Sermersuumi Meeqqat aamma Ilaqutariit

Transkript

1 Kommuneqarfik Sermersooq Meeqqanut Ilaqutariinnullu Ingerlatsivimmi pisortamik atorfinitsitsineq Lundgaard Konsulenterne uannga atorfinitsitsinermi ikiuupput Ingerlatsivimmut pisortaq: Kommuneqarfik Sermersuumi Meeqqat aamma Ilaqutariit Imarisai: Vilkårene Stillingen... Fejl! Der er ikke defineret et bogmærke. 2. Ansættelsesvilkårene Kommuneqarfik Sermersooq Forvaltning: Børn, Familie og Skole... 7 Forventningerne Direktørens ansvar, opgaver og udfordringer Baggrund/ledelseskomopetencer/personlige kvaliteter...11 Ansættelsen Ansøgernes vurdering af arbejdspladsen Arbejdspladsens vurdering af ansøgerne Tidsplan for ansættelsen...16 Bilag

2 Kommuneqarfik Sermersooq pisortamik nutaamik atorfinitsitsinissamut atatillugu suliamik aallartitsipput, atorfinitsinneqartussap akisussaaffigissavaa Ingerlatsivik: Meeqqat aamma Ilaqutariit, apriilip sisamaanni 2017 kommunimut qinersinerup kingorna suleqatigiinnissamik isumaqatigiissutip iluani aqutsiveqarfik nutaatut pilersinneqartoq. Kommunalbestyrelsip isumaqatigiissup maajip aappaani aamma 16-ianni 2017 ataatsimiinnermini Suleriaaseq naapertorlugu politikkikkut aamma allaffissornikkut aaqqissuussinerit nutaat akuersissutigai, tassani ataatsimiititat- aamma aqutsiveqarfiit nutaat meeqqanut aamma ilaqutariinnut suliassaqarfimmut tunngasut ilaapput. Atorfimmut- aamma Atorfinittussamut piumasaqaatit suliarineqarput, politikerinik aamma sulisunik aqqanilinnik ataasiakkaarlugit aamma eqimattakkuutaarlugit apersuinernik ingerlatsinerup kingorna, - taakkununnga ilaapput borgmesteri, ataatsimiititami siulittaasoq, kommunimi pisortaagallartoq aamma pisortat sinneri kiisalu Ingerlatsivimmi: Meeqqat aamma Ilaqutariit pisortat aamma sulisut. Apersorneqartut ilaat kingorna -Atorfinitsitsinermi ataatsimiititap katitigaanerani ilanngunneqassapput. Atorfimmut- aamma Atorfinittussamut piumasaqaatinik suliaqarnermi siunertaavoq: Atorfinitsitsinermi Ataatsimiititami ilaasortat aammami suliffeqarfiup sinnerani, paasinnittaatsimik ataatsimoorussamik pilersitsinissaq atorfiup imarisaanut tunngatillugu aammali qinnuteqarumaartussanut piumasaqaatit naatsorsuutigineqartullu pillugit, atortussanik oqaasertaliinissaq, qinnuteqartut piginnaasaannut piukkunnassusiannullu naliliinermi tunngavissatut atugassanik, aamma Atorfinitsitsinermi Ataatsimiititami qinersinerni aalajangiinernilu atugassanik, atorfinitsitsiniarnermik ingerlatsineq naammassilluni atorfinittussamik Aningaasaqarnermut Ataatsimiititamut innersuussinermik naggasiinermi kiisalu naggataatigut Pisortamik nutaamik Ingerlatsivimmut: Meeqqat aamma ilaqutariit toqqaanermi tunngavissamik, aamma atorfinitsitsiniaalluni ussassaarinermi paasissutissanik ilanngussinissaq, taamaaliornikkut qinnuteqassallutik soqutiginnissinnaasut atorfik pillugu sukumiinerusumik paasisaqarsinnaaqqullugit atorfinitsitsiniaalluni ussassaarinermi inuit attaveqarfigineqarsinnaasutut allassimasut annerusumik paasiniaaffigissallugit saaffiginninnginneranni atorneqarsinnaasunik. Taamatuttaaq Atorfimmut- aamma Atorfinittussamut piumasaqaatini ilanngunneqassapput side 2

3 atorfinitsitsiniaanermi iliuusissat- aamma piffissaliussat erseqqissarneqassapput, taakkununnga ilanngullugit qinnuteqaammik tunniussinissamut ullussarititaasumik erseqqissaatit, siullermik aappassaannillu oqaloqatiginninnerit, oqaloqatigiinnermik misilerarneqarneq il.il. Atugassarititaasut 1. Atorfik Nassuerutiginninneq tunngavigalugu, Kalaallit Nunaanni oqaluttuarisaanermit ilisimasat maannamullu atuuttunik pissutsinik ilisimasat tassaasimasut aamma tassaasut, suliassat ataasiakkaat amerlasuut meeqqanut aamma inuusuttunullu atugarliortunut tunngasut, pingaartumik sumiginnaanernut kinguaassiutitigullu atornerluinermik aallaavillit tunngavigalugit, kommunalbestyrelse nutaamik qinigaasoq aamma partiit suleqatigiinnissamik isumaqatigiissummut ilaasut kissaatigaat meeqqat, inuusuttuaqqat aamma taakkua ilaqutaasa suliniarfigineqarnissaat nukittorsarneqassasoq. Suleqatigiinnissamik isumaqatigiissummi immikkut isiginiarneqartussani qulingiluaasuni suliassat pingaartut pingasut atorfimmut pineqartumut tunngassuteqarput. Kommunip meeqqat atuarfiinik nukittorsaanera nalinginnaasoq aamma meeqqat tamarmik piginnaasaqalernissaannut atugarissaarnissaannullu pingaarnersiuineq, inuussutissarsiornermik aamma takornariartitsinermik nukittorsaaneq taassuma iluani suliffissaqartitsineq aamma siuarsaaneq annertuumik isiginiarneqarlutik, taamatullu meeqqanik inuusuttunillu atugarliortunik suliniuteqarnerup nukittorsarneqarnera siusissumik kiisalu pitsaaliuinermik suliniutit aqqutigalugit. Kingullertut taasaq suleqatigiinnissamik isumaqatigiissummi suliniuteqarfissat pingaarnersaattut inissisimavoq aamma suliniutinik immikkut ittunik aallartitsisoqarpoq, tassunga tunngatillugu ataatsimiititamik nutaamik immikkut ittumik pilersitsisoqarluni: Meeqqanut Ilaqutariinnullu Ataatsimiititaq aamma tassunga atasumik meeqqanut ilaqutariinnullu ingerlatsivik. Meeqqanut-/inuusuttunut aamma ilaqutariinnik katsorsaanermi suliassaqarfimmik nutaamik aaqqissuussinermi tunngavissatut allakkami takuneqarsinnaavoq suliniutit arlallit taakkunannga naatsorsuutigineqarluni, matumani qinigaaffimmi ukiunik sisamanik sivisussuseqartumi taakkuninnga sukumiisorujussuarmik itisuumillu ingerlatsisoqassasoq. Taakkuninnga sulianik ingerlatsinermut nukittorsaanissaq, perorsaasunik side 3

