Sangauden å Trøjborg

Æ Blaj...tæ bevarls af æ sproch å kultue August 2008 nr. 33 Sangauden å Trøjborg

Ætte æ formanns skivt æ vi væ å finn vos ben å stå å. Vi ha holt naue richte goje bestyrelsmøje, vo vi æ blævn jens om, at vi dæ føest år væl køje lidt å tradisjoner, så vi it knække æ nak. Æ formanns jørn Egon Adolphsen, Synnborre 2009 Vi væl laue planer ollereje nå for næst år, å ha dæfå bruch få richte manne goje forslau tæ ting vi kan laue i Æ Synnejysk Forening, men I ska holl gott øje mæ æ Blaj, vo vi skryve om vos plane. Tæmelling I ska got nok væ rask mæ tæmællinger. Det føest møje væ æ Koffemøll, va fult optavn mæ manne å ventlist. Så ring mæ det saem tæ Karin, få å væ siche å å kom mæ. Dialektforening Vi ha skræven sammen mæ naue anne foreninger runt i æ laen, som haej tænt sæ å laue en forening for dialekter i hele Danmark. Få det føest æ synnejysk it en dialekt, men et sproch, mæ manne dialekte, å få det aent så æ æ bestyrels blæven jens om at vi vinte å se æ ti lit ann. Generalforsamling 2009 Vi flytte tæ SI-centret i Nr. Hostrup. Dæ æ it fordæ vi æ utifrajs mæ Acheskau Kro, men da vi ha planloej å laue en richte goej unneholning, bl.a. mæ Villys Kaffeklub så dæ komme richte manne folk, så æ det få lit plas i Acheskau. Det va ollereje væ å væ galt i år. Nau mælemme ha væt lit betænkle væ, om di nå kan lau solæch, å naue richte goej gul ært i SI-center. Dæm dæ kinne æ køchen i SI-centret saje, at dæ ka di saut. De ha å fåt å vie at di ska stræng sæ an få å læv op tæ Acheskau kro. Synnejysk Ambassade i Kjøfenhavn Vi æ væ å planlæch en bustur tæ Kjøfenhavn i æ forår 2009, få å høje om de ka snak richte synnejysk 2... stiftet tæ æ bevarls af æ synnejysk sproch å kultue

dææve, å samti væl vi prøv å møje de synnejyske folketingsmælemmer å Christianborg. Fremti Æ troe it vi ska æ bang få at det Lykke Stuhr fra Synneborre æ 90 år gammel, og hun æ jen a vos ældst mælemme. Hun ha væt mælem i 4 år. Hun æ fynbo å føjt i Svendborg, å kom tæ Synnejylland i 1939. Hun boe i Synneborre å snakke Synnejysk mæ en dejle fynsk klang. Hun haj it ti tæ å snak mæ mæ før ætte klok hal tål, få hun sku liche u å skye mæ riffel føst. (hun skøj 132 u a 150 mule) Æ dæ naue dæ kinne et mælem dæ æ elle in Lykke Stuhr, hø vi gjern fra je! Ring elle skryv tæ æ forman, 7448 6036 elle egon@bbsyd.dk synnejysk sproch forsvinne lich mæ dæ saem. Siest dau møjt æ en bestefar å hans 12 år gammel barnebarn å æ genbruchsplas i Affenraa. Æ knajt snakke en richt fiin Affenraask dialekt uen å bruch rigsdansk. Vagn Rasmussen s jørn EN GALT STOE PITSA!! Hans Pete fik løst te en pitsa en daw, så ringet han å bestield jen a den oldebæest slaw. Men da han skuld hindt en, så staj han å spue, æ bage, om wodan den skuld skjæers ue, no han skuld hjem å smage. Do ka fåe en i to, fie, helle i oet støkke som do will, det æ bae å sejet, så skjær a en straks till. Hans Pete staj let mens han tændt grundig oet, A må helle nøjes mæ 4 støkke, a ka west et spies oet! (fra æ OK klub i Ha sle) EN DJENTELMAND!! Æ dætte soej te hind moe, at hun blew skidt tepass i æ bus da hind fae soej: Rees dej å gi den ung dame din plads! Æ moe tøt at det wa da kons fådet, at fae wa en djentelmand, få en ska jo wiis hensyn te ande så godt en kan. Så det wa et næwe å bliw fånærmet æwe dit lille fæ! Jammen moe, min plads wa jo da o faes knæ! (fra Karens blaj i Berlin)... stiftet tæ æ bevarls af æ synnejysk sproch å kultue 3

