Ilanngussaq 1: Inuusuttut efterskolertut pillugit paasissutissanut Efterskoleforeningip inassuteqaatai

Transkript

1 Ilanngussaq 1: Inuusuttut efterskolertut pillugit paasissutissanut Efterskoleforeningip inassuteqaatai Inuusuttunik suliaqarnissamut efterskolit paasissutissanik sunik atorfissaqartitsinersut nikerarsinnaavoq. Efterskoleforeningilli inassuteqaatigaa inuusuttut inuttut, inuit attaveqaqatigiittarneranni kiisalu ilinniartitsissutitigut piginnaasaat pillugit paasissutissat ilaannik pissarsisoqassasoq. Timikkut piginnaasat Timiminik atuisarpa? Imaluunniit inuusuttoq timimik atuinissamut aalajangersimasunik ajornartorsiuteqarpa? Sivisuumik napparsimasimava? Timersornermi ajoqusersimava? Arpannissani ajornakusoortippaa? Nakorsaatitorpa? Tarnikkut piginnaasat Nuannaartuua, iluarisimaarinnippa ingerlalluarpalu? Inuusuttoq ulluinnarni ajornartorsiuteqarpa? Akuttunngitsumik nuannaarneq ajorpa stressertarpaluunniit? Inuusuttup ilorrisimaarneranut sunniuttumik ilaqutariinni ajornartorsiuteqartoqarpa? Psykologimut atassuteqarnikuua katsorsarneqarnikuulluniluunniit? Inuusuttoq nappaateqarpa assersuutigalugu ADHD, Asperger allamilluunniit? Inuit attaveqaqatigiittarneranni piginnaasat Inuusuttunut allanut ukioqatiminut ataatsimut isigalugu pitsaasumik atassuteqarpa? Inuit attaveqaqatigiittarnerat nuannaraa/inuusuttut amerlasuut ataatsimut peqatigissallugit nuannaraa? Inuit ataasiakkaarlugit peqatiginissaat ilorrisimaarnarnerutippaa? Ilinniartitsissutini piginnaasat Atuarfimmi ingerlalluarpa? Inuusuttoq arlaannik ajornartitaqarpa assersuutigalugu atuarneq, kisitsineq allalluunniit? Ilinniartitsissutit arlaat ilikkassallugu immikkut ajornartinneruaa? Meeqqat atuarfianni immikkut atuartinneqarnikuua? Danskit oqaasiinik atuisinnaanera qanoq qaffasitsigiva? Danskit oqaasii atorlugit sivisunerusumik oqaloqateqarsinnaava? danskisut allassinnaava? Efterskole allanik maluginiagassaqarpa, taamaalilluni inuusuttoq sapinngisamik pitsaanerpaamik efterskolerniassammat? 1

2 Ilanngussaq 2: Efterskolit kalaallinik atuartunik suliaqarnissamut kajumissuseqartut pillugit takussutissiaq Efterskolit kalaallinik atuartunik suliaqarnermut tunngatillugu kajumissutsitik piginnaasatillu pillugit Efterskoleforeningimut paasissutissanik nassitsinissamik toqqaasut pillugit takussutissiaq. Allattuivimmut ilanngunneqarnissaq pillugu paasissutissat uku atuarfinnut nalunaarutigineqarput: Efterskoleforeningip Kalaallit Nunaanni Namminersorlutik Oqartussat qinnuiginninnerisigut misissuinermi ineriartortitsinermilu suliniut Kalaallit inuusuttut Danmarkimi efterskolertut maannakkut ingerlappaa. Efterskolit kalaallit inuusuttut Danmarkimi iluatsittumik efterskolemi naammassinissaannut tunngatillugu kalaallit inuusuttut pisariaqartitaannik unammilligassaannillu tapersiisumik kalaallit inuusuttut efterskolernissaannik efterskolit piumassuseqartut isumalluuteqartullu paasiniaavigineqarnissaat Kalaallit Nunaanni Namminersorlutik Oqartussat tassunga atatillugu soqutigaat. Taamaammat atuarfiit taamaattut pillugit Namminersorlutik Oqartussanut allattuivimmik Efterskoleforeningi suliaqarpoq. Allattuivik assersuutigalugu Kalaallit Inuusuttut Danmarkimi efterskolernissamik qinnuteqassatillugit immikkoortumilu siunissami suleqatigiinnissamut tunngatillugu najoqqutassatut atorneqarsinnaavoq. Allattuivimmut ilanngunneqarusukkussi pingaaruteqarpoq paasissutissat ataaniittut Efterskoleforeningimut Namminersorlutik Oqartussanut takussutissiamik ilanngussisussamut kingusinnerpaamik ataasinngorneq ulloq 2. december nassitsinissarsi. Malugisiuk oqaasertat allatasi allattuivimmut ilanngunneqartussaasut, taakkulu atuarfissi pillugu Kalaallit Nunaanni paasissutissatut atorneqarsinnaassapput. Immikkoortut ataaniittut atuarfissinnut tunngasut naatsumik allaaseralugit mailimut ataani atsiortumut nassiunneqassapput (immikkoortumut ataatsimut oqaaseqatigiit annerpaamik marluk-pingasut). 1. Atuarfiup aqqa: Atuarfiup kalaallinut inuusuttunut neqeroorutai (assersuutigalugu danskit oqaasiinik oqaatsit aappaattut): 5. Atuartunut immikkut ittunut neqeroorutit allat (assersuutigalugu immikkut pisariaqartitallit, Damp, ADHD, aqqutigisinnaangorlugu aaqqiissutit il.il. pillugit neqeroorutit) 6. Paasissutissat qulaaniittut arlaleriarluni nassiunneqarput, tamannali efterskolit tamarmik taakkuninnga atuarsimanissaannut qulakkeerutaanngilaq. Atuarfiit ilaat allapput kalaallit illuinik suleqateqarluarlutik, tamannali atuarfiit namminneq ingerlataat isiginiarneqarmata tamanna ilanngunneqanngilaq. Inassuteqaatigineqarpoq allattuiviup atornissaa pillugu Maren Ottar Hessner, Efterskoleforeningen, oqaloqatigineqassasoq. 2

3 1. Hjembæk Efterskole Atuarnermik allannermillu ajornartorsiuteqartunut ilinniartitsissutillu sulinermut tunngasut. Atuarfik akiorpassuarni kingullerni iluatsitsilluarluni Kalaallit Nunaanneersunit atuartoqartarnikuuvoq. Aammattaaq Kalaallit Nunaanni ilinniartitsisutut ilinniarsimasumik atuarfik timelærereqarpoq. Tamanna pisariaqartutut nalilerneqaraangat kalaallit atuartut qallunaatut oqaatsit aappaattut immikkut atuartinneqarnissamik neqeroorfigisarpagut. aqqutigisinnaanngorlugu aaqqissutit il.il. pillugit neqeroorutit): Inuusuttunut atuarnermik allannermillu ajornartorsiuteqartunut naqinnernillu ilisarinnissinnaanngitsunut efterskoliuvugut. Sumik ilinniagaqarnissamik aalajangernissaq atuarfimmi isigineqartorujussuuvoq. Niviarsiaqqanut nukappiaqqanullu inuussutissarsiutit ilinniarnissaq siunertaralugu nammineq toqqarneqarsinnaasunik ilinniartitsissutinik sulinermut tunngasunik amerlasuunik neqerooruteqarpugut. 2. Grejsdalens Efterskole Efterskoliuvugut ilageeqarnermik tunngavilik. Atuartut tamarmik atuarfik aqqutigalugu akikitsunnguamik pisiarineqartartumik ipad-it atorlugit sulisarput. 10. klassimi atuartitsinerput atuarnermi sammivinnut marlunnut agguarnikuuvoq: Tusagassiuutit & Attaveqaqatigiinneq, taakkunanilu tusagassiuutini piginnaasat, nutaaliorneq innuttaaqataanerlu immikkut sammineqartorput. Upperneq & Aqutsisuuneq kristumiussuseq aallaavigalugu inuttut aqutsinermi immikkut isiginiarneqartarpoq. Ukiuni kingullerni qulini Kalaallit Nunaanneersunik 30-t missaaniittunik atuartuuteqartarnikuuvugut. Tamanna aqqutigalugu atuartut taakku immikkoorutaat pillugit annertuumik ilisimasaqalernikuuvugut. Kalaallit atuartut atuartunut nalinginnaasumik peqataatilernissaat pillugu misilittagaqalerluarnikuuvugut. Kalaallit atuartuutigut ingerlaannaq Qallunaat oqaasiinik oqaatsit aappaattut atuartinneqalersarput, aamma Kalaallit naapinnerinut aamma Kalaallit Nunaanni juulli -mut atatillugu aningaasartuutit akilertarpagut. aqqutigisinnaanngorlugu aaqqissutit il.il. pillugit neqeroorutit): Atuartut assigiinngitsut ilisarnaataat naapertorlugu atuartinneqarnissaat qulakkeerniarlugu qinnuteqartut sukumiisumik misissuiffigereerlugit atuartuutigilertarpavut allatulluunniit oqaatigalugu: pisariaqartitaannik matussusersinnaanngisatsinnik atuartuuteqalernissarput pinngitsoorniarlugu. Taamaammat atuartut immikkut pisariaqartitaqartut neriorsorsinnaagatsigit ukiup atuarfiusup aallartinnerani tamassuma ilanngunneqarsimanissaa tatigineqarsinnaavoq. 3