4 ilinniarluarsimasunik atorfinitsitsinissaq, inunnik isumaginnittunik allanillu, sulisut kattuffiinik suleqatiginninneq aamma Namminersorlutik Oqartussanik, politiit aamma eqqartuussivineqarneq il.il. Siunissaq aamma eqqarsaatigalugu aamma suliniuteqarfiusussanik pingaartitsinermi kissaatigineqarpoq, meeqqanut tunngasuni tamaginni pilertortumik nassuiaasoqartassasoq aamma iliuusissatut pilersaarusiortoqartassasoq, naartusunik atornerluinermik ajornartorsiuteqartunik pitsaaliuinermik iliuusissanik aallartitsisoqartassasoq, meeqqanik aamma inuusuttunik kinguaassiutitigut atornerluinerup unitsinneqarnissaanut suliniartoqassasoq ilaatigut anguniagaqarluni paasisitsiniaanerit aqqutigalugit, pinartoqartillugu inigigallagassanik pilersitsinikkut, angajoqqaanik ammasumik siunnersuinerup ersarissarneqarneratigut il.il. Suliniutaalersussat Kommuneqarfik Sermersuumi tamarmi atuutinneqassapput, kisianni borgmesterinngortitsilluni isumaqatigiissummi isertuunneqanngilaq, Tunumi immikkut ittunik unammilligassartaqarnera meeqqat inuusuttullu alliartornerminni toqqissisimanartumik atugassaqartitaanerannut tunngasuni. Suliassamik tassannga pisortatut aqutsilluartumik aamma ingerlatsilluartumik atorfinitsitsiumalluta Ingerlatsivimmut: Meeqqanut Ilaqutariinnullu Pisortamik nutaamik pissarsiorpugut, taassuma Meeqqanut Ilaqutariinnullu Ataatsimiititaq aamma pisortat sulisullu peqatigalugit, ingerlatsivimmi nutaaliorneq aaqqissuussaasoq silatusaartorlu qinigaaffimmi ukiuni tulliuttuni sisamani atuuttussaq, suliniutissarpassuarnik ineriartortitsiviusoq taakkualu atuutsinneqarnerannik aallartitsiviusussaq pisortaaffigissavaa. Pisortap pisinnaasani, pikkoriffigisani piginnaasanilu tamaasa atorlugit meeqqanut/inuusuttunut taakkualu ilaqutaannut isumaginninnermik suliassaqarfik ineriartortissavaa, taassuminnga sulinermi nunatsinni inuiaqatigiinni unammilligassat imaannaannginnersaannik inooqatigiinnikkut kingornuttakkanik atorunnaarsitsinissaq anguniassallugu, aamma siunissami meeqqanut inuusuttuaqqanullu tamanut neriunnermik periarfissaqarnermillu pilersitsissalluni, qanorluunniit ilaqutariiussusermit meeqqat ataasiakkaat imaluunniit inuusuttuaqqat ataasiakkaat tunuliaqutaqarsimassagaluarpata. 2. Atorfinitsitsinermi atugassarisassat Atorfinitsitsinermi isumaqatigiissutit naapertorlugit atugassaqartitsisoqassaaq aamma atorfik taanna pillugu pinngitsoorani tapisiassat ilanngullugit ukiumut koruunit ,- akissarsiaqassaaq saniatigut soraarnerussutisiassat. Taassuma saniatigut side 4

5 sivisussusilimmik atorfeqartitaaneq/tapisiat isumaqatigiinniarnikkut anguniarneqarsinnaapput. 3. Kommuneqarfik Sermersooq Kommuneqarfik Sermersooq maanna ilutsimigut iluseqartilluni januaarip 1-iat 2009 pilersinneqarpoq, nunatsinni kommunit 18-iusut kommuninut aaqqissuusseqqinnermut annertuumut atatillugu sisamanut ikilineqarnerannut atatillugu. Kommunip avannarliup apriilip 4-raanni 2017 qinersinermi avinneqarnerata kingorna, Kommuneqarfik Sermersooq km2-inik annertussuseqarluni Kalaallit Nunaanni kommuninit annersaalerpoq, aamma ulloq februaarip 1-anni 2017 innuttaasut inik amerlassuseqarput, Kalaallit Nunaanni innuttaasut katillutik upput. Naak nalinginnaasumik Kalaallit Nunaanni innuttaasut ikiliartoraluartut Kommuneqarfik Sermersuumi innuttaasut amerliartorput, pingaartumik illoqarfiit pingaarnersaat Nuuk innuttaasunit nuuffigissallugu kajumerineqaqaaq, Nuummimi innuttaasut februaarip 1-iat 2017, inik amerlassuseqalersimapput. Soorlu nunatsinni kommuninut tamaginnut atuuttoq 2009-mi kommunit aaqqissuuteqqinnerisa kingorna Kommuneqarfik Sermersooq nutaatut pilersinneqartutut annertuumik unammilligassaqarsimavoq taamatullu illoqarfiit anginerit Nuuk, Tasiilaq, Paamiut, aamma Ittoqqortoormiit kiisalu nunaqarfiit mikinerit arfineq-pingasut akornanni kiffartuussinermik eqaatsumik pilersitsinissami. Aaqqissuussaanermi aamma aningaasaqarnermut tunngasuni nalimmassaaneq ingerlanneqartussaasimavoq, taamatullu kiffartuussinerup qaffasissusianut tunngasuni, soorlu kommuniusimasut kattutsinneqartut tallimat akornanni ataqatigiinnermik nutaamik pilersitsineq. Kommunerujussuit nutaat atuutsinneqalernerisa kingorna ukiut sisamat siulliit nalilersuiffigineqarnerannut atatillugu, 2013-ip aallartinnerani Kommuneqarfik Sermersooq pillugu pilersaarut nutaaq atuutsinneqalerpoq, tassannga sanarfinermi kommunimi nutaami ataqatigiinnermik annerusumik pilersitsinissamik kissaat tunngaviuvoq. Borgmesteri, kommunalbestyrelse aamma ataatsimiititat atuuttut taanna aallaavigalugu aamma Pisortaqatigiinnik qanimut suleqateqarlutik kommunerujussuarmi nutaami tunngavissaq nutaaq aaqqissuussaasumik aamma tulleriiaakkamik ineriartortikkiartorpaat. Taamannak oqarpugut naak ilisimagaluarlugu ukioq 2017 kommunimik ineriartortitsineq suli naammasseqqajanngikkaluartoq, ullumili Kalaallit Nunaanni siunissami kommunit isikkussaattut nukittunerpaatut isikkoqarluni ullumikkut inissisimalereeraluartoq. side 5

