KOMMUNIMUT PILERSAARUMMUT TAPILIUSSAQ 3A6-1, Qasigiannguit, Nuuk Januaari 2017
Kommunimut pilersaarummut tapiliussaq sunaava? Kommunimut pilersaarummut tapiliussaq tassaavoq ingerlaavartumik suliarineqartartoq, taamaattumik kommunalbestyrelse Pilersaarusiornermut inatsit naapertorlugu (Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17. novembari 2010-imeersoq amma nr. 34, 9. decembari 2015-imeersoq) pisussaavoq, kommunimut pilersaarut pisariaqartutigut malinnaatitsissalluni. Taamatut malinnaatitsisarnermi pilersaarummut tapiliussamut attuumassutilimmik pilersaarummi allannguuteqartoqartillugu imaluunniit ilanngussisoqartoqartillugu ingerlaavartumik isumagineqartarpoq. Taamaalilluni Kommunalbestyrelse kommunimut pilersaarummut tapiliussamik nunaminertamik atuinissamut illunullu tunngasunik aalajangersagartalimmik sukkulluunniit suliaqarsinnaatitaavoq. Tamatuma saniatigut Kommunalbestyrelse sukumiisumik aalajangersagartalimmik kommunimut pilersaarummut tapiliortussaatitaavoq: Nuna tamakkerlugu pilersaarusiornerup kommunillu pilersaarusiornerata piviusunngortinnissaanut qulakkeerinninnissaq pisariaqaraangat. Sanaartugassanik imaluunniit sulianut annerusunut pingaaruteqartunulluunniit nunaminertamik atugassiinnginnermi. Sanaartukkanik anginerusunik pingaaruteqarnerusunilluunniit ingutserilinnginnermi. Kommunimut pilersaarummut tapiliussaq marlunnik imikkoortortaqarpoq, nassuiaatitaa aamma aalajangersagartaa. Nassuiaammi kommunimut pilersaarummut tapiliussami siunertat inatsisitigullu sunniutit aamma pilersaarut pilersaarusiornernut allanut sanilliullugu qanoq inissisimanersoq nassuiarneqarput. Aalajangersagartaa aalajangersakkanik pilersaarummik piviusunngortitsinermi malinnaatitsissutigineqartussanik imaqarpoq. Aalajangersakkat marlunngorlugit avitaapput, aalajangersakkat pingaarnerit aamma aalajangersakkat sukumiisut. Aalajangersakkat tamarmik inatsisitigut pituttuisuupput taamaattorli pissutsit ilaanni aalajangersakkanit sukumiisunit immikkut ittumik akuersissuteqartoqarsinnaavoq. Tamatuma saniatigut aalajangersagartaa inatsisitigut pituttuisunik ilanngussanik nunap assitaqarpoq. Tamanut saqqummiussisarneq Kommimut pilersaarummut tapiliussaq inaarutaasumik atuutilersinneqarluni 20.09. 2017-imi tamanut nalunaarutigineqarpoq. Pilersaarut sumi pissarsiarineqarsinnaava? Pilersaarut Nunatta Atuagaateqarfiani atuarsinnaavat, kommunip nittartagaani aaneqarsinnaavoq www.sermersooq.gl, kommunip innuttaasunik sullissivianut imaluunniit Sanarfinermut Avatangiisinullu Ingerlatsivimmut, Kuussuaq 2, Nuuk saaffiginnillutit pissarsiarisinnaavat, oqarasuaat 36 74 31. 2
3A6-1 Qasigiannguit, Nuuk IMARISAI 1 NASSUIAAT 4 1.1 PILERSAARUTEQARFIUSOQ 4 1.2 SIUNERTAT 4 1.3 PISSUTSIT PIOREERSUT 6 1.4 PILERSAARUMMI PINGAARNERIT 7 1.5 PILERSAARUSIORNERMUT ALLANUT SANILLIULLUGU INISSISIMANERA 11 1.6 PILERSAARUMMUT TAPILIUSSAP INATSISITIGUT SUNNIUTAI 14 2 AALAJANGERSAKKAT 15 2.1 PINGAARNERTUT AALAJANGERSAGAAREERSUT 15 2.2 AALAJANGERSAKKAT PINGAARNERIT NUTAAT 15 2.3 AALAJANGERSAKKAT SUKUMIISUT 17 3 AKUERSISSUTEQARNERMI ATSIORNERIT 21 alinngussaq 1: nunap assinga alinngussaq 2: sanaartorfissat alinngussaq 3A: sanaartorfiit atorneqarnerat, kalaallissut alinngussaq 3B: sanaartorfiit atorneqarnerat, qallunaatut alinngussaq 4: pilersaarutit assiliartaliaa alinngussaq 5: qalipaat KOMMUNEQARFIK SERMERSOOQ 3
3A6-1 QASIGIANNGUIT, NUUK NASSUIAAT 1 NASSUIAAT 1.1 PILERSAARUTEQARFIUSOQ Nunap ilaa silarlutsillugu kisartarfimmik taagukkatsinni kangerliumanermi avannamut sammisumi Qasigiannguaniippoq. 1.2 SIUNERTAT takussutissiaq 1: Nunap assinganit tigusaq takussutissiaq 2: illoqarfinnguuttuliusap assinga Inatsisartut inatsisaat nr. 34, 9. decembari 2015-imeersoq 2016-imi januaarip ulluisa aallaqqaataanni atuutilerpoq. 45 a. Kommunimut pilersaarummut tapiliussassatut siunnersuuteqartoqannginnerani Kommunalbestyrelsip qinnuteqaateqartumut nunaminertamik ukiut marluk tikillugit inniminniisinnaatippaa. Taamatut pisoqartillugu, nunaminertamik atugassiisoqarneranik nalunaarutiginnittoqarpat, qinnuteqaateqartup kommunimut pilersaarummut tapiliussap suliniutip qinnuteqaatigineqartup ajornarunnaarutissaanik pissarsiarineqarnissaa nammineq akilissavaa. Suliniummik qinnuteqaat tunngavigalugu Kommunalbestyrelse 2016-imi oktobarimi Illoqarfimmik ineriartortitsinermik ingerlatseqatigiiffimmut Akornanni ApS-imut nunap ilaata 3A6-ip ineriartortinneqarnissaanut nunaminertamik nalunaarutiginninniarluni aalajangerpoq, kommunimut pilersaarummut tapiliussaq 3A6-1 una nunap ilaata atorneqarnissaanik Akornanni-nit siunnersuummik tunngaveqarpoq. Ingerlatseqatigiiffiup pilersaarutip tamakkiisumik ilaannakortumilluunniit piviusunngortitsisinnaanngippata nunaminertamik inniminniineq/atugassiineq tunuartinneqassaaq, nunap ilaa pissusissamisut ineriartornissaa qulakkeerniarlugu. Assigiimmik iluseqarlutik nuannersunillu qalipaateqarlutik ilaqutaariinnut ataatsinut marluinnullu illut, illut uiguleriiaat malittariiaallu aamma quleriit illoqarfiup ilaani ataqatigiissutut isikkullit. KOMMUNEQARFIK SERMERSOOQ 4