Sangauden å Trøjborg Tisda d. 9 sep. kl. 19.00 Vi gentaje æ syksæ fra sist åe, vå Rune, Jakob, og Jesper spelle tæ fælles sang. Dæ ue æver blive dæ unneholdning, vo dæ æ lykkes vos å få fat i de 3 tenar, emems vi vile æ stemme. Ålle krefte vel bliv resevee tæ æ lattemuskle ka vi sekre je! ( Se mee å des jemmesie, www.de3tenar.dk ) Di æ Allan Hansen, Daniel Kastrup o Jonas Diemer. Di ha optrot sien 1998 me et utrole repetoar. Di ha lowt wås o unnehol å synnejysk, so møje dæ nå ka lasse gøe. Å sæfølle æ dæ o synnejysk kaffe boe. Glæi je te en glant awten o så se å få temælt, da dæ kun æ plast æ 180 persone, da dæ gåe ette føst tæ møl! Pris 110,- kr Tæmelling tæ Karin Tlf.: 2095 4350 tisda te tosda kl. 19-21 eller karin@synnejysk.dk 4... stiftet tæ æ bevarls af æ synnejysk sproch å kultue

Æ katøffelmand! Frode Sørensen Te nåvembe ska wi besøche æ katøffelmelsfabrik i Touflund, å det bringe æn lille åplewels op. Æ æ føj å æ katøffelsfabrik op å æ lout. Nedenunde hade min moer kontoe, hun va bochholde. I 1951, da æ wå fem åe, høje æ æn måren, at min moe sankket i telefoen mæ min måster op i æ by, å æ høje, at måste Astrid hun wantet katøfle. Den daw skuel bliwe min føst daw som sælstænne æhversmand ælle meje rigte, katøffelhandle. Æ tow min lille sykkel med laj, og så startet æ: Min tue gek mo Touftlund knap to kilomete. Det wå sån, at manne af æ sjofføre å æ kotøffelbile, di køje så stærg, at nåwen a æ katøfle fåll a, så fra æ fabrik å op i æ by, da samlet æ et ladfull katøfle. Ankommen te min måste å Synnegade, stålt som æn kong, vieste æ min last, å hun blæw gått nåk glaj Tak lille Frode, å æ fek et stoe knus. No ær et jo såen, at di katøfle man bruche å æ fabrik er bærre til stiewels ænd te menneskføje, å desværre skeet æt de, at min moe ringet, mæns æ enno wår der. Å så soed måste Astrid wo var æt da køent af Frode å kom mæ katøfle. Det wå it så gått, få æ blew afsløje, å da æ katøfle wå sat øver, å we å wære gått kocht, så blew min straf, at mått bliw å spies mæ min måste og min ongel. Men så widt æ howse, så wå æ katøfte slæt it så ring. Ja Såen startet å sluttet mit føst forsøch å å bliw selstænne æhversmand æxpårt a katøfle. Wi ses å æ katøffelmelsfabrik i nåvembe!... stiftet tæ æ bevarls af æ synnejysk sproch å kultue 5