6 Kommunalbestyrelsip iluatsissimavaa, pingaartumik qinersivimmi kingullermi, politikkikkut programmissamik tamatigoortumik pilersitsissalluni naak, nunatsinni inuiaqatigiinni annertuunik unammilligassaqaraluaqisoq, ilaatigut aningaasameernermik pissuteqartumik innuttaasunut kiffartuussinermut atatillugu aningaasaqarnermi tunngavissamik aamma suliamut piginnaassusilinnik atorfeqartitsisinnaaneq. Politikkikkut aalajangiussanik naammassinninniarneq aamma borgmesterimik kiisalu Kommunalbestyrelsip sinneranik pitsaasumik suleqateqarnermik naammassinnikkumalluni pisortaqatigiinnit suliniutigineqarpoq allaffissornermi ineriartortitsinissamut siunniussaq ima qulequtalik: Sermersuaq ikaarlugu Siunissaq ataatsimoorullugu. Tassunga tunngatillugu siunertarineqarpoq allaffissornermik aaqqissuussamik pitsaasumik pilersitsinissaq, siunissami aningaasat ikinnerit atorlugit innuttaasunut pitsaasumik aamma kiffartuussilluarnermik ingerlatsisoqarnissaanik eqqarsariartaaseqarneq. Pilersaarut immikkoortutut pilersaarutinut sisamanut aggugaavoq imannak qulequtaqartunik: - Peqatigiilluta alloriassaagut - Koruunit tamaasa akisussaaffigissavagut - Nuannaarluta iliuuseqassaagut - Oqaloqatigiinnikkut akisussaassuseqarnikkullu kingunilimmik iliuuseqassaagut Qulequttat taakkua aallaavioqqaartumi imminnut ataqatigiipput Kommuneqarfik Sermersuup 2009-mi annertuunik unammilligassaqarneranut tunngasunik aamma suli atuuttunik, tassa suliffissaaleqinerujussuaq, inissaaleqineq, meeqqanik inuussuttunillu sumiginnaaneq aamma illoqarfissuarni inooqatigiinnermi atornerluinermi ajornartorsiutit il.il. Periusissiaq kommunimi pisortanit tunngavissatut atuutsinneqarpoq aamma minnerunngitsumik naleqartitanik nutaanik tunngavissiinikkut: Ataqqinninneq Akisussaaneq Ineriartorneq.taakkua aamma peqqutaaqataallutik Kommuneqarfik Sermersuup ukiuni ilungersunartuni aniguisinnaaneranut aqqutissiuisooqataapput, politikkikkut allaffissornermilu aalajangiussassanik imaannaanngitsunik aalajangersaasoqarnerani side 6

7 soorlu suliffinnik amerlasuunik ikilisaanermi, pitsanngorsaanermi aamma nukissanik atuinermi annertuumik ilisimasaqarnermi. Ingerlatsineq ukiunik arlalinnik sivisussuseqartoq patajaatsumik suliniuteqarneq aqqutigalugu siunissamut upperinnilersitseqqittoq aamma innuttaasunik peqateqarnerup imarisaanut suliamullu tunngasut ataqatigiissinnaanerannut tunngatillugu. 4. Ingerlatsivik: Meeqqat aamma Ilaqutariit Kommuneqarfik Sermersuup ataatsimoorluni pitsaasumik ineriartorneranut ersiutit siuliani taaneqartut eqqarsaatigalugit, ukiuni kingulliunerusuni suliniutit aamma annermik ilisimannilersitsisimapput aaqqissuussinernik aamma sulianik immikkut illuinnartunik aallartitsisoqartariaqartoq meeqqat/inuusuttut taakkualu ilaqutaat atugarliortut siunnerfigalugit. Suliniutit ullutsinni piumasaqaatinut aamma innuttaasut kommunimit kiffartuunneqarnissatut naatsorsuutigisaannut naapertuuttut. Apriilip 4-anni 2017 kommunimut qinersinissaq sioqqullugu pingaartumillu qinersinerup kingorna, politikkikkut aamma allaffissornikkut aaqqissuussaanermi ilutsit nutaat piareersarneqarput, ilaatigut meeqqat/inuusuttut taakkualu ilaqutaat atugarliortut tapersersorneqarnissaannut tunngasut. Politikkikkut aamma allaffissornikkut aaqqissuussaanermi ilutsit nutaat ilanngussaq A- miittut innersuussutigalugit, qinigaaffimmi aamma ulloq maajip 16-iat 2017 Kommuneqarfik Sermersuumi aqutsinermi ileqqoreqqusamik nutaamik akuersinermut atatillugu, nutaatut pilersinneqarpoq Meeqqanut Ilaqutariinnullu Ataatsimiititaq nutaaq. Taamaaliornikkut 0-18-inik ukiullit pillugit suliassaqarfik politikkikkut aamma allaffissornikkut pisortatigoortumik agguarneqarpoq, aamma Ingerlatsivik: Meeqqat aamma Ilaqutariit (MI) aallartinneqareerpoq ulloq maajip 17-iat 2017 aallarnerfigalugu, aqutsisoqarfimmi nutaami pisortaagallartumik nutaamik atorfinitsitsineq aqqutigalugu. (her indsættes MI-strukturen i nedfotograferet udgave - max 1/3 side) side 7