3A6-1 QASIGIANNGUIT, NUUK NASSUIAAT Pilersaarummi illuliortitertoqarnissamik periarfissiisoqarnissaa siunertaaqqaarsimavoq. Anguniakkat pingaarnerit tassaapput: Ataqatigiissunik illuliortiternissat, tamakku ilaat ataatsimoorussassanik initaqassapput aammalu isikkuisa illoqarfiup ilaata kinaassusianut sakkortusaataassallutik. Illoqarfiup ilaata innuttai assigiinngitsut aamma inissiat angissusii assigiinngitsunnillu piginnittullit pilersissallugit. Nuummi kikkunnut tamanut illoqarfiup ilaani sukisaarsartarfimmik pilersitsissalluni. KOMMUNEQARFIK SERMERSOOQ 5
3A6-1 QASIGIANNGUIT, NUUK NASSUIAAT 1.3 PISSUTSIT PIOREERSUT Nunap ilaa qutaarluuvoq aammalu kangerlummut, aqqusinermut Eqalugalinnguanut aamma inissiaqarfimmut Paarnanut killeqarfeqarpoq. Nunap ilaa ukiorpassuarni umiatsianik umiiarnikunilluu inaalitsivittut atorneqarsimavoq. Nunap ilaata pilerinarnersai tassaapput immap illua tungaani nuunnguup tungaanut nuna. Avannamut isikkiveqarpoq aamma nunap ilaataa qatsinnerpaaffianit kimmut Akianut isikkiveqarpoq. Sanaartukkat eqqarsaatigalugit immikkortup ilaata eqqaamiui malunnaateqarnerpaat tassaapput: Paarnat; Nunap ilaata kangia tungaani qaqqasunnapp qaani malunnaateqarluartoq inissiaqarfik iluleriikkuutaaq, Akunnerit Eqalugalinnguit aamma Qernertunnguit kujataa tungaanni karsit qasertut Qernertunnguaniit illutaasa uigui angisuut malunnaateqarluartut nunami manissumiit ttut ersipput. Sila eqqarsaatigalugu avannamut nillertumut sammivoq; silamiittarnissamut oqquiffissaaqqanik arlalinnik pilersitsinissaq pingaaruteqarpoq. takussutissiaq 3: Piffiup qulaaniit ungalulerlugut assi KOMMUNEQARFIK SERMERSOOQ 6
3A6-1 QASIGIANNGUIT, NUUK NASSUIAAT 1.4 PILERSAARUMMI PINGAARNERIT Atuineq takussutissiaq 4: sanaartorfik pilallugu Kommunimut pilersaarummi immikkortup ilaata inissiaqarfinnut atugassiissutigineqarnissaa aalajangerneqarpoq. Illoqarfimmik ineriartortitsinermik ingerlatseqatigiiffiup Akornanni A pilersaarut 3A6-1 siunnersuutitut suliaraa, tassanilu inissiat assigiinngitsunik angissusillit 90- it, quleriittut, uiguleriiaatut aamma ilaqutariinnut ataatsinut marluinnullu illutut pingasut affaattut, marluttut aamma aappaa affaattut quleriittut inissaqartumi sananeqarnissaat tunngavigineqarpoq.. Avannamut ilaqutariinnutt ataasinut marluinnullu illut aappaa avillugu quleriiullutilluu marlunnik quleriillit. Illut akornisa qeqqanniipput illut uiguleriaat marlunnik aamma pingajuat avillugit quleriillit. Kujallipput illut quleriit marlunnik aamma pingajuat affarmik quleriillit. Illuni tamani isaarissat aqqusinermut biilinullu inissiisarfinnut sammipput, uninngaartarfiuneru sulli Isikkivimmut tamatigut sammitinneqar- tarput KOMMUNEQARFIK SERMERSOOQ 7
3A6-1 QASIGIANNGUIT, NUUK NASSUIAAT ( tak. 6 ) Illuliortiternissanut pilersaarutit Illuliassat tamarmik nunareersumut attuumassuteqartillugit imminnullu qanitsillugit inissinneqassapput. Illut uiguleriiaat malittariiaallu portussutsit sammiveqatigissavaat, uffa illut aappaa avillugu quleriit qatsissutsit tukingannut inissinneqartussaasut. Kujammut kangimullu illut qaqqarlu qaqqasunnamik tigummineqartutut killeqarfeqarpoq. Avannamut kimmullu illut mikinerit siassimasut kangerluup tungaanut isikkiveqartitsisut inissinneqassapput. Aqquserngit, biilinut inissiisarfiit silamiittarfippassuillu illut akornisigut illoqarfiup illoqannginnersaasigut sangujoraarlutik inissisimassapput. Illut akunneqartiterput: Illut akornanni nunatannguani silamiittoqarsinnaavoq aamma akunnerit mikinerusut nunamut annertunerusumut atapput. Illut toqqaviisa portussusaasalu Paarnani inissiaareersunit isikkivik akornusinngilaat. takussutissiaq 5 Nunaminertami takussutissiaq Saamiatungaani silarlutsillugu kisartarfik talerpiatungaanilu Paarnat; qeqqani sanaartorfik