c:\users\hko\desktop\generalforsamlingsprotokol - gl version.docx Jurist: Peter Schriver Sekr: Stine Skifte Pedersen J.nr.: 2170165 PS/ss Dato: 12.06.17 Ileqquusumik ukiumoortumik ataatsimeersuarnermi inerniliineq Ukioq 2017, 7. juni, nal. 10.00 NUNAOIL A/S-imi, reg.nr. A/S 68.116 ileqquusumik ataatsimeersuarneq ingerlanneqarpoq, ingerlatseqatigiiffiup allaffeqarfiani Tuapannguit 38, 3900 Nuuk. Ataatsimeersuarnermut aggersaasoqarpoq oqaluuserisassallu tassaapput: 1. Ukiumi qaanngiuttumi siulersuisut ingerlatseqatigiiffiup ingerlasimaneranik nalunaarutaat. 2. Ukiumoortumik nalunaarusiap akueriqarnissaa siunertaralugu saqqummiussineq. 3. Ukiumi qaangiuttumi ingerlatseqatigiiffiup ingerlanerata kiisalu ukiuni aggersuni ungasinnerusumilu suliat pilersaarutigineqartut aningaasalersornissaat pillugit nassuiaat kiisalu ingerlatseqatigiiffiup aqutsilluarnissaq pillugu politikkianik nassuiaat. 4. Ukiumoortumik nalunaarusiaq akuerineqarsimasoq naapertorlugu sinneqartoorutit sumut atorneqarnissaannik imaluunniit amigartoorutit qanoq matuneqarnissaannik aalajangiineq. 5. Akissarsiatigut politikkip akuerineqarnissaa. 6. Siulersuisut ilaasortassaannik qinersineq, tassungalu atatillugu siulittaasumik toqqaaneq. 7. Siulersuisut ilaasortaasa akissarsiaannik aalajanngiineq. 8. Kukkunersiuisussamik qinersineq. 9. Siulersuisunit piginnittunilluunniit siunnersuutit Ataatsimeersuarnermi aqutsisussatut siulersuisut malittarisassani 3.10 malillugu inatsisileritooq Peter Schriver toqqarpaat, taassumalu erseqqissarpaa, Ataatsimeersuarnissamut qaaqqusissut malittarisassani 3.4 malillugu, allakkatigut piffissaq eqqorlugu 23. maj 2017 malittarissani 3.8 malillugu oqaluuserisassat ilanngullugit piginnittumut nassiunneqarsimasoq Ataatsimeersuarneq piginnittup akuersineratigut ataatsimeersuarnissami ulloq kingusinnerpaamik piffissaritaasoq qaangerlugu malittarisassani ingerlanneqassasoq Ataatsimeersuarnissamut qaaqqusissut tapiliussat ilanngullugit malittarisassani 3.5 malillugu Erhvervsstyrelsemut nassiunneqarsimasoq Nuna Advokater ApS, Qullilerfik 2, 6., Boks 59, 3900 Nuuk, Grønland (ApS reg. nr.: 452478) T: (299) 32 13 70 F: (299) 32 41 17 E: email@nuna-law.gl H: www.nuna-law.gl
side 2 Ingerlatseqatigiiffimmi tamakkiisumik aktiaatillit allaffeqarfimmi pisortaq Lars Balslev, Ingerlatseqatigiiffinnut Allattoqarfik, Namminersorlutik Oqartussat sinnerlugit najuummat, kiisalu Ataatsimeersuarneq taamaattumik inatsit malillugit aalajangiinnaallunilu ingerlanneqassasoq. -----ooooooo----- Oqaluuserisaq 1 - Ukiumi qaangiuttumi ingerlatseqatigiiffik pillugu siulersuisut nalunaarutaat. Siulersuisuni siulittaasoq Stine Bosse nalunaaruteqarpoq. Taassumalu saniatigut ukiumoortumik nalunaarusiami pisortat oqaaseqaataat innersuutigineqarpoq. Ataatsimeersuartunit nalunaarut tusaatissatut tiguneqarpoq. Oqaluuserisaq 2 - Ukiumoortumik nalunaarutip akuerisassanngorlugu saqqummiunneqarnissaa. 2016-mut Ukiumoortumik Nalunaarusiaq kukkunersiuisumit Knud Østergaard, Grønlands Revisionskontor A/S-mit saqqummiunneqarpoq nassuinarneqarlunilu. Ukiumoortumik Nalunaarut kr. 5.735.000 amigaartooruteqarpoq naligiissarinermilu kr. 42.602.000 kiisalu namminerisamik aningaasaatit kr. 17.161.000. Ukiumoortumik Nalunaarusiaq akerliusoqarani tamanillu akuerineqarpoq. Oqaluuserisaq 3 - Ukiumi qaangiuttumi ingerlatseqatigiiffiup suliaanik nassuiaaneq kiisalu ukiuni aggersuni ungasinnerusumilu suliassat pilersaarutigineqartut ingerlanneqarnissaat aningaasalersorneqarnissaallu ingerlatseqatigiiffimmilu aqutsilluarnissaq pillugu politikkip nassuiarneqarnissaa.