8 Aqutsiveqarfimmi tamarmi sulisut 123-upput, taakkunannga atorfiit arfineq-marluk qitiusoqarfimmi pisortaq peqatigalugu inissisimallutik. Pitsaaliuinermik aamma Ilaqutariinnik katsorsaanermik immikkoortortami meeqqanut/ilaqutariinnut katsorsaaviit pingasut, qimarnguiit pingasut, najugaqarfittut neqeroorutit marluk + ataaseq atulersussaq, aamma inuusuttunik siunnersuisut, taamaasilluni katillugit 44-nik sulisoqarpoq. Oqartussaasut aamma Meeqqat angerlarsimaffiat 71-inik sulisulik inunnik isumaginninnermik suliassaqarfiup iluaniilerpoq. Meeqqat angerlarsimaffii marluk, katsorsaavik ataaseq aamma katsorsaasoqatigiit angalasut pinartoqartillugu suliniuteqartartut. Piffissami matumani aaqqissuussaanerup ilusia kusassarneqarpoq, soorlu Kommuneqarfik Sermersuumi ingerlatsiviit akornanni suliassaqarfiit akimorlugit ajornartorsiutaasinnaasut paasiniarlugit suliamik ukkassisoqarluni, ilaatigut meeqqat/inuusuttuaqqat- aamma ilaqutariit pillugit suliassaqarfinni. Naatsorsuutigineqartut 5. Pisortap akisussaaffia, suliassai aamma unammilligassai Ingerlatsivimmut: Meeqqat aamma Ilaqutariit Pisortaq, Ataatsimiititap: Meeqqat aamma Ilaqutariit kiisalu ingerlatsiviup qitiusumik aamma avammut suliassai- aamma inissiiviusartut akornanni pingaarutilittut inissisimassaaq. Taamaaliornikkut pisortap, ataatsimiititaq sinnerlugu, pisortanut allaffissornermik ingerlatsineq suliarissavaa (allaffissornermik suliassarpiaq nalinginnaasumik sulisunut pisortamit ingerlanneqassaaq imaluunniit suliffimmi pingaarutilimmik sulialimmit allamit), aamma pisortap ataatsimiititap siulittaasuanik aamma ataatsimiititamik ilaasortanik oqaloqateqarneq siunnersuinerlu ingerlatissavai. Aamma pisortamut tassunga suliassat pingaarutillit ilagaat Pisortaqatigiinni suleqatigiinnermi peqataaneq, pingaartumik suliassaqarfiit akimorlugit sulianik ingerlatsinermik aamma suliniutinik aaqqissuussinermi peqataanerit. Taakkua kommunip aaqqissuussaaneranik nukittorsaatitut Pisortaqatigiinnit aamma/imaluunniit ingerlatsiviit akornanni aallartinneqarsimatillugit allaffissornermut namminermut aamma innuttaasunut tunngassutilitsigut, innuttaasunik qitiutitsinermut aaqqiissutissanik tamakkiisunik nassaarniarnermi nukittorsaaqataassaaq. Ingerlatsivimmut pisortaq: Meeqqat aamma Ilaqutariit Pisortaq Pisortaqatigiinni ilaasortat sinnerinik suleqateqassaaq suliffiup avataatigut sukkulluunniit, naatsorsuutigineqarportaaq immikkut ittumik suliamik aallussinissaq annertooq. side 8

9 Taamaaliornikkut pisortatut inissisimanermut tunngatillugu taamatullu pilersaarusiatut sulianut anginernut kiisalu politikkikkut aalajangiussassanik saqqummiussineq, soorlu pisortamit naatsorsuutigineqartariaqartoq suliffiup nalinginnaasup avataatigut sulisinnaaneq aamma innuttaasunik unnukkut ataatsimiititsinerni peqataasarneq taamatullu nunatsinni nunanullu allanut angalanerni peqataaneq. Siunissaq eqqarsaatigalugu pisortamit annertuumik maluginiarneqassaaq Kommuneqarfik Sermersuumi aningaasaqarnerup patajaatsumik ingerlanissaanut peqataanissaq, missingersuummik sukannersumik aqutsineq- aamma malitseqartitsineq kiisalu missingersuutinut sinaakkusiussanik politikkikkut inissitanik malittarinninneq. Taamatuttaaq suliffimmut- aamma sulisup piginnaasaanut matumani erseqqissaatigineqassaaq, Ingerlatsivimmut: Meeqqat aamma Ilaqutariit pisortamut nutaamut suliassaq aalajangiisuusussaq soorunami tassaammat ingerlatsivimmik nutaamik pilersitsinissaq aamma nutaanik isumaliortaaseq sunniussinnaanerlu tamakkiisut atorlugit aaqqissuussinissaq, suliassanik agguataarinissaq aamma sulisut katitigaanerannik paasiniaanissaq pitsanngorsaanissarlu, soorlu suliamut- aamma atuuffinnut allaaserinninnikkut piginnaasassatut malittarisassanik erseqqissaanissaq, taamaaliornikkut sulisunut tamanut misinnaqqullugu, sulisut ataasiakkaat tamarmik suliaannut tunngatillugu sinaakkutissanik toqqissisimanartunik ineriartuutaasunillu pilersitsisoqartoq. Sutigut tamatigut aallaqqaaterpiaanit aallartinnissaq immaqa pisariaqarnavianngilaq, kisianni qularutissaanngilaq ingerlatsivimmik nutaamik pitsaasumillu pilersitsinissamut periarfissap atorneqarluartariaqartup iluani aamma toqqagassaqarsinnaanerup eqqarsaatigineqarsinnaanera. Maannamut ingerlatsineq eqqarsaatigalugu pitsaanerit sanarfeqqinneqartariaqarput, taakkua saniatigut siunissaq eqqarsaatigalugu nutaaliorneq pilersitsineq aamma nutaanik eqqarsaatissinneqarnermut suleriaatsinillu allanngortitsinermut- aamma suliniutinut, suleqatinik, pitsaanerusumik suliniuteqarnernut, innuttaasunik pilertornerusumik sullissisinnaanernut il.il. ilapittuutaasinnaasunik eqqarsaatersorsinnaaneq. Immikkut suliniuteqarfigisassat Ingerlatsivimmut pisortamut nutaamut immikkoortut nutaat immikkut eqqumaffigineqartussatut assersuutit: Meeqqat aamma Ilaqutariit Pisortap nutaap immikkut suliniuteqarfigisatut assersuutit ataani immikkut pingaarutillit aamma piffissami qaninnermi unammillernarsinnaasut allassimapput: Siuliani ingerlatsivimmik nutaamik sanarfinissamut aallaavittut taaneqartumut, suleqatigiinnik peqqissunik aamma sulisunut attaveqaqatigiinnernut tunngasut, aammali politikkikkut ataatsimiititamut nutaamut tunngasut. Tassunga atatillugu side 9