4 3. Dronninglund Efterskole Ilisarnaatit: Nutaaliorneq, Ilinniartitsissutit sammivii Exchange aamma Global, Fitness, Arsamik pinnguarneq, Eqqumiitsuliorneq, Nipilersorneq. Kalaallinik atuartunik suliaqarnermik ukiuni 50-ini misilittagaqarpugut, kalaallinillu atuartuuteqartarnerput uagutsinnut pitsaasuuvoq pissanganarlunilu. Kalaallit ilaqutariippassuit qatanngutigiikkaanik uagutsinniititsisartunik kiisalu atuartuunikut meeqqaminnik uagutsinniititsisalernikuusunik ilisarisimasaqarpugut. Marlunnik sulisoqarpugut kalaallinut atuartunut immikkut attaveqartartunik, peqatigiillutillu kulturikkut assigiinngissutit il.il. kalaallinik atuartunik naapitsinissamut naleqquttunik annertuumik uagutsinnilu misigisaqartilluartinnissaannik ilisimasaqalernikuupput. Ukiut tamaasa Kalaallit Nunaanneersunik tallimat qulillu akornanni atuartuuteqartarpugut, taakkulu danskinut atuartunut akulerulluartarput. Atuarfiup kalaallinut inuusuttunut neqeroorutai (assersuutigalugu danskit oqaasiinik oqaatsit aappaattut: Aap danskisut oqaatsit aappaattut sapaatit akunneranut 2 tiimit missaanni atuartitsisarpugut. Tamassuma saniatigut kalaallit atuartut peqatigalugit akuttunngitsumik kaffisortitsisarpugut, tassani ilorrisimaarneq allarpassuillu oqaluuserineqartarlutik. Atuartunik nappaatilinnik 5-6 siumut atuarfinni klassini nalinginnaasuni atuarsimappata atuartuuteqartarpugut. 4. Sorø Gymnastikefterskole Timersortitsisartorujussuuvugut, immikkulli eqaarsaarneq sammisarlugu. Takuuk Kalaallinik savalimmiormiunillu atuartuuteqartarnermik ukiuni arlalinni misilittagaqarpugut. Nalinginnaasumik pingasuniit arfinilinnut kalaallinik atuartuuteqartarpugut. Atuarfiup kalaallinut inuusuttunut neqeroorutai (assersuutigalugu danskit oqaasiinik oqaatsit aappaattut: Danskit oqaasii oqaatsit aappaattut neqerooruteqartarpugut. Danskit oqaasiinik oqaluinnarluni oqalussinnaaneq pingaaruteqartoq misilittagaraarput. 5. Galtrup Musik- og Idrætsefterskole Isikkamik arsarneq, eqaarsaarneq, badminton, aallaariaqattaarneq nipilersornerlu. Galtrup sivisuumik kalaallinik ilinniartuuteqartarnikuuvoq. Ukiut tamaasa Kalaallit Nunaanneersunik arfineq marlunniit qulinut atuartuuteqartarpugut. Ukioq allortarlugu Kalaallit Nunaanni nittarsaassiniarluta Seashowimi peqataasarpugut. Immikkut kalaallinut atuartunut angalaartitsisarpugut, taamaalillutik Danmarkimiinnertik 4

5 pissarsivigilluarniassammassuk. Ålborg, Århus, Vesterhavet, isikkamik arsarnerit, katersugaasiviit il.il. Danskinik ilaqutariinnik attaveqarfigisartagassanik nassaarniarnermi Galtrup ikiuussinnaavoq. Danskit oqaasiinik atuarnerit tiimit arfinillit pinngitsoorani malinnaavigineqartussat saniatigut tiimini sisamani danskit oqaasiinik oqaatsit aappaattut atuartinneqarnissamik tamarmik neqeroorfigineqartarput. aqqutigisinnaanngorlugu aaqqissutit il.il. pillugit neqeroorutit): Atuartunut ADHD-qartunut ukiut tamaasa sisamanik inissaqartitsisarpugut. Atuarfimmi atuartut danskiunngitsut 20 %-iupput. Tassa kalaallit meeqqat atuartut nunarsuarmi tamaneersut ilagalugit, taamaalillutik akuliutipallattarput. Pingaarnerpaatut: kalaallinik meeqqanik atuartuuteqartarnerput nuannerisorujussuuarput. 6. Vesterbølle Efterskole Timersorneq (pingaartumik volley aamma parkour), Nipilersorneq isiginnaartitsinerlu, Silami sammisaqarneq, atuartitsissutillu mernguernartut. Atuarfittut mikisutut piginnaasaqarluartunik atuartuuteqarajuttartutut atuartut assigiinngitsunik unammilligassallit peqataatinneqarnissaannik misilittagaqarluarpugut tassunga ilanngullugit oqaatsitigut unammilligassat. Danskit oqaasii oqaatsit aappaattut. Immikkut efterskoliunngilagut, kisiannili qulaani atuarfimmik allaaserinninnertut atuartullu immikkut unammilligassallit peqataatinneqarnissaannik periarfissavut naapertorlugit ilaatigut assigiinngitsunik nappaatilinnik atuartuuteqartarpugut, tamannalu misilittagaqarfigilluarlugu. Atuarfiit aggerfiit qaninnerusumik suleqatiginissaat soqutigaarput aammalu efterskolereernerup kingorna atuartitsinissaq misissorusullugu. 7. Øse Efterskole Øse Efterskolemi sammiviit sisamaapput (eqqumiitsuliorneq, nipilersorneq, isiginnaartitsineq, filmit, animationi & IT). Atuagarsorluni atuartitsinermi nalinginnaasumik imaluunniit 9. aamma 10. klassimi qaffasissumik toqqaassaatit. Kalaallinut inuusuttunut tunngatitamik immikkut neqerooruteqarpugut, inuusuttullu Kalaallit Nunaanneersut arlallit iluatsittumik peqataatilersinnaasarsimavavut. Ilaatigut Miki Andersen 2012/13-imi atuarfimmi atuartuusoq maannakkullu uagutsinnut attaveqaatissatut akuersinikuusoq. Atuarfipput toqqassagukku eqqumiitsuliorneq, nipilersorneq isiginnaartitsinerlu soqutigilluassavatit! Imaluunniit filmit, animationi IT-millu suliaqarnissaq nuannarigukkit ;) 5

