HEILSU- OG INNLENDISMÁLARÁÐIÐ

Transkript

1 18. november 2015 Mál: 15/ Viðgjørt: SJH Løgtingsmál nr. XX/2015: Uppskot til løgtingslóg um broyting í løgtingslóg um almenna heilsutrygd (Heilsutrygdarlógin) (Broyting av reglum um gjald, kostískoyti, merkjavørum o.a.) Uppskot til løgtingslóg um broyting í løgtingslóg um almenna heilsutrygd (Heilsutrygdarlógin) (Broyting av reglum um gjald, kostískoyti og merkjavørum o.a.) 1 Í løgtingslóg nr. 178 frá 22. desember 2009 um almenna heilsutrygd, sum broytt við løgtingslóg nr. 168 frá 23. desember 2011, løgtingslóg nr. 44 frá 8. mai 2012, løgtingslóg nr. 129 frá 14. desember 2012, løgtingslóg nr. 52 frá 14. mai 2013, løgtingslóg nr. 117 frá 25. september 2013, løgtingslóg nr. 13 frá 16. mars 2015 og løgtingslóg nr. 67 frá 22. mai 2015, verða gjørdar hesar broytingar: verður orðað soleiðis: 16. Í ávísum førum kann Tilskotsnevndin, eftir umsókn frá lækna, gera av, at tilskot kann veitast einum ávísum sjúklingi til keyp av heilivági, útgerð í sambandi við heilivág, kostískoyti o.a., sum ikki er lýst at vera heimilað tilskot sambært Yvirskriftin yvir 17 verður strikað verður strikað. 4. Í 24, stk. 1 verður 170 kr. broytt til: 175 kr. og 0,55% broytt til: 0,60%. 2 Í løgtingslóg nr. 67 frá 22. mai 2015 um broyting í løgtingslóg um almenna heilsutrygd verður 1, nr. 3 og 2, stk. 2 strikað. 3 Stk. 1. Henda løgtingslóg kemur í gildi 1. januar Eirargarður 2 FO-100 Tórshavn Tel: Fax: himr@himr.fo

2 Kap. 1. Almennar viðmerkingar Heilsutrygdarlógin varð sett í gildi 1. januar Seinasta broytingin til lógina varð sett í gildi 1. juni Greitt er, at Heilsutrygdarlógin javnan skal eftirhyggjast, fyri at tryggja, at lógin støðugt er dagførd. Útreiðslurnar hjá Heilsutrygd í sambandi við tilskot til heilivág og aðrar vørur eru støðugt vaksnar seinastu árini, sum ger tað neyðugt at tillaga veitingar og inngjald. Hetta verður samstundis gjørt í samsvari við tilmælum frá Tilskotsnevndini, Heilsutrygd og Apoteksverkinum, serliga viðvíkjandi 16 og 17 í lógini, sum viðvíkja tilskot til heilivág, kostískoyti, merkjavørur v.m. Eisini verður fasta mánaðargjaldið til Heilsutrygd hækkað úr 170 kr. til 175 kr. Orðafrágreiðing: Av tí at økið er torskilt, verður niðanfyri stutt greitt frá hugtøkum, sum eru viðkomandi fyri uppskotið. Kostískoyti: Orðið kostískoyti er í dag nýtt í 17 í lógini. Danska orðið er kosttilskud. Talan er um tilbúningar, ið verða seldir sum heilsuvøra, tó uttan at hava fingið støðu sum heilivágur ella náttúruheilivágur. Merkivørur: Merkivørur eru vørur, ið verða seldar á apotekum í handkeypi. Vørurnar eru ikki heilivágur, og verða vørurnar tí seldar í vanligari sølu. Talan er m.a. um ymiskar salvur, saft, tannkrem, plástur o.a., ið ikki fevnir um heilivág og kostískoyti. Føðslubót Eitt annað hugtak er føðslubót. Hetta hugtak fevnir um danska hugtakið ernæringspræparater og kemur í dag undir kostískoyti í 17. Fyri at fáa føðslubót frá apoteki ella sjúkrahúsi, skal rekvisitión frá lækna fyriliggja. Føðslubót eru vørur, ið eru at meta sum matur. T.v.s. matur, ið verður veittur gjøgnum sondur ella intravenøst. Talan kann eisini verða um serliga matvøru, sum verður etin ella drukkin á vanligan hátt. Føðslubót verður nýtt sum ískoyti til vanligan mat, ella sum einasti kostur, ið viðkomandi sjúklingur fær. Føðslubót kann vera flótandi, føst, ella verða veitt sum pulvur og verður sum oftast framleitt til serligar sjúkur, alt eftir tørvi. Tilskotsnevndin heldur seg til teir listar, ið Sundhedsstyrelsen javnan dagførir. T.v.s., at einans føðslubót, ið Sundhedsstyrelsen hevur góðkent, fær ískoyti Síða 2 av 8

