KOMMUNIMUT PILERSAARUMMUT TAPILIUSSAQ 1A15-2, Inussussuaq, Nuuk. Februaari 2016

KOMMUNIMUT PILERSAARUMMUT TAPILIUSSAQ 1A15-2, Inussussuaq, Nuuk Februaari 2016

Kommunimut pilersaarummut tapiliussaq sunaava? Kommunimut pilersaarummut tapiliussaq tassaavoq ingerlaavartumik suliarineqartartoq, taamaattumik kommunalbestyrelse Pilersaarusiornermut inatsit naapertorlugu (Pilersaarusiorneq aamma nunaminertat atorneqartarnerat pillugit Inatsi-sartut inatsisissaat nr. 17, 17. november 2010-imeersoq) pisussaavoq, kommunimut pilersaarut pisariaqartutigut malinnaatinneqartassaaq. Taamatut malinnaatitsisarnermi pilersaarummut tapiliussamut attuumassutilimmik pilersaarummi allannguuteqartoqartillugu imaluunniit ilanngussisoqartoqartillugu ingerlaavartumik isumagineqartarpoq. Kommunalbestyrelse kommunimut pilersaarummut tapiliussamik nunaminertamik atuinissamut sanaartukkanullu tunngasunik aalajangersagartalimmik taamaalilluni sukkulluunniit suliaqarsinnaatitaavoq. Taamaattorli taakku saniatigut Kommunalbestyrelse pisussaalluni, sukumiisumik aalajangersagartalimmik kommunimut pilersaarummut tapiliussaliussalluni: Nuna tamakkerlugu pilersaarusiornerup kommunillu pilersaarusiornerata piviusunngortinnissaanut qulakkeerinninnissaq pisariaqaraangat. Sanaartugassanik imaluunniit sulianut annerusunut pingaaruteqartunulluunniit nunaminertamik atugassiinnginnermi. Sanaartukkanik anginerusunik pingaaruteqarnerusunilluunniit ingutserilinnginnermi. Kommunimut pilersaarummut tapiliussaq marlunnik immikkoortortaqarpoq, nassuiaat aamma maleruaqqusanut tunngasut. Nassuiaammi kommunimut pilersaarummut tapiliussap siunertaa anguniagaalu, pissutsit immikkoortup iluani eqqaanilu pioreersut nassuiarneqarput. Malittarisassartaani pilersaarutip piviusunngortinnissaanut atatillugu, aalajangersakkat malinneqarnissaannik allassimavoq. Aalajangersakkat pingaarnertut inissillugit allanneqarput aammalu aalajangersakkat sukumiisunngorlugit allanneqarlutik. Aalajangersakkat tamarmik inatsisinut pituttugaapput, taamaattorli pissutsini immikkut ittuni, aalajangersakkanit sukumiisunit immikkut akuersissummik tunniussisoqarsinnaavoq. Tamatuma saniatigut nunap assingi ilanngussat attuumassuteqartut, aalajangersagartaaniipput. Tamanut nalunaarut Kommimut pilersaarummut tapiliussaq inaarutaasumik atuutilersinneqarluni 2.3.2016-imi tamanut nalunaarutigineqarpoq. Pilersaarut sumik takuneqarsinnaava Pilersaarut Nunatta Atuagaateqarfiani atuarsinnaavat, kommunip nittartagaani aaneqarsinnaavoq www.sermersooq.gl, kommunip innuttaasunik sullissivianut imaluunniit Sanarfinermut Avatangiisinullu Ingerlatsivimmut Imaneq 20, 3900 Nuuk saaffiginnillutit pissarsiarisinnaavat, oqarasuaat 36 74 31 2

1A15-2 NUUK IMARISAI IMARISAI ILITSERSUUT 2 IMARISAI 3 1. NASSUIAAT 4 Sumiiffik pilersaarusiorfik 4 Siunertaq tunngaviilu 4 Pissutsit pioreersut 5 Pilersaarummi pingaarnertaq 7 Pilersaarutinut allanut tunngasut 14 Pilersaarutip inatsisitigut sunniutai 17 2. AALAJANGERSAKKAT 18 Aalajangersakkat pingaarnerit 18 Aalajangersakkat sukumiisut 22 Akuersinermut uppernarsaat 27 Ilanngussaq 28-32 KOMMUNEQARFIK SERMERSOOQ 3

1A15-2 NUUK NASSUIAAT 1. NASSUIAAT SUMIIFFIK PILERSAARUSIORFIK Inussussuaq 8,1 hektarit missaannik anngissuseqarpoq, qeqertaasap Nuup qeqqani, Arsaattarfiup avannaata kitaatungaaniilluni. SIUNERTAQ TUNNGAVILLU Nuummi innutaasut amerliartuinnarput, taamaattumillu inissianik atorfissaqartitsineq annertulluni. Ass. 1. Qeqertaasap Nuup qeqqani sumiiffik pilersaarusiorfik. Kommunimut pilersaarummut tapiliussamut siunertaavoq Nuup qeqqani inissiat 400-it missaanniittut sanaatorsinnaalernissaat, kiisalu illuliorfigisassap inissisimaneranut, annertussusianut isikkuanullu malittarisassanik aalajangersaanissaq. Kommuneqafik Sermersuup anguniagaa pingaarneq tassaavoq, Nuup ilaani ineriartortitsineq illoqarfimmiup iluani pioreersumi pissasoq. Tassunga atatillugu Inussussuup inissialiorfigineqarnissa naleqquttuutinneqarpoq. Kommunimut pilersaarummut tapiliussamut tunngaviusut ukuupput: Inissiat ilusilersorneqarlutillu inissinneqassasut illuliorfissap inissisimanera qanorlu isikkoqarnera apeqqutaatillugu. Nunap immikkoortui tamarmik ataatsimoortutut ataqatigiissasut. Eqalugalinnguit Kissarneqqortuunngullu aqqusernisa akornisigut toqqaannartumik pisuinnarnut sumiiffimmi aqqusininnguaqarnissaanut qularnaarisoqassasoq Sumiiffimmi nutaamik aqquserniornissamut inissiisarfiliornissamullu periarfissiisoqassasoq, tamatumalu sumiiffimmi nunap isikkuata pitsaassusianut qulakkeerisumik innimittartumillu pissasoq. KOMMUNEQARFIK SERMERSOOQ 4

1A15-2 NUUK NASSUIAAT PISSUTSIT PIOREERSUT Immikkoortup Kissarneqqortuunnguup aqquserna sinerlugu ilaatigut illoqartiterpoq, ilaatigullu nunaminertamik sanaartorfigineqangitsumik annertuumik portunerusumilu inissisimasumik ilaqarluni. Immikkoortup avannaata kitaatungaanut sammisoq Imersuup sinaata kujammut kangisissumut sammisumit killingiusaqarpoq. Sumiiffimmiup kujataa kippasissumut sammisoq innaarsummit killingiusaqarpoq Eqalugalinnguit aqqusernata tungaanut sammisumik. Ass. 2. Kommunip illoqarfimmi qitiutitat pingasut qulakkeerniarlugit sullissivoq. Kulturimut qitiutitaq (tunguusaq), Imaneq (sungaartoq aappaluartoq), Peqqissarfissaqqissumut qitiutitaq (tungujortoq qaamasoq) Sumiiffiup ilisarnaatigaa marlunnik nikingasunik toqqissunik qatsissortaqarnini, kiisalu avannamut kujammut sammisumik quassoqarnini. Sumiiffinni arlalinni illoqarfiup Sermitsiallu tungaannut isikkivigissaarpoq, tamaanittaaq angisuumik qatsissumiittumik tankeqarpoq, B-1707 aammalu akunnilinnik noqartilinnik napparuteqarluni, taakkua itsarnisartaapput 1990-kut qeqqanni anorimut uuttuutitut misileraaffiliamit sinneruttut. Sumiiffik napillugu pisuinnaat aqqutigisartagaannik aqqusininnguaqarpoq Nuussuarmut Nuummullu atassusiisumik. Ullumikkut Kissarneqqortuunnguup aqquserna sinerlugu namminersortutik inuussutissarsiortut, kiffartuusinermilu sullissisut pisoqasaanik illuuteqarput, aamma sumiiffik taanna qulimiguulinnut mittarfitoqaap ilagaa. Taamaattumik mingutsinneqarsimasinnaavoq. Kissarneqqortuunnguup aqquserna illoqarfimmi sukisaarsarfissat ilaasa qiteraat (ass. 2). Piffissap ingerlanerani Arsaattarfiup eqqaata Nuullu sineriaata kujalliup akornanni aqqusineq taanna sukisaarsarfiulernerunissaanut nukitsorsaasuussaaq. Plateau KOMMUNEQARFIK SERMERSOOQ 5

