la UK kongreso en Roterdamo. Do, la venonta jaro estos vere rimarkinda, kaj mi certas ke multe da laboro atendas nin dum la venontaj monatoj. 3 Ileana Schrøder

4 Lingvofestivalo Pasintjare KEK sukcese pioniris la unuan lingvo festivalon en Danio. Ĉi jare kunlabore kun la Gronlanda Domo, ni okazigos la duan festivalon ĉe la Gronlanda Domo, Løvstræde 6, København K. Ĉi jare la festivalo temos pri Modersmålene i en globaliseret verden Gepatraj lingvoj sur tutmondiĝanta terglobo. Ĝis nun 26 diversaj personoj aŭ asocioj jam promesis partopreni la aranĝon. Venu renkontiĝu kun la rumana ambasadoro Dr. Theodor Paleologu, kiu prelegos pri la ru mana, Anne Holmen de DPU (la dana pedagoga universitato) kiu prelegos pri La Multlingva Danio. Ole Stig Andersen informos pri sia lingvo muzea projekto. Jørgen Christian Vind de Modersmål Selskabet (Gepatra lingva Asocio) prelegos pri Lingva Politiko En Nuntempa Danio. Dum la festivalo prelegos reprezentantoj de Afganlando, Gronlando, Irano, Maŭritanio, Somalio, Svisio ktp. Ileana Schrøder informos al la neesperantistaro pri Esperanto, kaj Regin Larsen sekve ofertos fulman Esperantokurson. Kaj vi, ĉu vi estas vetema? Se jes, venu aĉeti lingvan tips kuponon. Belaj premioj gajneblos! La muzikumadon ni ne forgesis: Amir Hadžiahmetović kaj Mathias Dalmose ludos kaj Esperante kantos. Channe Nussbaum, fama klezmer muzikistino, jide kantos. Dancema, ĉu? La litovoj dancigos vin! La programo daŭre evoluas, tial vizitadu nian hejmpaĝon www. sprogfestival.dk. Kiel en la pasinta festivalo ni vendos kafon, teon kaj kukojn ktp. Tial kompreneble mankos al ni la kukoj. Ni petas al ĉiuj bakemaj samideanoj kontakti min (telefone aŭ rete Ĝis la revido ĉe la lingvofestivalo! Betty Chatterjee 4

5 Malfruiĝinta raporto [Pro miskompreno aperis en la pasinta numero de EeD la malĝusta raporto pri la agado en Århus dum la jaro Ni pardonpetas al ĉiuj, unuavice niaj århusaj membroj.] Esperanto klubo de Århus havas nun 31 membrojn. Al nia rondo aliĝis dum la jaro Tove kaj Egon Bak el Kolding kaj Tove Spangkær el Hylke apud Skanderborg, kiujn ni kore bonvenigas en la klubo. Nia situe tre konvena kaj senpaga kunvenejo en Senior Centret estas en danĝero. La Urba Konsilantaro de Århus intencas vendi la tutan domon, kie aktivas multaj kluboj, asocioj kaj ankaŭ riparejoj, kiel ekz.: mekanika, ligno kaj aŭtoriparejoj. Eble ni ĉiuj perdos bonegan ejon, se la plano de la komunumo realiĝos! Ni esperu, ke tio ne okazos! En la jaro 2006 ni havis 8 klubajn kunvenojn. Bedaŭrinde oni povas rimarki, ke la klubanoj pli kaj pli aĝiĝas kaj pro tio la partoprenado en la kunvenoj falas. Por la unua fojo ne okazis la tradicia somera ekskurso, kies celo estis Fredericia, pro la malmultaj aliĝintoj. Ni almenaŭ povas danki al Nikoline Fiora, kiu pretis esti nia gvidanto tie. La temoj de niaj kunvenoj estis diversaj. En januaro ekzemple la temo estis: Novjaro en mia lando. Nia klubanaro konsistas el ses nacioj, do ni povis rakonti pri la novjaraj moroj kaj kutimoj en niaj landoj. En februaro okazis Ĝenerala kunveno. En marto Wolfgang Kirschstein faris por ni etan Esperanto kursovesperon. En aprilo Stanisław Mielczarek gvidis la vesperon Miru, pensu kaj ridu. En majo ni diskutis Ĉu la angla fariĝas la internacia lingvo? En septembro, kiel kutime, ni rememorigis niajn feriajn travivaĵojn. De la 29 a de septembro ĝis la 1 a de oktobro en Marselisborg Hallen, Århus okazis Helsemesse Krop Sind Ånd. Dana Esperanto Asocio aranĝis standon tie. Dankon al la klubanoj, kiuj deĵoris dum tri tagoj. Specialan dankon ni direktas al Arne Casper, gvidanto de Libroservo de Dana Esperanto Asocio, kiu helpis nin sabate. Ni ĉiuj strebis informi la preterpasantajn nian standon ekspozicio vizitantojn pri la internacia lingvo, pri ĝia neŭtraleco, utileco ktp. Ĝi, same kiel la alia ekspozicio kadre de Århus Sociale Forum, kiu okazis en novembro, ne donis novajn membrojn. La oktobra kunveno estis babiladvespero. En novembro Jonas Dalmose konigis nin kun Martinus simboloj. La tradicia Zamenhofa kaj Kristnaska vespero en decembro ne okazis! Multaj klubanoj estis forvojaĝintaj. Koran dankon al vi ĉiuj por la bona kunlaboro en la jaro 2006! Stanisław Mielczarek, prezidanto 5