3 Hjálparráð Hjálparráð verða veitt eftir 10 í Heilsutrygdarlógini. Hjálparráð 2 í 10 í Heilsutrygdarlógini eru hjálparráð, sum eru liður í einari viðgerð, ella sum eru til persónar, sum ikki hava tørv á varandi hjálpartóli. Talan er ikki um hjálparráð, sum verða brúkt inni á viðgerðarstovnum, ella sum verða brúkt hjá persónum, sum hava ein varandi tørv. Sum dømi upp á hjálparráð kann verða nevnt sproytur o.t., sum t.d. pennar og pumpur til persónar við diabetes og astmamaskur, ið skulu nýtast saman við astma heilivági. Kapittul 3 í Heilsutrygdarlógini viðvíkur stuðul til heilivág. Heilivágur er vøra, sum er ætlað at geva fólki ella djórum, við tí endamáli at fyribyrgja, linna, viðgera ella grøða sjúku, sjúkueyðkenni og pínu, ella til at ávirka likamsvirki. Tilskotsnevndin tekur avgerðir í málum, sum liggja innanfyri kapittul 3 í lógini. Tilskotsnevndin hevur í fleiri førum víst á skeivleikan í lógini, serliga tí partinum, sum viðvíkur tilskot til kostískoyti, merkjavørum o.ø. ( 17). Umframt tilskot frá Heilsutrygd fáa einstaklingar eisini goldnan stuðul heilt ella lutvíst til heilivág v.m. frá: Sjúkrahúsverkinum, tá ið talan er um viðgerð eftir reglunum um útskrivaðar sjúklingar í framhaldandi sjúkrahúsviðgerð 3. Talan er ikki um sølu av heilivági, men um veiting av eini tænastu, sum verður veitt á sama hátt, sum um sjúklingurin er innlagdur. Eftir kunngerð nr. 18 frá 22. mars 2010 um stuðul til hjálparráð við heimild í forsorgarlógini. Sum nú er, verður ískoytið til kostískoyti, føðslubót, merkivørur, varandi hjálpartól o.a., veitt eftir 17. Stórur vøkstur hevur verið á útreiðslunum til veitingar sambært 17. Mett verður ikki, at tað er rætt, at onnur evnir enn heilivágur og hjálpartól skulu fáa ískoyti eftir heilivágsstiganum í 18. Sum dømi um merkjavørur og evnir, ið ikki eru at meta sum heilivágur, og sum fáa ískoyti eftir 18, kunnu nevnast: hárshampo, plástur, hondkrem, stuðulssokkar, tranebersaft, multivitaminir, eygnadropar, insektspray, handskar, d-vitaminir o.s.fr. Mett verður, at tað heilt greitt er neyðugt at dagføra heilsutrygdarlógina, soleiðis at kapittul 3 í høvuðsheitum fevnir um ískoyti til heilivág og evnir, ið eru at meta sum heilivágur, sum t.d. Carnitin. Ynskiligt er, at alt, sum ikki er beinleiðis heilivágur, verður tikið úr kapitli 3. Hetta hevur Tilskotsnevndin eisini víst á at vera besta loysnin. Trupulleikin er, at hetta í løtuni ikki er 2 Á donskum: Hjælpemidler 3 Eftir avgerð hjá Tilskotsnevndini eftir reglum samsvarandi Notati frá Danske Regioner, seinast dagfest Principper for udlevering af vederlagsfri medicin til særlige ikke-indlagte patientgrupper, der fortsat er i sygehusbehandling. Síða 3 av 8