Illoqarfiup ilaani sukisaarsarnissamik neqeroorutit ataqatigiinnerillu Illoqarfiup ilaata kujataa tungaa avannaa tungaalu isuiniit sissaq sinerlugu sangujoraartumik imminnut atassusililigaapput. Inuit nunakkoorsinnaanngitsorpassuit pisuinnaat aqqutaat atorlugu pisuttuarnissamik periarfissinneqarput. Illut kujalliit ilinniartunut ilaqutariinnullu isertitakitsunut naatsorsuussaapput. Nunap ilataa avannaa tungaaniipput ilaqutariinnut ataatsinut marluinnullu illut, tamakku namminerisamik pigineqalerumaartut naatsorsuutigineqarpoq. Nunap ilaata qeqqaniipput piginneqatigiilluni inissiaatit; tamakku ataatsimoorussanik tankinik toqqaveqartussat piginneqatigiilluni inissiaatinut ataasiakkaanut atallutik ataqatigiissitsussatut naatsorsuutigineqarput. Uninngaartarfiit pinnguartarfiillu pilersinneqassapput. Skatertarfik immikkoortuni ataasiakkaani anginersaavoq meeqqanik inuusuttuaqqanillu illoqarfimmit ussaafigineqartarumaarpoq. Pilersaarutip aalajangerpaa saanngut piffimmilu naasimasut assigiinngitsut pijuinnassasut najugaqartullu naatsiivinnik naatitsiviliornissaannillu siunnersuutigaat. Piffiup naggorissuunissaa siunertaavoq ujaraaqqanik asfalt-imillu qallersuinerup minnerpaaffianiitinniarlugu KOMMUNEQARFIK SERMERSOOQ 8
3A6-1 QASIGIANNGUIT, NUUK NASSUIAAT takussutissiaq 6 pilersaarutit assiliartaliaa Illuliat nutaat illoqarfiup ilaani illoqannginnersaq sinerlugu sanaat, kujammut Eqalugalinnguanut, avannamut kimmut ammanersarujussua rnut kangerluup tungaanut isikkivilinnik killeqarfeqartoqartoq. Kujataa tungaaniippoq skatertarfik aamma illut avannarlerpaat saanniipput usilersortarnissamut usingiartarnissamullu puttasut. Aqqusinertigut angallanneq pilersuinerillu Kommunimut pilersaarummi nunap ilaa nunap ilaanit 3A3-mit aqqusineqassasoq aalajangerneqarpoq. Taamaattumik Paarnani ilungasumik inissiaqarfiit akornisigut Nerngallaata tungaanut aqquserngiortoqassaaq. KOMMUNEQARFIK SERMERSOOQ 9
3A6-1 QASIGIANNGUIT, NUUK NASSUIAAT Illoqarfiup ilaa aqquserngit avannamoortut sinaanni pinnguartarfittalimmik sivingasumik biilinut inissiisarfittalimmik attassuserneqarpoq. Aqqusineq pinnguartarfittalik, pisuinnaat, sikkilertut biilertullu assigiimmik pisinnaatitaaffeqartillugit sanaartorneqassaaq aalajangersaaffigineqarlunilu. Illut anginerumaat tamarmik silataanni ikinnerpaamik ataatsimik biilinut inissiisarfiliortoqassaaq. Illunut akunnattumik angissusilinnut illunut pingasunut biilinut inissiisarfik ataaseq sananeqassaaq illunullu mikinerpaanut illunut sisamanut biilinut inissiisarfik ataaseq sananeqassalluni. Nunap ilaani meeqqeriviliortoqassappat meeqqerivimmi meeqqanut qulinut biilinut inissiisarfik ataaseq sananeqartassaaq. Ataatsimut isigalugit biilinut 60-80-inut inissiisarfiliortoqassaaq. Illuutillit ataasiakkaat biilinut inissiisarfiup eqqaani immiivinnik ivertitsisinnaapput. tak. 7-8: kangerlummiit sanaartorfiup tungaanut ullukkut unnukkullu Illoqarfiup ilaa namminerisamik nukittuumik kinaassuseqarpoq soorluttaaq Paarnani illut taamaattuusut, allarluinnaallutilli. KOMMUNEQARFIK SERMERSOOQ 10
3A6-1 QASIGIANNGUIT, NUUK NASSUIAAT 1.5 PILERSAARUSIORNERMUT ALLANUT SANILLIULLUGU INISSISIMANERA 1.5.1 Nuna tamakkerlugu pilersaarusiorneq Pilersaarummut tapiliussaq nuna tamakkerlugu pilersaarusiornermut naapertuuppoq. 1.5.1 Kommunimut pilersaarut Pilersaarummut tapiliussaq kommunimut pilersaarummut atuuttumut naapertuuppoq. 1.5.2 Qanganitsat Nunap ilaani qanganisaqartoqarneranik Kommuneqarfik Sermersuumi ilisimasaqartoqanngilaq. 1.5.3 Avatangiisit Nunap ilaa ukiorpaalussuarni umiatsianik inaalitsivittut atorneqarsimavoq taamaattumillu uuliakumik assigisaanillu mingutsinneqarsimasinnaalluni. Tamatuma saniatigut platsikkikunik saviminikunik glasfiberikunillu katersoriarlugit immikkut ittumik suujunnaarsinneqartussanik peqarsinnaavoq. Nunap ilaani assaanermi mingutsisisoqarsimasoq paasineqarpat tamanna pillugu Kommuneqarfik Sermersuumi Avatangiisinut Immikkoortortamut ingerlaannaq ilisimatitsisoqassaaq. Eqqakkat navianaatillit soorlu issoq uuliamik mingutsinneqarsimasoq kommunimi eqqagassalerinermut malittarisassat aamma suliassaqarfik pillugu inatsisit naapertorlugit suujunnaarsinneqassaaq/pput. KOMMUNEQARFIK SERMERSOOQ 11
