ILLOQARFIUP ILAANUT PILERSAARUT 1C21-1 Sanamut inissiat NUUP KOMMUNEA TEKNIKKIMUT AVATANGIISINULLU INGERLATSIVIK

Transkript

1 ILLOQARFIUP ILAANUT PILERSAARUT 1C21-1 Sanamut inissiat NUUP KOMMUNEA TEKNIKKIMUT AVATANGIISINULLU INGERLATSIVIK FEBRUARI 2002

2 IMAI Illoqarfiup ilaanut pilersaarut 1C21-1, Sanamut inissiat Imai ALLAQQAASIUT..3 Pilersaarut Pillugu...3 NASSUIAAT...4 Illoqarfiup ilaanut pilersaarutip tunngavia...4 Illoqarfiup ilaanut pilersaarusiorfik...4 Illoqarfiup ilaanut pilersaarutip imaa.5 Pilersaarutinut allanut attuumassutit...6 Illoqarfiup ilaanut pilersaarutip sunniutai...7 Inaarutaasumik inatsisitigut sunniutit...7 Oqallititsineq akuerineqarneralu...7 AALAJANGERSAKKAT..9 1 Illoqarfiup ilaanut pilersaarutip siunertaa Illoqarfiup ilaanut pilersaarusiorfik agguataarneralu 9 3 Atorneqarnera Aqquserngit aqqusineeqqallu Sanaartukkat initussusaat inissisimaffiallu Sanaartukkat silatimikkut issikkuat Nunagissaaneq Nunaminertat sanaartorfiunngitsut Teknikikkut atortulersuutit Avatangiisinut tunngasut Sanaartukkat nutaat atuutsinneqalernissaannut piumasaqaatit Illoqarfiup ilaanut pilersaarummik atorunnaarsitsineq..12 AKUERSISSUTIGINEQARNERATA ATSIORNERA...13 NUNAP ASSINGI ILANNGUSSAT Nunap assinga normu 1 - Illoqarfiup ilaanut pilersarummut nunap assinga Nunap assinga normu 2 - Pilersaarutip titartarnera Saqqaani nunap assinga Asiaq, Misissueqqaarnerit, Kalaallit Nunaanni misissueqqaarnerit Februari 2002 Nuup Kommunea 2

3 Aallaqqaasiut Illoqarfiup ilaanut pilersaarut 1C21-1, Sanamut inissiat AalIaqqaasiut Illoqarfiup ilaanut pilersaarut pillugu Illoqarfiup ilaanut pilersaarummi aalajangersarneqarpoq, nunaminertat, illut, aqqusineeqqat, aqqusernit il.il. qanoq atorneqarnissaat, sumiiffimmi aalajangersimasumi sumut inissinneqarnissaat qanorlu iluseqarnissaat. Illoqarfiup ilaanut pilersaarut nassuiaateqarpoq aalajangersakkanillu imaqarluni. Nassuiaammi naatsumik nassuiaateqarpoq illoqarfiup ilaanut pilersaarusiorfiusumi tamassumalu eqqaani pissutsit pioreersut nassuiaatigineqarput, aammalu illoqarfiup ilaanut pilersaarutinut allanut qanoq attuumassuteqarnera nassuiaatigineqarluni. Illoqarfiup ilaanut pilersaarut unioqqutinneqartussaanngilaq. Nunap assingini titartakkat allagartaliussallumi kipungasunik allatat illoqarfiup ilaanut pilersaarummi aalajangersakkanut nassuiaataapput. Nunaminertat atorneqarnerat pilersaarusiorneqartarnerallu pillugit Inatsisartut peqqussutaat nr. 6, 19. december 1986-meersoq, allanngortinneqartoq Nunaminertat atorneqarnerat pilersaarusiorneqartarnerallu pillugit Inatsisartut peqqussutaat nr. 1, 18. juni 1987-meersoq aamma Nunaminertat atorneqartarnerat pilersaarusiorfigineqartarnerallu pillugit Namminersornerullutik Oqartussat nalunaarutaat nr. 23, 18. november 1992-meersoq naapertorlugu Kommunalbestyrelsip pisussaaffigaa illoqarfiup ilaanut pilesaarusiornissaq: Kommunimut pilersaarusiorfimmi aalajangersakkat piviusunngortinneqarnissaasa qulakkeerneqarnissaat pisariaqaraangat. Sanaartukkat annertuut, atortulersuutinik sanaartorneq imaluunniit nunaminertanik akuersissuteqarnerit aallartinneqartinnagit. Illoqarfiup ilaanut pilersaarusiornissamut pisussaaffeqarnerup siunertaraa, pilersaarusiornerup ataqatigiissumik pinissaa aammalu inuttaasut pilersaarusiornermut peqataatinneqarnissaat. Tamanna pillugu illoqarfiup ilaanut pilersaarummut siunnersuut tamanut saqqummiunneqassaaq sivikinnerpaamik sapaatip akunnerini arfinilinni. Tamanna pereerpat Kommunalbestyrelsip akerlilliinerit allanngutissatullu siunnersuutit pilersaarutip inaarlugu akuersissutigineqannginnerani naliliiffigisussaavai. Illoqarfiup ilaanut pilersaarummi inatsisitigut sunniutaasinnaasut pilersaarummi eqqartorneqarput. Februari 2002 Nuup Kommunea 3