10 atorfimmi atuuffinnut tunngatillugu sinaakkutissat erseqqissarneqassapput taamaaliornikkut nalornisoqaqqunagu suut politikerinit aamma suut allaffissornermit suliarineqassanersut. Meeqqat/Inuusuttut aamma taakkua ilaqutaannut atugarliortunut suliassaqarfiup qulaajarnera. Taamaaliornikkut kisitsisit nutaat pigineqaleqqullugit meeqqat, inuusuttut aamma ilaqutariit qassit pineqarnersut. Tamakkua sumi najugaqarnersut, qassit aappariittut najugaqatigiinnersut, suliffeqarnerat aammalu atornerluinermik ajornartorsiutaat il.il. Suliaq taamaattoq soorunami Meeqqanut Ilaqutariinnullu Ataatsimiititamut nalinginnaasumik tunngavittullu pisortatut paasissutissiinermi atortussatut aallaavigissallugu pitsaassaaq, taanna suliaralugu nanginneqarsinnaavoq, taamaaliornikkut suliniutit aamma suliniarnerit siunissami malittariillutik ingerlanneqarsinnaammata. Ingerlatsiviit akornanni suliassaqarfiit akimorlugit unammilligassaasinnaasut allaaserineqarnerat, taakkununnga ilanngullugit Ingerlatsivimmut/mit: Meeqqat Ilaqutariinnullu tunngasut. Tassunga atatillugu assersuutitut taaneqarsinnaapput: o o o o o o Isumaginninneq aqqutigalugu inissaqartitsineq aamma inissanik innersuussineq pillugu suleqatigiinnermut tunngasut Inuit innarluutillit pillugit suliniutit innarluutilinnut aaqqissuussinernut tunngassutillit aamma meeqqanut inersimasunullu innarluutilinnut neqeroorutit ataatsimoortinneqarnerat kiisalu akuersissuteqartarnermiaamma qinnuteqaatinik ingerlatsinermi suliamut tunngatillugu naliliinermi tunngavissat nukittorsarneqarnerat Paamiuni aamma Tasiilami suliffeqarfiup- aamma aqutsinerup aaqqissuunneqarnerannik qulaajaanerit Ingerlatsivimmik: Isumaginninneq aamma Suliffeqarneq (IS) suleqateqarneq angajoqqaat suliffeqarnermi inissisimanerannut tunngasuni, nalinginnaasumik ilaqutariinnut tamarmiusunut taamaattumillu meeqqat inuunerannut sunniuteqartarmat, - taakkununnga ilanngullugit ilaatigut ilaqutariinnut sullissiviit aamma ingerlatsiviit taariikkat akornanni attaveqarneq Atornerluisunik katsorsaaneq, taakkununnga ilanngullugit meeqqat aamma inuusuttut atornerluinermut pitsaaliuinissamut aaqqiissutit Atuarfinni inunnik isumaginnittunik Ingerlatsivimmi: Meeqqat Atuarfiillu (MA) aamma Ingerlatsivimmi: Meeqqat Ilaqutariinnullu (MI) suleqatigiinnerat side 10

