Å gensyn å æ kartøffelmelsfabrik den 4. novembe!

Æ Blaj...tæ bevarls af æ sproch å kultue Oktobe 2008 nr. 34 Å gensyn å æ kartøffelmelsfabrik den 4. novembe!

Æ formanns jørn Egon Adolphsen, Synnborre Nå æ vi aue halvejs i mit føest åe som formann, å det ha igrunnen væt helt sjau. Dæ ha væt manne tæ di ting vi laue. Å Bov Kro va vi endda 8 meje end dæ va tæmelt. Æ ha lich melt mit ollebarn in i æ fåening. Både hans fae å moe snakke synnejysk, så vi æ i gang mæ næste generasjon synejyer. Han æ føjt i juli å fåstæe ollereje synnejysk humor. Genneralfåsamling 2009: I ka rolle møje op tæ genneralfåsamling, få oll dem dæ æ mæ i æ bestyrels æ ville tæ genvalch. Meeeen vis då sku ha lyst tæ å væ mæ i æ bestyrrels, væl vi gern høe fra dæ. Dæ æ oltien sjaut mæ et kampvalch. Dæ opdaut æ jo siest gang. Ann Posselt, Verner Beck å Egon Adolphsen æ å valch. Ny mælemme: I ska olle gøje reklame for æ fåening. Vis nye melle sæ in nå, så gælle æ kontingent for æ rest æ 2008 å få hele 2009. Få 100/150 kr. ka I deltaje i olle vos sammenkomste 2008 å 2009, - få Æ Blaj 4 gang i æ åe, - deltaje i æ generalfåsamling vå dæ æ unneholning med Villys Kaffeklub, fællessang å goej ma. Kun mælemme ka kom ind tæ æ generalforsamling. Vi væl gern ha tæmelling, så vi veje vo manne guel æert vi ska koch. Kontingent: Fra næst gang ka I betal jæs kontingent øve PBS. Det æ nemme både for vos å få jæ. Vagn Rasmussen s jørn MODERN TIER Peter sætte in i æ stue å spille fobul å sin kompjuter. Hans far komme forbi å spø om det it va bærre vis han spille fobul u i æ hau. - Nej saje Peter, æ lejning er få kort. 2... stiftet tæ æ bevarls af æ synnejysk sproch å kultue

Yngst mælem (2 mdr.) (lich nå d. 20.9.2008) Mads Ingeman Nielsen fra Asserballeskov æ føjt den 26 juli 2008 og lich nå det yngst mælem. Han er blæven melt in a sin ollefa Egon Adolphsen i Synneborre. Æ fik lau tæ å pass ham helt oljen i 1 1 /2 time i sist uch. Han ka enå it snak synnejysk, men æ æ helt sikke å, at han fostæe synnejysk humor, få han grinn æ hele ti nåe han kigge å mæ. I sist numme a Æ Blaj ku vi løes om jet a vos ældst mælæmme å 90 åe. Æ kænne jen å 92, som æ mælæm. Han hee Kjeld Posselt å boe i Nimdrup op mæl Horsens å Silkeborg. Kjeld blæv føjd d. 21/7 1916 i Møltønne. Han sie sjal, han æ et orlovsbarn, da hans far jo vå mæ i føest verdenskrig fra 1914 1918, men kom imæl hjem å orlov. Kjeld æ landmand, å arbæet å forskelle gåe i det synnejyske. Han blæv givt mæ Elin Braae i 1946. Hun stammet fra en gåe i Nimdrup, men haj tjæn i Møltønne, å da de blæv givt forpagtet de Elins barndomshjem, å i 1961 ævetav de æt, å hee boe han ino. Dæ æ dog it mee landbrug te æ gåe. Kjeld ha alle glemt, hvor han stamme fra. Han har væt aktiv i Grænseforeningen, snakke stadig synnejysk, å hvor læng han har væt mælæm a Æ Synnejysk Forening vej æ it, men æ vil tro, de ha væt fra æ start a. Å æ beld æ de fra venstre: Christian (ham dæ indløs Æ Blaj å båån), 94, Helge, 84 å Kjeld, 92, Posselt. Så vidt æ vee, æ de kun Kjeld, dæ æ mælæm, mæn æ arbæe å å få di anne mæ å skrive Ann Posselt.... stiftet tæ æ bevarls af æ synnejysk sproch å kultue 3