3A6-1 QASIGIANNGUIT, NUUK NASSUIAAT 1.5.4 Teknikkikkut pilersuutit Illuliat nutaat pisortat innaallagissamut imermullu aqqutaannut aamma eqqakkat aqqutaannut attavilerneqassapput. Innaallagissamik, imermik kiassarnermullu pilersuutit aamma eqqakkat aqqutaat annertunerusumik nunamut assanneqassapput. Nunap ilaani teknikkikkut atortulersuutit soorlu transformaatoriisiviit pilersuutit inissinneqarsinnaapput. Innaallagiaq Nunap ilaanik pilersuinissamut illumut teknikkimut atortuusivissamut sanaartorfissamik atugassiisoqarpoq. Imeq Paarnani erngup aqqutaa ningaliusaq aamma Eqalugalinnguani erngup aqqutaa pingaarneq pilersinneqassapput. Kiassarneq Nunap ilaani illut Nukissiorfiit nunaminertat ilaannut 3A3-mut aamma 3C3-mut ungasianit pilersuinermut aqqutaataannut attavilerneqassapput. Eqqakkanut aqqutilersuineq Illut pisortat eqqakkat aqqutaannut attavilerneqassapput. Nunap ilaani aqqutaareersut pingaarnerit sanaartorfigiuminarsarneri iluatsillugit taarsersorneqarnissaat naatsorsuutigineqarpoq. Nunap qaavata ernga, tassunga ilanngullugit qaliat qaavanit kuuttut, illut akornginit, aqqusinernit, pisuinnaat aqqutaannit nunaminertanillu sanaartorfigineqanngitsunit akornutaanngitsumik kussiakkut kuutsinneqassaaq. Sialuk najukkamilu imikoq qasertoq salitaq imerterinernut il.il. atorneqarsinnaapput. Eqqagassalerineq Nunap ilaa Kommuneqarfik Sermersuumi eqqagassalerisarneq pillugu aaqqiinermut malittarisassat sukkulluunniit atuuttut naapertorlugit ilaatinneqarpoq. KOMMUNEQARFIK SERMERSOOQ 12
3A6-1 QASIGIANNGUIT, NUUK NASSUIAAT Aputaajaasarnerit apummillu allamukaassuisarnerit Nunap ilaani aqqusinernik, biilinut inissiisarfinnik, pisuinnaat aqqutaannik nunaminertanillu sanaartorfigineqanngitsunik isumaginninnissaq siunertaralugit najugaqartut peqatigiiffiannik pilersitsisoqassaaq. Pisortat piumasaqassappata najugaqartut peqatigiiffianni tamakkununnga tunngasunik malittarisassiortoqarsinnaavoq, tassunga ilanngullugit saliinissanut eqqagassalerinernullu malittarissat malinneqassapput. Sanaartorfigiuminarsaanernut aningaasartuutit Nunap ilaani sanaartorfigiuminarsaanernut aningaasartuutit illuliortunit akilerneqassapput. 1.5.5 Tamanut saqqummiussineq Siunnersuut, Kommunimut pilersaarummut tapiliussaq 3A6-1 Kommunalbestyrelsip 2017-imi marsip ulluisa 6-anit 2017-imi maajip ulluisa 8-ata tungaanut sapaatit akunnerini arfineq-pingasunik tamanut tusarniaassutigaa. Piffissarititaasup iluani akissuteqaat marluk pissarsiarineqarput. Tusarniaassummut akissuteqaatit tamarmik suliap suliarineqarnerani ilanngunneqarput, taamaattorli pilersaarummut tapiliussamik tunngaviatigut allannguisitsissanngillat. fig. 9 Illoqarfiup ilaata kujasinnerusortaani skatertarfik illoqarfimmiunut tamanut neqeroorutaavoq. KOMMUNEQARFIK SERMERSOOQ 13
3A6-1 QASIGIANNGUIT, NUUK NASSUIAAT 1.6 PILERSAARUMMUT TAPILIUSSAP INATSISITIGUT SUNNIUTAI Kommunimut pilersaarummut tapiliussatut siunnersuut tamanut saqqummiunneqarpat taava nunaminertat, illut atortullu kommunimut pilersaarummut tapiliussatut siunnersuummi ilaatinneqartut atorneqarsinnaassanngillat imaluunniit sanaartorfigineqarsinnaassanngillat kommunimut pilersaarummut tapiliussap inaarutaasup aalajangersagartaanik imarisaanilluunniit unioqqutitsisumik (Pilersaarusiornermut inatsimmi 31). Akerliliissuteqarsinnaanermut piffissarititap naanerani akerliliissuteqartoqarsimanngippat kommunalbestyrelsimit nunaminertat kommunimut pilersaarummut tapiliussami ilaatinneqartut atorneqarsinnaanerat kommunalbestyrelsimit akuerineqarsinnaavoq, tamanna kommunimut pilersaarummut tapiliussamut naapertuuttumik unioqqutitsinngitsumillu pippat (Pilersaarusiornermut inatsimmi 31, imm. 2). Inatsisinik atortitsigallarneq atuutissaaq inaarutaasumik kommunimut pilersaarummut tapiliussap akuersissutigineqarnissaata tungaanut sivisunerpaamilli siunnersuumik tamanut saqqummiussinermiit ukioq ataaseq (Pilersaarusiornermut inatsimmi 31, imm. 3). Inaarutaasumik inatsisitigut sunniutit Kommunimut pilersaarutip piviusunngortinneqarnissaanut Kommunalbestyrelse atuuttussaavoq, tassunga ilanngullugu nunaminertanik atugassiinerni (Pilersaarusiornermut inatsimmi 29). Kommunalbestyrelsimit kommunimut pilersaarummut tapiliussaq inaarutaasumik akuersissutigineqarpat tamanullu saqqummiunneqarluni, taava nunaminertat, illut atortullu kommunimut pilersaarummut tapiliussatut siunnersuummi ilaatinneqartut taamaallaat atorneqarsinnaapput imaluunniit sanaartorfigineqarsinnaapput kommunimut pilersaarummut tapiliussami aalajangersakkat naapertorlugit (Pilersaarusiornermut inatsimmi 30). Immikkulli pisoqartillugu malinninnginnerit annikitsut immikkut ittumik akuersissutigine-qarsinnaapput. Malinninnginnerilli annerusut pitillugit tamanna nutaamik kommunimut pilersaarummut tapiliussamik pisariaqartitsissaaq (Pilersaarusiornermut inatsimmi 50). Nunaminertanik, illunik atortulersuutinillu manna tikillugu atuinerit ingerlaannarsinaapput akerliannilli assersuutigalugu atuinerit allanngortinneqarnerat imaluunniit nutaanik illuliornerit kommunimut pilersaarummut tapiliussamut akerliussanngillat. Kommunimut pilersaarummut tapiliussap malitsigisaanik imaanngilaq nunaminertat, illut atortulersuutillu pilersaarummiittut sanaartorneqassasut. KOMMUNEQARFIK SERMERSOOQ 14