6 Danskit oqaasiinik oqaatsit aappaattut atuartitsinissamik periarfissaqarpugut. Annertusisamik ingerlalluartumillu ilinniartitsisunut attaveqartarnermik periuseqarpugut, taakkulu atuartut ataasiakkat inissisimanerallu pillugit ikittunnguakkuutaarlugit sammisaqartarput. Ilitsersuisoqarpugut oqaloqatigiittarnermik pilersitsisartumik. Øse Efterskole atuarfiuvoq misigisassarsiorfiusartoq. Tamanna isumaqarpoq alapernaanneq, eqqarsaasersorsinnaaneq, kajumissuseq, ingerlataqarneq nutaaliornerlu annertuumik pingaartikkivut. Ukioq atuarfiusoq allaanerusumik atuartarnermik ulikkaarpoq ilaatigut ullut/sapaatit akunneri sammivinnik sammisaqarfiusut, isiginnaartitsinerit, oqalugiarnerit, tallimanngornerit nuanningaartut, ullut kulturisiorfiit, meeqqat festivaleqarnerat BØF, nipilersornermi festivaleqarneq ØF, nunanut allanut angalaneq, tammaarsimaarneq, tusarnaartitsinerit, katersugaasivinnut pulaarnerit, silami sammisaqarnerit il.il. Kalaallit Nunaanni attaveqarfik: 8. Levring Efterskole Idræt og Performance Atuarfimmi ilinniartitsissutit sammivii arfineq marluupput timersornermut immikkoortortaqarfik: assammik arsarneq fitness, pissinneq aamma misigisassarsiorluni timersorneq, takutitsisarnermi immikkoortortaqarfik: qitinneq, isiginnaartitsineq, nipilersorneq. Atuarfik ukiorpassuarni kalaallinik atuartoqartarnikuuvoq atuaqatigiinni atuartut qulit aqqaneq marluk, iluatsitsilluarlunilu kalaallit atuartut efterskolemi naammassisittarlugit. Atuarfiup kalaallinik inuusuttunik suliaqarneq kajumissuseqarluarluni ingerlattarpaa. Atuarfik atuartunut tamanut maligassiuisoqarpoq, tamassumalu saniatigut kalaallit atuartut immikkut pisariaqartitaannik inuit attaveqaqatigiittarneranni ilinniartitsissutinilu - taamaallaat suliaqartunik marlunnik maligassiuisoqarluni. Atuarfik danskit oqaasiinik oqaatsit aappaattut ilinniartitsisarpoq, tamannalu kalaallinut atuartunut pingaaruteqartorujussuuvoq. Atuartut Kalaallit Nunaanneersut immikkut ittut pillugit atuarfik saaffigineqarnikuunngilaq kisiannili saaffiginnittoqarpat suliassarlu ingerlassinnaallugu misigigutta angernissatsinnut tunuarsimaarnavianngilagut. Misigisimavugut kalaallit inuusuttut atuartuutigilertarnerisigut atuartunullu assigiinngiiaartunut Danmarkimit tamaneersunut peqataatilertarnerisigut immikkut annertuumik iliuuseqartarluta. 9. Rebild Efterskole - sport & adventure Ilisarnaat tassaavoq timersorneq misigisassarsiornerlu. Ullut tamaasa timersortarpugut ilinniartitsissutillu sammivii tassaapput: Misigisassarsiorneq, qitinneq, isikkamik arsarneq, badmintoni aamma moutainbike. 6

7 Rebild Efterskolemi atuartut atuartitsinermi anguniagaqarnissamut nukissaqalersitsisumik misigisarpassuaqartittarpavut. Danmarkimi orpippassuit anginersaaniippugut, Rold Skov, tamannalu timersornermi misigisassarsiornermilu efterskolertut ulluinnarni tamakkiisumik atorluarniartarpaat. Naleqassutsikkut tunngavik tassaavoq kristumiussuseq tunngavigalugu inuttut isiginneriaaseq oqaatsit pingaarnerit akisussaassuseqarneq akuersaarnerlu atorlugit. Rebild Efterskole Kalaallit Nunaanneersunik atuartuuteqartarnermik ukiuni 20-ni misilittagaqarpoq. Rebild Efterskole inuiaqatigiinni assigiinngiiaassuseqarnerup takutinnissaanut peqataarusuppoq. Tamanna atuarfimmut atuartunullu Danmarkimeersunut Kalaallillu Nunaanneersunut kulturit imminnut naapinneranni ilinniarfigeqatigiittarnermilu pisuunnguutaavoq. Rebild Efterskole attaveqaqatigiinni ikittuni qanimut attaveqaqatigiittarluni ilinniartitsisumik attaveqarfeqartarnermik aaqqissuussaaveqarpoq. Kalaallit atuartut immikkut attaveqarfeqartarput. Taanna taamaallaat kalaallinut atuartunut sapaatip akunneranut ataatsimut immikkut 1 tiimimik atuisarpoq. Tamassuma sanitigut kalaallit atuartut danskit oqaasiinik ilinniartitsisutut ilinniarsimasumit atuartinneqartarput sapaatip akunneranut 1-2 tiimit. 10. Efterskolen Ådalen Efterskolen Ådalen atuarfiuvoq nutaaliorfik 78-inik atuartulik. Pingaartinneqartut tassaapput tamat oqartussaaqataanerat digitalilu atorlugu ilinniagaqarneq, atuartut tamarmik atuarnerup aallartinnerani MacBook Pro-mik tunineqartarput. Atuarfimmi ilinniartitsissutit sammivii tassaapput Assilialiorneq, Isiginnaartitsineq, Nipilersorneq Erinarsornerlu, Film TV-lu, Timi Aalanerlu aammalu Århusip akuttunngitsumik tikeraarfigisartakkatta eqqaaniilluni. Ilinniartitsisoqarpugut oqaatsinik marlunnik atuartitsinissamik ilinniarsimasumik, immikkullu atuartunut Kalaallit Nunaanneersunut tiimeqartarluni. Forstandererput Kalaallit Nunaanni ilaqutaqarpoq, forstanderillu tullia kalaallimik Kalaallit Nunaanni inunngornikumik ataataqarpoq meeraanerminilu Kalaallit Nunaanni najugaqarnikuulluni. Kalaallinik atuartunik suliaqarnissamut ukiuni qulini misilittagaqarpugut ingerlatsisarlutalu. Kalaallit atuartut Efterskolen Ådalenimi siornatigut atuarsimasut oqaloqatiginissaat kissaatigineqarpat attaveqartitsisinnaavugut. Danskit oqaasiinik oqaatsit aappaattut atuartitsineq: Aap 11. Hardsyssel Efterskole sammisaqarneq)): Hardsysselimi tamanut unammillernartut ilinniartitsissutit sammivii sisamaapput. Ilinniartitsissutit sammivii sisamat tassaapput: Silami sammisaqarneq, Takutitsineq, Timersorneq Filmilu. Ilinniartitsissutit sammiviini ilinniartitsisunit ilinniartitsissutiminnik nuannarinnittunik atuartunillu ilittut soqutigisaqartunit unammilerneqassaatit. Ilinniartitsissutit sammiviat ataasiinnarluunniit toqqaraluarukku ilinniartitsissutit sammiviini allani ukiup atuarfiusup ingerlanerani misigisaqassaatit. Hardsysselimi najugaqariaatsitsinnut isumalluuterpassuit atortarpavut. Atuartut sysselini najugaqartarput, taakkunanilu sysselimi ataataqartarpoq imaluunniit sysselimi anaanaqartarluni. Sysselini angajoqqaat atuartut 7

8 ilorrisimaarnissaat peqqissuunissaallu immikkut isiginiartarpaat. Atuarfik danskit oqaasiinik oqaatsit aappaattut atuartitsinissamik neqerooruteqarpoq aammalu efterskolernermi atortoqarnermi ajornartorsiutit aaqqinnissaannut, soorlu sikkilit, ikiuuttarluta. Atuarfik nalinginnaasumik kørestolertunik sisamanik arfinilinnik atuartuuteqartarpoq. Ukiorneqartartussaagaanni kørestolimillu atuisuugaanni atuarfiup siusissukkut attaviginissaa pingaaruteqarpoq. 12. Glamsbjerg Efterskole Glamsbjerg Efterskole nalinginnaasumik efterskoliuvoq, ilinniartitsissutit sammiviini tallimani inooriaaseq sammineqartarluni, tassa ilusilersuineq, inooriaatsimik ingerlatsisut, isikkamik arsarneq, nerisassiorneq nipilersornerlu. Atuartunik Kalaallit Nunaanneersunik qulit missaaniittunik ukiut tamaasa efterskolertoqartarpugut. Kalaallisut oqaasilimmik ataatsimik ilinniartitsisoqarpugut, ulluinnarnilu tamanna ikiuutaasaqaaq. Kalaallit atuartut danskit oqaasiinik oqaatsit aappaattut atuartittarpagut, tamassumali saniatigut ilimagisarparput atuartutut allatulli atuartitsinerni allani peqataasassasut. Kalaallit atuartut Glamsberg Efterskolemi 10. klassimi atuassapput. Atuartut nalunaannginnerminni atuarfimmi peqatigiittarnermi malittarisassat paasisaqarfigisimanissaat atuarfiullu pujortarfiusannginnera ilimassallugu pingaaruteqarput. 13. Thorsgaard Efterskole Thorsgaard Efterskolemi atuartitsissutit sammivii pissanganartut ilikkagaqarfiusartullu arlallit neqeroorutigaagut, misigisassarsiorneq, hestertarneq, qitinneq, isiginnaartitsineq, nipilersorneq, ilusilersuineq motorilerinerlu. Ilinniartitsissutip sammivia soqutigisannut naleqquttoq toqqarsinnaavat, taamaalilluni atuarfimmiinninni ulluinnarni inuunerup ilagilissallugu. Ukiup ingerlanerani atuartitsissutit sammivii assigiinngitsut toqqaneqarsinnaapput. Thorsgaard Efterskolemi ukiut tamaasa kalaallinik atuartuuteqartarnerput nuannarisaqaarput. Tamassuma kinguneraa atorsinnaasatsinnik misilittagaqarluarnerput. Kalaallit inuusuttut ataatsimooqatigiilluarnermi peqataanissaannut inersimasumik tusarnaarnissamut, nalinginnaasunik ikiuinissamut tapersiinissamullu piareersimasoqarnissaa pingaartipparput. Danskit oqaasiinik oqaatsit aappaatut atuartitsinissamik neqerooruteqarpugut. Thorsgaardimi atuartunut 80-inut inissaqarpugut taamaammallu efterskoliulluta mikisoq. Tamassuma iluaqutissartai ilisimasorujussuuavut. Tamarmik imminnut ilisimasareqatigiilernissaat atuartunullu allanut qanittuulluarnissaq uagutsinnut pingaartuuvoq. 8