Besøch å æ Kartøffelmelsfabrik Den 4. novembe æ klok 7 er dæ jo vi skal å besøch å æ kartøffelmelsfabrik. Dæ æ lich nå godt 100 man tæmelt, så dæ æ stadich plads tæ manne, så se å få jæ melt tæ væ Karin! Vi møes å æ kartøffelmelsfabrik, som læche lich sy fo æ rundkørsel væ Tautlund, å Tynnevej nåmme 3. Bruch den midtest af de 3 indkørsle, tæ æ fabrik, hva enten i komme fra sy eller nor. Køe om tæ æ brovæcht, hvo dæ vel væ parkering, uddeling af kitle å hatte samt betaling af kaffe 4... stiftet tæ æ bevarls af æ synnejysk sproch å kultue

(100 krone), hvoette man få udelt en kaffekupon tæ æ Brundtland Hotel. Dæ ska bliu spænnen å se den ny proteinfabrik, som æ lich væ å bliu taun i bruch. Dæ bliue levee cerka 17-18 tusin tynne kartøfle hve dau, såm forarbejdes tæ ca. 300 tons kartøffelmel i æ døjn. 90% af æ produktion ekspoteres tæ mee en 100 land! Kom å se hvo Frode æ føjt å ha haj sin opvækst, mens hans moe arberet som bochholde å æ fabrik. Vi vel bliv rundvist i minner grubbe å ette ca. 1 1 /2 tiem køe vi tæ æ Brundtland Hotel, som læche væ æ sie af ders golfbahn å fæe æ kaffe. Kik å æ kort, hvo både æ kartøffelmelsfabrik å Brundtland Hotel æ afmærket. VI glæe wos tæ o vis Je runt, Frode og Peder.... stiftet tæ æ bevarls af æ synnejysk sproch å kultue 5

Et pa historje å synnerjysk Fra Knui, æ doktes søn fra Hoptrup v/knud Ottosen En spann vann Ette føest verdenskrich blev a haun i Harsle for lille. Så va di jo nøj te å lau en større. Da di va færre me æ ubygning og sku hol æ inviels, sent a bormeste i Affenrå en spann vann me æ rutebil te Harsle, fo di sku da ha noue å put i den ny haun! Æ Kleinbahn De va dengang æ Kleinbahn køe i Harsle Amt. Oll æ toch sku in te Hadersleben Haubtbahnhof, æ Amtsbanegåe o æ Jomfrusti, wo oll dem de kom syj-fra sku skivt, vis di vil længe vest-å eller noe-å. Så va de en kuen, hun kom fra Mastrup og sku hiel te Styding. Hun sku så skivt o æ Amtsbanegåe, fo hun sku jo mæ æ stoue ban vest-å te Styding. Hun fant got nok å æ toch å kom op i et, men så ku hun jo se o æ klok, at de lích var ti te å smut hen o de lille hus. Se, dengang gik a dame med løjs manchéte, så hun tau dem a å stéel dem ve a døer, fo di sku jo it bliv skiern. Nå, man da hun sat in o æ lille hus å viftet, så fløjt æ Stasionsforstanne. Hillemæn! De va jo æ toch te Styding! Hun foe á stej å op i æ toch, men da hun støj å kigget ue a æ vinne, så såe hun hins manchéte stå neej ve æ døer te æ lille hus. Herr Stasionsfostanne! Herr Stasionsfostanne! Min manchét! Min manchét! Ja! Wenn der Mann sche et, dann kann er ni t mitkommen!. Vagn Rasmussen s jørn Æ A FAE TE KNUE? Han lå o det siest å taeld æ kuen ind te sej, a hae et spørsmåel som a will stell te dej. Den yngst a wor bøen, altså Knue nomme sejs han ligne slet et di ande, werken o æ håe helle æ næjs. A hae spekulee oet så tit, å no fåwindte a et ærle swae sej mæ hæe te sist Marie,æ a Knues fae?? Hun keeg ham i æ øjen, å som swar o hans spørren soej hun mæ fast stem: Jo, do æ Knues fae bette Jørren Men da hun kam ue i æ køkken haej hun swee o sin pande: Å stønnet: Det wa da et held te han et spue om di 5 ande 6... stiftet tæ æ bevarls af æ synnejysk sproch å kultue

