Inuttut alloriarneq annertooq Allattoq: Kirstine Kreutzmann Imminut nalikitsutut isigineq, ajortussarsiorneq, kukkunersiuineq, tatiginnginneq, nalornineq, inuunermilu nuanniilliuuteqartuarneq. Soormi kinaassuserput akueralugu nuannersumik inuunissamik siunnerfeqalerutta? Ilami taamaaliorutta immitsinnuinnaq pinnata aamma avatangiisigut pitsaanerusumik sunnersinnaassagatsigit. Master Coach Pipaluk Lund aamma Master Coach Kirstine Kreutzmann, aaliangerput Nunatsinni inuunerup nuannernerusumik naleqarnerusumilu atorneqarnissaanik isummanik nutaanik atuillutik iliuuseqarniarlutik. Pikkorissaaneq Pikkorissarnissami ulluni sisamani sivisutigisumi kujataani Sillisit-ni arnat arfineq pingasut pikkorissarnissamut nalunaarsimasut tikikkiartulerput. Suleqatigiilluni pikkorissaaneq siulleq savaatilinni ingerlanneqartussaq piareeriartulerpoq. Pikkorissaasunut misilittagaq nutaaq, anguniakkallu tungaanut alloriarneq siulleq pingaarutilik aallartiinnaleqaaq. Pissanganeq, annilaanganeq, qununeq, akunnattuunganerlu pikkorissartussat isaaneranni malunnarpoq. Pikkorissartut ullut sisamat ataatsimoorlutik ineqatigiittussaapput, nunaqarfeeqannguamiikkamillu imaaliallaannaq allamut nikeriaannaanngillat. Ulluni sisamani inuttut ineriartornermi pikkorissarnissassinnut tikilluaritsi. Ilisimassavarsi ullut sisamat ingerlaneranni inuunissinni inississimanngisassinnik inissiissagassi, siunissamilu inuunissinnut sakkussanik immersorneqassagassi. Pikkorissaasut pikkorissagassaminnut tikilluaqqusillutik ilisimatitsissuteqarput. Pikkorissartut issiaviit iloqqasunngorlugit issiapput, imminnullu ilisaritinnissaminnut piareeqqallutik. Ulluni sisamani inuttut ineriartorneq imartooq aallartilluarpoq. Nammineq toqqagaq Inuunitsinni qanoq inoorusunnerluta siunissami ilusilersorsinnaavarput, tamannalu nammineq kiffaanngissuseqarluni toqqaanerussaaq. Inuunermi pisussanik tamanik nammineq toqqaasarpugut, inuiaqatigiilli akornanni naleqartitanut pingaartitanullu ulluinnarni tulluussassalluta pikkoriffigisaqaarput. Inuiaqatigiit akornanni allaanerusumik iliortarnermi annertuumik kanngusunneq pilersinnaasarpoq. Allatut toqqaanermut kanngusunneq, allatut pissusilersornermut kanngusunneq, allaanerunermut kanngusunneq il.il. Tamatuma kingunerisarpaa iliuuseqarnissamut tunuarsimaalerneq, inuunerullu nalikinneruleriartorneranik misigisimajartulerneq. Inuit ilaasa pikkoriffigeqaat pitsaasumik sunniissallutik, inoqarporli aamma inuunerminnik allannguinissaminnut nangiartunik. Tamanna pissusissamisoorpa? Pikkorissartut tamanna namminneq qanoq iliuuseqarfigivaat. Imminut aallaavigigit Inuusugut allat naatsersuutaat aallaavigalugit inooqqajaaneq aalluttarparput. Meeqqat pisariaqartitaat, aappap, ilaquttat, allat, suliffiup pisariaqartitai aallaavigalugit inuuneq. Imminut puigorluta inuuneq ingerlassinnaasarparput. Tamannali tamaanga killeqarpoq. Kukkunersiorneq, ajortussarsiornerlu imminut nakkarsarnerupput eqqarsaatitsinni taamaallaat pigisarsinnaasagut. Taakkuli isumalioriaatsit takutippaatigut ilumut pisut aallaavigalugit pitsaanerusumik inissittariaqarnitsinnik oqariartuuteqarlutik. Assigiinngissuserput akueralugu, kinaassuserput akueralugu, naleqartitagut aallaavigalugit inuulluta, immitsinnullu tapersersorluta. Taakkuupput imminut nakkarsarsimanermi sakkussat atorsinnaasagut. Imminut