9 14. Broby Sportsefterskole Timersornermi efterskoliuvugut 120-nik atuartuutilik, nammineq toqqarneqarsinnaasunik timersornermi assigiinngiiaartunik ilinniartitsissuteqarluta. Pissinneq, isikkamik arsarneq, assammik arsarneq, spinning, immakkut angalaarneq, nukittorsarneq il.il. Ukiut qulit ingerlaneranni kalaallinik atuartuuteqartarnikuuvugut kulturikkullu assigiinngissutinik misilittagaqarluarluta. Atuarfimmi danskit oqaasiinik, matematikkimik tuluit oqaasiinik immikkut holdeqarpugut, tassani kalaallit atuartut ikiornissaannut piffissamik atuinissamut periarfissaqarluta. Akuttunngitsumik kalaallinut atuartunut atuarnissamik nipituumillu atuarnissamut piffissaqartoqartarpoq. Atuartitsissutini ikiorneqarnissaq pisariaqartinneqanngippat atuartut danskit atuartut holdiini atuartut peqataasinnaapput. meeqqanut immikkut pisariaqartitsisunut immikkut neqerooruteqanngilagut, pissutsilli immikkut ittut pillugit tamatigut sianertoqarsinnaavoq. Immaqa aaqqiissutissamik nassaarsinnaavugut. 15. Borremose Erhvervs-Efterskole Atuarfimmi INUUSSUTISSARSIORNEQ sammineqartarpoq. Tamanna sulinermik atuartitsissutinut (mekanikerit, saviminilerineq, sanasut, inunnut nerisassiorneq kiisalu naasulerinernut) atuagarsorlunilu atuarnernut atuuppoq, taakkunani ilinniagaqarneq nutaaliornerlu sammineqartorujussuusarlutik. Tamassuma saniatigut atuartitsissutit toqqarneqarsinnaasut arlaliupput, nipilersorneq, isikkamik arsarneq, badmintoni, misigisassarsiorneq aamma assiliineq/filmit. Kalaallinut inuusuttunut tunngatillugu neqeroorutivut immikkut ittut: Atuartitsissutini qaffassarnissaat, pingaartumik danskit oqaasiinik, danskinik inuusuttunik peqateqarneq sammisaqaqateqarnerlu. Inuusuttunut neqeroorutigineqartartumik danskit oqaasiinik oqaatsit aappaattut soorunami atuartitsisarpugut. Ilaatigut atuagarsorluta sulisarpugut, ilaatigut danskit oqaasiinik atuartitsinermi aallaavittut Danmarkimi nunaannarmi/kulturimik ingerlatsiviusuni misigisassarsiortarluta. Atuarfitsinni peqataatitsiviusorujussuarmi ADHD-qartunik akuttunngitsumik atuartuuteqartarpugut. Klassilli immikkut ittut pineqanngillat kisiannili siamasissumik peqataatitsineq. Aammattaaq naqinnernik ilisarinnissinnaanngitsunik atuartuuteqarpugut, allattariarsornermik allanik ajornartorsiuteqartunik atuartuuteqartarpugut, taakkulu ajornartorsiutit ikiorsiiviginiarlugit tapersiilluni atuartinneqarnissamik kiisalu qarasaasialerinermik neqeroorfigineqartarput. Erseqqissassavarpullu IMMIKKUT efterskoliunngitsugut. Angerlarsimaffiit qanimut suleqatigisarpagut ilimagaarpullu kalaallit atuartut angerlarsimaffinnik attaveqarfeqartassasut aamma uagutsinnut attaveqarusuttunik aammalu feriarnernut sapaatillu akunnerisa 9

10 naanersiornermut tunngatillugu akisussaaffimminnik ilisimaarinnissasut. Himmerlandip qeqqaniippugut kikkut tamarmik angalanermi ilaaffigisartagaannik peqarfiusumi Aalborgimut, Viborgimut, Randersimut Aarhusimillu. 16. Billeshave Efterskole misigisassarsiorneq, hesterneq, eqqumiitsuliorneq ilusilersuinerlu, filmit tusagassiorfiillu, igasut isikkamillu arsarneq atuartitsissutit nammineq toqqarneqarsinnaasut amerlaqisut. Kalaallit atuartut pillugit ukiorpassuarni misilittagaqarpugut, maannakkut atuartut pingasut qanittumi attaveqarfigisartakkanik ilaqutareeqarpoq. ikinnerusut immikkut neqeroorut danskit oqaasiinik atuartitsineq. Naamik. Takusinnaavat uagut pilluta allaaserinninneq uani Efterskole.dk. 17. Silkeborg Efterskole Peqqissuseq Timersornerlu Ilinniartitsisut danskit oqaasiinik ilitsoqqussarinagu oqaasilinnut atuartitsinissamut ilinniarsimasut, ilinniartitsisorlu Kalaallit Nunaannut tikeraarsimasoq. Danskit oqaasiinik oqaatsit aappaattut atuartitsineq kalaallit allat peqatigalugit Kalaallit Inaat, Kalaallit Unnussiaarnerat il.il. CD Ord atorlugu naqinnernik ilasarinnissinnaanngitsunut ikiuineq. Kalaallit atuartuutitta ilaat meeqqat atuarfianni Kalaallit Nunaat pillugu oqaluttuarlutik 5. klassimut pulaarnikuupput. Kalaallit danskillu atuartuutigut peqatigiinnermi imminnut annertuumik pissarsivigeqatigiittarput!! 18. Hammerum Fri- og Efterskole Efterskole Jyllandip Qeqqani illoqarfiit Herning Ikastillu akornanni inissisimavoq. Atuarfimi atuartut inuunermik assigiinngitsumik isiginneriaasillit aammalu kulturikkut sumiiffimmillu assigiinngitsunik tunuliaqutillit naapinnissaannut sinaakkusiisinnaaneq atuarfiup pingaartippaa. Atuarfik atuagarsorluni 10