11 o o Pitsaaliuinermik aaqqissuussinerit allat, taakkununnga ilaatigut ilanngullugit MA-mi sunngiffimmi- aamma inuusuttut klubbiinut ataqatigiinnerit nutaat Meeqqamit inersimasumut ikaarsaariarneq, taakkununnga immaqa ilanngullugit kinguneqartitsineq/meeqqanik isumaginninnermiinnerup sivitsorneqarnera IS, MA aamma MI akornanni Siuliini taaneqartut ilanngunneqarput ingerlatsivimmi suliassat pingaartut aamma unammilligassaasinnaasut pingaarnerit ilaat saqqummersikkumallugit, qularnanngitsumik allanik ilaartorsinnaassapput. Malugineqarpoq, apriilip 4-aanni 2017, kommunimut qinersinerup kingorna ingerlatsivinni pisortat- aamma aqutsisut akornanni suliassaqarfiit akimorlugit ajornartorsiutinik qulaajaanermik suliaq aallartinneqarmat. Naatsorsuutigineqarpoq suliassaqarfiit arlallit aasaanerani 2017 inissaminnut pereersimassasut Pisortaqatigiinnut akuerineqassallutik innersuunneqarlutik, allalli pissusissaq naapertorlugu ungasinnerusumi atuutsinneqalissapput, assersuutigalugu suliassaqarfinnut allanut attuumassuteqartut, sulisut aamma ingerlatsiviit assigiinngitsut piffissami sivisunerusumi ilaatinneqarlutik ingerlataat. Soorunami suut tamarmik ataatsikkut ingerlanneqarsinnaanngillat aamma pingaaruteqarpoq pisortaq nutaaq nunamut tunngalluni sunik tamanik isiginninniaqqaassasoq ineriartortitsillunilu ingerlatsinerit patajaatsumik aqullugit ingerlatsissasoq, taamaaliornikkut imminut akilersinnaasunik aaqqiisoqaqqullugu kingornalu atuutsitsineq patajaatsoq aqqutigalugu politikerinit, suliffeqarfimmi pisortanit aamma sulisunit atorneqalerlutik. 6. Tunuliaqutaq/pisortatut piginnaasat/inuttut pitsaassutsit Ingerlatsivimmi: Meeqqat Ilaqutariillu Pisortatut atorfik qinnuteqartunit soqutigineqassasoq naatsorsuutigineqarpoq, inummit inunnik isumaginninnermik suliassaqarfimmi ilinniakkamut ilisimasaqarluartumit aamma sulinermit misilittagaqartumit taamatullu meeqqanik/inuusuttuaqqanik taakkualu ilaqutaannik sullissinermik. Pingaaruteqarluinnarpoq atorfimmut soqutiginnillutik qinnuteqartut pisortatut ingerlatsinermit misilittagaqarluarsimanissaat, ajornanngippat suliffeqarfimmi politikkikkut aqutaasumi naalagaaffiup imaluunniit kommunip ingerlataanik meeqqanik taakkualu ilaqutaannik sullissinermit, aamma immaqa soqutigisaqaqatigiinnit aqutamit meeqqanut/inuussuttunut/ilaqutariinnut suliassaqarfimmit misilittagaqarneq. side 11

12 Naatsorsuutigineqarpoq qinnuteqartup pisortatut piginnaasani ilinniaqqinnermik- aamma ilinniakkap saniatigut ilinniarnermik nangitsiffiusumik ingerlatsisimanissaa aamma tunngavittut ilinniakkamik soorlu inatsisilerituutut, inunnik isumaginnittutut, perorsaasutut sociologitut assigisaannilluunniit ilinniagaqarsimanissaa. Ilinniaqqinneqaamma ilinniakkap saniatigut ilinniarneq tassaasinnaavoq Aqutsinermi Pisortatut ilinniarneq, imaluunniit aqutsinermi ilinniakkat pikkorissarnernilluunniit ingerlatsinerit allat. Atorfimmut tassanga anguniagassarititaasutut saqqummiunneqartut tunngavigalugit soorunami iluaqutaassaaq Nunatsinni inuiaqatigiinni naleqartitanik tunngaviusunik, kulturinik aamma unammilligassanik qanga pereersunik massakkullu atuuttunik ilisimasaqarnissaq. Tassunga tunngatillugu iluaqutaassaaq qinnuteqartup soqutigissappagu kalaallisut qallunaatullu oqaatsitigut unammilligassaasinnaasut pillugit ingerlatsisinnaappat imaluunniit ilinniarnissamut kajumissuseqarpat. Pisortamut aamma inuup ilisarnaatai Soorunami Atorfinitsitsinermut Ataatsimiititami aamma suliffeqarfimmi ilisimaqqissaarneqarpoq qinnuteqartup kialluunniit piumasaqaatit tamakkivillugit naammassisinnaanngikkai. Tamanna eqqaamallugu Atorfinitsitsinermi Ataatsimiititaq qulaani piginnaasatut pitsaaqutitullu tamakkiisumik taaneqartut saniatigut qinnuteqartoq imaattoq kissaatigineqarneruvoq, soorlu: Politikkikkut suliaqarnermik ilisimannittoq taamaattumik politikkikkut ersersinniakkat paasillugillu unammillersinnaallugit kiisalu taakkua politikkimik oqallinnermut saatissinnaallugit taamatullu siunnersuinermut tutsissinnaallugit taamaattumik aamma politikkikkut aalajangiussinermi atuutsinneqarnissaat qulakkeersinnaallugu allaffissornermik aaqqissuussineq aqqutigalugu Politikkikkut aamma allaffissornerup akornanni ataqatigiissunik aqqutissiuussisinnaaneq taamatullu suliat-/suliamik ingerlatsisut akornanni atuussinnaaneq taamaattumillu taakkua aamma suliamut tunngasumik (immikkut) soqutigisaqarsinnaasut aamma paasinnittaaseqartut akornanni sulisinnaaneq Pisortatut atuuttoq P-mik ilisarnaateqaqqissaartoq aamma aqutsinissamut piginnaasaqarluartoq, aamma suliassaqarfimmi imaannaanngitsumi innuttaasunik kiffartuussinermi ilaqutariinnut, meeqqanut, inuusuttunullu suliassaqarfimmi allanngortitsinermut pisortatut angusanik uppernarsaasinnaasoq Pisortatut ingerlatsinermi piginnaasanik agguaassisinnaasoq peqataatitsillunilu aamma avatangiisini nersualaarinninnermik ingerlatsiviusumik erseqqissumik side 12