4 gjørligt, tí lógarverkið á almannaøkinum ikki loyvir stuðli til útgerð í sambandi við heilivág. Her verður serliga sipað til kunngerð nr. 18 frá 22. mars 2010 um stuðul til hjálparráð. 11 sigur t.d. beinleiðis, at "Stuðul til heilivág og útgerð í sambandi við heilivág er ikki fevnt av hesi kunngerð". Verandi lógarverk loyvir ikki, at útgerð í sambandi við heilivág liggur undir almannalóggávuni. Tí verður útgerð til heilivág verandi í kapitli 3, men einans í sambandi við einstaklingatilskot. Ikki allur stuðul til merkjavørur og kostískoyti fellir burtur. Hevur ein persónur brúk fyri eini merkjavøru, føðslubót ella kostískoyti, kann læknin vegna borgaran søkja um stuðul til viðkomandi merkjavøru 4, kostískoyti 5 ella serliga føðslubót, ið ikki er á listanum hjá Sundhedsstyrelsen. Á hendan hátt tryggja vit so vítt gjørligt, at ein og hvør borgari, ið læknin metir hevur tørv á eini merkjavøru ella kostískoyti, fær stuðul, um Tilskotsnevndin hevur góðkent hetta. Sama er galdandi fyri vørur, ið ikki eru at meta sum heilivágur, men sum við nýtsluni kann fáa status sum heilivágur og tí koma undir skipanina um einstaklingatilskot ella treytað tilskot. 6 Kap. 2. Avleiðingar av broytingaruppskotinum Henda broyting í heilsutrygdarlógini kemur at hava fíggjarligar avleiðingar fyri sjúklingar og landið. Niðanfyri verður greitt frá hesum. Uppskotið í 1, nr. 1-3 merkir fíggjarliga, at útreiðslurnar til heilsutrygdarveitingar lækka, vegna tað, at stuðul til ávísar vørubólkar innan kostískoyti og merkivørur verður avmarkaður. Mett verður, at útreiðslurnar til heilsutrygdarveitingar lækka 1,4 mió. kr. um árið av broytingini í 1, nr Fasta gjaldið til Heilsutrygd skal eftir galdandi lóg lækka frá 170 til 165 kr. tann 1. januar Broytingin í 1, nr. 4 merkir ístaðin, at fasta heilsutrygdargjaldið hækkar til 175 kr., og sostatt, at hvør persónur skal rinda 10 kr. meira um mánaðin í føstum gjaldi til Heilsutrygd frá 2016 í mun til galdandi lóggávu fólk yvir 18 ár búgva í Føroyum, og verður tí talan um 4,3 mió. kr. í hægri inntøkum til landskassan um árið. Broytiliga gjaldið varð, í løgtingslóg frá mai 2015, sett at hækka til 0,60 % frá 0,55 % frá 1. januar Henda lóg broytir ikki hetta, men er broytiliga gjaldið nevnt í hesi lóg av lógartekniskum ávum. 4 Dømi: Kanylur, sproytur, plástur, bind ella strips. 5 Dømi: C-vitaminir, zink, multivitaminir o.s.fr.. 6 Dømi: Carnitin Síða 4 av 8