11 efterskoliuvoq, atuartitsissutit sammiviinik ukuninnga neqerooruteqartoq: assammik arsarneq, isikkamik arsarneq, pissinneq, eqaarsaarneq, atisanik ilusilersuineq, Igasoq Saqisorlu, nipilersorneq aamma squash. Atuarfittut atuartunik Kalaallit Nunaannit efterskolertunik ukiuni 30-ni misilittagaqarpugut. Kalaallit atuartut toqqissisimanartumik avatangiiseqarlutik pitsaasumik ukiumi efterskolimiinnissamik periarfissinneqarnissaat ilaatigullu danskit atuartut kalaallinik atuartunik ilisarisimasaqalernissaat atuarfiup kissaatigaa. Hammerum Efterskolip danskit oqaasiinik oqaatsit aappaattut atuartitsinissaq neqeroorutigaa. Efterskolimiinnermi ullormi siullermiilli atuartut efterskolemi inuunermut ikaarsaariarnermik ajornannginnerulersitsisussamik ilinniartitsisoqartarput. Sapaatip akunnerani siullermi atuartut Kalaallit Nunaanneersut katersortarpai aammalu ajunnginnissaat aqaguanilu sunik sammisaqarnissamik ilisimasaqarnissaat qulakkeertarlugu. Ilinniartitsisoq taanna kalaallinut atuartunut ukioq tamaat ataqatigiissaarisuusarpoq. Ataqatigiissaarisup qulakkeerniassavaa: Inuusuttut atuarfimmi ajunnginnissaat Inuusuttut ilaqutariinni attaveqarfiusartuni ajunnginnissaat Atuartut sumut feriassanersut sapaatillu akunnerata naanersiussanersut ersarissumik isumaqatigiissuteqartarnissaq Ataatsimut ilisimatitsissutit eqqortumik paasineqarnissaat taamaalilluni paatsoortoqassanani Atuarnermut atatillugu angalanernut silamilu unnuinernut atatillugu tamarmik atorneqartussanik atortoqarnissaat Ajornartorsiutaasinnaasunik atuarfimmi sulisut eqqumaffiginninnissaat Atuarfik inuusuttunut timikkut tarnikkullu immikkut unammilligassaqanngitsunut atuarfiuvoq. Danskit oqaasiinik oqalussinnaagaanni allassinnaagaannilu inuusuttunut Kalaallit Nunaanneersunut efterskolerneq pitsaanerpaajusartoq atuarfiup misilittagaraa. 19. Klank Efterskole Klank Efterskole ( 9. aamma 10. klasse) Tamassuma saniatigut atuartitsissutitta sammiviini ataatsimik toqqaassaatit: Isikkamik arsarneq, nipilersorneq, qitinneq, hesterneq, ilusilersuineq, eqqumiitsuliorneq, misigisassarsiorneq sikkilernerlu. ( 3 x 2 tiimit/sapaatip akunneranut ) Klank Efterskole kalaallinik atuartuuteqartarpoq, ukiunilu kingullerni sisamat arfineq pingasullu akornanni kalaallinik atuarfimmi atuartoqartarnikuulluni. Atuarfik danskisut kalaallisullu oqalussinnaasumik kalaallimik attaveqarfiusartumik ilinniartitsisoqarpoq. Danskit oqaasiinik oqaatsit aappaattut atuartitsinissamik neqerooruteqarpugut. Atuarfik pillugu annertunerusumik uani takusigit aamma facebookimi quppernerput takujuk 11

12 20. Tirstrup Idrætsefterskole Timersornermi efterskole Atuartut ataasiakkaat pingaartittorujussuuavut aammalu suleqatigiinneq ataqqeqatigiinnerlu aqqutigalugit atuartut inuttut ilivitsutut ineriartornissaat kissaatigalutigu, tassa atuartut Tirstrup Idræftsefterskolemi naleqartutut misigissammata. Atuartut inuit timersoqatigiittarnerat aallaavigalugu iluatsitsinermik misigisaqartilernissaat unammilligassaqartinnissaallu upperivarput, taamaalillutik assigiinngiiaartunik ingerlatsisinnaanertik ineriartortissallugu. Kalaallinut atuartunut danskit oqaasiinik atuartitsinissaq atuarfiup neqeroorutigaa. Atuarfik sulisunik danskit oqaasiinik oqaatsit aappaattut atuartitsisartussanik maannakkut ilinniartitsivoq. Kalaallinik atuartuuteqartarnermik atuarfik misilittagaqarpoq. Atuarfiup nittartagaani iserfissaq una takujuk: Nordsjællands Efterskole Kristumiussuseq tunngavigalugu efterskoliunitta saniatigut nipilersortarpugut, timersortarluta, silami sammisaqartarluta, aammali isiginnaartitsisarluta, qisunnik saviminernillu suliaqartarluta, mersortarluta ilusilersuisarlutalu. Ukioq manna misilittagaqalernikuuvugut allaanerusumillu piareersimalerluta (holdip mikisup pilersinneratigut danskit oqaasiinik oqaatsit aappaattut atuartitsineq misilipparput, tassani sapaatit akunneri tamaasa naapittarluta) (Kalaallit Illuata aaqqissugaani peqataasarpugut) (Marlunnik ilinniartitsisoqarpugut danskit oqaasiinik oqaatsit aappaattut atuartuutitsinnik atuartitsisartunik). Aapa holdimik pilersitsivugut. Issiaqatigiilluni ulluinnarni tiimimi sammisaqarluni peqatigiinnermik misiliivugut. aqqutigisinnaangorlugu aaqqissutit il.il. pillugit neqeroorutit), Naamik, aamma nunamit allameersuunerat eqqarsaatigalugu tassunga atillugu ajornakusuussaaq o.l./ordblinde/overvægtige/hørehæmmede/synshæmmede/kørestolstilgængelig indretning etc.): Naamik 22. Agerskov Ungdomsskole Atuarfik atortorissaarluarpoq naluttarfik, hali pissittarfik timersortarfik inillu atuarfiusartut amerlasuut. Atuagarsorluni ilinniartitsissutit pinngitsoorani peqataaffigineqartussat saniatigut atuartitsissutit toqqarneqarsinnaasut arlallit neqeroorutigaagut, timersorneq nutaaliornerlu. Atuartut tamarmik 12

13 atuartitsinermi atorneqartartumik ipad-imik tunineqartarput. Atuarfimmiinnermi marloriarluni nunanut allanut angalasoqartarpoq, ataaseq atuarfimmut tamarmut ataaserlu ikittukkaartunut. Kalaallinut atuartuutitsinnut maligassiuisunik marlunnik ilinniartitsisoqarpugut. Taakku ulluinnarni sapaatillu akunnerisa naaneranni ingerlalluarnissamut ikiuuttarput. Aammattaaq atuartup angajoqqaallu atuarfimmut pingaarnertut attaveqarfigisartagaannik inersimasumik atuartut tamarmik ilinniartitsisoqarput. Ukiuni kingullerni pingasuni Kalaallit Nunaanneersunik atuartuuteqartarnikuuvugut, tamannalu pitsaasumik misigisaqarfiujuaannarnikuuvoq. Atuartunut ilinniartitsissutini immikkut ikiorneqarnissamik pisariaqartitsisunut neqerooruteqarpugut 9. klassimi atuartut aamma AUX-ertunut (10. klasserput). Tassani ilinniagassannik ikiorneqarsinnaavutit danskillu oqaasiinik pikkorinnerulerlutit. Agerskov Ungdomsskolip inuusuttut allat peqatigalugit allaanerusumik Danmarkimi misigisaqarnissamik periarfissippaatit. Immikkut ittunik neqerooruteqanngilagut, kisiannili atuarfiuvugut inissaqartitsisut atuartut unammilligassaannik sapinngisarput malillugu ikiuuttartut itisiliilluni oqaloqatigiinnissaq atorfissaqartikkussiuk attaveqarfigitigut. Paasissutissanik pisariaqartitsigussi imaluunniit kalaallinik atuartunik uagutsinniinnikunik oqaloqateqarnissaq pisariaqartikkussiuk attaveqarfiginissatsinnut tikilluaqqusaavusi. 23. Sundeved Efterskole Grundtvigip eqqarsartariaasia malillugu efterskole, atuagarsorluni ilinniartitsissutit aamma eqaarsaarneq timersornerlu pingaartillugit Kalaallinik atuartunik suliaqarnermik ukiorpassuarni misilittagaqarpugut. Ukiaq uanga (forstanderi) Seashow 2013-imut (Ålborgimi kalaallit illuannit aaqqissuunneqartumut) atatillugu atuartuutiginikuusatta ilaat Kalaallit Nunaanneersut tikeraarpakka. Danskit oqaasiinik oqaatsit aappaattut atuartitsisarpugut. 24. Bråskovgård Efterskole Efterskole nalinginnaasoq, pinngortitaq nutaaliornerlu pillugit arfineq pingasunik atuartitsissutini sammivilik. Tamatigorluinnangajak ikittunik kalaallit atuartuuteqartarpugut (ataatsimiik tallimanut). Atuarfik danskit oqaasiinik oqaatsit aappaattut atuartitsinissaq pillugu sumiiffimmi oqaatsinik ilinniarfimmik isumaqatigiissuteqarpoq. 13