6 Frua dana pionirino Iun vesperon lastsomere Zofia Banet Fornalowa prelegis en KEK pri la valoro de la historio de la Esperanto movado. En sia interesega prelego ŝi bedaŭris la mankon de intereso pri tiu historio kaj la malprecizaĵoj en kelkaj historiaj verkoj. Jen mia modesta rakonto pri mirinda pionirino, kiu meritas malpli supraĵan biografion. Kiom da aliaj mirindaj pioniroj atendas nian omaĝon? 6 Foje mi diskutis kun kelkaj konatoj pri la indeco lerni Esperanton, kaj jen unu el ili ekmemoris ke li iam vidis eksterordinaran tombon en la Garnizona Tombejo en Kopenhago. Ĝi havis fremdlingvan epitafon kaj apud si stelforman arbeton tombo de iu esperantisto, evidente. La sekvan tagon mi vizitis la tombejon kaj senprobleme trovis la tombon kun la surskribo: Margrethe Caroline Noll , La patrino de la dana Esperanta movado. Kiu estis Margrethe Noll, kaj kial oni nomas ŝin la patrino de la dana movado? Nia patrino devus esti memorenda, tamen nenion mi scias, tial mi komencis interesiĝi pri ŝia vivo kaj agado. Per la bonkora helpemo de tiom da klubanoj mi trovis kelkajn informojn pri tiu ĉi mirinda virino. Laŭ la skribaĵo de Paul Neergaard, Margrethe Noll naskiĝis en la kastelo de la reĝo...kaj dum siaj infanaj jaroj renkontiĝis en la reĝa korto kun la infanoj de la reĝo, la postaj reĝoj de la dana kaj novega popoloj. Kia interesa enigmo! Ĉu la patro estis dungito en la kastelo? Oni scias, ke ŝi iam loĝis en Fredericiagade 6, sufiĉe proksime al Amalienborg. Ĉu tiu ĉi loĝejo estis ŝia tutviva hejmo? Laŭ profesio, ŝi unue estis instruistino, poste laboris kiel sekretariino kaj librotenisto. Ŝi multe interesiĝis pri lingvoj, regante la anglan, la francan kaj la germanan. Lunde la 2 an de septembro 1907 ŝi estis inter la kvarcento da personoj kiuj aliĝis al trimonata kurso, aranĝita de la gazeto Politiken. La kursgvidanto estis s ro Skeel Giørling, kiu verkis la unuan danan Esperantan vortaron (1904) kaj lernolibron (1906). Post la kurso Margrethe Noll

7 estis inter la unuaj membroj de la Konversacia Esperantista klubo, kiuj jaŭde konvenis en Kongens Nytorv 8. Kiel kunverkinto de la jubilea libreto Konversacia Esperantista Klubo ŝi skribis: La severa regado de la klubo kaŭzis, ke oni vere povis paroli Esperanton post la unua vintra sezono. Jam en 1909, ĉiam aktiva, ŝi fondis la Esperanto klubon en Aarhus. Dum la Ido polemiko, kiu en Danio estis instigita de la mondfama lingvisto Profesoro Otto Jespersen, ŝi estis la plej aktiva kontraŭbatalanto de tiu ĉi skismo en Danio. Post la Universala Kongreso en Dresdeno en 1908 Ludoviko Zamenhof gastis la post kongreson en Kopenhago. Tie Margrethe Noll konatiĝis kun li, poste dum la unua monda milito ŝi estis peranto inter la majstro kaj ties plej aĝa filino Sofia. Margrethe Noll persone komunikis la informon pri lia morto en 1917 al Sofia Zamenhof. La leteroj estas presitaj en la Originala Verkaro de Zamenhof, kompilita de Dietterle. Dum la tuta vivo ŝi estis treege aktiva esperantistino. Kiel instruistino ŝi gvidis multajn kursojn kaj por plenkreskuloj kaj por infanoj. Ĝis 1955 ŝi estis sekretariino de la Esperanta Ekzamena komitato. Plue ŝi estis komitatano de la internaciaj Esperantistaj Feriaj Kursoj en Elsinoro kaj Vejle. Ŝi ankaŭ multe verkis, du librojn lernolibreton kaj konsilaron por korespondantoj kaj multe da gazetaj artikoloj. Ŝi estis ofta kongresanto, partopreninto de 19 Universalaj Kongresoj. De 1922 ĝis 1929 ŝi prezidis la Societon de Danaj Esperantistoj. Krom Esperanto ŝi estis fervora pri teozofio, reenkarniĝo kaj pacifismo. Plue ŝi estis kontraŭstaranto de viando, alkolholo, kafo, teo kaj tabako. Ĉu jen tedulino? Tute ne! Ĉiuj, kiuj memoras Margrethe Noll rakontas pri bonkora, arda, tolerema virino, kiu havis mildan senton pri humuro. Hejme ŝi instruis la junularon, kaj unu el ili Paul Thorsen diris al ŝi, okaze de ŝia 80 jara naskiĝotago: Belaj kunvenoj sub via prizorgo spirita kaj ankaŭ materia, helpita de proksima bakisto. La patrino de la dana Esperanto movado mortis antaŭ 45 jaroj. De tiam ekzistas la Margrethe Noll Fonduso kiu prizorgas la tombon. La sama fonduso subtenas la edukadon de esperantistoj pere de kursoj kaj entute la Esperantan aferon en Danio. Betty Chatterjee 7

