Sáttmáli millum Føroya Tekniska Lærarafelag og Fíggjarmálaráðið um arbeiðstíð og yvirtíð

Transkript

1 Sáttmáli millum Føroya Tekniska Lærarafelag og Fíggjarmálaráðið um arbeiðstíð og yvirtíð 1. Arbeiðstíð Hjá lærara í fulltíðarstarvi er arbeiðstíðin 2080 arbeiðstímar um árið íroknað feriu og aðrar frídagar, og svarar hetta til 1814 arbeiðstímar uttan feriu og aðrar frídagar (1. januar 2009 verður tímatalið 1790). Stk. 2. Kemur lærari í starv ella fer hann úr starvi í einum skúlaári, verður árliga arbeiðstíðin hjá viðkomandi roknað við 1/11 pr. mánað. Stk. 3. Arbeiðsviðurskifti hjá skúlastjórum v.m. eru sambært Aftale om arbejdsvilkår for skoleledere m.v. ved erhvervsskolerne dagfest 25. apríl Frálæra og fyrireiking v.m. Hvør lektión á 45 minuttir verður íroknað ársuppgerðini við hesum minuttatali: Vanlig frálæra Eftirútbúgving Útbúgvingarbólkur minuttir minuttir I + II III IV Stk. 2. Tann í stk. 1 nevnda tíð umfatar frálæru, fyrireiking, ger av uppgávum, eftirviðgerð, døming, steðgir v.m. jbr. Skjal 2. Stk. 3. Við lektiónir, ið eru longri enn 45 minuttir, roknast minuttirnir nevndir í stk. 1 lutfallsliga. Stk. 4. Fyri lærara, ið er fyltur 60 ár og søkir um tað, hækka tey í stk. 1 nevndu minuttøl við 20 pct. Arbeiðstímar útyvir tað skylduga árliga arbeiðstímatalið verða avspákaðir tað komandi árið við býtistalinum 1 : Vikutímatal Arbeiðið verður lagt soleiðis til rættis, at lærarin ikki vanliga verður skemalagdur við fleiri lektiónum á 45 minuttum pr. viku enn niðanfyristandandi talva vísur: Útbúgvingarbólkur tal av lektiónum I + II 28,5 III 26,5 IV 24,5 Stk. 2. Verður lærari skemalagdur í einari viku við hægri tímatali enn teimum í stk. 1 nevndu tølum, verður givið eitt ískoyti pr. lektión á 22,5 minuttir fyri hvørja lektión, hann hevur ov nógv. Hetta verður roknað við í ársuppgerðina. Síða 1 av 5

2 Stk. 3. Hevur ein lærari frálæru innan fyri fleiri útbúgvingarbólkar í somu vikum, jbr. stk. 1, verður lektiónstalið roknað í mun til talið av lektiónum í teimum einstøku bólkunum. Er annað skemalagt virksemi á skúlanum, skal hetta teljast víð í lektiónstímatalið eftir umroknan. Stk. 4. Er ynski um at skemaleggja ein lærara við meir enn 31,5 frálærulektiónum á 45 minuttir í einari viku, kann hetta bert gerast eftir avtalu við viðkomandi lærara. Stk. 5. Fyri ein lærara, ið hevur fleiri enn 31,5 frálærulektiónir pr. viku, verður hetta útgoldið, um lærarin ynskir tað, við næstu lønávísing jbr. 11 stk. 2, um yvirtíð. Um lærarin ikki ynskir tímar omanfyri 31,5 útgoldið sum yvirtíð, kunnu hesir avspákast við ískoytinum á 22,5 minuttum, við býtistalinum 1 : 1,5. Tílíkir útgoldnir tímar verða ikki tiknir við í kvartals- ella ársuppgerðina. Tá útgoldið verður, verður ikki givið ískoyti eftir stk. 2. Stk. 6. Við lektiónir, ið eru longri enn 45 minuttir, verður tað í stk. 2 nevnda minuttal viðroknað lutfallsliga. 4. At býta hold og flokkar Tá ið neyðugt er at býta ein flokk í tvey, tí t.d. ov fá tól eru til at undirvísa øllum samstundis, er loyvt at býta flokkin sundur, tá ið royndir/venjingar verða gjørdar. Samsýningin er ein arbeiðstími fyri hvønn býttan tíma. 5. Rættiarbeiði Rættinormarnir í teim einstøku lærugreinunum eru eftir serligari avtalu millum Mentamálaráðið og felagið. Stk. 2. Samsýning fyri próvtøku, próvdøming, at gera uppgávur og sveinaroyndir er eftir serligum avtalum millum Mentamálaráðið og felagið. 6. Pædagogiskar og umsitingarligar uppgávur Útyvir frálæru og fyrireiking v.m. hevur lærarin alment orienteraðar pædagogiskar og pædagogiskt umsitingarligar uppgávur. Stk. 2. Til at loysa tær í skjali 3 nevndu uppgávur verða settir 100 arbeiðstímar á ársuppgerðina hjá læraranum við ársbyrjan. Hesir tímar verða við árslok roknaðir sum nýttir til at loysa tær pædagogisku og pædagogiskt umsitingarligu uppgávur, hvør lærari hevur. Fyri lærara, sum arbeiðir niðursetta tíð ella sum verður settur í starv ella fer úr starvi í einum skúlaári, verða teir 100 tímarnir lækkaðir lutfalsliga. 7. Aðrar arbeiðsuppgávur Til loysn av arbeiðsuppgávum vegna skúlan, ið áliggja lærarum einsæris jbr. skjal 4, og ikki koma undir uppgávurnar nevndar í 6, verður avsett ein arbeiðstímapulja fyri skúlan. Stk. 2. Arbeiðstímapuljan verður roknað sum 130 ferðir talið av læraraársverkum á skúlanum. Stk. 3. Leiðsla skúlans avger saman við álitismanninum eftir uppskoti frá leiðandi lærarunum, hvussu arbeiðstímapuljan verður lutað sundur. Stk. 4. Tíðarnýtslan til størvini sum álitismaður og umboð í samstarvsnevndini verður avroknað av tí í stk. 1 nevndu arbeiðstímapulju. Tá ið ongin samstarvsnevnd er á skúlanum verður lærararáðið at skilja sum samstarvsnevnd. Arbeiðsbólkar settir av ráðnum eins og læraraskeiðnevnd vera tikin av hesi pulju. Síða 2 av 5