14 Atuartitsinerup nalinginnaasup saniatigut atuartunut atuagarsornermi taperserneqarnissamik pisariaqartitsisunut holdeqarpoq. Aammattaaq ilinniartut 20-t missaaniittut tutsarluttut atuarfiup ukiut tamaasa ilinniartuutigisarpai. 25. Hårslev Efterskole Timersorneq, silami sammisaqarneq, isiginnaartitsineq, nutaaliorneq, tusagassiuutit. Kalaallinik atuartut pillugit ukiuni arlalinni misilittagaqarpugut. Danskit oqaasiinik oqaatsit aappaattut atuartitsinermik ilinniarsimasumik nammineq ilinniartitsisoqarpugut. Danskit oqaasii oqaatsit aappaattut. Allanik immikkut neqerooruteqanngilagut. Atuagarsorluni efterskole nalinginnaasoq nutaaliornermi, timersornermi nipilersornermilu ilinniartitsissutit sammiviinik ilinniartitsissutinillu toqqarneqarsinnaasunik assigiinngiiaartunik atuartitsiviusartoq. 26. Vrigsted Efterskole Atuartunut atuarnermik, allannermik matematikkimillu ajornartorsiuteqartunut efterskole. Naqinnernik ilisarinnissinnaanngitsunut efterskole. Piginnaasat qaffasissusaat naapertorlugit agguarlugit holdit, Meeqqat Atuarfianni naammassinermi misilitsinnissamut 10. klassimilu misilitsinnissamut periarfissaqarpoq. Gymnasiamut/HF-imut imaluunniit inuussutissarsiutinut ilinniarfinnut ikaarsaariarnissamut annertusisamik 10. klassimi atuarneq. Atuartitsissutit sammivii: Timersorneq, silami sammisaqarneq, nipilersorneq/takutitsineq ilusilersuinerluunniit ilinniartitsissutillu toqqarneqarsinnaasut amerlasuut. Atuartunik Kalaallit Nunaanneersunik misilittagaqarpugut. Computerinut, ipadinut Smarphonenullu atuaanermi programminik ilinniartitsisarpugut CD-ord atortarparput aamma kalaallisut pissarsiarineqarsinnaasoq. Atuartitsineq holdini mikinnerni ingerlanneqartarpoq, programmillu immikkut ittut atuartunut ataasiakkaanut atuarnermi, allannermi matematikkimilu ikiiuutaasartut atortarlugit Inuusuttunut nalinginnaasumik silappaarissunut klassinut nalinginnaasunut tunngatillugu kinguaattoorsimasunut atuartunullu immikkut ikiorneqarnissamik pisariaqartitsisunut naqinnernik ilisarinnissinnaanngitsunut efterskole. Annikitsunik takuneqarsinnaasunik avatangiisilik, Horsensimut Vejlemullu bussit atorlugit aqqutit pitsaasut. 14

15 27. Rudehøj Efterskole Nipilersorneq, timersorneq, silami sammisaqarneq Tunuliaqutitigut kulturikkullu assigiinngissuteqartut akuutilerusuppavut inissaqartikkusullugillu Danskit oqaasiinik oqaatsit aappaattut ilinniartitsinissamik kiisalu efterskolemi piareersarnissamut ulluinnarnilu inuunermi ingerlalluarnissamut immikkut piffissaqarfeqartumik ilinniartitsisumik annertusisamik attaveqartoqartarnissaa neqeroorutigaagut. Efterskoliuvugut 100-t missaanni atuartulik, inuusuttut ataatsimoornermi pingaaruteqartumi inuusuttunut assigiinngiiaartorpassuarnik misigisaqartitsisartoq. 28. Tolne Efterskole Inuusuttunut immikkut pisariaqartitsisunut efterskole immikkut ittoq: ilikkagaqartarnermi tamanut tunngasunut ajornartorsiuteqartunut, assigiinngitsunik nappaateqartunut il.il. Ilinniartitsisut arlallit Kalaallit Nunaanni najugaqarlutik atuartitsisarlutillu. Ukiumi atuarfiusussami tullermi danskit oqaasiinik oqaatsit aappaattut atuartitsinissamik neqerooruteqassaagut. Efterskoli suliaqarfiusartoq/nutaaliorfiusartoq misilitsiffiunerlu ajortoq Tolne Efterskole inuusuttunik timikkut assigiinngitsunik innarluutilinnik aamma ilinniartoqarsinnaavoq tassunga ilanngullugit kørestolinik atuisut. 29. Finderup Efterskole Finderup Efterskole inuusuttunut immikkut pisariaqartitsisunut efterskoliuvoq KFUM-imut K-mullu atassuteqartoq. Atuartut 52-iupput inunnullu ataasiakkaanut qanilaarnermik tapersiisarnermillu pingaartitsilluta, ikittut ataatsimoorfigisartagaat atuagarsorlunilu atuartitsinermik isiginiagaqarluta. Holdini mikisuni qaffasissutsit agguarlugit atuartitsisarpugut. Atuarfimmi atuartunut inersimasorpassuarnullu qanippugut. Assigiinngissutsip ataatsimoornermi pissarsiviusarnera sammivarput kulturillu nutaat annertuumik periarfissiisutut isigalugit. Atuartut immikkut pisariaqartitsisut aallaavigisarpagut, atuartullu piginnaasaannut naleqqussaalluta atuarfiuniarsaraluta. Ataasiakkaanut aaqqissuussamik immikkut atuartitsineq. 15

16 Qulaaniittut takukkit. Atuartuutigut inuusuttuupput assigiinngitsorpassuarnik immikkut pisariaqartitsisut, taamaammallu atuartunut tamanut qulaani taaneqartunik ajornartorsiuteqartunut inissaqartitsilluta. 30. Salling Efterskole Eqaarsaarnq, Timersorneq, ilinniartitsissutit nutaaliorfiusut nipilersornerlu Kalaallit Nunaanni sulisimasumik ilinniartitsisumik sulisoqarpugut. Atuartut danskit oqaasiinik oqaatsit aappaattut atuartitsinissamik kiisalu tapersersuilluni oqaloqatigiittarnernik neqeroorfigineqartarput Atuarfimmi kalaallinik pingasut missaannik tamatigut atuartuuteqartarpugut 31. Kerteminde Efterskole Assigiinngitsorpassuarnik ilisarnaateqarpugut, tassani takutitsinermik, timersornermik, pingortitamik silamilu sammisaqarnermik kiisalu Teknologimik ilinniartitsissutit sammiviini toqqarneqarsinnaasunilu amerlasuuni assigiinngitsuni misilitsittoqarsinnaalluni. Annertunerusumik takusaqarusukkuit nittartagarput takuuk Atuarfitsinni kalaallinik atuartuuteqartarnermik ukiorpassuarni misilittagaqarpugut. Kalaallinik atuartuuteqarnissamut kajumissuserput ilaatigut tassaavoq kalaallit atuartut inuit attaveqaqatigiittarneranni ilinniartitsissutinilu inissisimaviisa ineriartortinnissaat, aammali atuartuutitta tamarmik inuusuttunik allatut kulturilinnik ilisimasaqalernissaat taamatulli pingaartigaaq. Inuusuttunik Savalimmiuneersunik, Islandimeersunik nunarsuarmilu tamaneersunik akuttunngitsumik atuartuuteqartarpugut. Ikinngutitik allat peqatigalugit atuartinneqartarput, taassumali saniatigut danskit oqaasiinik oqaatsit aappaattut atuarnissamik nalunaarnissamut periarfissaqarput. Atuartunut immikkut ittunut neqerooruteqanngilagut. 32. Ingstrup Efterskole Ingstrup Efterskole atuagarsornikkut efterskoliuvoq ukuninnga atuartitsissutini sammivilik: Assammik arsarneq, Isikkanik arsarneq, Nipilersorneq, Qitinneq aamma Sakkortuumik timersorneq. Atuartut tamarmik atuartitsissutit sammiviini taaneqartuni ataaseq toqqassavaat, taakkunanilu sapaatip akunneranut tiimit 16