Vahlfangst i Affenraa Fjoue v/birthe Hansen, Synneborre Siest somme haj æ besøch a min børnebørn fra Sjælland. De ælske å væe i æ sommehus, væe å æ straen, vo de fange krabbe å reje, å baie æ dau lang. Æ fiske i Affenraa fjoue mæ garn, å det bæest de vee, æ å kom mæ momo ue å taj garn op om morne. Så vi roej ue å æ hav, hvo æ haj sådden æ garn å 20 m vand, da dæ æ manne krabbe i æ midt a juli. Føst kom dæ en fin leuen tosk. Æ unge jublet. Ette 20 mete kom så en lille sølle flafisk, som røch ue ægen, men så blæv æ garn så tung, så tung. Æ troi æ garn hang fast i naue å æ bund, men æ garn gav sæ æ lette vette æ hele tie. Tæ sist kunne æ it meje, å soi tæ Katrine: Dæ æ naue helt galt! Hun læn sæ ue øve æ ræling så stirre hun å mæ å saie stammend: Momo, då ha fanget en delfin!!! Æ læen mæ ue å så to lyseblå øjn å en perlerække a vie tænne. Det va et stoue marsvin!! Mit hjart hamret helt vildt, men så fik æ di helt øvenaturle momo-kræfte å fik æ dye lirket op i æ båe. Da det kuns æ en lille glasfibe jolle æ hæ, loi den å mit skøe. Vi fik de siest mete garn indenboes, heven æ bøje op, å æ båe va stopfuld. Dæ må ha våt et uekomisk syn å se to børn i æ fåstaun, mæ mæ æ marsvin å æ skøe, å æ fiskeballe mæ tosk, garn å bøje i æ agtestauen. Se det va en richte fiske historie! Æ vill helle ha våt den foruen. Æ marsvin vejet 40 kg.... stiftet tæ æ bevarls af æ synnejysk sproch å kultue 7

Fuldt hus te sangauden å Trøjborg 168 mand vå møt op te sangauden å Trøjborg, de bleu en rechte glant auden, vi hai arrangere 3 ung musikande, Rune me guitar, Jacob å keeboad å Jesper å tromme. Vi fik Andreas, æ kromand fra Gram te å syng for. De gøe et rechte got, å ind imel æ sang, rystet Andreas en lille historie ue a æ ærm. Tak for dæ Andreas! Publikum song a fuld hals de goi gammel velkæn sang, men å nye å liså goi og velkæn sang vå me å a rebetuar. Æ musikande vå rechte goi te å find æ rytme, vå vi ål ku syng mæ. Fo te vå sangstem it sku lie ævelast, hai vi arrangere unneholdning væ de 3 Tenar, som hede Allan, Daniel og Jonas. De komme fra Århus, men Jonas de oprindle komme fra Genner, ævesåt te Synnejysk. De lavet paodier æver Morten Koch å møje ant sjau, jo vi fæk brucht æ lattamuskler. 8... stiftet tæ æ bevarls af æ synnejysk sproch å kultue

Så va de sæfølle det hel stoe synnejysk kaffeboe, som Johanne fra Trøjborg hai arrangere, de vå rechte manne slaus kach. Dæ manglet it naue! Ålt i ålt en richte glant auden. Verner Beck. Æ Synnejysk Forening Indkalder til ordinær generalforsamling tirsdag den 17. februar 2009 kl. 18.30 i SI-Centret i Nr. Hostrup. DAGSORDEN: Valg af dirigent. Bestyrelsens beretning. Regnskabsaflæggelse. Indkomne forslag. Valg af bestyrelse Valg af bestyrelsessuppleant Valg af Revisor eller revisorfirma Valg af revisorsuppleant. Eventuelt Forslag der ønskes behandlet på ordinær generalforsamling, skal skriftlig være bestyrelsen i hænde senest den 1. Januar 2009 Bestyrelsen... stiftet tæ æ bevarls af æ synnejysk sproch å kultue 9