aallaaviginak inuuguit nikallungarujussuarnermik kinguneqarsinnaavoq, tassami misigissutsippit oqarfigissammatit inuunerit illit takorluukkattut inuunererusutattullu atunngikkit. Akisussaaffimmik tigusineq Assaa. Tassa ullut sisamat naammassippat? Sivikik! Unganartusi!, Inuuneq pikkunaq! Pilluarnaq!, Qanormita avatangiisima malugissavaannga?, ilaatigut pikkorissarnerup naammassinerani tamakku oqaatsit tusarsaapput. Pikkorissartut inuunerminni aqqusaarusutaminnik inuuneqarusunnerminnillu akisussaaffimmik tigusillutik nunagisaminnut uterput. Pikkorissaasullu pikkorissaanerup tullissaanut piareerlutik sulinertik ingerlateqqippaat. Pipaluk Lund aamma Kirstine Kreutzmann siunissami Sineriak angalaarlugu pikkorissaasarnissartik takorloorpaat, pingaartumillu inuusuttut isiginiassallugit aaliangiusimallugu. Inuunermik naleqarnerusumik inuuneqarusukkaanni siunnersuutit tallimat: Imminut akuerigit: Inuunerisat nuanniilliuutigisimagukku isumakkeerfigiuk, qanorlu siunissami inoorusunnerlutit siunnerfeqalerlutit. Imminut malugigit: Misigissutsitit suunersut ilisimakkit, oqariartuutaallu tusarnaarlugu. Sanilliussinaveersaarit: Inuuninni pisimasut inuunerillu, allat inuunerannut atugaannullu sanillersuunnaveersaaruk, illilli naleqartitatit pitsaanerpaamik aallullugit. Avatangiisit: Avatangiisit tapersersortigikkit. Siunniussatit avatangiisinnut tusartikkit, avatangiisippillu qanoq qisuariarfigsarnissaat eqqarsaatigilluaruk. Imminut nersualaarit: Immaqa tarrarsuummi takugaangavit imminut ajorisarputit? Pitsaaffitit kusagisatillu pillugit imminut nersualaarit.
Qaqortup Napparsimavia/Qaqortoq Regionssygehus pikkorissumik allaffimmiussarsiorpoq (økonomi- & servicemedarbejder) Atorfik allaffimmiutut/kiffartuusisartutut (økonomi- & servicemedarbejder) inuttasarsiorneqarpoq 1.9.2015 aallarnerfigalugu imaluunnit isumaqatigiissuteqarnikkut. Sulilertoq suleqatit kikkut tamarmik napparsimavimmiittut attaveqarfigissavai suleqatillu Nanortallip Narsallu napparsimaviini sulisut ilanngullugit. Tunniussinnaasatit noqqaassutigineqartuassapput. Alaakkaasumik kikkunnullu kiffartuusinerpalaartumik kiinnersinnaasumik suleqatissarsiorpugut. Suliassat Allaffissornerit naatsorsuuserineq (bogføring) ilisimaarilluarpat; Namminersorlutit Oqartussat naatsorsuuserinermi system-ia IRIS ilisimavat qularnaatsumillu aningaasat atukkat ikkussorsinaallugit; PM-iliassat sanallugit il.il. Akunnermusisartut tiimii Akissarsialerivimmut nalunaarutigisassavatit kukkunersiortarlugillu; qaammammusisartut qaammatikkaartutmik immersortagaat nassiuttassavatit k ukkunersiorlugillu. Kiffartuussinerit Kiffartuussinikkut Region-mi aqutsisut sinnerlugit kiffartuussineq ingerlatissavat. Innersuussutigineqartut sulilertussat tikilernermi/aallalernermi billet-sissaannik piniartassaatit; inigiligassaannik immikkoortitsisassaatit huslejissaanillu kaleriillutillu akilersittassavatit maleruagassat malillugit. Sulinermi atatillugu angalasussanngoraangamik bilitsissaannik/unnuinissaanullu isumagisassat piniuuttassavatit innersuussineq malillugu; angalareernerup kingorna dagpenge-ssaanik pappialarsornerit ingerlallugit DCR-mut nassiullugit il.il. Allaffimmioq (økonomi-&servicemedarbejder) ittorissavaa ingerlatsinermi aqutsisoq/regionsdriftleder. Piginnaasat Allaffimmiutut ilinniarsimassaatit