3A6-1 QASIGIANNGUIT, NUUK AALAJANGERSAKKAT 2 AALAJANGERSAKKAT Matumuuna Pilersaarusiorneq aamma nunaminertanik atuineq pillugit Inatsisartut inatsisaat nr. 17, 17. novembari 2010-meersoq (Pilersaarusiornermut inatsit) naapertorlugu Kommunalbestyrelsip aalajangersakkat tullinnguuttut makku aalajangersarpai. Aalajangersakkat pingaarnernut sukumiisunullu avitaapput. Aalajangersakkat tamarmik inatsisitigut pituttuisuupput taamaattorli immikkut ittunik atugassaqartoqartillugu aalajangersakkanit sukumiisunit immikkut ittunik akuersissuteqartoqarsinnaavoq. Pilersaarutip tunngaviusumik imarisai tassaapput aalajangersakkat pingaarnerit taamaattumillu aalajangersakkanit taakkunannga immikkut ittunik akuersissuteqartoqarsinnaanngilaq. 2.1 PINGAARNERTUT AALAJANGERSAGAAREERSUT 2.2 AALAJANGERSAKKAT PINGAARNERIT NUTAAT Nunap ilaata killeqarfilersorneqarnera 1. Siunertat Inissiaqarfik Inissiaqarfik 2. Atorneqarfissai Inissiat ammasut pukkitsut Inissiat ammasut pukkitsut meeqqerivinnullu siunertaqartut KOMMUNEQARFIK SERMERSOOQ 15
3A6-1 QASIGIANNGUIT, NUUK AALAJANGERSAKKAT 3. Illuliat Nunap ilaa ilaqutariinnut ataatsinut illut aamma affarleriit illunut ammasunut pukkitsunut atugassiissutaavoq. Nunap ilaani inissianik ammasunik pukkitsunillu atugassiissutigineqartuni killilimmik illut uiguleriiaanik immikkuullarissunillu sanasoqarsinnaavoq. Inissianut ammasunut pukkitsunullu tunngatillugu naatsiivimmut, aneerasaartarfimmut ammasumut assigisaannullu nunaminertamik inissiamut ataatsimut annerpaamik 50 km2-isut annertutigisumik inissiamut toqqaannartumik attuumassuteqartumik atugassiisoqarsinnaavoq. Nunaminertat arlaannaalluunniit inissiamut allamut qaninnermiissanngilaq. Nunap ilaa ilaqutariinnut ataatsinut illunut, illunut uiguleriiaanut, illunut affarleriinnut, illunut malittariiaanut aamma inissianut aappaa affarmik quleriinnut atugassiissutaavoq. Illut arlaannaalluunniit ilanngussami 3-mi taaneqartumit portuneroqqusaanngillat. Sanaartorneq ilusilersorneqassaaq nunap ilusaa isikkoreriigaalu aserfallatsernaveersaarlugu. 4. Inissaqassuseq Nunap ilaa 4 ha.-it missaannik annertussuseqarpoq. Nunap ilaa 4 ha.-it missaannik annertussuseqarpoq. Nunap ilaa sanaartukkat 25-30 procentiisa annertoqataannik inissianik 10-12.000 kvm-isut annertutigisunik sanaartortoqarsinnaavoq. 5. Eriagisariaqartut [ soqanngilaq ] [soqanngilaq] 6. Nunaminertat piumasaqaatitaqarfiusut [soqanngilaq] [soqanngilaq] 7. Aqqusinertigut angallanneq teknikkikkullu pilersuutit Nunap ilaanit 3A3-mit nunap ilaanut aqqusineqassaaq Nunap ilaanit 3A3-mit nunap ilaanut aqqusineqassaaq 8. Illoqarfimmik nutarterineq [soqanngilaq] [soqanngilaq] 9. Immikkoortukkuutaat [soqanngilaq] [soqanngilaq] KOMMUNEQARFIK SERMERSOOQ 16
3A6-1 QASIGIANNGUIT, NUUK AALAJANGERSAKKAT 2.3 AALAJANGERSAKKAT SUKUMIISUT 1. Illut inissisimanerat 1.1 Illut ilanngussami 2 aamma 3-mi aamma sanaartorfissatut allaaserineqartut iluinut taamallaat inissinneqaassapput. 1.2 Najugaqartut peqatigiiffiannit akuersissuteqarpata aamma piginnittumit piginnittulluunniit peqatigiiffiannit, taakku illuutaannit sananeqartussatut eqqarsaatigineqartup tungaanut 20 meterinit qaninneruppat, itigartitsissutigineqanngippat. Sanaartugassat pingaannginnerusut soorlu quit, illut naatitsiviit assigisaallu sanaartorfissat avataanni sunngiffimmi atortulersuutaasivimmi sananeqarsinnaapput. 2. Illut silataasa isikkui Illut 2.1 Illuliorfissatut periarfissat ilanngussani 2 aamma 3-mi takuneqarsinnaapput. 2.2 Atuineq illunut/meeqqerivik -ttut allanneqarsimappat sanaatorfissaq illunut, meeqqerivinnut assigisaannullu atorneqarsinnaavoq. 2.3 Inissiat quleriit 2,5-itut taaneqarsimappata sanimut tamanut marlunnik quleriiliortoqarsinnaavoq aamma toqqaviup ilaa tamanna atorneqarsinnaappat atorneqartariaqarpoq. Nunap sanaatorfigiuminarsarneqareersup qaavanit illut quleriinnik marlunnik sinneqassanngillat. 