Fra Æ Synnejysk Ambassade Så er foråret forbi og dermed også møderne, som har været pænt besøgt. Det ligger på ca. 25 personer og burde være meget højere. Der er registreret 130 ambassadører og da der er plads nok i lokalet, håber jeg at vi ser endnu flere til efteråret. Vi skiftede i foråret mødestedet ud til selskabslokalet hos Hereford Steak i Store Kongensgade. Det er samme sted som vi havde får nogle år tilbage. Det er et godt sted og vi har fået en fornuftig lejeaftale med ejeren. Den indebærer, at vi selv kan sørge for drikkevarer, så der er altid en kold FUGLSANG at drikke. Hvad har vi så bedrevet? Der har været sangaften, hvor Skippers Duo leverede musikken, Dennis Wraamann var og fortælle om sit arbejde med at udgive bøger og vi havde vinsmagning arrangeret af Arnakke Vinimport. Dorthe Moldt er ansvarlig for disse afteners program og det har hun virkelig gjort godt, så det skal hun roses for. Foråret sluttede af med de sønderjyske mesterskaber i keglning for sønderjyder i eksil, som fandt sted det vanlige sted på Lyngby Stadion den 14. juni. Mestrene er kåret og har fået overrakt flotte pokaler. Denne kegledag er Thor Skrumsager garant for, og det gør han flot. Han har også sørget for at vi nu kan blive klædt ordentlig på, da han har fået fremstillet en flot T-shirt, som I kan se hvordan ser ud på fotoet. Logoet er vandret på ryggen! Hvis I vil have mere at vide, at da gå ind på hjemmesiden www.synnejyskambassade.dk, hvor der er referater fra de omtalte begivenheder. Til efteråret starter vi op den 4. september og vi har nu flyttet møderne til om torsdagen, så at vi kan få vor generalambassadør Gorm at se noget oftere. Så er der møde igen den 2. oktober og vi venter spændt på hvad Dorthe har fundet frem som emner. Men et ligger fast og det er den årlige grønlangkålsspisning, der i år er den 15. november. Sidste år var vi 70 personer så mon ikke der i år møder flere frem? End mere sønderjysk dag kan man næppe forestille sig. Ud over den fremragende grønlangkål skal vi have solæg, brøtoert, knepkache og andre specialiteter, bankospil og FUGLSANG øl. Der er I år sørget for underholdning, så der er ingen grund til ikke at reservere denne dag allerede nu. Å gensyn te æ ætteråer. Hilsen Æ generalambassadør fra Harsle. 6... stiftet tæ æ bevarls af æ synnejysk sproch å kultue

Synnejysk å æ Dyffel-Skoul Va æ no de få naue? Skrøven a Birthe Hansen, Dyffel I 1992 soi æ Unnevisningsuvael ja tæ å set Synnejysk å æ skema som valchfri semesterfach for æ eleve i 8. å 9. klasse. Fleje a æ mælemme tænt tæbach æ des ejen skoulti. Dengang fålt dæ lussinge, wenn de snakke synnejysk i æ time. Æ ide kom tæ lære Bent Christensen å æ Dyffel-Skoul. Han spue så mæ, om dæ va naue få mæ. Som gammel Affenråer kan man da it ant. Æ formål var å forstå å bruch det fåtåel å skraun sproch, høje naue goj historie, snak om gammel traditioner, skik å lech. Vi hai å gæstelære. Gammel synneborre, som proued æ læe vos å spil Skat. Dæ va kun en enkelt elev, dæ fatte æ mening, - en pich!!! Vi lyttet tæ båen og høe dialekte fra æ hele lann. Vi laue å en Synnejysk Auten mæ eleve, forælle og bedsteforælle. Æ Alsingegild kom å unneholt, fortåel historie å speel mæ des orkeste Ront å æ goll. Dæ bløv løjst op a Martin N. Hansens historie, så æ latte runget gømmel æ sal. Dæ va en møj fin auten. Æ elever hai bacht tæ et richte synnejysk Kaffeboe. Især æ besteforælle var taknemmlæ øver æ arrangemang. Jen gang i væ semeste gik vi i æ køchenskoul og laued synnejysk specialitete, som snysk, skræduel, synnejysk frikadelle og vi bacht goi raj. Vi invitee så æ skoulinspektøe å æ vice tæ en synnejysk spisen. Da de kom tæ 2 piche, dæ bacht, spue de va di laud. Ingenting svarre di. Man hvad laver I? spue di ægen. Å ægen soi di: Ingenting. Så troi æ inspektøe jo, at di va snutte! intæ det gik op få dem, at dæ va æ småkache dæ het Ingenting. Det grien vi møje øve! I Ni åe ha æ unnevist i synnejysk, å dæ ha våt naue a di beest åe å time i min ti å æ skoul.... stiftet tæ æ bevarls af æ synnejysk sproch å kultue 7