13 ingerlatsisoq, sulisut suliamut piginnaasaanik aamma imminnut tulluusimaarinninnerannik siuarsaasoq soorlu ingerlatsivimmi pisortanik, aqutsisunik aamma sulisunik kajumilersitsisoq soqutiginnilersitsisorlu Misissueqqissaarnermi erseqqissumik paasinnittaaseqarnermigut tamakkiisumik isiginnittaaseqartoq politikkikkut, aaqqissuussaanerup iluani, aningaasaqarnermut aamma suliamut tunngasunik siunnerfiit pillugit piumasaqaateqartillugu. Taamaattumik aamma aalajangiussassat pingaarnersiuinerillu aalajangiiffigineqassatillugit politikkikkut anguniakkat aalajangersimasut aningaasatigullu sinaakkutissat iluanni aalajangiussisinnaasoq, naak ilaanni suliniutit suliamut tunngatillugu pitsaanerpaasussat killilertassagaluarlugit Suliffimmi suleqataalluartoq suleqatigiinnissamut piginnaasaqarluartoq pisortat aamma suliffeqarfiup iluani suleqatigiit akornanni oqaasinngortitsisinnaasoq, taamatullu ulluinnarni nammineq ingerlatsivimmi aamma SU/SI-mik kattuffiit akornanni suleqatigiinnermi. Pisortatut piginnaasanut aamma suliamut piginnaasanut ilanngullugit qinnuteqartoq tassaassaaq: inuk tatituumik kinaassusilik suliassaqarfinnut misigissutsit tungaasigut ajornartorsiutitaqarsinnaasunullu qanorluunniit misilittagaqartigigaluaraanni sunniuteqanngitsoorsinnaanngitsunut immikkut nukittussusilik saniatigut inuk kissartumik uummatilik, inunnik allanik soqutiginnittoq aamma inooqataanermi pitsaaqutinik erseqqissunik pilik, piginnaassutsini inuttullu ilisarnaatini atorlugit ataqqineqarnissani anguniarlugit qunugisaqanngitsoq aamma pisuni annertuumik akerleriiffiusuni inuk soqutiginnittoq alapernaatsorlu meeqqat, inuusuttut taakualu ilaqutaat atugarliortut anguniarlugit suliassamut kajumilluinnartoq, siuttoq aqqutissamik aalajangiisinnaasoq aamma allanngortoqarnissaannik kissaateqartoq tusarnaarsinnaasoq aamma nutaatut paasisaminik eqqarsaatersorsinnaasoq nutaanillu isumassarsiorluni taakkuninngalu nammineq saqqummiussassaminut ilanngussilluni. Suliffeqarfimmi nalinginnaasumik nutaaliornermut malinnaasoq, taamatullu politikerinik suleqateqarnermi taamaattumillu aamma innuttaasut qinigaattut sinniisut isumassarsiaannut akorsillaqqissoq suliffimmi sullarissutsimigut maligassiuisuusoq, taassuma saniatigut suleqatigiinnermik ataatsimoorussinermut aqqutissiuusseqataasoq, suliffeqarfimmi kikkut tamat tunniussaqarnissaat akisussaaqataanerannillu piumasaqaateqarfiusumi side 13

14 pisortaq aamma inuk erseqqissoq takussaasorlu, tatiginarpasissuunini aallaavigalugu suleqatigiit ikinnerusut amerlanerusullu akornanni kajumilersitsisinnaasoq ataqatigiinnermillu pilersitsisoq suliniuteqarfissani ajornartorsiorfiukulasumi ukiut ingerlaneranni iluatsitsiffinnik annikitsunik takusaqarfiusartuni aqqutissamik tikkuussinissamik sapigaqanngitsoq aamma pimoorussineq tunngavigalugu suleriaaseqartoq, taassuma saniatigut quiasaarumatuneq atorlugu sulinermi avatangiisinik ineriartortitsisoq, sulisut atugarissaartut ineriartortullu suliffianni upperinnittoq, inuit tamarmik arlaannik suliaqarsinnaasut piginnaaneqartullu, inuunerminni namminneq aamma inooqatigiinneq pillugu angusaqarnissamik siunertaqarlutik atorsinnaasaminnik inuk takorluuiinnarani, nammineq nukittuffimminik sanngeequtiminillu ilisimasaqartoq, aamma inuttut ilisarnaataasa ilaattut ammasoq ilumoortorlu, oqaloqatigiinnermi peqatigineranilu tatiginninnermik pilersitsisoq. Atorfinitsitsineq 7. Qinnuteqartut suliffeqarfimmik naliliinerat Soqutiginnittut atorfik pillugu apeqqutissaqarunik inunnut attaveqarfissatut toqqakkanik attaveqarnissaannut tikilluaqqusaapput aamma immaqa atorfimmut tunngatillugu inuttut piginnaasat pillugit oqaluuserisaqarumagunik. Saaffiginnissutit suulluunniit oqaatigeqqusaanngillat. Saaffiginnissutit uunga ingerlanneqassapput Chefkonsulent Jens Kaptain, Lundgaard Konsulenterne, oqa. (+45) , mail: imaluunniit Kommunaldirektøriugallartoq Lars Møller-Sørensen oqa. (+299) , mail: Oqaloqatiginninnerni marluusuni, atorfinitsitsiniarnermut atatillugu ingerlanneqartussani aallaavittut qinnuteqartup apeqquteqarnissaa naatsorsuutigineqanngilaq. Qinnuteqartut oqaloqatiginninnerup aappaanut ingerlaqqittut kaammattorneqarput Kommunaldirektøriugallartumut Lars Møller-Sørensen, ornigullutik imaluunniit oqarasuaatikkut ataatsimeeqateqarnissaat, suliffeqarfik pillugu namminneq isummersornissaminnut paasisaqarumagunik imaluunniit oqaloqatiginninnerup kingulliup siorna apeqqutissaqarunik. side 14