3 8. Onnur størv og funktiónir Tíðarnýtslan til størvini sum leiðandi lærari, skúlaheimsassistentur (sí skjal 5), sum lestrarvegleiðari og til eftiransan av EDV útgerð og øðrum lutum (eitt nú bókasamlingum/bókasavn) verður avrátt millum landsstýrið og FTL. Stk. 2. Fylgjandi størv verða sett til hesar arbeiðstímar: Starv tal av arbeiðstímum Leiðandi lærari min. 150 max 350 lestrarvegleiðari EDV útgerð o.a skúlaheimsassistentur max 919 Stk. 3. Arbeiðstímarnir til leiðandi lærara á tí einstaka skúlanum verða roknaðir út sambært kunngerð nr. 27 frá 16. januar 1992 Om hverv som ledende lærer v.m., tó við teirri broyting, at talið verður faldað við 360 í staðin fyri 446. Uppgávurnar, ið leiðandi lærari hevur, eru sambært skjali 1. Leiðandi lærarin fær eitt ískoyti, um so er, at hann leiðir eina deild. Stk. 4. Lestrarvegleiðingin verður roknað út sambært somu kunngerð, ið er nevnd í stk. 3. Uppgávur lestrarvegleiðarans eru sambært skjali 7. Stk. 5. Næmingatalið verður gjørt upp 1. september á hvørjum ári. 9. Aðrar uppgávur Verður lærara álagt aðrar uppgávur/aktivitetir verður arbeiðstíðin, ið fer til hetta, viðroknað í ársuppgerðina hjá viðkomandi (sambært aftale om udviklingsarbejde dagf. 25. juni 1991 og aftale om indtægtsdækket virksomhed við somu dagfesting.) Stk. 2. Verður ætlað frálæra avlýst skal hetta fráboðast tí einkulta læraranum skjótast tilber. Stk. 3. Fyri frálæru, ið verður avlýst minni enn 4 vikur áðrenn hon er ætlað at byrja, verða ¾ av fyrireikingartíðini til nevndu frálæru íroknað ársuppgerðina, tó í mesta lagi fyri 2 vikur. Stk. 4. Verða einkultar lektiónir avlýstar verða tær íroknaðar ársuppgerðini við tí ætlaðu arbeiðstíðini. Stk. 5. Ístaðin fyri avlýsta frálæru kann læraranum verða álagt nýggja frálæru ella pædagogiskt umsitingarligt arbeiði. Stk. 6. Verður starvsfólk álagt at luttaka á skeiði, verður hvør skeiðsdagur at rokna sum vanligur arbeiðsdagur, tó í mesta lagi 8 tímar. Ferðing til og frá skeiði, sum liggja aðrastaðni enn vanliga arbeiðsstaðið, verður roknað í skeiðstíðina. Stk. 7. Hvat dagpeningi og flutningi viðvíkur er tann til eina og hvørja tíð galdandi avtala millum Fíggjarmálasráðið og Tænastumannafelag Landsins galdandi. Stk. 8. Tá ið lærari ferðast millum ymisk undirvísingarpláss, verður ferðatíðin ásett eftir galdandi ferðaætlan. Ferðatíðin telur við í ársverkinum hjá læraranum. Stk. 9. Viðvíkjandi samráðingararbeiði verður tann høvuðsregla at galda, at limirnir fáa frí við løn/tímar í sambandi við sáttmálasamráðingar. Síða 3 av 5