5 Fíggjarligar og umsitingarligar avleiðingar Eitt av endamálunum við hesi broyting er í størri mun at tryggja, at kapittul 3 frameftir kemur at snúgva seg um heilivág. Hetta hevur eisini við sær, at útreiðslurnar til kostískoyti og merkjavørur verða tálmaðar. Mett verður at útreiðslurnar til heilsutrygdarveitingar lækka 1,4 mió. kr. um árið av broytingini 1, nr Fasta gjaldið til Heilsutrygd skal eftir galdandi lóg lækka frá 170 til 165 kr. um mánaðin tann 1. januar , nr. 4 merkir, at fasta heilsutrygdargjaldið ístaðin hækkar til 175 kr., og sostatt, at hvør persónur skal rinda 10 kr. meira um mánaðin í føstum gjaldi til Heilsutrygd frá 2016 í mun til galdandi lóggávu fólk yvir 18 ár búgva í Føroyum, og verður tí talan um 4,3 mió. kr. í hægri inntøkum til landskassan um árið. Broytingarnar í lógini koma ikki at hava fíggjarligar avleiðingar fyri kommunurnar. Umsitingarligar avleiðingar fyri land og kommunur Ongar umsitingarligar avleiðingar standast av broytingini. Avleiðingar fyri vinnuna Broytingaruppskotið hevur ongar avleiðingar fyri vinnuna. Avleiðingar fyri umhvørvið Broytingaruppskotið hevur ongar avleiðingar fyri umhvørvið. Avleiðingar fyri serstøk øki í landinum Broytingaruppskotið hevur ongar avleiðingar fyri serstøk øki í landinum. Sosialar avleiðingar At fasta mánaðarliga gjaldið hækkar 10 kr. í mun til galdandi lóg merkir, at borgarar, sum eru fyltir 18 ár, árliga rinda 120 kr. meira um árið í heilsutrygdargjaldi. At 17 verður strikað merkir, at borgarar, ið hava tørv á øðrum enn tilskotsheimilaðum heilivági, m.a. kostískoyti og merkjavørum, frameftir skulu søkja Tilskotsnevndina um ískoyti. Tað verður frameftir munandi torførari at fáa tilskot til evnir, ið ikki beinleiðis verða nýtt í sambandi við eina viðgerð. Millumtjóða sáttmálar Broytingaruppskotið hevur ongar avleiðingar fyri millumtjóða sáttmálar. Markaforðingar Ongar marknaforðingar eru við hesum broytingaruppskotinum Evropeiski mannarættinda sáttmálin Broytingaruppskotið hevur ongar avleiðingar fyri EMRS. Breksáttmálin Broytingaruppskotið hevur ongar avleiðingar fyri Altjóðað breksáttmálan. Avleiðingar fyri stovnar Síða 5 av 8

6 Broytingaruppskotið hevur serliga avleiðingar fyri apoteksverkið, ið skal rætta ymiskar telduskipanir til uppskotið. Mett verður, at fíggjarligu avleiðingarnar fyri apoteksverkið verða: Løn til 1 starvsfólk eyka til umsiting og innleggjan av játtanum fyrstu tíðina, harafturat uml kr. til tillaging av apoteksskipan. Eisini kann verða roknað við, at umsóknir til Tilskotsnevndina fara at økjast munandi, serliga fyrstu tíðina. Nógv at arbeiðinum hjátilskotsnevnini kann standardiserast, so fleiri mál kunnu avgreiðast av skrivaranum, um Tilskotsnevndin ger greiðar leiðreglur. Í 2014 fingu persónar tilskot til merkivørur. 194 vaksin fingu føðslubót og 32 børn fingu føðslubót. 500 persónar fingu tilskot til multivitaminir, og 1166 persónar fingu tilskot til kálk og D-vitaminir. Eftir 1. januar 2016 fer talið av umsóknum til einstaklingartilskot tí uttan iva at økjast munandi. TAKS skal rætta skipanina til innkrevjing av heilsutrygdargjaldinum til, ið tó ikki er stórvegis tillaging. Skyldur, álagdar borgarum Ongar skyldur verða álagdar borgarum við broytingaruppskotinum, men borgarar skulu gjalda meira fyri vørur, sum ikki er at meta sum heilivágur, samstundis sum borgarar skulu gjalda meira í føstum heilsutrygdargjaldi um mánaðin. Heimildir til annan landsstýrismann ella kommunur Ongin heimild verður flutt til nakran annan landsstýrismann við broytingaruppskotinum. Talva - Avleiðingar Fyri landið/landsmyndugleikar Fyri kommunalar myndugleikar Fyri pláss/øki í landinum Fyri ávísar samfelagsbólkar/ felagsskapir Fyri vinnuna Fíggjarligar/ búskaparligar avleiðingar Umsitingarligar avleiðingar Umhvørvisligar avleiðingar Avleiðingar í mun til altjóða avtalur og reglur Sosialar avleiðingar Ja Nei Nei Ja Nei Nei Nei Nei Nei Nei Nei Nei Nei Nei Nei Nei Nei Nei Nei Nei Nei Nei Nei Ja Nei Síða 6 av 8