Besøch å æ museum i Kobbermølle (Museum Kupfermühle) Ann Posselt Vi vå ca. 50 persone, som møet op foran æ museum i Kobbermølle. Vi blæv deel i 2 gruppe, den jæn startet i æ museum, den anden i æ fabrik, å ette ca. 40 minutte byttet vi. I æ museum høje vi æ historie om, vodan Christian IV i 1602 grundlåj en fabrik, dæ sku fremstill føst jern, sin koffe te tach te di manne slotte, han fik bygget, å te å beklæd æ skifes skrog, så di vå beskyttet mo borebille, alge å pælemuslinge. Æ koffemalm kom fra Norge, vo han jo å vå kong. De blæv sejlet te Flensborg Fjoe, vå æ fabrik blæv bycht de, vå æ Kruså løf ue i æ fjoe. Dæ blæv lavt et stoe møllehjul, så man ku udnøt æ vandkraft te å driv æ maskine. Man fremstillet å forskelle ting te æ husholdning eks. kedle, gryer, lysestache, å æ fabrik blæv jen a di støest arbæsplasse mæ ca. 300 folk. De vå en goj arbæsplas, dæ blæv bygget huus te æ folk, mæ en lille hav te, å di fik uleveje 1 /2 lite mælk væ dav. Æ huus liche dæ stadi, å di æ frejet. Dæ blæv å bycht en skoel, så æ bøen ku bliv unnevist om fåmærre å arbe i æ fabrik om ettemærre, å dæ blæv unnevist å dansk. Æ koffetøj blæv sål æve æ hele laan a kedelbærere. De vå hollændere, som koem heop som knejte å en 8 10 åe, å så vå di i læe, dvs. di fulle en vausen runt i æ laen få å sæel æ koffetøj. Di fik inne løen, men lit å 8... stiftet tæ æ bevarls af æ synnejysk sproch å kultue

spies, ål tætte mestes forgodtbefindende. Æ koffemøl bræen flee gång, men blev væ gång bygget op igen. Dæ ha væt flee ejere, å unne æ tysk ti (1864 1920) vå de en mand fra Østpreussen, dæ ejet den. Di flest arbæe vå dansksindet, men da de kom te æ afstemning i 1920, fik di å veje, at vis di stemt dansk, blæv æ fabrik fløt te Preussen. Da dæ it vå manne anne muleheje få å få arbe, stemt di tysk, å æ græns kom te å lich, vå den æ i dav. Dæ blæv minne å minne bruch få æ koffe, å i 1962 lukket æ fabrik. Sin 1997 ha dæ væt museum i de gammel portnerhus, de æ en privatmand, Bodo Daetz, dæ ha sørt for å få lavt æ museum, å han har å samlet en masse maskine, så man kan følle æ udvikling i æ fabrikshal fra vandkraft via de store møllehjul, som it ku køe den dav, vi vå dæ, da dæ it vå nok vand i æ å, te damp v.hj.a. en gevaldich stoe dampmaskin. Den virket. Vi så ås åll æ redskabe, dæ æ blævn brucht. De vå galt interessant. Bachætte køe vi te Bov Kro, vå æ kaffe vå bestiel, å Alfred Petersen vent mæ sin violin å klavespille, å så haj vi en galt gemytle times ti mæ sang å unneholdning.... stiftet tæ æ bevarls af æ synnejysk sproch å kultue 9