4 10. Sjúka og barnsburður Í sambandi við fráveru vegna sjúku ella barnsburð eru hesar reglur galdandi: a) skemalagdir tímar verða íroknaðir í ársuppgerðina. b) fyri ikki-skemalagda arbeiðstíð vera 8,0 tímar pr. fráverudag viðroknaðir í ársuppgerðina. 11. Yvirtíð Skemalagt/-álagt arbeiði, ið fer uppum ta fastsettu árligu arbeiðstíðina hjá lærara í fullum starvi, skal útgjaldast við yvirtíðargjaldi ella avspáking eftir avtalu millum viðkomandi lærara og leiðslu skúlans. Stk. 2. Útgoldin yvirtíð skal pr. arbeiðstíma viðroknast sum 1/2080 av ársbruttolønini hjá viðkomandi við einum ískoyti uppá 50%. Stk. 3. Yvirtíð, ið verður avspákað, skal avspákast í lutfallinum 1:1,5. Stk. 4. Endalig avrokning av yvirtíð verður gjørd í sambandi við ársuppgerðina, sum nevnt í 11. Útgjald/avspáking av yvirtíð gjøgnum árið, verður avroknað útfrá arbeiðsætlan lærarans eftir fylgjandi meginreglu: Við endanum av hvørjum ársfjórðingi verður gjørt upp, hvussu nógvar arbeiðstímar viðkomandi hevur havt (t.v.s. fyri skúlar, har arbeiðsárið gongur frá 1. august til 31. juli, verður hetta gjørt í endanum av oktober, januar, apríl og juli mánaði). Hevur lærarin fleiri enn 495 arbeiðstímar í 3 teim fyrstu ársfjórðingunum, skulu 80 pct. av tímunum, ið eru omanfyri 495, antin avspákast í fyrstkomandi ársfjóðringi ella útgjaldast. Er hetta ikki møguligt má avtala gerast í hvørjum einstakum føri. Yvirtíð innan fyri 80 pct. markið skal gerast upp í lutfallinum 1:1,5 í samband við avspáking. Yvirtíð útyvir tey 80 pct verður flutt til næsta ársfjórðing og viðroknað í lutfallinum 1:1. Við endanum av 4. ársfjórðingi verður ársuppgerðin gjørd sum nevnd í 12. Yvirtíð, ið er sett til avspáking og sum ikki er avgreidd við skúlaárslok, verður útgoldin. 12. Ársuppgerðin Fyri at gera av, um tað ígjøgnum árið er komin yvirtíð hjá tí einstaka læraranum, skal ársuppgerð gerast við endan av arbeiðsárinum, við at telja saman arbeiðstímar fyri fylgjandi uppgávur, størv v.m.: 1) frálærutíð/lektiónir incl. fyrireiking sambært 2 2) møgulig tíð sambært 3 3) arbeiðið eftir 4 4) 100 arbeiðstímar fyri pædagogiskt og pæd. umsitingarligt arbeiði sambært 5 5) arbeistímar, ið verða álagdir tí einstaka læraranum individuelt samb. 6 6) møgulig tíð samb. 7 7) møgulig tíð samb. 8 8) møgulig tíð samb. 9 9) sáttmálafrídagar (1. januar 2009 fella sáttmálafrídagarnir burtur). Frá samanteljingini av punktunum 1-9 verður tað árliga arbeiðstímatalið á 1814 excl. feriu og frítíð frádrigin. Frá hesum verður síðan drigin yvirtíð, ið er avgreidd gjøgnum árið. Stk. 2. Yvirtíð, ið kemur fram eftir hesi uppgerð, skal útgjaldast í seinasta lagi við tí fyrstkomandi lønarútgjalding eftir at arbeiðsárið er liðugt. Síða 4 av 5

5 Stk. 3. Vísir ársuppgerðin at lærarin í arbeiðsárinum hevur avgreitt fleiri yvirtímar enn grundarlag er fyri sambært ársuppgerðina, skulu hesir avgreiðast aftur í tí komandi arbeiðsárinum í lutfallinum 1:1,5 omaná ársnormin á 1814 arbeiðstímar. Har ársfjórðingsuppgerð er nýtt, skulu hesir tó avgreiðast í lutfallinum 1:1 omaná ársnorminum á 1814 arbeiðstímar. 13. Onnur viðurskifti Øll tey viðurskifti viðvíkjandi arbeiðstíð v.m., ið ikki verða avrádd millum Fíggjarmálaráðið og FTL, verða avrádd millum leiðslu skúlans og álitismannin. Skjal 1 Aftale om arbejdsvilkår for skoleledere mv. ved ervervsskolerne, dagfest 25. apríl 1991 Skjal 2 Lærernes arbejdsopgaver på erhvervsskolerne, dagfest 12. mars 1991 Skjal 3 Generelt orienterede opgaver. Opgaver der påhviler lærergruppen generelt (jævnt) Skjal 4 Opgaver, der påhviler lærerne individuelt (ujævnt) Skjal 5 Stillingsbeskrivelse for skolehjemsassistenter Skjal 6 Funktionsbeskrivelse for hverv som ledende lærer Skjal 7 Funktionsbeskrivelse for hverv som uddannelses- og erhvervsvejleder Skjal 8 Aftale... om udviklingsarbejde, dagfest 25. juni 1991 Skjal 9 Aftale om indtægtsdækket virksomhed Føroya Tekniska Lærarafelag Fíggjarmálaráðið Síða 5 av 5