Kissarneqqortuunnguaq 1A15-2 NUUK NASSUIAAT Ass. 3. Titartagaq. Toqqissut quassullu (qorsuk), imeqarfik assigaq (qernertoq), nunami pisuinnaat aqqutaat (sungaartoq), anorisaammut misileraavimmiit napparut (kipparissoq aappaluttoq), tanki, B-1707 (ammalortoq aappaluttoq tungujortorlu), aqqusineq sioralik (qasersoq kittorarnilik), erngup aqqutaa (tungujortoq kittorarnilik) Quassugaq Toqqissoq Arsaattarfiup eqqaa Toqqissoq Ass. 4. Avannata kangianut tungaanut Nuussuaq qulaatungaanit isigiutigalugu Sermitsiap tungaanut isikkivik. Ass.5. Sumiiffimit isigisaq, illoqarfik qulaanit isigiutiqalugu, kujata kangianut isigineq. Ass. 6. Qapiarfiusaamit sumiiffik isigalugu. KOMMUNEQARFIK SERMERSOOQ 6

1A15-2 NUUK NASSUIAAT PILERSAARUMMI PINGAARNERTAQ Atorneqarnera Atuinissaq inissiaqarfissatut siunertaasumik aalajangersagaavoq. Immikkuualuttut Immikkoortoq Kommunimut pilersaarummut tapiliussami immikkuualuttunut sisamanut immikkoortiterneqassaaq, ass. 7-imi takutinneqartutut. Ass. 7. Takussutissiap takutippaa illoqarfiup immikkoortuani 1A15-mi immikkoortinneqartut Illuliorneq Kommunimut pilersaarummut tapiliussami matumani inissianik quleriinnik initallinnik katillugit 400-it missaannittunik sanaartornissaq ajornarunnaarsinneqarpoq, ilaatigut inissiat pioreersut nutarternerisigut ilaatigullu nunaminertanik sanaartorfigineqanngitsunik ilanngussinikkut. Illuliassat nutaat ilusilersorneranni Nuup ilaata annersaanit illut takuneqarsinnaanerannnut eqqarsaatigisariaqarpoq aamma nutaamik illuliat nunap isikkuanut tulluartumik ilaatinneqassapput. Taamaattumik Kommunimut pilersaarummut tapiliussami illuliat KOMMUNEQARFIK SERMERSOOQ 7

1A15-2 NUUK NASSUIAAT inissinnissaannut, portunerpaaffisaannut aamma qalipaatissaannut najoqqutassat aalajangerneqassapput. Immikkuualuttoq A Immukkuualuttoq A-mi namminersorlutik inuussutissarsiortut, kiffartuusinermilu sullissisut illuutaat pioreersut ingitserneqarsinnaapput, inissianillu napasulianik arlalinnik taarserneqarlutik, inillu qulleriit allersaanni sullissivinnik ataasiakkaanik periarfissiisoqarluni, soorlu peqatigiiffimmut ini, suliffeqarfik imaluunniit pisiniarfik. Ass. 8. Immikkuualuttoq A Ass. 9. Immikkuualuttoq A-mut tunngaviusumik pilersaarut. Sungaartoq: tamanut uninngaartarfik aamma pisuffissatullu arealit. Qasertoq: inissiisarfik, Pualasuunik titarnilik kittorartaartumikt: Illuliufissat Inissianut napasulianut arfineq marlunnut katillugit arfineq marlunnik illuliorfissiisoqarpoq, ass. 9-mi takuneqarsinnaasutut. Immikkuualuttoq B-mi inissiat isikkivii qularnaarniarlugit, inissiat napasuliat quleriinnik tallimaniit qulinut initaqarnissaat anguniarlugu illuliorfissat aamma imminnut akuttoqatigiikkuutaartunngorlugit inissitaapput. Napasulianik ilusilersuinermi illut saavisa Kissarneqqortuunngup tungaanut naligiissaarnerat eqqortinneqassaaq, kiisalu napasuliat tamarmik qaliaasa ataasiinnarmut sammisumik uingasoqatumik iluseqarnissaat. Illuliorfissat siornatungaanni tamanut atorneqarsinnaasunik ataatsimoortarfissanut inissamik periarfissiisoqassaaq, Kissarneqqortuunnguup tungaanut saqisaartarfiliusussamik. Tassani uninngaarfigisinnaasanik pinnguarfigisinnaasanillu peqassaaq, oqqisimaartarfeqarluni issiaarfigisinnaasanillu peqarluni. Kommuneqarfik Sermersuup isumasioqatigineratigut ataatsimoortarfissat ilusilersorneqassapput, taakkualu betoni, qisuit sisaallu atorlugit sananeqassapput. Ungasinnerusoq eqqarsaatigalugu, illuliallu tamarmik saneqareerpata, illut saavi ataatsimut saqisaartarfissamik pilersitsissapput, ungasinnerusoq isigalugu illoqarfiup ilaani peqqissarfissaqqissutut qitiusunut ilaalerluni. Biilinut inissiisarfik tunuani qaqqap tungaanut inissinneqassaaq. Imeqarfik Ass. 10. Saqisaartarfimmut naleqqiussatut asseq. Ass.11. Tunngaviusumik immikkuualuttup A-p annertussusianut ilusilersorlugu titartagaq, kujataanit isigalugu KOMMUNEQARFIK SERMERSOOQ 8

1A15-2 NUUK NASSUIAAT Immukkuualuttoq B Immikkuualuttoq B toqqissumi qatsinnerpaamiippoq, portusuumilu inissisimanini pissutigalugu sammivinnut arlalinnut isikkivigissaaqaluni. Sumiiffik manikannersuuvoq, taamaattumik inissiarsuarnut takkajaanut marlunnut quleriinnik initalinnut piukkunnarluni, kiisalu inissiarsuit akornanni biilinut inissiisarfissamut aamma tamarmik atorsinnaasaannik uninngaartarfinnut periarfissaqarluni. Inissiarsuit qaarsortap sananeqaataata sammivianut tulluupput, aamma taakkunani ineqalersussanut kangimut kitaanullu isikkivigissaartitsissaqalutik. Ass. 12. Immikkuualuttoq B Nuup ilaanit annerpaamit illuliat takuneqarsinnaassapput, taamaattumik pingaaruteqarluinnarpoq qulakkiissallugu inissiarsuit taakkua kusanartumik isikkoqarnissaat. Taamaattumik Kommunimut pilersaarummut tapiliussami illuliat nunap isikkuanut tulluussagaanissaat, qaliaasalu minnerpaamik 5 -mik uinganissaat aalajangerneqarpoq, (tak. ass. 14), illuliat avannaatungaani quleriit sisamat sananeqassasut, kujataatungaanilu quleriit arfinillit sananeqassasut aalajangiunneqarluni. Inissiat inaarutaasumik ilusilersorneqarnerat Kommunalbestyrelsemit akuersissutigeqqaarneqassaaq. Ass. 13. Immikkuualuttoq B-mut tunngaviusumik pilersaarut Ass. 14. Immikkuualuttoq B-mut naleqqiussatut asseq. Qaliap takinerata uingatinneratigut illup timitaata nunamut tulluartinneruleranut illu assersuutaavoq Immikkuualuttoq B Immikkuualuttoq C Immikkuualuttoq D Ass.15. Tunngaviusumik iimmikkuualuttut B aamma C-p, tunngaviusumik annertussusianut ilusilersorlugu titartagaq, Issortafimmit isigalugu. KOMMUNEQARFIK SERMERSOOQ 9