Gammel dau Min bestefae i Bollesle v/preben T. Clausen, Viborg Min bestefae, Kedde Clausen, va smej i Bollesle. Han va jen a di føest i Synnejylland dæ haj en motosykel. O de hæe gammel belle fra omkreng 1910 ka man tyle se vo stolt han va a en. Han va å jen a di føest o di kante, dæ køe i biel - en Ford T så vit æ vee. Min fae, Pede Clausen, som no æ 91 åe gammel, hæ fåtool den hæe lille historie. En daw sku min bestefae til Perbøl å law et styk arbe. Min fae, som va en lille knejt dengang, fek lov te å kom mæ. De køe te Perbøl å fek lawe det di skul, å da di så køe tebach opdawe di a dæ lå et jernrøe met å æ vej. De ka vi bruch, de tæje vi mæ, soj min bestefae og fek stoppe æ biel. Da han så kom hen å fek kechen de hæe røe ledt nærme an, ja så vist de sæ, te de va æ ustøjningrøe fra hans ejn biel. De haj de taft o æ uvej uen å opdaw et. 10... stiftet tæ æ bevarls af æ synnejysk sproch å kultue

Arrangementer: Tiesda Besøch i æ Katøffel- Hygge å Brundtland Hotel 4. novembe melsfabrik i Tautlund Et pa sang. Kaffe å kach kl. 19.00 Det koste 100 kr. inklusiv kaffeboe. Tæmelling tæ Karin Max 180 pesone. Synda Synnejysk Gudstjænest Præst: Poul Møller, Bov 30. novembe i Gram kirk Organist: Dennis Fick. kl. 14.00 Gløgg, kaffe å æfelskiver å Den Gamle Kro i Gram. Tæmelling tæ Karin Max 300 persone. Tiesda Generalforsamling i Solæch, 17. februar 2009 SI-centret i Nr. Hostrup Guel ært mæ æ kl. 18.30 hele svineri, Kaffe. Unneholdning ve Willys Kaffeklub Tæmælling: E-mail: karin@synnejysk.dk elle tlf. 20 95 43 50 tiesda - toesda 19-21... stiftet tæ æ bevarls af æ synnejysk sproch å kultue 11

Næste uegau af Æ Blaj komme i januar 2009 Æ Blaj blive inløjst å CD af KLO Torvegade 1 6600 Vejen Tlf. 75 36 31 78 Æ Synnejysk Forening Forman: Egon Adolphsen, Ringløkke 18, 6400 Synneborre, Tlf. 74 48 60 36, E-mail: egon@bbsyd.dk Næstforman: Tage Lametsch, Ulkebøl, tlf. 74 42 75 64 Bochholder: Karin Kaasgaard, tlf. 20 95 43 50 (kun fra kl. 19-21 tiesda tæ toesda) Bestyrels: Ann Posselt, Røjekro, tlf. 74 66 92 20 Verner Beck, Torp, Affenraa, tlf. 74 61 39 65 Frode Sørensen, Dyffel, tlf. 74 48 64 28 Ingrid Petersen, Gram, tlf. 74 82 18 55 Peder Luckmann, Tautlund, tlf. 74 83 02 84 Ny indmeldelse sendes tæ Æ Synnejysk Forening, att.: Karin Kaasgaard, Ribevej 38, 6500 Vojens, tlf. 20 95 43 50 (kun fra kl. 19-21 tiesda tæ toesda) E-mail: karin@synnejysk.dk Kontingente for 2008: 100 kr. som privatperson. 150 kr. pr. husstand (par m.m.) 60 kr. hvis man æ unne 20 åe. 150 kr. pr. husstand i æ ueland. 500 kr. for firmaer (inkl. annonce på æ jemmesie) Æ beløb ka indbetales å kontonummer 7910-1139677. Afsender: Æ Synnejysk Forening Att.: Karin Kaasgaard Ribevej 38 6500 Vojens