17 arfiniliusarput + unamminerit/tusarnaartitsinerit/pisoqartitsinerit il.il. Ingstrup Efterskolemi ukiut tamaasa pingasuniit arfineq marlunnut kalaallinik atuartuuteqartarpugut. Atuarfimmi peqataatitsinermi ilinniartitsisoq inuit attaveqaqatigiittarneranni peqataatitsinissaq siunertaralugu atuartunik tapersiisarnissamik periarfissaqarpoq. Danskit oqaasiinik oqaatsit aappaattut atuartitsisoqarneq ajorpoq, kisiannili qaffasissutsit agguarlugit atuagarsorluni atuartitsisoqartarpoq, kalaallit atuartut taamaalillutik malinnaanissamut periarfissaqarput, aammalu ullut tamaasa caféqarpoq ilinniakkeriffiusartumik, tassanilu ilinniagassanut ikiorserneqarsinnaapput. Ingstrup Efterskole atuartunut immikkut pisariaqartitsisunut immikkut atuartitsineq ajorpoq, atuarfillu kørestolinik atuisunut naleqqutinngilaq. Init pitsaasut, init tamarmik immikkut tamarmik uffarfeqarput anartarfeqarlutillu, immap qanittuani inissisimavoq. 33. Kastanievej Efterskole NUTAALIORNERMI EFTERSKOLE ukuninnga atuartitsinermi sammivilik, nipilersorneq, tusagassiuutit, annoraamerngit ilusilersuinerlu, assilialiorneq, marrerineq. Ukiut 18-it ingerlaneranni kalaallinik atuartuuteqartarnitsinni misigisat pitsaasorujussuupput misilittagaqarfiullutillu. Ukiut tamaasa sisamanik kalaallinik atuartuuteqartarpugut, sapinngisamik nukappiaqqat marluk niviarsiaqqallu marluk. Naamik Naamik 34. Glamsdalens Idrætsefterskole Timersornermi efterskole atuartitsissutit sammiviinik atuartitsissutinillu toqqarneqarsinnaasunik amerlasoorpassuarnik periarfissaqarfiusoq. Anguniagarput tassaavoq timersorneq aqqutigalugu atuartut ineriartornissaat tassungalu peqatigitillugu ataatsimoorluni ingerlatsisutut pikkoriffeqalissallutik. Glamsdalens Idrætsefterskole kalaallinik inuusuttunik suliaqartarpoq. Atuartut illuni atuartut 16-iullutik najugaqartarput, taakkunani ilinniartitsisut marluusarlutik, tamannalu toqqissisimanartitsisarpoq qanilaartitsillunilu, ungasissumeeraluaraanniluunniit. Immikkut ittunik neqerooruteqanngilaq. Atuartut Kalaallit Nunaanneersut inuusuttut Fynimi efterskolemiittut allat peqatigalugit kalaallit naapinneranni peqataanissaannik tapersersorneqartarput. 17

18 Atuartunut immikkut pisariaqartitsisunut immikkut ittuni neqerooruteqartoqanngilaq. 35. Blåkilde Efterskole Efterskoliuvugut nalinginnaasumik perorsaaffiusoq, atuartut atuartitsissutini assigiinngitsuni ilikkagaqarnissaannik immikkoortunilu assigiinngitsorpassuarni ineriartornissamut periarfissaqarnissaannik pingaartitsisoq. Naalagaaffeqatigiinnerup ilagaatigut aammalu inuusuttut kunngeqarfimmit tamaneersut pingaaruteqartutut isigalugit. Danskit oqaasiannik oqaatsit aappaattut sapaatip akunneranut 1-2 tiimit atuartitsisarpugut. 36. Gram Efterskole Qaffasissutsit agguarlugit, danskit oqaasiinik, matematikkimik, tuluit oqaasiinik tyskillu oqaasiinik atuartitsineq. Mamartunik nerisassiornermik, misigisassarsiornermik, nipilersornermik eqqumiitsuliornermik tusagassiuutilerinermillu atuartitsissutini sammiviit. Gram Efterskole ukiuni qulini kingullerni Kalaallit Nunaanneersunik atuartuuteqartarnikuuvoq, taakkulu nuannarisorujussuuvagut. Aammattaaq ukiumi tulliuttumi Kullorsuarmi ukioq ataaseq atuartitsinikuusumik ilinniartitsisoqassaagut. Gram Efterskole danskit oqaasiinik oqaatsit aappaattut atuartitsinissamik neqerooruteqarpoq. Gram Efterskolep atuartut inissaqartitsilluni akuersaarlunilu naapinnissaat pingaartippaa. Toqqissisimaarneq, suliamik ingerlatsilluarsinnaaneq, ataatsimoorneq, unammilligassat akisussaassuseqarnerlu naleqartitaraagut pingaaruteqartut. Assigiinngitsunik nappaatilinnik aammali atuartunik nappaateqanngitsunik atuartuuteqarpugut. 37. Vandel Efterskole Efterskoli siamasissoq nalinginnaasoq tallimanik atuartitsinermi sammivilik: Ilusilersuineq, isikkamik arsarneq, assammik arsarneq, nipilersorneq isiginnaartitsinerlu. Eqaarsaarneq tamanit pinngitsoorani ingerlanneqassaaq. Ataatsimik-marlunnik kalaallinik atuartuuteqarajuttarpugut. Danskit oqaasiinik oqaatsit aappaattut atuartitsinissamik neqerooruteqartarpugut. 18

19 Atuartunut immikkut ittunut samminngilaq. 38. Kongenshus Efterskole Efterskole nalinginnaasoq atuagarsorfiusoq peqqinnartumik inuuneqarnissamik isiginninniarfiusoq. Atuartitsissutit sammiviini atuartitsissutit atuartitsissutillu toqqarneqarsinnaasut imaluunniit ukiup ingerlanerani atuartitsissutit sammiviini imaluunniit atuartitsissutini toqqarneqarsinnaasuni immikkut ilisimasaqalernissaq periarfissaapput. Nerisat timigissarneq, Fitness, Tilluunneq, Silami sammisaqarneq Europamilu angalaneq ilinniartitsissutit sammiviitut. Nipilersorneq, Eqqumiitsuliorneq, Ilusilersuineq Franskillu oqaasii ilinniartitsissutitut toqqarneqarsinnaasutut. Kalaallinik atuartuuteqarnermik misilittagaqarpugut, atuarfillu kalaallinut inuusuttunut inissitanut tallimat tikillugit akuerineqarnikuuvoq. Danskit oqaasiinik oqaatsit aappaattut atuartitsinissamik neqerooruteqarpugut. Kalaallit inuusuttut misigisaqarluarnissaannut, Danmarkimi kulturimik takusassanillu immikkut ilisimasaqarnissaannut kiisalu inuusuttut ilinniagaannut piginnaasaqarluarnissaannut tunngasunik suliaqartarpugut. aqqutigisinnaangorlugu aaqqissutit il.il. pillugit neqeroorutit)): Klinisk diætist naalagaaffimmit akuerisaasoq ilitsersuisoralugu inuussutissat pillugit ilitsersuineq. Efterskole mikinerusoq 84-inik inissalik, paarnaqutaannallimmi angisuumi inissaqarluarfiusumi inissisimasoq, Karup Åmi aalisarsinnaanermik akuersissutilik aammalu nunap sinneranut tamat atortagaannut ilaalluni angalanissamut aqqutit pitsaasut. Septembarimi Kalaallit Nunaata kujataani Seashow 2013-imi peqataavugut. 39. Lyngs Idrætsefterskole Lyngs Idrætsefterskole atuarfiuvoq ataatsimoornermik, ilikkagaqartarnissamik, suliniuteqartarnermik inuunermillu nuannarisaqarnermik isiginninniarfiusoq. Tamakku ilaatigut atuartitsissutinik atuagarsorfiusunik atuartitsinikkut aammali timersornikkut pilersinniarsarisarpagut. Atuarfimmi assammik arsarnermik, isikkamik arsarnermik eqaarsaarnermik/qitinnermik atuartitsissutit sammiveqarput. Lyngs Idrætsefterskole inuusuttunut timersornermik soqutigisaqartunut tamanut ammavoq. Taamaammat inuiaqatigiit avatangiisit tunngavigerusuppavut, tamannalu aqqutigalugu danskinik inuiaqatigiinnik tamarmiusumik atuartut assigiinngiiaartumik takutinniartarpavut. Danskit oqaasiinik oqaatsit aappaattut atuartitsinissaq periarfissaqarpoq. ADHD-qartunik arlaleriarluta atuartuuteqartarnikuuvugut, nakorsaatillu atorlugit efterskolemi ukioq 19