8 Nekrologoj Forpasis Svend Dragsted La 30 an de aprilo 2007 forpasis unu el niaj honoraj membroj Svend Dragsted (nask ) post longodaŭra malsano. Dum jaroj li estis UEA delegito. Li estis prezidanto de Centra Dana Esperantista Ligo (la nuna DEA) kaj de KEK , redaktoro de Kontaktilo kaj de Dansk Esperantoblad Li aŭtoris Esperanto grammatik kaj Miniatura vortareto dana Esperanta (1964). Li starigis la korespondajn kursojn en Dansk Esperanto Institut. Li multe kontribuis per skribaĵoj en la gazetoj kaj revuoj, en kaj eksterlandaj. Niaj kondolencoj iru al lia edzino Jastrid kaj familio, ke li restu en paco. Forpasis Brita Olson Ĉe sia forpaso la 24 an de aprilo 2007, Brita Olson estis 86 jara. Ŝi emeritiĝis kiel ĉefbibliotekisto de Kopenhago en 1986, sed dum multaj jaroj poste daŭrigis sian engaĝiĝon en Dansk Kvindesamfund (Dana Virina Societo, la plej malnova feminisma organizaĵo de Danio). Krome ŝi vigle interesiĝis pri historio ŝi fariĝis honora membro de la Societo pri la Historio de Kopenhago kaj estis ĉefaganto en la festado de la centjara jubileo de la kopenhagaj bibliotekoj. Brita kreskis en laborista hejmo, kaj estis la sola en sia klaso kiu pluedukis sin en gimnazio. En 1946 ŝi ekzameniĝis el la Ŝtata Biblioteka Lernejo; tiam ŝi jam estis lerninta Esperanton kaj aktivis kadre de Dana Laborista Esperanto Asocio, kiu bedaŭrinde hodiaŭ ne plu ekzistas. Ŝia lasta kontribuo estis prelego en KEK antaŭ kelkaj jaroj pri ŝiaj travivaĵoj kiel bibliotekisto. 8

9 PechaKucha Pecha kucha japanlingve signifas babiladon, sed en arkitektaj rondoj ĝi signifas specialan prezentomanieron: 20 lumbildoj montrataj dum po 20 sekundoj, do malpli ol sep minutoj al ĉiu prezentanto. La celo estas rapide interkontaktigi multajn homojn el rondoj dizajnaj, arkitektaj, fotistaj, artaj kaj ĝenerale kreaj. Grupo de kvar studantaj kaj unu profesia arkitektoj ĉi printempe invitis Ileana Schrøder prezenti Esperanton en tia kadro. La evento okazis en Det Danske Arkitekturcenter en Kopenhago, kaj se juĝi laŭ la postaj aplaŭdoj, ŝi sukcese atingis la celon prezenti laŭeble vigle la karakterizaĵojn de la Esperantomovado. Nova dana lingvorevuo En marto aperis la unua numero de Budstikken ( la mesaĝportanto ), revueto aperanta kvarmonate kaj temanta pri dana kaj nordiaj lingvoj, lingvohistorio, lingvoplanado kaj lingva politiko. En la unua numero aperis interalie recenzo de la libro Ĉu nur angla Eŭropo? de Robert Philipson, fare de nia membro Poul Kry Poulsen. Pli da informoj legeblas ĉe la retpaĝo de la eldonanto Modersmålskredsen ( la gepatralingva rondo, Gazeteltondaĵoj Dum la pasinta tempo atingis min nur informo pri krucvortenigmo kun la vorto Esperanto kaj mencio en libro de Isabel Allende pri la lingvo grave, jes, sed ĉu vere ne estis aliaj mencioj? Tamen: la dana radio (programo 4) la 26an de julio menciis la 120 jariĝon de la apero de la unua libro pri Esperanto. Tara aŭskultis kaj raportis. Aplaŭdinde! Ĉiam streĉu viajn okulojn kaj sendu ĉion pri Esperanto al Grete Nielsen, Bogensevej 37, 1 185, 4700 Næstved. 9