1A15-2 NUUK NASSUIAAT Immikkuualuttoq C Immikkuualuttoq C quassuup kangiatatungaani portungaatsiartumiippoq (tak.ass.17) Assigiiaanik llulioriaasissaq inissianut napasulianut pingasunut quleriinnik arfinilinnik initalinnut aalajangiunneqarpoq, assigiiaarinerup taamaattup toqqavimmigut eqimasuusup nunap sivingasumik ilusaanut tamakkiisumik atorluaasuunera pissutigalugu, aammattaaq inissianut amerlanerusunut isikkivigissaartitsinera qularnaarmagu. Ass. 16. Immikkuualuttoq C Quassugaq Sumiiffimmi tassani isikkivik pingaarnerpaamik naleqartitsivoq, tamannalu illuliornermi atorluarneqassaaq. Taamaattumik illuliorfissat imatut inissinneqarput, tassa siunissami illut ataasiakkaat tamarmik minnerpaamik tulluartumik assersorsimanngitsumik isikkiveqarniissaat anguniarlugu. Illuliorfissaq 8 kujammut kitaanullu isikkiveqarpoq. Akia illoqarfillu Nuuk. Illliorfissaq 9 umiarsualiviup tungaanut isikkiveqarpoq, illuliorfissarlu 10 Sermitsiap tungaanut isikkiveqarluni. (tak.ass. 17) Init quleriit allersaanni najugaqarfissanik inissialiortoqassappat, taakkua nunap pissusiata ajornartinngippagu, silataanut toqqaannartumik anisinnaassapput. Assigiiaanik isikkulinnik illuliortiternissaq qulakkeerniarlugu illut saqqaasa qalipaasersornissaat aamma qaliaasa sivinganissaat pillugit malittarisassanik aalajangersaasoqassaaq. Illup qaliaata qanoq ittuunissaanut atatillugu aalajanginneqarpoq ataasiinnamut sammisumik uingasulimmik qaliaqassasoq. Ass. 17. Tunngaviusumik immikuualuttoq C-mut pilersaarut Inissiat inaarutaasumik ilusilersorneqarnerat Kommunalbestyrelsimit akuersissutigeqqaarneqassaaq. Ass. 18 Immikkuualuttumut C-mut tunuliaqutitut asseq KOMMUNEQARFIK SERMERSOOQ 10

1A15-2 NUUK NASSUIAAT Immikkuualuttoq D Immikkuualuttut A, B C-lu saneqareerpata, immikkuualuttoq D-p ineriartortinneqarnissaa soqutiginarsisinnaavoq. Taamaattoqassappat tamanna peqqissaartumik Kommunimut pilersaarummut tapiliussami nutaami aalajangersaaffigineqassaaq. Immikkuualuttunut B-mut C-mullu aqqutaasinnaasumik, kiisalu immikkuualuttup taassuma iluani aqqusininnguanik qaammaqqusersukkanik pilersitsinissamut periarfissiisoqassaaq, ilanngussami 2-mi takuneqarsinnaasutut. Ass. 19 Immikkuualuttoq D Illulianik qalipaasersuinik Kissaatigineqartoq naapertorlugu immikkuualuttut ataasiakkaat immikkuullarissutut saqquminissaat pillugit immikkuualuttut tamaasa immikkut qalipaasersorneqassasut aalajangiunneqassaaq. Immikkuualuttut B, C-lu eqqarsaatigalugit, aasakkut ukiukkullu nunap pissusiata allanngorarneranut ilassuunnissaat anguniarlugu qalipaatinik sakkortunngitsunik qalipaasiisoqassaaq Ass. 20 Immikkuualuttoq D, kujataanit avannamut isigalugu. Immikkuualuttoq A eqqarsaatigalugu illuni ataasiakkaani init quleriit allersai immikkut ittunik qalipaaserneqarnissaat aalajangiunneqassaaq. Tamanna illunut ataasiakkaanut ersarissumik ilisarnaataassammat. Inini alliup tulliiniit qummut qalipaat qasersoq qaamasoq atorneqassaaq, illut ungasianiit isigalugit malunnarpallaannginnissaat anguniarlugu. Qalipaasersuineq ilanngussami 4-mi ersarinnerusumik takuneqarsinnaavoq. Ass. 21. Tunngaviusumik nutaami illulianut qalipaasersuineq KOMMUNEQARFIK SERMERSOOQ 11

1A15-2 NUUK NASSUIAAT Angallannermut tunngasut Aqqusininnguaq atassuteqaat Sumiiffik akimorlugu innuttaasunit atorneqartartumik, Nuussuarmit illoqarfiup qeqqanut pisuinnaat aqqutigisartagaannik aqqusininnguaqarpoq. Aqqusininnguaq nunap assingani ilanngusami 1-mi takuneqarsinnaasoq pigiinnarneqarlunilu pitsanngorsarneqassaaq, kisianni aamma aqqutaa allanngortinneqarsinnaavoq. Immikkuualuttuni B-mi C-milu nunagissaanermut atatillugu aqqusininnguaq qullilersorneqassaaq, taamaalillugu ukioq naallugu atorneqarsinnaanngorniassammat. Taamaattumik pilersaarut nunap ilusaanik allanngortitsilaarsinnaanermik periarfissiivoq aamma pisarialinnik tummeqqersuinissaq eqqarsaatigalugu. Aqqusernit Immikkuualuttuni B, C-lu aqqusineq atorlugu kiffartuunneqarsinnaanerat Kissarneqqortuunnguamit aqqusinikkut sumiiffimmi sangujoraartukkut kussangajaangaatsiartukkullu kisimi pisinnaavoq, assiliartatut pilersaarummi takutinneqartutut (ilanngussaq 5). Aqqusineq sumiiffimmi aqqusinertut immikkoortitaassaaq, kommunimilu aqquserniornissamut pilersaarusiornermut ilitsersuutit Nuummi atuuttut najoqqutaralugit uuttorneqassalluni. Kussiat sivinganeri ujaqqanik betonimut ikkussuutanik sanaajussapput. Sumiiffimmi aqqusineq aqquserniornerup ilusaanut ilaavoq, aqquserngullu qeqqaniit 14 meteritut silitsigaluni, aqqusernit sumiiffimmilu illuliat akornanni ungasissutsimik qulakkeerisuusussaq. Aqquserniorneq pissutigalugu, illu B-1088, maanna Nukissiorfimmit sullivittut atorneqartoq nuunneqassaaq allamullu nutaamut inissinneqarluni. Kissarneqqortuunguaq Ullumikkut aqqusineq sumiiffimmi aqqusernertut immikkoortitaavoq. Imersuup eqqaani ineriartortitsineq ilutigalugu aqqusineq atorneqarneruleriartuinnartussaavoq. Kommunimut pilersaarummut tapiliussami, Nordbo-p innaallagissiorfitoqqallu atorunnaartup akornisigut aqqusinermup sangunerata narlorissinissaa periarfissinneqarpoq, taamaalillunilu KOMMUNEQARFIK SERMERSOOQ 12