2.4 Inissiat quleriit 2,0-itut taaneqarsimappata sanimut ataatsimik toqqissuliortoqarsinnaavoq toqqavimmut atorneqarsinnaappat atorneqartariaqarpoq. Nunap sanaatorfigissarneqareersup ajornartinngippagu illu marlunnik quleriit sananeqarsinnaapput, taamaalillutik toqqavii sukkulluunniit nunap qaavanit 1,5 meterinit portunerussanatik. 2.5 Inissiat quleriit 1,5-itut taaneqarsimappata sanimut ataatsimik toqqissuliortoqarsinnaavoq aamma toqqaviup ilaa atorneqarsinnaappat atorneqartariaqarpoq. Nunap sanaatorfigiuminarsarneqareersup qaavaniit illut quleriit ataatsitut isikkoqassapput. 2.6 Ilanngussani illut portunerpaaffissaattut taaneqartut tassaapput illup pingaarnerup ilaata akuerineqarsinnaasup portunerpaaffissaa. Antennit, pujoorfiit illullu atortui pingaannginnerit portunerusinnaapput. 2.7 Illut pingaannginnerit soorlu quit, illut naatitsiviit assigisaallu tunngavimmikkut 40 kvm-it sinneqassanngilaat aamma nunap qaavanit portunerpaartaanit uuttortarlugu qummut 3 meterinit portuneroqqusaanngillat. Illut silataat 2.8 Ilanngussami 5-imi takutinneqartutut illut silaataasa qalliutaat qillinngitsuussapput qalipaateqarlutillu. 2.9 Toqqaviit naqqullu iigaasa qalliutaat silarliit ersittut usserummik taninneqassapput qernertuullutilluunniit. 2.10 Seqernut kissaanik uunnaanik nukiliuutit assigisaallu eqqaamiunut inngianarneri akornutaassanngillat. KOMMUNEQARFIK SERMERSOOQ 17
3A6-1 QASIGIANNGUIT, NUUK AALAJANGERSAKKAT Illut qalii 2.11 Qaliat illuinnarsiortuussapput sivinganerat annerpaamik 12 gradiullutik. 2.12 Illut qaliaai qalissianik qernertunik igalaaminernilluunniit qalliuteqartinneqassapput. 3. Aqquserngit pisuinnarnullu aqqutit Aqquserngit 3.1 Nunap ilaani aqqusineq 3A3-mit Nerngallaa-nit Paarnat kujataatungaanit nangitsisumik aqquserngiortoqassaaq. 3.2 Nunap ilaani illuttut ingerlaffissalimmik najugaqartunut aqquserngiortoqassaaq. Biilinut inissiisarfiit avannarlersaannit eqqakkat aqqutaannut imaarsaaviup nakkartitsiviullu stationianut ataatsimik aqqutilimmik aqqusineeraliortoqassaaq. Biilinut inissiisarfiit kujallersaannit pisuinnaat aqqutaat ajutoornermi annanniarnermilu aqqusinertut atorneqarsinnaasunngorlugu silittumik qalliutilimmik aqqusineeraliortoqassaaq. 3.3 Meeqqeriviliortoqassappat avannaatungaani Eqalugalinnguit nalaani ataatsip tungaannaanut ingerlavissalimmik aqquserngiortoqassaaq sivikitsumik biilinut uninngavigineqarsinnaasunik inissiisarfiliortoqassalluni. Pisuinnartunut aqqutit 3.4 Nunap ilaani ilanngussami 4-mi takutinneqartutut aalajangersimasunik attavilinnik pisuinnarnut aqqutiliortoqassaaq. Pisuinnartunut aqqutit inissavia, tassunga ilanngullugit tummeqqat, nunap qanoq ittuunera apeqqutaatillugu nalimmassarneqassapput. Biilinik inissiisarneq 3.5 Ilanngussami 4-mi takutinneqartutut tunngaviusumik biilinut inissiisarfiliortoqassaaq. Illumut ataatsimut 100 kvm-init anginerusunut tamanut biilinut inissiisarfik ataaseq, inissianut 65 aamma 99 kvm-isut annertutigisunut tamanut pingasunut inissiisarfik ataaseq kiisalu inissianut sisamanut 64 kvm-init mikinerusunut inissiisarfik ataaseq. 3.6 Meeqqerivimmi meeqqanut qulinut biilinut inissiisarfik ataaseq naatsorsuutigineqartarpoq. 3.7 Biilinut immiissutit biilinut inissiisarfiit eqqaannut taamaallaat ivertinneqassapput. Aserfallatsaaliunerit 3.8 Aqqusinernik, pisuinnartunut aqqutit biilinillu inissiisarfinnik ingerlatsinerit aserfallatsaaliuinerillu nunap ilaani najugaqartut peqatigiiffiannit isumagineqassapput. KOMMUNEQARFIK SERMERSOOQ 18
3A6-1 QASIGIANNGUIT, NUUK AALAJANGERSAKKAT 4. Nunaminertat sanaartorfigineqanngitsut sunngiffimmilu atortulersuutit 4.1 Pinnguartarfik skatertarfittut isikkulik sananeqassaaq ilanngussamilu 4-mi takutinneqartutut inissinneqassalluni. 4.2 Ilanngussami 4-mi takutinneqartutut talittarffimmik puttasuliortoqassaaq. 4.3 Nunaminertat ilanngussami takutinneqartut saniatigut nunap ilaani najugaqartut peqatigiiffiannit akuerineqareerpata aamma illu atortorissaarutit eqqarsaatigineqartut inissisimaffiannit 10 meterinit qaninnerusumik piginnittumit imaluunniit najugaqartut peqatigiiffiannit itigartitsissutigineqanngippat sunngiffimmi atortulersuisoqarsinnaavoq. 4.4 Nunaminertanik sanaartorfigineqanngitsunik sunngiffimmilu atortunik ingerlatsinerit aserfallatsaaliuinerillu nunap ilaani najugaqartut peqatigiiffiannit isumagineqartussaapput. 