10 Junulare Roskilde Festivalo 2007 Ĉi somere DEJO iris rokfestivalen kun 45 homoj! Kune ni bone amikiĝis, laboris, koncertumis, montris Esperanton al multegaj homoj, travivis tempestan pluvegon kaj eĉ gajnis monon por DEJO. Kiel ĉio tio eblas samtempe? La Festivalo de Roskilde, la plej granda muzikfestivalo en norda Eŭropo kun cirkaŭ homoj, havas unikan organizan sistemon: La festivalo mem kunlaboras kun centoj da volontulaj asocioj, kiuj farigas multajn diversajn taskojn: Kontroli biletojn, vendi manĝaĵojn, fari radioelsendojn estas kelkaj el multaj eblecoj. La laboro estas reciproka interhelpo, tiel la volontaj asocioj povas havi biletojn senpage kaj ankaŭ povas gajni iom da mono por la asocio mem. Komence de ĉi tiu jaro, DEJO petis laboron de la festivalorganizo kaj ni ricevis interesan proponon kiu bone harmonias kun la Esperantoetoso: Ni devis zorgi budon kie oni akceptos malplenajn botelojn kaj skatolojn. Tiel ni ne prenis monon el homoj, kontraŭe ni disdonis monon ĉiutage. La budo estis fiksita al 45 laborantoj, kaj ni sukcesis inviti 38 esperantistojn el Europo kiuj venis labori kaj festumi kun ni. Por la lastaj lokoj ni invitis bonajn amikojn neesperantistojn (ankoraŭ), ĉar ni bezonis kaj la laborforton kaj la monon kiun ili povis gajni por DEJO. El la esperantistoj ĉ. 20 estis danoj el la tuta lando, ĉar en Aalborgo ekestis nova juna Esperanto grupo, el tie venis 8 komencantoj! La unuan fojon ni faris tian laboron kaj multajn aspektojn ni devis lerni. Tamen ĉio bone funkciis kaj la festivalorganizantoj diris ke ni bone faris kiel komencantoj. 10

11 Por loĝado ni havis grandegan tendumejon proksime de nia budo. Tie ni kreis altan flagstangon ene de granda komuna tendo. Estis tro malbona vetero por profiti de la tendo, sed dum unu semajno la esperanta flago flirtadis en la vento 7 metrojn supre, videbla de malproksime. Espereble ni faros la saman laboron venontjare. DEJO certe intencas tion, sed unue ni devas ankoraŭ peti tra la oficialaj kanaloj. Ni esperas jam kaj petos baldaŭ por Estos multe pli facile organizi kun niaj nunaj spertoj. Rasmus Høyrup Jensen IJK 2007 en Vjetnamio Freŝaj impresoj de VJETNAMIO, kie oni ĉiam ridetas kantas pli ol aŭskultas internacie konkursas pri ŝvitado povas kuraci gripon pere de masaĝo faras preĝon antaŭ ol transiri straton malriĉas se oni ne estas milionulo vekiĝas antaŭ la 7 a matene festivale manĝis sekalan panon kun haringoj kaj akvavito; kaj kie studentoj dormas sur tabuloj oranĝoj estas verdaj familio kvinope veturas sur unu motorbiciklo esperantistoj klopodis prononci la ses tonojn de la vjetnama lingvo pli ol 40 km/h estas rapidege kamionoj bruas tiel laŭte kiel ŝipoj. Legu pli en la venonta eldono de Esperanto en Danio! Rasmus kaj Karina 11

12 Loke Kopenhago La du kluboj KEK kaj DEFA Kopenhago kunvenas ĉiulunde en Bispebjerg Nordvest Kulturhuset, Dortheavej 61, 2400 København NV. En la kafejo oni povas aĉeti trinkaĵojn kaj manĝaĵojn, en la kunvenejo aĉeteblas kafo/teo. La kafejo situas en la teretaĝo, la kunvenejo en la dua etaĝo. La kunvenoj okazas kaj kursoj povos komenciĝi jam je la 17 a. La Esperanto Kulturgrupo (EKG) kunvenas monate en la Civitana Domo de Frederiksberg, Danasvej 30B, 2000 Frederiksberg. Kostas 10 kronojn por kafo/teo/kuko kaj 10 kronojn por la prelego. La kunvenejo troviĝas en la dua etaĝo, en la tera kaj unua etaĝoj troviĝas publika biblioteko. Okazos Lu 20/8 UK kaj EEU... du gravaj eventoj okazas ĉijare preskaŭ samtempe: La Universala Kongreso en Jokohamo, Japanio, kaj la kongreso de EEU en Maribor, Slovenio. Partoprenintoj rakontos. Lu 3/9 Jubileo kaj Historio 1: Fruaj jaroj En la historio de nia movado Frederik Skeel Giørling ( ) kutime estas nomata 'la patro de la dana Esperantomovado', dum la patrina titolo apartenas al Margrethe Noll ( ), epitetoj certe ne maltrafaj. Okaze de la baldaŭa 100 jara jubileo de Dana Esperanto Asocio ĝis la 1970 aj jaroj la nomo de la organizaĵo estis 12