1A15-2 NUUK NASSUIAAT aqqutigissallugu atoruminarnerulertussaalluni, tamannalu pisinnaavoq innaallagissiorfitoqqap atorunnaartup ingitsernerata kingorna. Biilinut inissiisarfik Nutaamik illuliortiternermut atatillugu akuereqqusamik piumasarineqassaaq biilinut inissiisarfinnik pilersitsisoqassasoq. Nunap ilaata qitiusumik inissisimanera pissutigalugu inissiisarnermut ileqquusoq aaqqiivigineqassaaq. Taamaattumik ukununnga naleqquttunik biilinut inissiisarfiliortoqassaaq: Inissianut marlunut, 50 m 2.-nit anginerusunut biilinut inissiisarfik ataaseq. Inissianut tallimanut, 50 m 2.-nit mikinerusunut biilinut inissiisarfik ataaseq. Nunap isikkua Sanaartornermut nunagissaanermullu atatillugu iluarseeqqinneq Qaartiterinermut nunagissaanermullu atatillugu saanngut naasullu pioreersut pisinnasamik annertunerpaat atatiinnarneqarnissaat imaluunniit suliarineqarlutik toqqorneqarnissaat, sanaartornerup naammassinerani ilioraqqinneqartussanngorlugit. Taamaasiornermi nunap pissusissamisoornera qulakkeerneqassaaq, sumiiffillu suli illuliorfiusutut isikkoqarani, kisiannili piareersimasutut naggorisutullu sukkasuumik isikkoqalernissaa anguniarlugu. Sumiiffimmi sukisaarsarfinni pitsaassutsit pioreersuut, soorlu nunami naasimasut suulluunniit, tatsit masarsuillu, ajornanngippat sanaartornermi tulluarsarlugit ilannguneqassapput. Taamaattumik nunagissaanerup sanaartornerullu ingerlanneranni nunap ilusaa sapinngisaq tamakkerlugu qajassuunneqassaaq. Nunap ilusaa innarligaq iluarseeqqivigineqassaaq, nunap ilaani qaartiterinermi sinnikkut imaluunniit assartuinermi siammaassorsimasut salinneqassapput. KOMMUNEQARFIK SERMERSOOQ 13

1A15-2 NUUK NASSUIAAT PILERSAARUTINUT ALLANUT TUNNGASUT Nuna tamakkerlugu pilersaarusiorneq Kommunimut pilersaarummut tapiliussaq nuna tamakkerlugu pilersaarusiornermut atuuttumut naapertuuppoq. Kommunimut pilersaarut Kommuneqarfik Sermersuup 2024-mut pilersaarutaani tapiliussatut pilersaarut 1A15 ilaavoq, pilersaarusiornermi pingaarnertut sumiiffik inissialiorfigisassatut toqqarneqarpoq akuleriinnik inissialiorfissatut. Ass. 22. Nunap ilaata immikkoortuanik 1A15-mik siusinnerusukkut nutaamillu killiliineq Immikkuualuttunut B-mut C-mullu sumiiffimmi aqquserniornissaq periarfissinniarlugu immikkoortoq 1A15-mut aamma 1D4-mut killiliussanik nalerisaasoqassaaq. Immikkuualuttoq B-p pitsaanerpaamik atorneqarnissaa anguniarlugu immikkoortoq 1D1-mut killiliussaq kangiatungaanut sammisoq aamma annikitsumik nalerisaavigineqassaaq. Takuuk ass. 22. Kommunimut pilersaarummi Imersuup eqqaa kaajallallugu isiginiarneqartussatut toqqarneqarnikuuvoq. Kommunimut pilersaarummut tapiliussami immikkoortup ilaa imersuup eqqaani assikkap avataaniippoq, immikkoortulli ilai assikkap iluaniillutik. Ineriartortinneqartup ilaanut immikkoortup D- miittumut taamaattumik imersuup imeqarfittut atorunnaarnissaa apeqqutaavoq. Qanganitsat Sumiiffimmi qanganisaqartoqarneranik Kommuneqarfik Sermersuumi ilisimasaqartoqanngilaq. Eqqissisimatitsisarneq aamma allatigut kulturikkut eriagisassanik kulturikkut kingornussatut illersuineq pillugu Inatsisartut inatsisaat nr. 11, 19. maaji 2010-imeersoq naapertorlugu sumiiffimmi annertuumik assaaneq pissaaq. Ass. 23: 1: Imeqarfiup eqqaa illoqarfiup ineriartorfigisassaa Avatangiisit pillugit pilersaarut Sumiiffimmi mingutsitsisimaneq assersuutigalugu assaanermi pisimasoq paasineqassappat, Kommuneqarfik Sermersuumi Avatangiisinut immikkoortortaqarfia piaartumik ilisimatinneqassaaq. Eqqakkat avatangiisinut mingutsitsisut piiarnissaat eqqarsaatigalugit, soorlu nuna uuliakoorfigisaq, kommunimi eqqagalerinermut maleruagassat kiisalu suliassaqarfik pillugu inatsit atuuttoq naapertorlugit pissaaq. Teknikkikkut pilersuineq Nutaamik illuliat pisortat innaallagissamut, imermut kuuffissuarnut kiassarnermullu aqqutaannut ilanngunneqassapput. KOMMUNEQARFIK SERMERSOOQ 14

1A15-2 NUUK NASSUIAAT Innaallagissamik, imermik, kuuffissuarnut kiassarnermullu pilersuineq nuna ataatigut ingerlanneqassaaq. Immikkoortup iluani pisortat teknikkikkut pilersuiffii inissinneqarsinnaapput, soorlu immikkoortup pilersorneqarnissaanut transformerstationit. Transformerstationinik inissiinerit pissapput Nukissiorfiit isumasioqatigeqqaarlugit. Kiassarneq Immikkoortumi kiassaariaaseq Nukissiorfiit malittarisassaat naapertorlugit pissaaq. Kuuffissualersuineq Illu pisortat kuffissuaqarfiinut ilanngunneqassaaq, imikoornermi iliuusissatut pilersaarut naapertorlugu. Nunap qaavani imeq, tamatumunnga ilanngullugu imeq illup qavanit kuuttoq kuuffissuartigoortinneqassanngilaq, kussinernulli kuutsinneqassalluni, taamaasilluni immikkoortumi sanaartukkanut allanut, aqquteeqqanut, aqqusinernut sanaartorfiunngitsunullu akornusersuutaannginniassammat. Eqqaavilerineq Nutaamik inissialiornermi eqqaaviit illumut atasutut ilanngullugit sananeqassapput. Immikkoortoq Kommuneqarfik Sermersuumi eqqagassalerisarneq naapertorlugu aaqqissuussiffiuvoq, sukkulluuniit malittarisassaq atuuttoq naapertorlugu. Aputaajaaneq apummillu allamukaassuineq Immikkoortup ilaani annikinnerusuni ataasiakkaani tamani, piginnittut peqatigiiffiinik, matumani, aqquserngit, biilit uninngasarfii, aqqusineeqqat, pinnguartarfiit aammalu sanaartorfiunngitsut, najugaqarfimmut atasut, aserfallatsaalinissaannut tunngasunik suliaqartussanik pilersitsissapput. Piginnittut peqatigiiffiat tamatumunnga atatillugu, namminneq malittarisassanik suliaqarsinnaapput. Kommuneqarfik Sermersuup innersuussuteqarnerisigut, aatsaat niffakunik najugaqarfiup avataanut eqaasoqarsinnaavoq. Immikkuualuttunut B-mut C-mullu nunagissaanermut aningaasartuutit Kommunimut pilersaarummut tapiliussami namminersortut tamakkiisumik ilaannakumilluunniit sumiiffimmi nunagissaanissamut periarfissinneqarput. KOMMUNEQARFIK SERMERSOOQ 15