kukkunersiuinermi/naatsorsuuserinermi misilittagaqarluarlutit. Suliffimmi sulisut tamarmik attaveqaqateqarfigisartussaagakkit kiffartuussinerpalaarneq pigissavat inussiarnernermik ilallugu saaffigikkuminartuuneq suleqatinut sulilertussanullu nutaat eqaarsaatigalugit. Marluinnik oqalullutillu allassinnaassaatit kalaallit danskillu oqasii tamarmik pigalugit. Atorfininneq pissaq Namminersorlutit Oqartussat/SIK-lu akornanni Niuernermik Ilinniarsimasunut isumaqatigiissut najoqqutaralugu. Atorfik pillugu qaninnerusumik paasisaqarusukkuvit aqutsinermi ingerlatsisoq Søren Svenningsen tlf. 647663 attaveqarfigissavat. Atorfininnermut akissarsiariligassanut paasisaqarusukkuvit Peqqinnissarfiup Sulisoqarnermut Aqutsivianut saaffiginnissinnaavutit Erik Egede tlf. 34 46 81. Qinnuteqaatit, ilinniarsimaninnut uppernarsaatit, sulisitsisorisimasannik oqaaseqaatit il.il. mail-mut uunga nassiutissavatit: qaqshv@peqqik.gl kingusinnerpaamik ataas 3. august 2015. Peqqinnissarqarfiup Kujataani immikkoortuani uku ilaaput; Nanortallip Peqqissavia nunaqarfiillu 3, Qaqortumi Napparsimavik nunaqarfiillu 6, Narsap Peqqissaavia nunaqarfiillu 3.
Qaqortoq Regionssygehus søger dygtig økonomi- & servicemedarbejder En stilling som økonomi/servicemedarbejder i Regionssygehus Qaqortoq Sygehus er ledig til besættelse pr. 01.09.2015 eller efter aftale. Stillingen bringer dig i kontakt med al personalet på regionssygehuset og med kolleger på Sundhedscenteret i Nanortalik og Narsaq. Der vil være efterspørgsel efter din indsats. Du er et stabilt og imødekommende menneske. Arbejdsopgaver: Økonomisiden du er en erfaren bogholder; du er godkender i Selvstyrets kreditorprogram og varetager sikkert registrering af regionens forbrug, interne PM er mv. Du foretager lønindberetning af timelønnede og kontrol heraf; du fremsender tjenestetidskemaer for månedslønnede og foretager kontrol heraf. Servicesiden På servicesiden er du regionsledelsens forlængede arm hvad angår nyansatte. Du booker ansættelsesrejse/fratrædelsesrejse efter indstilling, du booker lejligheden/boligen, de skal bebo og sørger for at husleje løntrækkes efter gældende regler. Du booker endvidere rejse og logi ved personales tjenesterejser og ekspederer rejseafregning mv. til DCR. Økonomi- & servicemedarbejderen refererer til regionsdriftleder. Kvalifikationer: Du er kontoruddannet/serviceminded og har erfaring fra bogholderifunktion. Da du får en stor kontaktflade til de ansatte i huset er det vigtigt at du er indstillet på en åben og imødekommende dialog med kolleger og nye kolleger. Du er flydende grønlandsk- og dansksproget. Ansættelse vil ske i henhold til overenskomst mellem Grønlands Selvstyre og SIK for Handels- og Kontorpersonale. Nærmere oplysninger om stillingen, kan indhentes hos regionsdriftleder Søren Svenningsen på tlf. 647663. Generelle oplysninger om løn- og ansættelsesforhold kan indhentes ved Styrelsen for Sundhed, Personaleafdelingen, Erik Egede på telefon 34 46 81. Skriftlig ansøgning med oplysning om uddannelse, tidligere beskæftigelse samt kopi af eksamensbeviser Bedes sendt pr. mail til qaqshv@peqqik.gl og skal være os i hænde senest mandag den 3. august 2015. Sundhedsregionen Kujataa består af Nanortalik Sundhedscenter og 3 bygder, Qaqortoq Regionssygehus med 6 bygder og Narsaq Sundhedscenter og 3 bygder.