13 Centra Dana Esperantista Ligo oni tamen ne forgesu aliajn honorindajn pionirojn de nia afero, ekzemple Marie Schrøder ( ), Christian Nielsen Vejbæk ( ), verkinto de la unua dana Esperanto lernolibro (1890) kaj Peter Kristian Toksvig ( ), fondinto de la unua Esperanto societo en Danlando (1897). Pri kelkaj el tiuj gravaj personoj rakontos Mogens Rude Andersen en la unua parto de nia programserio: Jubileo kaj Historio. Sa 08/9 Esperanto kultura Grupo havos budon ĉe la ekspozicio de Asocioj en en Solbjerg plads, Frederiksberg. Tiu okazos Esperanto kantado kaj muzikumado de Amir kaj Matthias. Di 09/ Internacia Tago (apud Peblinge Sø). La klubo havos libran budon. Lu 10/9 Rakontu pri vojaĝtravivaĵo kaj montru kelkajn fotojn. Sabate la 15 an de septembro La 2 a Lingvo Festivalo en Kopenhago, h. Ĉe la Gronlanda Domo, Løvstræde 6, Kopenhago K Legu la artikolon sur paĝo 3! Me 12/09 EKG: Hungara rekruta muziko. Prelego de Birthe Trærup kun muzikaj ekzemploj. En hungario oni komencis ĉirkaŭ la jaro 1920 rekruti soldatojn por nova armeo, kiu devis plifortigi la aŭstro hungaran monarkion. Por persvadi la junulajn kamparanojn oni uzis kiel logilon muzikon kaj dancon. El tio evoluis speciala, ĉarma muzika stilo, kiu rapide populariĝis ĉie. La muziko estis ludata de ciganaj muzikistoj kaj ankaŭ inspiris eŭropajn komponistojn. 13

14 Lu 17/9 Kursoj por komencantoj kaj daŭrigantoj komenciĝos. Krome, Dennis Priskorn rakontos pri VIKIPEDIO. Kio estas tio? Kial esperantistoj devas apogi ĝin por ke la Esperantoversio atingu artikolojn kaj pli? Kiel ni kontribuos al ĝi? Dennis certe respondos al tiuj ĉi demandoj kaj aliaj. Lu 24/9 Merkrede la 26 an de septembro tuta Eŭropo festos la lingvojn... Ileana Klarigos al ni, kial tiu ĉi tago estos tiel grava afero por la lingva afero. Lu 1/10 La studgrupoj komenciĝos. Jam nun ni scias, ke funkcios 'kiel kutime' la Faktoj kaj Fantazioj grupo de Bent Wiinberg. Kiel kutime signifas sinonimon de bona tradicio. Ambaŭ, tradicioj kaj novaj iniciatoj kunvivu en la klubo! Pro tio, Lis Thune jam akceptis la defion oferonte la jenan novan iniciaton: Ni proponu draman grupon gvidotan de Lis Thune. La celo estos la eventuala prezento de drameto ĉe la Zamenhofa Festo la 15 an de decembro. La ludado de dramo estas unu el la pli efikaj manieroj por perfektigi la fluan paroladon. Lis estas kontakebla pere de: Lu 8/10 Jubileo kaj historio 2. Karaj veteranoj,kion vi scias kaj kion vi memoras pri la historio de la Esperanto movado dum la lastaj kvindek jaroj? Karaj malveteranoj, ĉu vi havas trafajn demandojn pri la dana movada historio? Pripensu la aferon! Ni petas, ke vi sendu oftertojn pri prelegetoj kaj demandojn al Betty plej malfrue la 24 an de septembro. Me 10/10 EKG Esperanto en mia vivo. Peter Weide prelegas pri sia Esperanto vivo, spertoj kun Esperanto kaj ideoj pri la nuna situacio. 14

15 Lu 22/10 Prelego. Ni invitos gaston por prelegi, pliaj informoj poste ĉe la redaktejo, kaj ni informos per la reto. Lu 5/11 Jubileo kaj historio 3. Ma 13/11 EKG Denove mi renkontiĝis kun espero.... Alexander Kogan prelegas pri la rusa poeto, komponisto kaj verkisto Bulat Okudzava ( ) kunkreinto de la amatora kanto en Rusio. Prelego kun diversaj muzikekzemploj el kompaktaj diskoj. Lu 19/11 Numerludo la ĉiunovembra tradicio. Lu 3/12 Jubileo kaj historio 4. Lu 10/12 Lasta kunveno kun kursoj kaj studgrupoj en Sa 15/12 Zamenhof festvespero. Ĉi jare la Esperanto Kulturgrupo EKG, kaj la Esperanto kluboj DEFA/KEK invitas al komuna ujutna Zamenhof festvespero en Kopenhago. Dum la aŭtuno aperos pli da informoj pri la programo, lokalo, adreso, limdato por aliĝi, kontaktulo(j) por aliĝi ktp. Feliĉajn festotagojn kaj ĝis revido dimanĉon la 6 an de januaro en la Kulturo Domo, kiam ni festenos la centjaran datreveno de KEK. Mikaelo Bronŝtejn, fama esperanta verkisto kaj bardo, gastante nin posttagmeze gitare ludos kaj kantos siajn belajn komponaĵojn. Baldaŭ aperos la informoj! Okazis La 14 an de aprilo kvin esperantistoj de Kopenhago kaj proksimume 25 esperantistoj el diversaj svedaj urboj partoprenis sukcesan Printempan Feston aranĝitan de la festkomitato de la Klubo Esperantista de Malmö. Eĉ la vetero printempis laŭ la plano! Oni ĝuis bongustan vespermanĝan menuon, kaj poste eksa membro de la Malmö klubo Rune Moln de Jönköping vigle rakontis pri sia Esperanta Ekskurso tra la vivo. Li 15