1A15-2 NUUK NASSUIAAT Kommuneqarfik Sermersuup sumiiffimmi tamakkiisumik ilaannakumilluunniit nunagissaaneq ingerlatissaguniuk, tamatuma kingorna nunagissaanermut aningaasartuutit illuliortitsisussamut akileqqussuai. Sumiiffimmi nunagissaanermut aningaasartuutit kiisalu suliassami peqataasut akornanni agguaaneq akiliinissamut malittarisassami immikkut ittumi takuneqarsinnaassapput. Tamanut saqqummiussineq Kommunimut pilersaarummut tapiliussamut siunnersuut 1A15-2, Inussussuaq piffissami 1.7.2015 26.8.2015 tamanut oqallisissanngorlugu saqqummiunneqarpoq. Tusarniaanermut akissutit qulingiluat pissarsiarineqarput taakkunannga ataaseq piffissaq eqqorlugu tunniunneqanngilaq suliamilli ingerlatsinermi ilaalluni. Kommunimut pilersaarut kommunalbestyrelsip ulloq 9.02.2016 ataatsimiinnermini Kommunimut pilersaarut 1A15-2 tamanut siunnersuutigineqarsimasumiit ataani taaneqartunik allannguuteqarluni akuersissutigaa: Inissianut 50 m 2.-init anginerusunut biilinut inissiisarfinnut piumasaqaat inissiat pingasuugaangata marluussarneraniit inissiat marluugaangata inissiisarfik ataasiinnanngortillugu allanngortinneqassasoq. Sanaartorfissat 11 aamma 12 millineqassapput 28 meterimiit 20 meterimut Sanaartorfissani aalajangersakkat sukannersunik aalajangersakkanik ilaneqassapput, ilaatigut siunissami illut najoqqutamikkut, pinngortitakkut, seqernup, anorip, isikkiviup siunissamilu najugaqartussat aallaavigalugit qulakkeerinnittussat. Sukannersumik aalajangersakkatut atuutsinneqalernerani, sanaartorfissat 8-miit 12-imut illut Kommunalbestyrelsimit akuersissutigeqqaarneqassapput. KOMMUNEQARFIK SERMERSOOQ 16

1A15-2 NUUK NASSUIAAT PILERSAARUTIP INATSISITIGUT SUNNIUTAI Pilersaarutip inatsisigut inaarutaasumik sunniutai Kommunalbestyrelsi kommunimut pilersaarutip naammassineqarnissaanut sulissaaq, ilanngullugu nunaminertanik atugassiinerni, tak. (Pilersaarusiornermut inatsit 29). Kommunimut pilersaarummut tapiliussap inaarutaasumik akuerineqarneranik tamanut nalunaaruteqarnerup pereernerani, inatsisinik imaluunniit pissutsinik piviusunik tunngaveqarluni kommunimut pilersaarutip aalajangersakkanut immikkoortuanut imaluunniit nunaminertanik tunniussinermi atugassarititaasunut akerliusunik pilersitsisoqassanngilaq. (Pilersaarusiornermut inatsit 30). Immikkulli pisoqartillugu aalajangersakkanit ataasiakkaanit allatut ittumik immikkut ittumik akuersissuteqartoqarsinnaavoq. Aalajangersakkanit malunnaatilimmik allaaneru-sumik atuineq nutaamik kommunimut piler-saarummut tapiliussamik suliaqarnissamik pisariaqartitsissaaq. (Pilersaarusiornermut inatsit 50). Nunaminertamik, illuni sanaartukkanillu inatsisit naapertorlugit maannamut atuisarneq ingerlaannarsinnaavoq, akerlianilli assersuutigalugu atuinermik allannguinissaq nutaamilluunniit sanaartornissaq kommunimi pilersaarummut tapiliussamut akerliussanngilaq. Kommunimut pilersaarummut tapiliussami nunaminertat, illut sanaartukkallu ilaatinneqartut pilersinneqarnissaat ilaatinneqarnerisigut imaanngilaq taakku ilumut pilersinneqarnissaat. KOMMUNEQARFIK SERMERSOOQ 17

1A15-2 NUUK AALAJANGERSAKKAT 2. AALAJAGERSAKKAT Matumuuna Kommunalbestyrelsip aalajangersarpaa Pilersaarusiorneq nunaminertanillu atuineq pillugu, Inatsisartut Inatsisaat, nr. 17. 17. november 2010-meersoq aallaavigalugu pissaaq. Aalajangersakkat immikkoortiterneqarnikuupput aalajangersakkanut pingaarnernut aamma aalajangersakkanut itisilikkanut. Aalajangersakkat tamarmik inatsisitigut qilersuutaapput taamaakkaluartorli piumasaqaatit ilaat eqqarsaatigalugit aalajangersakkani sukumiisuni immikkut akuersissuteqartoqarsinnaavoq. AALAJANGERSAKKAT PINGAARNERIT Immikkoortup killeqarfia Immikkoortoq immikkuualuttunut A, B, C aamma D- mut immikkoortiterneqassapput. 1. Siunertaq Atuineq nalinginnaasoq: Inissiatut siunertaq Atuineq immikkut ittoq: Akuleriinnik inissiaqarfik 2. Atuineq Immikkoortoq akulikitsunut pukkitsunullu illulianut soorlu aammalu inissiarsuarnut illunulluunniit inissianut napasulianut immikkoortitaavoq. Immikkoortumi suliffeqarfimmik najugaqarfinnisuulli nalinginnaasumik KOMMUNEQARFIK SERMERSOOQ 18

1A15-2 NUUK AALAJANGERSAKKAT ingerlatsisoqartarneratuulli ingerlatsisoqarsinnaaneranik. Sumiiffimmi utoqqarnut innarluutilinnullu inissialiortoqarsinnaavoq aamma kollegialiortoqarsinnaavoq. Immikkuualuttoq A-mi init quleriit allersaat sullissivinut ingerlatsinernut ataasiakkaanut soorlu suliffeqarfinnut, peqatigiiffinnut ininut, kiffartuussinermik inuussutissarsiortunut aamma pisiniarfinnut atorneqarsinnaapput. Kommunalbestyrelsimit akuersissuteqarsinnaavoq. Immikkoortumi najugaqarfiup isikkuanut allannguinngitsumik suliffeqarfimmik ingerlatsisoqassaaq, aamma allagartalersuineq eqqarsaatigalugu. Suliffeqarfik eqqaani najugaqarfimmut akornusersuutaassanngilaq, biilinullu uninngasarfimmik annertunerusumik pisariaqartitsilernissamut nassataqartitsisuussanani. Nunaminertat sanaartorfiunngitsut atortulersuutinullu immikkoortitaanngitsut, sanaartorfiunngitsuuinnartinneqanngikkunik uninngaartarfinngortinneqassapput, imaluunniit nunap pissusaa allanngortinnagu taamaatiinnarneqassalluni. Aqqusineeqqat sukisaarsaarfissat inissaqartinneqarnissaat qulakkeerneqassaaq. 3. Sanaartorfik Immikkuualuttuni A, B aamma C-mi 400-it missaanni inissialiortoqarsinnaavoq. Immikkuualuttoq A: Illuliorfissani 1, 4, 5, 6 aamma 7-mi nutaanik init quleriit tallimat tikillugit illuliortoqarsinnaavoq ( og med max. kipkote på m.o.h.) Illuliorfissani 2 aamma 3-mi nutaanik init quleriit qullit tikillugit illuliortoqarsiinnaavoq (og med max. kipkote på 80 fra m.o.h.) Illup saqqaanut ilusissaq nutaamik illuliornermi malinneqassaaq, ilanngussaq 2-mi titartarneqartutut. Immikkuualuttoq B: Illuliorneq inissiarsuartut takisuutut annerpaamik arfinilinnik quleriittut ilusilerneqassaaq, illu sinerlugu minnerpaamik 5 gradinik sivingasussaq. Immikkuualuttoq C: Nutaamik illuat amerlanerpaamik quleriinnik arfinilinnik initalittut sananeqassapput. 4. Initussuseq Immikkoortup annertussusia 8,1 ha-it missaanniippoq. Nunap immikkoortuini A-mi, B-mi aamma C-mi illuat sananeqareernerisigut nunap immikkoortuani D-mi nutaanik illuliortoqarsinnaanngussooq. Tamannali Kommunimut pilersaarummut tapiliussami immikkut ittumi nutaami peqqissaartumik aalajangersarneqaqqaassaaq. 5. Piujuaannartitsinissaq - 6. Immikkut aalajangersaaffigisat Immikkoortup ilaani imeqarfimmut killeqarfit ilaavoq. Nunaminertaq imeqarfimmut killeqarfiup iluaniittoq sanaartorfigineqassanngilaq imermik mingutsitsisinnaasunik. 7. Angallanneq aamma teknikkikkut pilersuineq Immikkoortoq Kissarneqqortuunnguaniit aqquteqartinneqassaaq. Ajornartoornermi innaallagissiorfik atorunnaarpat qulakkeerneqassaaq nunaminertap aqquserngit pitsanngorsarnerinut atugassiissutigineqarnissaa. Eqalugalinnguit Kissarneqqortuunnguullu akornanni aqqusinernut aqqusininnguaq attaviliisoq, sumiiffimmut tulluussarlugu imatut ilanngunneqassaaq, atorneqaannarnissaa ingerlanneqassasoq toqqaannartumik KOMMUNEQARFIK SERMERSOOQ 19