15 8. Suliffeqarfiup qinnuteqartunik naliliinera Atorfinitsitsinermi Ataatsimiititaq makkunannga inuttaqarpoq: Borgmesteri Asii Chemnitz Narup Ataatsimiititami siulittaasoq Uju Petersen Illuatungiliuttut sinniisaat, taanna suliamik ingerlatseqqinnermi toqqarneqassaaq Kommunaldirektøriugallartoq Lars Møller-Sørensen Pisortaq Helene Broberg Berthelsen Ingerlatsivik: Meeqqanut Atuarfeqarnermullu Suliamut pisortaq Tina Dam Rasmussen, Ingerlatsivik: Meeqqanut Ilaqutariinnullu, Pitsaaliuinermut Ilaqutariinnillu katsorsaanermut Immikkoortortaq Sulisut sinniisaat Ingerlatsivik: Meeqqanut Ilaqutariinnullu, taanna suliamik ingerlatseqqinnermi toqqarneqassaaq HR-imit Immikkoortortami pisortaq Karen Lynge atorfinitsitsiniarnermi ataqatigiissaarinermik ingerlatsisuussaaq. Atorfinitsitsinermi Ataatsimiititami ilaasortat tamarmik ilisimavaat, atorfinitsitsinermik ingerlatsinermi qinnuteqartut paasissutissaataat tamarmik isertuunneqartussaasut. Atorfinitsitsinermi Ataatsimiititamit qinnuteqartut 4-5 oqaloqatigiinnermut siullermut ingerlaqqittussatut toqqarneqassapput, taassuma kingorna qinnuteqartut 2-3 ingerlaqqissapput, taamaalillutillu oqaloqatiginninnerit aappaanni misilinneqassallutik. Atorfinitsitsinermi Ataatsimiititap qinnuteqartut suliamut piginnaasaat, pisortatut aamma inuttut piginnaasaat pitsaassusiallu Suliffik- aamma Inuttut piginnaasaat pillugu matumani allaaserineqartut aallaavigalugit naliliissapput. Atorfinitsitsinermi Ataatsimiititap oqaloqatiginninnerup siulliup kingorna qinnuteqartunik 2 3-nik naliliinerminni makkua tunngavissarissavai: Qinnuteqaatitut allaaserisaq. Oqaloqatiginninnermit siullermit inummik ilisarinninneq. Lundgaard Konsulenterne-mit oqaloqatiginninnermik misiliinerup imaqarniliarineqarnera allaaserisaq. Imaqarniliaq suliarineqassaaq qinnuteqartup suliamut, aqutsinermut inuttullu piginnaasaanik itisuumik aaqqissuussamillu oqaloqateqarneq tunuliaqutaralugu. Imaqarniliaq qinnuteqartumut nassiunneqassaaq taassuma oqaloqatiginninnerup aappaa sioqqullugu taassumunnga oqaaseqarsinnaaqqullugu. side 15

16 Allakkatigut eqikkaaneq annerpaamik pingasunik oqaaseqaatitallit, taakkua ajornanngippat qinnuteqartup pisortaanit qaninnermit, assingusumik sulialimmik aamma sulisumit ajornanngippat oqarasuaatikkut piniarneqarsinnaasut. Oqaaseqaatit oqaloqatiginninnerup aappaata sioqqutilaarlugu piniarneqassapput aamma qinnuteqartoq isumaqatigiissuteqarfigereerlugu. Oqaaseqaatit isertugaapput aamma qinnuteqartumut takutinneqassanngillat. Oqaloqatiginninnerup aappaani inummik ilisarinninneq. 9. Atorfinitsitsinerup piffissalerneqarnera Lundgaard Konsulenternes Sekretariat-imi, Hausers Plads 10, 1127 København K, Mette Kaarup Andersen atorfinitsitsineq pillugu ataqatigiissaarisutut inissisimavoq, aamma taanna attavigineqarsinnaavoq oqa imaluunniit mail: atorlugit. Qinnuteqaat elektroniskimik atorfik pillugu iserfissiakkut nassiunneqassaaq Lundgaard Konsulenternikkut nittartagaanni, ulloq qinnuteqaammik nassiussivissaq kingulleq tallimanngorneq aggustip 18.-at 2017 nal (nunatsinni nal.) imaluunniit nal (Danmarkimi nal). Lundgaard Konsulenternes Sekretariat, qinnuteqaammik tigusaqarsimanermut uppernarsaammik nassiussissapput qinnuteqartup mailadresse ilanngussimasaat atorlugu. Naatsorsuutigineqarpoq mailadresse taanna qinnuteqartup aamma sekretariatit akornanni attaveqatigiinnermi isertuusami atorfinitsitsiniarnermik ingerlatsinerup nalaa tamaat atorneqassasoq. Marlunngorneq, ulloq aggustip 22-at 2017 siunnersorti/sekretariati qinnuteqartut pillugit naliliinermik Atorfinitsitsinermut Ataatsimiititamut nassiussissaaq. Sisamanngorneq, ulloq aggustip 24. august 2017 nal (nunatsinni nal.) Atorfinitsitsinermut Ataatsimiititaq siunnersortimik oqarasuaatikkut ataatsimeeqateqassaaq kikkut oqaloqatiginninnermut siullermut qaaqquneqarnissaat pillugu. Qinnuteqartut toqqakkat ulloq taanna Lundgaard Konsulenternes Sekretariatiannit nalunaarfigineqassapput. Oqaloqatiginninneq siulleq ingerlanneqassaaq qinnuteqartut amerlanerpaamik 4-5 peqatigalugit tallimanngorneq, ulloq septembarip 8-at 2017 nal Nuummi. side 16

17 Qinnuteqartunik oqaloqatiginninnermik misiliineq, oqaloqatiginninnerup aappaanut ingerlaqqittunik taamatuttaaq pissaaq tallimanngorneq, ulloq septembarip 8-at 2017 Nuummi. Misilitsinneq nal. ak. 2,5 miss. sivisussuseqassangatinneqarpoq. Kommunaldirektøriugallartup aamma qinnuteqartup piukkussaasinnaasup akornanni oqaloqatigiinnerusinnaasut ataasinngorneq, ulloq septembarip 11-at 2017 Nuummi Kommuneqarfiup allaffeqarfiani imaluunniit allatut isumaqatigiissuteqarnikkut ingerlanneqassapput. Oqaaseqaatit pissarsiariniarneqassapput arfininngorneq ulloq septembarip 9-anit ataasinngornermut septembarip 11-anut Oqaloqatiginninnerup aappaa qinnuteqartunik 2 3 amerlassuseqarsinnaasunik pissaaq sisamanngorneq, ulloq septembarip 14-iat 2017 nal (nunatsinni nal.) Nuummi. Atorfinitsitsinermi Ataatsimiititap innersuussuteqarnerata kingorna Aningaasaqarnermut Inuussutissarsiornermullu Ataatsimiititaq sisamanngorneq ulloq septembarip 21-at 2017 atorfinittussamik toqqaassaaq. Qinnuteqartoq taanna atorfinittussatut neqeroorfigineqartoq pingasunngorneq ulloq novembarip 1-iat 2017 atorfimmi sulilernissaa naatsorsuutigineqarpoq. Juunip 6-t 2017 Jens Kaptain Atorfinitsitsiniarnermi suliami siunnersorti Ilanngussaq A. side 17

18 (Mette! Her indsættes de overordnede organisationsdiagrammer, der også blev benyttet til kommunaldirektørstillingen) side 18