20 atuarfiusoq nalinginnaasoq naammassisarnikuuaat. Lyngs Idrætsefterskolemi siornatigut kalaallinik atuartuuteqartarnikuuvugut, isumaqarpugut arlaliullutik atuartuugaangamik ingerlalluarnerusartut, taamaalillutik tapersersoqatigiissinnaaniassagamik. 40. Rydhave Slots Efterskole Nunat tamat akornanni ingerlatsiviusoq, Timersorneq aamma Ilusilersuineq/Assassorluni sulineq Nunat Tamat akornanni Efterskoliuvugut, nunanit tamaneersunit ilinniartoqartarluta, angalangaatsiartarpugut ukiullu atuarfiusup ingerlanerani ataasiarlutik ilinniartitsisoqartarluta kajumissutsiminnillu sulisoqartarluta. Qallunaat oqaasiinik oqaatsit aappaattut qaffasissumik atuartitsisarpugut, taamaalillutik tamarmik pitsaasumik danskit oqaasiinik ulluinnarni ilikkagaqarnissamik neqeroorfigineqarlutik. Badmintonimi qaffasissumik timersortarpugut, suiaassutsinut taakkununnga marlunnut niviarsiaqqanullu qaffasissumik isikkamik arsartitsisarluta. Timersuutit taakku marluk nalinginnaasumik qaffasissumik ilinniartitsissutaapput ilinniartitsissutaallutillu toqqarneqarsinnaasut. Nerisassat pillugit ilitsersuinissamik, tarnikkut sungiusarnermik, ilitsersuinermik nalinginnaasumillu tamakkiisumik atuarnissamik neqerooruteqartarpugut. Peqataatitsinermi nalinginnaasumik atuarfiuvugut, immikkut neqerooruteqanngitsoq piginnaasaqarfiunngitsorlu. Kalaallit nunaanni ilaqutariinnik danskinik kalaallinillu misilittagaqarluarpugut suleqateqarluartarlutalu. Attaveqarfigineqarsinnaasut tunniulluarsinnaavavut. 41. Skanderup Efterskole Atuartitsissutitsinni sammiviit tallimaapput: Timersorneq, Tusagassiuutilerineq, Eqqumiitsuliorneq, Isiginnaartitsineq Nipilersornerlu, IT Teknologilu. Atuagarsorluni atuartitsissutini qaffasissutsit agguarlugit atuartitsisarpugut. Kalaallit Nunaanneersunik, Savalimmiuneersunik kiisalu Slesvigip Kujataanersunik ukiorpassuarni atuartuuteqartarnikuuvugut. Efterskolemi siamasissunik assigiinngiiaartunillu atuartoqarnissaq nuannaraarput. Atuagarsorluni atuartitsissutini qaffasissutsit agguarlugit atuartitsisarpugut. Atuartunut pisariaqartitsisinnaasunut immikkut tapersiinissamik neqerooruteqarsinnaasumik atuarnermi ilitsersuisoqarpugut. Naamik 20

21 42. Halvorsminde Efterskole sammisaqarneq)): Atuartitsissutit sammivii: Timersorneq, Isiginnaartitsineq, Ilusilersuineq. Inuusuttut tamarmik atuarusuttut atuarsinnaasullu. Kikkut tamarmik piginnaasaqarfiisa nassaarinissaat kissaatigaarput. Danskit oqaasiinik oqaatsit aappaattut atuartitsinissamik neqerooruteqarpugut, ilikkagaqartarnermi ilisarnaatit nutaat pissanganartut; 1. oqaatsit/kulturi 2. pinngortitaq/ilisimatusarneq 3. assassorluni sulineq/teknikki 4. aallarnisaasut/nutaaliorneq qaffasissutsinut agguarlugit. 6. Allanngortiterineq maannakkut ingerlapparput nittartagarput malinnaavigiuk, imut tamaasa ilanngullugit angalanerit pingasut, it-mi suliniuteqarneq, atuartut atisaat il.il. 43. Korinth Efterskole -Spejderskolen Silami sammisaqarneq Misigisassarsiornerlu, Mamartunik nerisassiorneq, Hesterneq spejderillu hesternerat. Pisortaq Kalaallit Nunaanni ukiut 14-it sinnerlugit misilittagaqarpoq siamasissumillu attaveqarfigisartagaqarluni, aamma kalaallinik inuusuttunik suliaqarnermi. Piffissaq tamaat ilinniartitsisut marluk inuit attaveqaqatigiittarneranni atuartitsissutinilu tamakkiisumik tapersiisartut. Efterskolemi spejderit naleqartitaat tunngavigineqarput, taamaammat atuartut qanilaarnermik sammineqarnermillu misigisarput. Atuarfiuvugut mikisoq ikinngutigiiffiulluartoq inissaqartitsisorlu, oqariartaaserput ilisarnaat ingerlatarput tassaavoq inuusuttut ilikkagaqatigiiffigisarnerat suliaqarnerlu aqqutigalugu ilikkagaqartarneq. Efterskole siusinnerusukkut iluatsitsilluarluni Kalaallit Nunaanneersunik atuartoqartarnikuuvoq. 44. Bieringhus Efterskole Efterskole nalinginnaasoq, atuartitsissutit sammivii nipilersorneq silami sammisaqarneq nerisassiorneq nutaaliorluni sannavik arsarneq hesterneq. Ukiut tamaasa kalaallinik arlalinnik ilinniartuuteqartarnikuuvugut, taakkulu pillugit suliaqarnissaq nuannarinikuuarput. Danskit oqaasiinik oqaatsit aappaattut atuartitsineq immikkullu atuartitsineq. 21

22 Atuartunut immikkut pisariaqartitsisunut tiiminik tapersiiviusussanik neqerooruteqarpugut. 45. Midtjysk Efterskole Midtjysk Efterskolep oqaloqatigiittarneq pimooruppaa assigiinngiiaassuserlu nakuuninngortittarlugu. Atuartut tamarmik atuartitsissutit sammiviinik toqqaanissamut periarfissaqartarput. Aatsaalli tamaasa misilereerunikkit. Atuartut taamaalillutik immaqa siornatigut misilinngisaannakkaminnik misiliisarput. Inuit allat naapitassarinngisaraluatik ilikkartarpaat aammalu ataatsimoornermi peqataanerup suunera misigisarlugu. Midtjysk Efterskole misilitsinnissamut piareersarluni atuartitsissutinik atuartitsisarpoq. Atuartitsineq nutaalianik avatangiiseqarluni ingerlanneqartarpoq, tassani atuartut ulloq unnuarlu atuarfinniinneranni iluaqutit nutaaliornermi atorluarneqartarlutik. Suliamik ingerlatsineq qaffasippoq angusallu pitsaasarlutik. Atuartunut attaveqartoqartarpoq: Atuartut tamarmik attaveqaqatigiittartut ilagisarpaat. Ilinniartitsisup attaveqarfiusartup atuartut ukioq tamaat malinnaavigissavai ilinniartitsisorlu atuartup aamma angajoqqaat/angajoqqaatut oqartussaasusillit akornanni attaveqartitsissalluni. Midtjysk Efterskole kalaallinik inuusuttunik tanngassimaarutigalugu atuartoqartarpoq. Atuarfiup 1962-imi aallartinneraniit atuarfiup forstanderia kalaallit atuartut atuarfimmi atualernissaannik annertuumik namminissarsioranilu suliniuteqarnikuuvoq. Danskit kulturiannik misigisaqarnissamik periarfissaqarnikuupput atuarfimmullu sunniuteqarlutik. Immaqa inuunerminni annertunerpaamik misigisaqarput. Atuartut Kalaallit Nunaanneersut amerlassusaat ukiuni kingullerni appasinnikuuvoq, oqaatigineqarsinnaavorli atuartunik Kalaallit nunaanneersunik suliaqarneq atuarfiup ilisarnaatigigaa. Atuartut aamma angajoqqaat/angajoqqaatut oqartussaassusillit oqaloqatiginerisigut inuusuttut inuunerminni ajornartorsiorsinnaasut atuartuutigiinnarnissaannik ineriartortinnissaannillu angusaqarluartarnikuuvugut. Danskit oqaasiinik oqaatsit aappaattut atuartitsineq. Ataatsimoorneq ikinngutigiinnerlu. Danskit kulturiannik pissusilersuutigisartagaannillu ilisimatitsineq. Atuarfimmi oqaloqatigiittarneq tamanut qitiummat aamma illuatungaanut isigititsiniarlertassaagut danskillu atuartut kalaallit kulturiannik ilinniartinniarsarissallutigit. Uani annertunerusumik atuarit 22