7 Hoyringspartar 1. Heilsutrygd 2. Landsapotekarin 3. Fróðskaparsetur Føroya, máldeildin 4. Suðuroyar sjúkrahús 5. Landssjúkrahúsið 6. Klaksvíkarr sjúkrahús 7. Fíggjarmálaráðið 8. Almannamálaráðið 9. Almannaverkið 10. Sjúklingaráðið 11. Diabetesfelag Føroya 12. Statsautoriseraðir fótterapeutar 13. Landsfelag Pensjónista 14. Føroyskir Sálarfrøðingar 15. Meginfelag Teirra Brekaðu í Føroyum (MBF) 16. Samtak 17. TAKS Kap. 3. Serligar viðmerkingar Ad. 1, nr. 1. Í Heilsutrygdarlógini regulerar 16 einstaklingastuðul. T.v.s., at læknin kann vegna borgaran søkja Tilskotsnevndina um stuðul til heilivág, kostískoyti, merkjavørur ella føðslubót, ið er liður í eini viðgerð, og sum er á listanum hjá Sundhedsstyrelsen. Tí dettur ikki allur stuðul til merkjavørur og kostískoyti burtur. Á hendan hátt tryggja vit so vítt gjørligt, at ein og hvør borgari, ið læknin metir hevur tørv á eini merkjavøru ella kostískoyti, fær stuðul, um Tilskotsnevndin hevur góðkent hetta. Sama er galdandi fyri vørur, ið ikki eru at meta sum heilivágur, men sum við nýtsluni kann fáa status sum heilivágur og tí koma undir skipanina um einstaklingatilskot ella treytað tilskot. Ad. 1, nr. 2 og 3 17 verður strikað. Eftirmeting av nýtsluni av merkjavørum, føðslubót og kostískoyti, eftir at Heilsutrygd tók við, vísa, at útreiðslurnar eru vaksnar munandi. Eisini sæst, at nógv vøra, sum ikki er beinleiðis liður í viðgerð, hevur fingið stuðul eftir 17. Mett verður tí, at rættast er at strika 17, men at persónar framvegis kunnu søkja Tilskotsnevndina um einstaklingastuðul til kostískoyti, merkjavørur og føðslubót, beinleiðis í sambandi við viðgerð. Umsóknin verður gjørd inni á heimasíðuni hjá apoteksverkinum 7, og Tilskotsnevndin viðgerð umsóknina ella ger greiðar leiðreglur, so skrivarin hjá nevndini í serligum førum kann avgreiða umsóknir. Ad. 1, nr Síða 7 av 8

8 Fasta mánaðarliga gjaldið hækkar 5 kr. til 175 kr. frá 1. januar 2016, og prosentið verður ásett til tað sama, sum tað er broytt til í 1, nr. 3 í løgtingslóg nr. 67 frá 22. mai Ad. 2. Lógin kemur í gildi 1. januar Neyðugt at strika broytingina í 1, nr. 3 og 2, stk. 2 í løgtingslóg nr. 67 frá 22. mai 2015 um broyting í løgtingslóg um almenna heilsutrygd. Hendan broytingin er ikki komin í gildi enn, men skal sambært 2, stk. 2 í broytingarlógini koma í gildi 1. januar Heilsumálaráðið, xx. november 2015 Sirið Stenberg landsstýriskvinna /Turid Arge Síða 8 av 8