Gammel dau (fast rubrik fremøve) Vi ættelyse folk som ka skryv nau om gammel dau i Synnejylland. Dæ ka å væe, at då ha gammel bøche elle anne skrøvn historier fra dæ gammel Synnejylland. Så væl vi laue en fast rubrik i Æ Blaj dæ ska heje Gammel Dau. Bilde ka vi å bruch. Lakalarkiver æ å velkommen tæ å send inlæch å bilde tæ Æ Blaj Skræven a æ formann: Lich ætte æ krig, da æ sogneråd i Jokjæ (Hjordkær)laue en ny vej, blev dæ loej slagger å fra æ gasværk i Affenrå. Vi opdaue, at dæ va en del små stykke koks i æ slagge. Så bløv vi børn seen u å æ vej mæ en spand få å sammel koks tæ æ komfur. Da de føst fjernsyn kom frem omkring 1950, da haej bache Thygesen i Jokjæ sat et fjernsyn op i et bachelokael væ æ butik. Hæ møjes vi knajte få å se fjernsyn å tæ å begyn mæ ku vi kun se jet dansk program, mæ sejsdausløf, å Svend Petersens unneholdning. Lars Matthiesen å hans kuen fra Seattle i USA æ mælem a Synnejysk Forening. Da de så i Æ Blaj, at vi haej laue en tur tæ æ Koffemøll mæ unneholning å Bov Kro, skynt di sæ å køef billet tæ Danmark, få å væ sammel mæ vos. Nå di nå allivel va i Danmark besøcht di æ famille i synnejyllan. (Dæ ka got væ dæ va omveen) Dæ så u tæ di haej en glant auten, sæl om Lars naue gang måt øvesæt Alfreds historier tæ amerikansk. Besøch fra USA 10... stiftet tæ æ bevarls af æ synnejysk sproch å kultue

Arrangementer: Tiesda Sangauten å Trøjborg Sangauten. 9. septembe Mæ kaffe å kach Unneholdning ve de 3tenar. Max 180 persone Tiesda Besøch i æ Katøffel- Hygge å Brundtland Hotel 4. novembe melsfabrik i Tautlund Et pa sang. Kaffe å kach kl. 19.00 Det koste 100 kr. inklusiv Det koste 100 kr. inklusiv kaffeboe, å dæ æ åfnet for tæmelling tæ Karin ållere nå Max 180 pesone. Synda Synnejysk Gudstjænest Præst: Poul Møller, Bov 30. novembe i Gram kirk Organist: Dennis Fick. kl. 14.00 Gløgg, kaffe å æfelskiver å Den Gamle Kro i Gram Max 300 persone. Tiesda Generalforsamling i Solæch, 17. februar 2009 SI-centret i Nr. Hostrup Guel ært mæ æ kl. 18.30 hele svineri, Kaffe. Unneholdning ve Willys Kaffeklub Tæmælling: E-mail: karin@synnejysk.dk elle tlf. 20 95 43 50 tiesda - toesda 19-21... stiftet tæ æ bevarls af æ synnejysk sproch å kultue 11

Næste uegau af Æ Blaj komme i oktobe 2008 Æ Blaj blive inløjst å CD af KLO Torvegade 1 6600 Vejen Tlf. 75 36 31 78 Æ Synnejysk Forening Forman: Egon Adolphsen, Ringløkke 18, 6400 Synneborre, Tlf. 74 48 60 36, E-mail: egon@bbsyd.dk Næstforman: Tage Lametsch, Ulkebøl, tlf. 74 42 75 64 Bochholder: Karin Kaasgaard, tlf. 20 95 43 50 (kun fra kl. 19-21 tiesda tæ toesda) Bestyrels: Ann Posselt, Røjekro, tlf. 74 66 92 20 Verner Beck, Torp, Affenraa, tlf. 74 61 39 65 Frode Sørensen, Dyffel, tlf. 74 48 64 28 Ingrid Petersen, Gram, tlf. 74 82 18 55 Peder Luckmann, Tautlund, tlf. 74 83 02 84 Ny indmeldelse sendes tæ Æ Synnejysk Forening, att.: Karin Kaasgaard, Ribevej 38, 6500 Vojens, tlf. 20 95 43 50 (kun fra kl. 19-21 tiesda tæ toesda) E-mail: karin@synnejysk.dk Kontingente for 2008: 100 kr. som privatperson. 150 kr. pr. husstand (par m.m.) 60 kr. hvis man æ unne 20 åe. 150 kr. pr. husstand i æ ueland. 500 kr. for firmaer (inkl. annonce på æ jemmesie) Æ beløb ka indbetales å kontonummer 7910-1139677. Afsender: Æ Synnejysk Forening Att.: Karin Kaasgaard Ribevej 38 6500 Vojens