side 3 Ingerlatseqatigiiffiup suliaanik nassuiaanermi ukiumoortumik nalunaarut innersuutigineqarpoq, tassungalu atatillugu ingerlatseqatigiiffimmi aqutsilluarnissaq pillugu politikki. Kiisalu sukumiinerusumik nassuiaatissatut ingerlatseqatigiiffiup nittartagaa innersuutigineqarluni. Ataatsimeersuartunit nassuiaat tusaatissatut tiguneqarpoq. Oqaluuserisaq 4 - Sinneqartoorutit imaluunnit amigaartoorutit ukiumoortumik nalunaarut malillugu qanoq atorneqarnissaannik matuneqarnissaanniilluunniit aalajangiineq. Akerliusoqanngitsumik aalajangerneqarpoq ukiumi amigaartoorutit kr. 5.753.000 ukioq naatsorsuiffiup tullianut ingerlatinneqassasut. 5 Akissarsiatigut politikkimik akuersineq. Ataatsimeersuarnermi aqutsisup siulersuisut oqaluuserisassatut siunnersuutaat innersuutigaa. Ataatsimeersuarnermi akissarsiatigut politikki tusaatissatut tiguneqarpoq 6 Siulersuisunik qinersineq, tamatumalu ataani siulittaasussamik qinersineq. Ilisimatitsissutigineqarpoq siulersuisuni ilaasortaq Per Wulff tunuarnissaminik kissaateqarsimammat. Ingerlatseqatigiiffimmi aktiaatillip Stine Bosse (siulittaasoq), Louise Langholz aamma Søren Lennert Mortensen qineqqinneqarnissaat siunnersuutigaa. Tamatuma saniatigut ingerlatseqatigiiffimmi piginnittumit Tor B. Lund nutaamik qinerneqarnissaa siunnersuutigineqarpoq. Ataatsimeersuarnermi aqutsisup ilisimatitsissutigaa malittarisassani 5.1 malillugu siulersuisut 5-nik ilaasortaqassasut, taakkunanilu sisamat ingerlatseqatigiiffiup ataatsimeersuarnerani
side 4 qinigaassasut, ataaserlu qallunaat naalagaffiannit qinerneqassasoq. Malittarisassani piumasaqaatigineqartoq siulersuisut innersuussutaat malillugu naammassineqassaaq qallunaat naalagaaffiat Peter Helmer Steen-ip siulersuisunut ilaasortatut toqqarneqarneratigut. Siulersuisunut allanik siunnersuuteqartoqanngilaq, ataatsimeersuarnermilu aqutsisup nalunaarutigaa siulersuisut piffissami aggersumi imatut isikkoqartut: Stine Bosse (siulittaasoq) Louise Langholz Søren Lennert Mortensen Tor B. Lund Peter Helmer Steen, qallunaat naalagaaffiannit toqqarneqarsimasoq. 7 Siulersuisunut ilaasortat aningaasarsiassaanik aalajangiineq. Siulersuisut siunnersuutigaat, aningaasarsiat pillugit Namminersorlutik Oqartussat 15. april 2014-mi atuutilersitaat malillugu aalajangersarneqassasut, tamatumalu kingorna siulersuisuni siulittaasup aningaasarsiai kr. 150.000-nut, siulersuisuni siulittaasup tulliata aningaasarsiai kr. 75.000-nut siulersuisunilu ilaasortat sinnerisa aningaasarsiaat kr. 50.000-nut inissinneqassasut. Aningaasarsiat akerliusoqarani tamanit akuerineqarput. 8 Kukkunersiusussamik qinersineq. Siulersuisut Grønlands Revisionskontor A/S qineqqinneqarnissaa siunnersuutigaa. Kukkunersiuisoq akerliusoqarani tamanit qinigaaqqippoq. 9 Siulersuisunit piginnittunilluunniit siunnersuutaasinnaasut. Tassunga atatillugu suliassaqanngilaq. Ataatsimeersuartut inatsisileritooq Peter Schriver siulersuisut sinnerlugit ataatsimeersuarnerup Erhvervsstyrelsimut nalunaarutigineqarnissaanut pisinnaatitsissummik tunivaat kiisalu Ukiumoortumik Nalunaarusiap akuerineqarsimasup nassiunnissaa isumgagissagaa.
side 5 Ataatsimeersuarneq taamatut nalunaarutigineqarpoq. Nuuk, 7. juni 2017 Aqutsisoq: Inatsisileritooq Peter Schriver