16 montris al ni siajn lumbildojn de la diversaj vojaĝoj tra la mondo, sed ankaŭ pri sia infanaĝa intereso pri la lingvo kaj kiel li unue memstudadis la lingvon pere de Esperanta ŝlosilo. Koran dankegon al la festkomitato pro la treege agrabla festo! La 16 an de aprilo KEK/DEFA gastigis la kuturan urbestron Martin Geertsen en la klubo. La vespera temo estis Esti ne dano en Danio. Pluraj el niaj klubanoj kaj amikoj radikas en aliaj landoj. Amir, Ana, Betty, David Emil, Eugeniusz kaj Ileana rakontis pri siaj spertoj, bonaj kaj malbonaj. Oni ankaŭ rakontis pri siaj esperantaj spertoj. Okazis dum la aranĝo vigla diskutado pri la situacio de eksterlandanoj en Danio. Ĉu ni sukcesis esperantigi nian gaston?! Kompreneble ne! Sed li aŭdis nian lingvon, kaj li iomete surpriziĝis pri la sufiĉe granda ĉeestantaro (proksimume 35.) Lundon la 7 an de majo ĵurnalisto Ole Stig Andersen vizitis la klubon por paroli pri la monda lingva situacio kaj la valoro esti multlingve kapabla. Eĉ se li opinias, ke Esperanto ne taŭgas kiel lingva solvo, li komprenas ke nia lingvo estas utila por atingi nekutimajn vojaĝajn spertojn. Li informis nin pri projekto de lingva muzeo en Jutlando. Kiel la urbestro, li surpriziĝis pri la egale granda kaj vigla ĉeestantaro. Verdire estis sufiĉe malfacile haltigi la diskutadon je la horo! Ole jam konsentis partopreni la lingvo festivalon la 15 an de septembro. La 14 an de julio ni renkontiĝis ĉe Lene kaj Jan Niemann por ekskurso en Helsingør. Entute estis 13 partoprenantoj, inkluzive de juna ĉarmulino, kiu vivis kiel lernanto en Bona Espero en Brazilo. Nun ŝi mem instruas. Jan esperante ĉiĉeronis pri la historio kaj prezentis diversajn aĵojn. Li gvidis nin tra la malnova urbo kaj suplementis per rakontoj. Kiam ni revenis al la hejmo estis bazo por plia klarigo. 16

17 Århus Prezidanto: Stanisław Mielczarek, Søndervangen 10, 1. th., 8260 Viby J. Tel./fakso: , retpoŝto: Kunvenejo: Senior Centret, Østergade 30, 2., 8000 Århus C. Kunvenoj: lasta (kun esceptoj) ĵaŭdo de ĉiu monato je la 19:30 h. La ĉi jara somero ne estis tro bona, tamen la plej multaj el ni ĝuis tiun sezonon, ĉu ne? En septembro ni denove ekaktivos en la E kluboj. Bedaŭrinde niaj vicoj malgrandiĝas, plej parte pro la aĝo. Tamen ni ne rezignu, ni agu! Okazos 27.09: Niaj someraj travivaĵoj :? 29.11: Hungario rakontas Stanisław Mielczarek : Zamenhof kaj Kristnaskofesto. Okazis 10.06: Somera ekskurso. Unue ni planis viziti la Skandinavan Bestoparkon proksime al Kolind, Djurslando. Tamen tiu tre interesa parko, situanta je kvadratmetroj de djurslanda naturo estis tro granda entrepreno por ni maljunuloj. Tial ni ŝanĝis la programon kaj ekskursis al Okupacia Muzeo kaj la Virina Muzeo en Århus, kiuj situas en la sama konstruaĵo, vid al vide de la katedralo. En la unua muzeo ni povis konatiĝi kun la batalo de danoj kontraŭ germanaj okupantoj dum la 2 a mondmilito. Rigardante multajn ekspoziciaĵojn oni ne povas kompreni, ke la kultura nacio 17

18 germanoj tiom ofte estis la kaŭzo de naciaj tragedioj en diversaj partoj de la mondo, ankaŭ en la eta Danio. Ankaŭ la dua muzeo, la Virina Muzeo, estis tre interesa. La multaj ekspoziciaĵoj kaj bildoj montras la vivon de virinoj de la pratempo ĝis hodiaŭ. La situacio de virinoj ofte ne estis facila. La speciala ekspozicio pri balotrajtoj en Eŭropo klare montras, ke eĉ je nia kontinento virinoj ne estis traktataj La virina muzeo (el ĝia retpaĝo) egale kun viroj. Ekzemple la unuaj landoj, kie virinoj ekhavis balotrajtojn estis Islando, Grekio kaj Finnlando. Tio okazis en 1906, sed la lastaj estis Svislando kaj Liĥtenŝtejno, kie virinoj fariĝis egalrajtaj nur en la jaro 1984! Post komuna lunĉo en Mackie s Pizza ni veturis al La Japana Ĝardeno en Trige, norde de Århus. La geedzoj Karin Friis Nielsen kaj Michael Nielsen neniam estis en Japanio, sed revis pri japana ĝardeno. Unue ili aranĝis tian en ilia privata ĝardeno, sed kiam Lisbjerg Planteskole estis vendata ili tuj ekagis kaj aĉetis ĝin. Kiam ni vizitis la ĝardenon ĝi ankoraŭ ne estis finaranĝita. Susumu Yamanak kaj liaj kunlaborantoj finos ĝin en aŭgusto. Tiam ĝi ampleksos sur kvadratmetroj belegajn florojn, arbustojn, pontetojn, ŝtonvojetojn, akvofalojn, butikon kun luksaj orientaj varoj, masaĝo centron kaj du luksajn restoraciojn. Ni intencis lunĉi tie, sed kiam ni ekstudis la prezojn ( kr.) ni estis feliĉaj, ke... la restoracio estis rezervita tiun dimanĉon! Tamen ni rekomendas al ĉiuj viziti iun japanan ĝardenon; estas kelkaj en Danio. Stanisław Mielczarek 18