5. Teknikkikkut atortulersuutit 5.1 Illut pisortat innaallagissamut, imermut kiassarnermullu aqqutaataannut aamma eqqakkat aqqutaannut attavilerneqassapput. 5.2 Imikoq pisortat eqqakkat aqqutaannukartinneqassaaq. Imikoq qasertoq najukkami salinneqarsinnaavoq aamma assersuutigalugu naatitanik imerterutissatut atoqqinneqarsinnaalluni. Nunap qaavata ernga nunap ilaani sanaartukkanut akornutaanngitsumik aamma aqqusinertigut angallanneq annikillisinnagu kuutsinneqassaaq. 5.3 Pilersuutit aqqutaat nunamut assanneqassapput. Sapinngisamik ledningit soorlu tummeqqat, aqqutiliat illullu ilaata aniinganerisa ataatigoortinneqarsinnaapput. 5.4 Nunap ilaani transformatoriisivinnik sanaartorfinnilu tamakkununnga atugassiissutigineqartuni teknikkimut atortulersuutinik ataatsimoorussanik ivertitsisoqarsinnaavoq. 5.5 Containerit eqqaaviit immikkut ittumik inissiffissaannut containerip portoqataanik minnerpaamik sanimut marlunnik ungaluuserlugit ilanngussami 5-mi qalipaatit naapertorlugit aaqqissuunneqarsinnaapput. KOMMUNEQARFIK SERMERSOOQ 19
3A6-1 QASIGIANNGUIT, NUUK AALAJANGERSAKKAT 6. Nunaminertat sanaartorfigineqanngitsut 6.1 Naasut piffimmeereersut sapinngisamik mianersuunneqassapput. Issoq nunalu sanaartorfigiuminarsaanermi sanaartornermilu piiarneqartut qorsunngortitsilluarnissaq siunertaralugu nunap ilaani sapinngisamik atoqqinneqassapput. 6.2 Nunaminertat atorneqanngitsut qaartiterinermi qaartiternerlukunilluunniit assartuinermi siammarsimasinnaasunik salinneqassaaq. 6.3 Naatsiiviit nunap ilaani najugaqartut peqatigiiffiannit akuerineqarpata aamma najugaqartut peqatigiiffiannit, taakku illuutaannit naatsiivissatut eqqarsaatigineqartup tungaanut 20 meterinit qaninneruppat, itigartitsissutigineqanngippat sanaartorneqarsinnaapput. Naatsiiviit ungalukkanik qisunnit suliarineqanngitsunit imaluunniit qisunnit qernertunik qalipatanik/usserutilinnilluunniit portunerpaaffimmikkut 0,6 meterisut portutigisunit illersuuserneqarsinnaapput, avannamullu portunerpaamik 1,2 meterit. Naatsiiviit ungalullit annerpaamik 25 kvm-iussapput, sinaa takineq takinerpaaffimmigut 5 meteriussaaq aamma naatsiiviit marluk akornanni nunaminertat minnerpaamik 2 meteriussaaq. 7. Eriagisassat [soqanngilaq] 8. Pinngortitami illersorneqartussatut soqutigisat [soqanngilaq] 9. Nunalerinermik soqutigisat [soqanngilaq] 10. Ataatsimut atortulersuutit [soqanngilaq] 11. Najugaqartut peqatigiiffiat 11.1 Nunap ilaani 3A6-1-imi illuutilinnit tamanit ilaasortaaffigineqartumik peqatigiiffiannik pilersitsisoqassaaq. 11.2 Peqatigiiffiup ataatsimut soqutigisat aserfallatsaaliorneqarnissaat akisussaaffigai, 3 imm. 5 aamma 4 imm. 4 takukkit. 11.3 Illuliornissat, atortulersuusiornissat naatsiiviliornissallu peqatigiiffimmit aalajangerneqassapput, 1 imm. 2, 4 imm. 3 aamma 6 imm. 3 takukkit. 12. Avatangiisink artukkiinissamut killissat [soqanngilaq] 13. Illut nukissiuutinik atuinikitsut [soqanngilaq] KOMMUNEQARFIK SERMERSOOQ 20
ilisarnaatinut nassuiaatit signaturforklaring immikkoortoq / delområde 3D7 illut pioreersut / exst. bygninger sanaartorfissat / byggefelter 3D5 3A3 3A6 3D6 3A1 3A2 KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø Kommunimut pilersaarummut tapiliussaq 3A6-1 Kommuneplantillæg 3A6-1 ilanngussaq 1: nunap assinga bilag 1: kort januaari / januar 2017 uutuut / skala 1:2.000 0 40 80 120 160 200
ilisarnaatinut nassuiaatit signaturforklaring sanaartorfissaq nr. byggefelt med nr. appusiffik snedeponi Sanaatorfinnut ataasiakkaanut ilanngussani portussutsit, nunaminertap sanaatorfigineqartup angissusia il.il. pillugit aalajangersakkat allaqqapput 3A bestemmelser om højder, bebygget areal mm. for hvert enkelt byggefelt fremgår af bilag 3B KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø ilanngussaq 2: sanaartofissat bilag 2: byggefelter januaari / januar 2017 Kommunimut pilersaarummut tapiliussaq 3A6-1 Kommuneplantillæg 3A6-1