1A15-2 NUUK AALAJANGERSAKKAT attaveqaataanerata ingerlatinnaarneqarnissaa qulakkeerlugu. Aqqusininnguaq ukioq naallugu atorneqarsinnaassaaq. 8. Illoqarfiup nutarternera Kissarneqqortuunnguaq sinerlugu sumiiffup nutarterneqarsinnaanera pisinnaavoq. Taamaattumik illut ukuusut ingitserneqarsinnaapput illunillu quleriinnik initalinnik sanaartornikkut taarserneqarsinnaallutik: B- 1280, B-1330, B-1516, B-1451, B-937, B-1386, B-422 aamma B-938. Immikkoortut B, C-lu sumiiffimmi nutaamik aqquserniornermi B-1088 ingitserneqassaaq. Innaallagissiorfik sillimmataasoq B-1280 atorunnaarpat ingitserneqassaaq. 9. Immikkoortut - 10. Aalajangersakkat sukumiisut Sukumiisumik aalajangersakkat uani atuupput, kommunimut pilersaarummi tapiliussaq 1A15-2-mi takuneqarsinnaasut. KOMMUNEQARFIK SERMERSOOQ 20

1A15-2 NUUK AAJANGERSAKKAT AALAJANGERSAKKAT SUKUMIISUT 1. Sanaartukkap inissisimaffia 1.1 Nutaamik illuliorneq nunap assingani ilanngussami 3-mi illuliorfissani takutinneqartut iluini kisimi inissinneqassapput. 1.2 Nunap ilusaata ajornartinngikkaagagu kælderimik sanasoqarsinnaavoq. Taamaattoqartillugu illuliorfiup toqqavianut atasumik nunap ilusaa iluarsiivigineqassaaq. 2. Sanaartukkap isikkua Immikkuualuttunut A-mut, B-mut C-mullu makku atuupput: 2.1 Inissiat tamaasa isikkiveqarnissaat qaamaneqarnissaallu qulakkeerlugit sanaartukkat inississorneqassapput. 2.2 Sanaartukkat suliarineqassapput nunamut, pissutsinut pioreersunut silamullu tulluuttunngorlugit. 2.3 Ilanngussaq 4-mi takutinneqartut naapertorlugit illup saqqai qalipaasersorneqassapput. 2.4 Illup saqqaanik qaliatalu isuinik iikkamut qalipakkanik imaluunniit assigisaannik pinnersaaneq pitinnagu tamanna Kommuneqarfik Sermersuumit akuerineqaqqaassaaq. 2.5 Aneersuartarfiit illuliap isikkuanut ilanngutivissimasutut saqqumissapput. 2.6 Silaannarissarfiit taakkununngalu assigusut illuliortaatsimut ilaasutut naleqqussarlugit ilaatinneqassapput. 2.7 Sukat ersiinnartut illuliap timitaata tamakkiisumik portussusiata sisamaraarterutaanit annerussanngillat. Illuliap tamakkiisumik portussusaa imatut paasineqassaaq, tassa illup toqqammaviata aterpiaanit qaliata qutsernerpaaffianut. 2.8 Sukat ersiinnartut illuliap timitaanut nunallu ilusaanut qanittumiittumut isikkumikkut naleqqussagaassapput. max 2.9 Illut saqqai qanittumi najugaqartunut akornutaasinnaasunik atortoqassanngillat. Soorlu pisariaqanngitsumik qinngornernik utertitsisartunik. 2.10 Init quleriit allersaanni naatsiiveeqqanik pilersitsisoqarsinnaavoq, salliarnartanik imaluunniit assigisaannik. Illu kajallallugu 3 meter pallillugu ungasissusilimmi. 2.11 Init quleriit allersaanni najugaqarfissanik inissiaqarnissamut pilersitsisoqassappat, taakkua toqqaannartumik silammut anisinnaanermut periarfissaqassapput, tamanna nunap ilusaanit akornuserneqanngippat. 2.12 Sumiiffimmi aqqusernup qeqqanit 14 meterit iluanni nutaamik illuliortoqaqqusaanngilaq. Immikkuualuttoq A: 2.13 Init quleriit allersaanni illup saqqaa illup timitaanit ilorpasinnerusunngortinneqarsinnaavoq, ilanngussaq 4-mi, ass. 1 aamma 2-mi titartakkami takuneqarsinnaasutut. 2.14 Kissarneqqortuunnguamit nutaamik illuliat iserfigineqarsinnaassapput. 2.15 Nutaamik illuliat ataasiinnarmut sammisumik uigasulimmik qaliaqassapput. Qaliap qaava KOMMUNEQARFIK SERMERSOOQ 21