19 Næstved Sekretario: Grete Nielsen, Bogensevej 37, 1 185, 4700 Næstved, tlf , rete atingebla pere de: eho esperanto@stofanet.dk Okazos La provizora plano estas: Ve je h 19.30: Kunveno kun trakto de ĉapitro 18 de Faktoj kaj Fantazioj. Ve je h 19.30: Kunveno kun trakto de ĉapitro 19 de F+F. Ve je h 19.30: Danlingva prelego. Temo anoncota. Ve je h 19.30: Kunveno kun trakto de ĉapitro 20 de F+F. Ve je h 19.30: Danlingva prelego: Temo anoncota. Ve je h 14.00: Kunveno kun trakto de ĉapitro 21 de F+F. Ve je h 14.00: Kunveno kun trakto de ĉapitro 22 de F+F. Okazis Sabate la 9 an de junio ni okazigis nian kutiman someran ekskurson. En privataj aŭtomobiloj ni iris al gastejo Malerklemmen apud Borup, kie renkontis nin kopenhagano. En la brila,varma somera vetero ni marŝis al apuda lago, kie ni manĝis la kunportitan lunĉon. Posttagmeze ni kaftrinkis kun benjetoj en la gastejo, kie videblas multe da pentraĵoj. Sataj fizike kaj spirite ni poste bonorde reiris al niaj respektivaj hejmoj. Odense La unuan fojon en Odense, DEA partoprenos la Krop Sind Ånd foiron, okazontan de oktobro 2007 en Marienlyst Centret, Windelsvej 138, ĉiutage inter h. 19 eho

20 Monde Sukcesa EEU kongreso Inter la 28 a de julio kaj la 4 a de aŭgusto okazis la 7 a kongreso de Eŭropa Esperanto Unio en Maribor, Slovenio. Partoprenis 256 personoj el 29 landoj, inter ili 7 danaj esperantistoj. Rimarkinda estis la ĉeesto de eĉ 2 anoj de Eŭropa Parlamento: Małgorzata Handzlik el Pollando kaj Ljudmila Novak el Slovenio. Krome unuafoje parton de la kongreso, t.e. la konferencon titolitan Interkultura dialogo kaj komunikado, kunfinancis la Eŭropa Komisiono. Dum la kongreso oni festis la 120 jariĝon de Esperanto per grandega kuko Kadre de la konferenco okazis vizito de kelkaj konferencanoj al hejmoj de Mariboranoj, por konstati vivkulturon de slovenoj, babili kaj konstati diferencojn kaj similecojn. Tiun viziton mi mem spertis kune kun dana kongresanino Birgit Andersen kaj hispana kongresano. Ni vizitis hejmon de slovena oficisto kaj lian familion kaj trapasis kelkajn horojn en tre agrabla etoso. La programo havis interesajn prelegojn, precipe tiu de la EP aninoj kiuj parolis pri Interkultura dialogo kaj komunikado en Eŭropo (Handzlik) kaj La kono de lingvoj por pli bona komunikado (Novak). 20

21 Paralele kun la konferenco pri Interkulturo okazis konferenco kun ekologia temo: Akvo, kaj ĉiutage oni povis ankaŭ laŭvole sekvi filmojn pri tiu temo. Mi havis la eblecon finfine rigardi la filmon de Al Gore Malagrabla vero, kiun nia dana partoprenanto Sofi Katarina Tyshøy kunportis al Maribor. La urbo Maribor estas bela kaj ĉarma, kaj dum la kongresa ekskursa tago ni havis ankaŭ la eblecon traveturi grandan parton de tiu belega lando, ĝia naturo kun akvofaloj kaj pitoreskaj lagoj ĉirkaŭitaj de la Alpoj, sed ni ankaŭ vizitis la ĉefurbon Ljubljana kaj aliaj kongresanoj vizitis alian faman mirindaĵon: la grotoj de Postojna. Dum la kunsido de asembleanoj oni decidis ke la EEU kongresoj nepre devas okazi printempe ĉiun duan jaron, kaj la estraro de EEU decidos baldaŭ ĉu ni kunvenu jam venontjare, pro la fakto ke en 2009 okazos la baloto de novaj EU parlamentanoj, kaj se ni volas inviti ilin, tio devas okazi jam en La Esperanta urbo Herzberg invitis nin por 2009, do la estraro kontaktos ilin por vidi ĉu ili povas gastigi nin pli frue. Parolas Ljudmila Novak kun interpretado en Esperanton La venonta jaro estas proklamita de EU la jaro de interkultura dialogo, kaj la konkludoj de nia konferenco konstatis interalie ke la proklamo estas grava kontribuo al pli harmonia rilatado inter la diversaj nacioj, religioj kaj rasaj diferencoj en 21 Parolas Małgorzata Handzlik en Esperanto