sanaartorfissaq nr. atuineq inissat amerlassuisat sanaartorfik silissusia qulerit sanaartorfik atitussusia nunaminertap anginerpaafissaa portussutsit 01 inigisat/atorfeqarfik 12-24 42 18 550 2,5 24,0 02 teknik 4 9 30 1,0 14,0 03 piginn. inissiat 6-8 33 21 420 2,5 17,0 04 piginn. inissiat 6-8 33 21 420 2,5 16,5 05 piginn. inissiat 6-8 33 21 420 2,5 16,5 06 inigisaq 1 9 18 110 1,5 16,0 07 inigisaq 1 9 18 110 1,5 17,0 08 inigisaq 1 9 18 110 1,5 17,0 09 inigisaq 1 9 18 110 1,5 17,0 10 inigisaq 1 9 18 110 1,5 17,0 11 teknik 4 9 30 1,0 12,5 12 inigisaq 1 9 18 110 1,5 18,0 13 inigisat 2 16 16 170 2,0 24,0 14 inigisat 2 16 16 170 2,0 23,0 15 inigisat 2 16 16 170 2,0 22,5 16 inigisat 2 16 16 170 2,0 27,5 17 inigisat 2 16 16 170 2,0 26,0 18 inigisat 2 16 16 170 2,0 25,0 19 piginn. inissiat 4-6 22 14 270 2,5 26,0 20 inigisat/atorfeqarfik 12-24 42 18 550 2,5 28,5 21 inigisat/atorfeqarfik 10-28 47 18 600 2,5 28,5 skemamut nassuiaat: inigisat/atorfeqarfik Aalajangersakkani sukumiisuni 2.2 takukkit. teknik: Illut mikinerusut immikkoortup ilaanik pilersuinermut tunngaviisiisutut. piginniqatigiillunni inissiat: Ilaqutariinnut illut, pingaarnertut piginneqatigiilluni inissiaatitiliornissat siunertaralugit. inissiat amerlassusiat: Suliassaq annertuppat kisitsisit marluk taakku minnerpaaffianut annerpaaffianullu nassuiaataapput. Assersuut: Sanaartorfik 01-imi "12-24" imatut paasineqassaaq; illut aqqaneq-marluk inorpatigit illuliat atorneqalissanngitsut aamma sanaartorfimmi illut 24-t sinnerlugit sanaartortoqassanngitsoq. nunaminertap annertunerpaaffia: Sanaartorfimmi nunaminertap sanaatorfigineqartup akuerisaasumik annerpaaffissaanik oqaatiginnippoq. Sanaatorfiup silissusia atitussusialu qassinik sanaartortoqarsinnaaneranik oqaatiginninngilaq. quleriit: Aalajangersakkani sukumiisuni 2.3, 2.4 aamma 2.5 takukkit. portunerpaaffissaa: Aalajangersakkani sukumiisuni 2.6 takuuk. KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø Kommunimut pilersaarummut tapiliussaq 3A6-1 Kommuneplantillæg 3A6-1 ilanngussaq 3A: sanaartorfiit atorneqarnerat, kalaallisssut bilag 3A: byggefelternes anvendelse, grønlandsk januaari / januar 2017
byggefelt nr. anvendelse antal boliger byggefelt bredde byggefelt dybde areal max. etager kipkote 01 bolig/institution 12-24 42 18 550 2,5 24,0 02 teknik 4 9 30 1,0 14,0 03 andelsbolig 6-8 33 21 420 2,5 17,0 04 andelsbolig 6-8 33 21 420 2,5 16,5 05 andelsbolig 6-8 33 21 420 2,5 16,5 06 bolig 1 9 18 110 1,5 16,0 07 bolig 1 9 18 110 1,5 17,0 08 bolig 1 9 18 110 1,5 17,0 09 bolig 1 9 18 110 1,5 17,0 10 bolig 1 9 18 110 1,5 17,0 11 teknik 4 9 30 1,0 12,5 12 bolig 1 9 18 110 1,5 18,0 13 bolig 2 16 16 170 2,0 24,0 14 bolig 2 16 16 170 2,0 23,0 15 bolig 2 16 16 170 2,0 22,5 16 bolig 2 16 16 170 2,0 27,5 17 bolig 2 16 16 170 2,0 26,0 18 bolig 2 16 16 170 2,0 25,0 19 andelsbolig 4-6 22 14 270 2,5 26,0 20 bolig/institution 12-24 42 18 550 2,5 28,5 21 bolig/institution 10-28 47 18 600 2,5 28,5 Forklaring til skema: anvendelse bolig/institution: Se detaljerede bestemmelser 2.2 anvendelse teknik: Mindre bygninger til understøtning af områdets forsyningsforhold. anvendelse andelsbolig: Familieboliger, primært med henblik på etablering af andelsboliger. antal boliger: Når der er opgivet et spænd, er de to tal udtryk for minimum og maximum. Exempel: På byggefelt 01 skal "12-24" læses således at der ikke må tages byggeri ibrug som rummer færre end 12 boliger, og der må ikke etableres mere end 24 boliger på byggefeltet. areal max: Angiver det højst tilladte bebyggede areal / bygningsaftryk på terræn indenfor et byggefelt. Produktet af den angivne bredde og dybde på byggefeltet er altså ikke udtryk for hvor meget der må bebygges. etager: Se detaljerede bestemmelser 2.3, 2.4 og 2.5. kipkote max.: Se detaljerede bestemmelser 2.6. KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø Kommunimut pilersaarummut tapiliussaq 3A6-1 Kommuneplantillæg 3A6-1 ilanngussaq 3B: sanaartorfiit atorneqarnerat, qallunaatut bilag 3B: byggefelternes anvendelse, dansk januaari / januar 2017
talittarfik puttasoq pontonbro kimmernat paarnat pisuinnartunut aqutissiaq sti akornanni akornannut aqqusineq nutaaq ny vej skater paarnat nerngallaa kiss n ride eqalugalinnguit bussii KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø Kommunimut pilersaarummut tapiliussaq 3A6-1 Kommuneplantillæg 3A6-1 ilanngussaq 4: pilersaarutit assiliartaliaa bilag 4: illustrationsplan januaari / januar 2017
saaq / facade aapaluttoq / rød NCS 2570 Y90R - NCS 3560 Y90R qorsuk / grøn NCS 7010 G10Y - NCS 6020 G30Y sungaartoq / gul NCS 2040 Y20R - NCS 2060 Y20R tungujortoq / blå NCS 5040 R90B -4050 R80B toqqavik / sokkel qernertoq - taartoq / sort - mørk usserutaasaq / tjære - asfalt igalaat / vinduer qaqortoq / hvid KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø ilanngussaq 5: qalipaat bilag 5: farver januaari / januar 2017 Kommunimut pilersaarummut tapiliussaq 3A6-1 Kommuneplantillæg 3A6-1