1A15-2 NUUK AAJANGERSAKKAT minnerpaamik 7 uingassuseqassapput. Immikkuualuttoq B: 2.16 Illuliorfissat ataasiakkaat iluini ataasiinnarmik illuliortoqarsinnaavoq. Sanaartorfissat ataasiakkat iluanni taamaallaat illuliortoqarsinnaavoq. 2.17 Nutamik illuliornermi init quleriiaat portunerpaaffissaat kujataanut sammisumi illut quleriinnik arfinilinnik initaliussapput kiisalu avannamut sammisumi illut quleriinnik sisamanik initaliussallutik, ilanngussami 4-mi titartakkami takutinneqartutut. 2.18 Inissiat Sermitsiamut, Nuup kangerluanut imaluunnit Nuup illoqarfittaanut isikkiveqarsinnaapput. 2.19 Nutaamik illuliornermi illuliorfiup itissusissaa annerpaamik 12 meteriussaaq. 2.20 Inissiat inaarutaasumik ilusilersorneqarnerat Kommunalbestyrelsimit akuersissutigeqqaarneqassaaq. Immikkuualuttoq C: 2.21 Nutaamik illuliat ataasiinnarmut sammisumik uigasulimmik qaliaqassapput. Qaliap qaava minnerpaamik 7 uingassuseqassapput. 2.22 Inissiat tamarmik Sermitsiamut, Nuup kangerluanut, Illoqarfimmut imaluunniiit umiarsualivimmut isikkiveqassapput. 2.23 Inissiat inaarutaasumik ilusilersorneqarnerat Kommunalbestyrelsimit akuersissutigeqqaarneqassaaq. 3. Aqquserngit aamma pisuinnaat aqqutaat 3.1 Ilanngussami 2-mi aamma 5-mi takuneqarsinnaasutut tunngaviusumik aqqusinermik nutaamik pilersitsisoqartariaqarpoq. 3.2 Aqqusernit nutaat sumiiffimmi aqqusiniussasut inissinneqassaaq. Aqqusineq sinerlugu Kissarneqqortuunnguaq nunap immikkoortuinut B-mut C-mullu attavilerlugu aqqusininngualerneqaassaaq 3 meterimik silissusilimmik. 3.3 Nuummi aqquserniornernissamut pilersaarusiorneq pillugu ilitsersuut atuuttoq naapertorlugu aqquserniortoqassaaq, Sanarfinermut Avatangiisinullu Ingerlatsivik, Ataqatigiinnermut aaqqissuussinerit Avatangiisinullu Immikkoortortaqarfimmut akuerisassatut saqqummiunneqassapput. 3.4 Kommuneqarfik Sermersooq isumasioqatigineratigut ilusilersorneqartussamik nunaminertat tamanit atorneqarsinnaasut nutaamik sanaartornermut atatillugu pilersinneqassapput. 3.5 Eqalugalinnguit Kissarneqqortuunnguullu akornanni aqqusinernut aqqusininnguaq attaveqaataasoq immikkuualuttunut B-mut, C-mullu nunagissaanermut atatillugu nunap ilusaanik naleqqussaanertalinnik pitsanngorsarneqassaaq aamma pisarialinnik tummeralersuinernik qullilersuinernillu, taamaaliornikkut attaveqaat ukioq naallugu atorneqarsinnaaniassammat. 3.6 Ilanngussami 2-mi sumiiffiit ilanngullugit nalunaarsorneqartut iluini inissiisarfiit pilersinneqassapput. Inissiisarfiit nunap qaani imaluunniit nunap iluani pilersinneqarsinnaapput. Neruttuinermi biilinut inissiisarfiliortoqassaaq, ima amerlatigisunik: KOMMUNEQARFIK SERMERSOOQ 22

1A15-2 NUUK AAJANGERSAKKAT Inissianut marlunnut, 50 m 2.-nit anginerusunut biilinut inissiisarfik ataatseq. Inissianut tallimanut, 50 m 2.-nit mikinerusunut biilinut inissiisarfik ataaseq. 3.7 Biilinut inissiisarfissanik pilersitsinissaq nunaminertamut pisinnaatitaalluni piginnittumit akilersorneqassapput aamma pisuni ataasiakkaani tamani Kommuneqarfik Sermersuup isumasioqatigineratigut pisassaaq. 4. Nunaminertat soqannginnersaat aamma sunngiffimmi susassaqarfiit 4.1 Sumiiffiit sanaartorfissatut aamma nunaminertanut inissiivissatut tunniunneqarsimanngitsut, nunaminertatut soqannginnersatut kiisalu sunngiffimmi susassaqarfittut inissinneqassapput. Nunaminertat soqannginnersat aamma sunngiffimmi susassaqarfiit, peqqissinartunut atussanngippata, sanaartorfigineqassanngillat. 4.2 Immikkoortuni tamani pinnguartarfinnik minnerpaamik 75 m 2 tut angitigisunik pilersitsisoqassaaq. Nunaminertami soqannginnersami sunngiffimilu susassaqarfimmi nerivinnik, issiavinnik takisuunik, illunik pinnguartarfinnik, pinnguaatinik assigisaannillu ikkussuisoqassaaq, sumiiffimmi tassani peqqissinartutut atorneqartussanik. 4.3 Nutaamik sanaartukkat, 4, imm. 2-mi pinnguartarfiit taaneqartut pilersereersimatinnagit, atorneqassanngillat. 4.4 ImmikkuualuttoqA-mi sanaartortitsinermut atatillugu sunngiffimmi susassaqarfimmik tamanit atorneqarsinnaasumik pilersitsisoqassaaq. Sunngiffimmi susassaqarfik tamanit atorneqarsinnaasoq Kommuneqarfik Sermersuup isumasioqatigineratigut ilusilersorneqassaaq. Nunaminertaq pilersinneqartussaq ilanngussami 3-mi nalunaarneqarpoq F1-F6 -mik taaguuserlugu. 5. Teknikkikkut atortut 5.1 Nutaamik sanaartukkat pisortat ingerlataannut kallerup inneranut, imermut, fjernvarmemut kiisalu eqqakkat aqqutaannut atassuserneqassapput. 5.2 Imeq maangaannartoq errortuutikorlu eqqakkat aqqutaatigoortinneqassapput. Imeq saqqumiinnartoq aamma kuuffiligarlu eqqakkat aqqutaatigoortinneqassanngillat, kisianni imatut allamut sangutinneqassapput, illuutit eqqaanni inississimasut, aqqusinernut, aqqusininnguanut aamma sumiiffinnut sanaartorfigineqanngitsunut akornutaanngitsumik. 5.3 Ledningit pilersuinermut, soorlu kallerup inneranut, imermut, kiassarnermut aamma eqqakkat aqqutaannut atortut nunamut assaanneqassapput. Peqataasutut pingajuusinnaasumut ledningeqarfinnik nuussuineq ledninginut piginnittumut akeqassanngilaq, tamannalu aatsaat ledninginillu piginnittumik isumasioqateqarnikkut pisinnaavoq aamma ledninginik piginnitup innersuutai malittarisassaalu malillugit pissaaq. 5.4 Transformatoreqarfinnik inissiinerit kommuneqarfik Nukissiorfillu isumasioqatiginerisigut pissaaq, aallaqqaaterpiaaniillu peqataalersinneqassallutik. 5.5 Eqqagassanik toqqorsineq illumut atasumiik pissaaq. 6. Nunaminertat sanaartorfigineqanngitsut 6.1 Nunaminertat sanaartorfigineqanngitsut naasoqarnerisa imaluunniit qaavisa sanaartornerup nalaani, qaartiterinermi imaluunniit allatigut iliuuseqarnermi aserorneqartut iluarseeqqivigineqassapput. KOMMUNEQARFIK SERMERSOOQ 23

1A15-2 NUUK AAJANGERSAKKAT 6.2 Sumiiffiup iluani annikinnerusumik qaartiterinissat naatsorsuutigisariaqarput, sanaartorfiup illuliallu tassunga atasut, aqqusernit, inissiiviit aamma aqqusininnguit naleqqutumik inissinneqarnissaannut. 6.3 Illuliornermik sanaartornermillu suliaqarnermi nunap ilusaanik naleqqussaanermi nunap ilusaa sapinngisamik qajassuunneqassaaq. 6.4 Nunap ilusaanik naleqqussaanerit kingorna, avatangiisit illuliornermi imaluunniit sanaartornermi ilaanngitsut ileqqussaannut inissinneqassapput, sumiiffimmilu qaartitsinermi imaluunniit assartuinermi siaruaassimasut sinnikuinik tamanik saliisoqassaaq. 6.5 Apummik inissiineq Kommuneqarfik Sermersooq isumaqatigiissuteqarfiginerata kingorna nunap immikkoortuisa iluini pissaaq aamma Kommuneqarfik Sermersuumit akuerineqareersimatinnani allamut inissiisoqassanngilaq. 6.6 Sumiiffimmi aput katersaq ulluinnarni sulinermut akornutaassanngillaq. Kommuneqarfik Sermersuup aput katersaq assartorlugu eqqaanissamut pisinnaatitaavoq, tamanna eqqortinneqarsimanngippat. 7. Piujuaannartitsineq - 8. Pinngortitamik illersuinissamut atatillugu soqutigisat - 9. Nunamik atuinermi soqutigisat - 10. Atortut ataatsimoorussat - 11. Peqatigiiffiit piginneqatigiit 11.1 Immikkoortuni ataatsimoorussatut soqutigisanik isumaginnittussamik peqatigiiffimmik aallarniisoqassaaq. Peqatigiiffiup najugaqarfini pillugu Kommuneqarfik Sermersooq ilisimatittassavaa. Immikkoortup iluani ingerlatsitsinermut, aqqusinernik, (tamatuma ataani ukiukkut aserfallattaanermut) aqqusininnguanik, biilinut inissiisarfinnik, pinnguartarfinnik aamma nunaminertat soqannginnersaannut asserfallattaanermut akisussaasuuvoq. 11.2 Sumiiffimmi arealimut pisinnaatitaanermut piginnittoq piginneqatigiiffimmut ilaasortaassaaq. 11.3 Sumiiffimmi ataatsimoorussatut soqutigisaq pillugu nunagissaanermut aningaasartuutit aamma peqataasutut ilaasut akornanni agguaaneq immikkut akiliinissamut malittarisassami takuneqarsinnaassaaq. 12. Avatangiisinut nanertuutaasut killingi - 13. Sanaartukkat nukimmik atuinikiffiusut 13.1 Nutaamik illuliorneq illu kiassaruminartutut sananeqarsinnaavoq. 14. Atuilernissamut piumasaqaat KOMMUNEQARFIK SERMERSOOQ 24