22 Eŭropo, ke la interkultuta dialogo postulas la forigon de lingvaj baroj, kaj ke por havi facilan komunikadon kaj lingvon kiu simbolus tuteŭropan identecon estas necese trovi neŭtralan lingvan solvon, kiu respektas samrajtecon kaj multlingvismon de ĉiuj civitanoj de Eŭropo. Fine, la partoprenantoj rekomendas al Eŭropa Komisiono mendi sciencan studon pri la ebleco apliki Esperanto por antaŭenigi la interkulturan dialogon inter diverslingvanoj en Eŭropa Unio. UK en Jokohamo Ileana Schrøder Inter la 4 a kaj 11 a de aŭgusto 2007 eventis la 92 a Universala Kongreso de Esperanto (UK) en la japana urbo Jokohamo. UK estas ĉiujara impona manifestado de Esperanto, kun multaj programeroj ne nur en la kongreso mem, sed ankaŭ en diversaj antaŭ kaj postkongresoj. La jenaj informoj estas mallonga resumo la informoj legeblaj ĉe la retejo Libera Folio ( kie oni ankaŭ povas aŭskulti sonregistraĵojn de la gravaj eventoj, interalie la ferman paroladon de la nova prezidanto. Tuj antaŭ la inaŭguro de UK, en la Eŭropa Instituto de la universitato Sophia en Tokio, okazis la kvina Nitobe simpozio. La ĉeftemo de la simpozio estis la rolo kaj perspektivo de eŭropdevenaj lingvoj en Azio. Inter la prelegintoj estis Robert Phillipson, la aŭtoro de la verko Ĉu nur angla Eŭropo. La titolo de lia prelego estis La nova lingvo imperia ordo: lecionoj eŭropaj kun tutmonda signifo. Novaj honoraj membroj de UEA estas Konisi Gaku el Japanio kaj Endre Dudich el Hungario. La decido, farita de la komitato de UEA sabate, estis anoncita en la inaŭguro dimanĉe. Tiutage kunsidis ankaŭ la laŭtemaj subkomitatoj de UEA, kaj komenciĝis la prelegoj de la Internacia Kongresa Universitato. La tutan semajnon de UK plenigas kulturo, eduko, komitatkunsidoj, distrado... krom 22

23 merkredo, kiu estas dediĉita al ekskursoj. La lasta kunsido de la komitato de UEA komenciĝis vendrede matene je la 9 a horo. La Dasgupta nova estraro, en kiu la barata (=hinda) Probal Dasgupta anstataŭas la italan Renato Corsetti kiel prezidanto, estis elektita de la Komitato jam lunde. El la ses aliaj estraranoj, du estas ekstereŭropanoj. Kiel nova landa asocio de UEA estis akceptita Asocio de Esperantistoj de Taĝikio, kaj kiel nova komitatano C estis elektita Josep Franquesa Solé, prezidanto de Kataluna Esperanto Asocio, kiu ne estas landa asocio de UEA, kaj tial ne havas la rajton nomumi propran komitatanon A. En la lasta tago de la kongreso aliĝis ankoraŭ tri novaj kongresanoj, tiel ke la sumo de aliĝintoj iĝis ekzakte Krome multaj japanoj, kiuj ne povis ĉeesti la tutan aranĝon, aĉetis tagajn biletojn. Post la komitata kunsido, en la apuda salono Lapenna estis diskonigitaj la rezultoj de la Belartaj Konkursoj de UEA. Ĉi jare estis neniu konkursaĵo en la sekcio filmoj. La lastan tagon de la kongreso kronis la aŭkcio, laŭtradicie sub la gvido de Humphrey Tonkin, publika kunsido de la Akademio de Esperanto, kaj la internacia arta vespero. Sabate matene je la deka komenciĝis la Solena Fermo. Dum la ferma ceremonio apartan atenton vekis la urbestro de Bjalistoko, Tadeusz Truskolaski, kiu parolante en bona Esperanto bonvenigis la kongresanojn al la jubilea Universala Kongreso en Bjalistoko en la jaro La kongreso de 2008 okazos en Roterdamo, pro la centjariĝo de UEA, kaj la oficiale tiel nomata Esperanto urbo Herzberg am Harz en Germanio jam proponas grandan dujaran datreven feston meze de julio, tuj antaŭ la UK. 23

24 Esperantio en koloroj Movada Foiro en la jokohama UK unu plia aspekto de nia komunumo. Ĉi tie la budo de Ĉina Radio Internacia. Jen la impona halo Esperanto en Fulda, Germanio, prilumata dumnokte. Ĉu vi povas vidi la homojn? Jen parto de la ĉeestantoj de la solenaĵo en Bona Espero la unuan de julio, okaze de la 50 jariĝo de la orfejo. Ĉi tiun bienon/lernejon en Brazilo gvidis dum ĉiuj 50 jaroj la geedzoj Grattapaglia.