1A15-2 NUUK AAJANGERSAKKAT Nutaamik illuliat atuleqqussaanngillat, imatut iliortoqarsimatinnagu: 3, imm. 7 malillugu biilinut inissiiviliortoqareertinnagu. 6 malillgu nunap ilusaata ileqqussaatut ilereertinnagu. Illu pigisap nunaminertai sanaartorfigineqanngitsut 4 malillugu sanaartorfigereertinnagit. Ukiup ilaagut pisartut tamanna peqqusimanngippagu Kommuneqarfik Sermersooq isumaqatigiiffineratigut tamanna piaarnerpaamik pilersinneqassaaq. 5, imm. 2 malillugu nutaamik illuliorneq pisortat ingerlataannut kallerup inneranut, imermut aamma fjervarmenettimut kiisalu eqqakkat aqqutaannut attavilerneqareersimatinnagit. 4.4 malillugu arealit najorneqarsinnaasut tamanut atorneqarsinnaasut pilersinneqareersimappata. KOMMUNEQARFIK SERMERSOOQ 25

Ilisarnaatinut nassuiaatit Signaturforklaring 3C8 3A7 Immikkoortoq / Delområde 1D1 3D4 3D6 3A1 3A2 1A18 1A16 1A6 2D3 1D7 1C18 1D1 Eqalugalinnguit 1C15 B- 1088 1A15 2C2 2B1 1D4 B- 422 Gittermast B- 1386 B- 937 B- 938 Højdebeholder B-1707 Kutaa Børnehjemsvej Kissarneqqortuunnguaq B- 1516 B- 1330 B- 1280 B- 1451 1D1 Sipisaq kangilleq 2D1 1A7 1C16 Flygården 1C12 1A8 Kissarneqqortuunnguaq 1D5 1D11 2E2 2B3 1C30 KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø 1A11 Kommunimut pilersaarummut tapiliussaq 1A15-2 Kommuneplantillæg 1A15-2 Ilanngussaq 1/ Bilag 1 Immikkoortoq 1A15 / Delområde 1A15 Uutuut 1:5000 / Mål 1:5000 Februaari 2016 / Februar 2016 NunaGIS A4 Målforhold 1:2500 0 m 40m 80 m 120m Dato 1m 6/2-2015 200m Asiaq Signaturforklaring

Ilisarnaatinut nassuiaatit Signaturforklaring Immikkoortoq / Delområde Immikkuualuttoq / Detailområde A Immikkuualluttup taagutaa / Detailområde navn Illut isatigassat / Bygninger der nedrives Illut pioreersut / Eksisterende bygninger 50 D 70 50 40 30 C 40 B-1088 50 50 40 30 20 Kissarneqqortuunnguaq B-422 40 B-937 B-1386 B-938 A 50 B-1707 70 B B-1330 B-1280 B-1516 B-1451 80 70 50 40 30 20 Sipisaq kangilleq 30 40 50 70 KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø Kommunimut pilersaarummut tapiliussaq 1A15-2 Kommuneplantillæg 1A15-2 Fjeldknolde omkring Ilanngussaq 2 / Bilag 2 Pissutsit pioreersut / Eksisterende forhold Uutuut 1:2000 / Mål 1:2000 Februaari 2016 / Februar 2016 A4 0 m 20m 40 m m 80m 100m

Ilisarnaatinut nassuiaatit Signaturforklaring X X fx P Immikkoortoq / Delområde Immikkuualuttoq / Detailområde Immikkuualuttup taagutaa / Detailområde navn Illut silataat / Facadelinje Sanaartorfissat / Byggefelt Uninngaarfissat / Fælles opholdsarelaer Biilinut inissiisarfik / Parkering Imeqarfimmut killeqrfik/ Vandspærrezone Erngup aqqutaa/ Vandrør Illut isatigassat / Bygninger der nedrives Illut pioreersut / Eksisterende bygninger Aqqusineq nutaaq/ Ny lokalvej Pisunnaat aqqutaat / Stiforbindelse Pinnguartarfiit / Legepladser 50 D 70 P 50 10 C 40 30 8 9 40 f6 50 6 f5 P 11 P 12 50 40 30 20 5 P Kissarneqqortuunnguaq f4 P 4 A B-1707 B f3 40 P 50 70 7 3 f2 f1 P 2 P P 80 70 50 40 30 20 Sipisaq kangilleq 1 30 P 40 50 70 KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø Kommunimut pilersaarummut tapiliussaq 1A15-2 Kommuneplantillæg 1A15-2 Fjeldknolde omkring Ilanngussaq 3 / Bilag 3 Aaqqissuussamik pilersaarut / Dispositionsplan Uutuut 1:2000 / Mål 1:2000 Februaari 2016 / Februar 2016 A4 0 m 20m 40 m m 80m 100m

parkering ny bygning promenade vej Semiprivat Tukimut ikaarlugu titartaq 1 Kissarneqqortuunnguaq, sanaartorfissat 2 & 3 Principsnit 1, Kissarneqqortuunnguaq, byggefelt 2 & 3 Tukimut ikaarlugu titartaq 5, Immikkuualuttoq C Principsnit 5, Detailområde C ny bygning promenade Semiprivat vej Tukimut ikaarlugu titartaq 2 Kissarneqqortuunnguaq, sanaartorfissat 3 & 4 Principsnit 2, Kissarneqqortuunnguaq, byggefelt 3 & 4 Tukimut ikaarlugu titartaq 3, Immikkuualuttoq B Principsnit 3, Detailområde B Tukimut ikaarlugu titartaq 4, Immikkuualuttoq B & C Principsnit 4, Detailområde B & C KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø Kommunimut pilersaarummut tapiliussaq 1A15-2 Kommuneplantillæg 1A15-2 Ilanngussaq 4 / Bilag 4 Tukimut ikaarlugit titartakkat / Principsnit Februaari 2016 / Februar 2016 A4

KOMMUNEQARFIK SERMERSOOQ Sanarfinermut Avatangiisinullu Ingerlatsivik Forvaltning for Anlæg og Miljø Kommunimut pilersaarummut tapiliussaq 1A15-2 Kommuneplantillæg 1A15-2 Ilanngussaq 5 / Bilag 5 Takussutissanngorlugu titartagaq / Illustrationstegning Februaari 2016 / Februar 2016 A4 0m 20m 40 m m 80m 100m