4 Nassuiaat Illoqarfiup ilaanut pilersaarut 1C21-1, Sanamut inissiat Nassuiaat Matumuuna Kommunalbestyrelsip illoqarfiup ilaanut pilersaarummut siunnersuut 1C21-1, Sanamut inissianut tunngasoq inaarutaasumik akueraa. Illoqarfiup ilaanut pilersaarutip tunngavia Kommunalbestyrelsip aalajangerpaa illoqarfiup ilaanut pilersaarusiortoqassasoq, Sanap avannaata tungaani inissianik quleriiaanik sanaartortoqarnissaa periarfissinniarlugu. Inissiat Peqqinnissaqarfimmi sulisunut inissiassatut sanaartorneqassapput. Tamatuma saniatigut Peqqissaanermik Illinniarfimmut qinnuteqaateqartorpassuaqarsimanerata pisariaqarlersissimavaa ilinniarfiup pioreersup allilerneqarnissaa. Taamasiornissamut periarfissamik illoqarfiup ilaanut pilersaarut ammaassissaaq. Illoqarfiup ilaanut pilersaarusiorfik Nuna pineqartoq sullissiveqarfinnut qiterisaqarfinnullu Sanap eqqaaniittunut ilaavoq. Killigititat Illoqarfiup ilaanut pilersaarusiaq kujammut kimmullu Sanavejimut aamma Tjalfesvejimut killeqarpoq, avannamut STI-p atuarfia atuarlugu kusserngup tungaanut aamma Stephansons Stip tungaanut kiisalu kangimut Dronning Ingridsvejimut, Jagtvejimut aamma Niels Hammekens Vejimi inissiaqarfiit tungaannut. Nunataa Nuna tamanna Stephansons Sti-miit Jagtvejimiillu napparsimmavissuup Sanavejillu tungaanut sivingasuuvoq. Sanaartukkat Tamaani sanaartukkat inissiaanerupput sullissiveqarfiunerullutillu peqqinnissaqarfimmut attuumassutillit. Tamakku saniatigut namminerisamik pigineqartoq illu ippoq peqqinnissaqarfimmut attuumassuteqanngitsoq. Februari 2002 Nuup Kommunea 4

5 Nassuiaat Illoqarfiup ilaanut pilersaarut 1C21-1 Sanamut inissiat Tamaani sanaartukkat ilisarnaatigaat aqqusinernut naleqquttumik inissitaagamik aammalu pingaartumik sammivii aqquserngit sammiviisut immata. Angallanneq Illoqarfiup ilaanut pilersaarusiamiipput aqquserngit Dronning Ingridsvej, Jagtvej aamma Sanavej. Illoqarfiup ilaanut pilersaarusiorfimmi aqqusinertigut biilinik angallanneq pisarpoq Dronning Ingridsvejikkut, annerusumik sanaap tungaanut. Tamaani aqqusinertigut angallannerup ilaa assersuutigalugu Tjalfesvejikkut pisinnaavoq. Tamaani aqqusineeraqarpoq ataasiakkaanik ilaatigut Stephansons Sti, aamma Dronning Ingridip Napparsimavianiit STI-p atuarfiata tungaanut ingerlaartukkut. Illoqarfiup ilaanut pilersaarutip imaa Illoqarfiup ilaanut pilersaarut tunngavigalugu aallarniutitut sanaartukkat sumut inissinneqarnissaat, initussusissaat isikkussaallu siunnersuusiorfigineqarput. Qanoq atuinissamut siunnersuut tunngavigalugu illoqarfiup ilaanut pilersaarusiorfiusoq immikkoortortanut sisamanut agguataagaavoq, taakkunannga immikkoortortat pingasut inissianut atugassatut immikkoortinneqarput ataaserlu ilinniartitaanermut siunertanut atugassatut immikkoortinneqarluni. Tamaani sanaartukkat tamaat isigalugu assigiiaartumik tulluartumillu sanaartorneqarnissaat pillugu nutaamik sanaartukkat annerusumik silatai qisummik sanaajussapput. Sanaartukkat inissianut atugassat Illoqarfiup ilaanut pilersaarusiamiipput nunaminertami sanaartukkat nutaat Sanavejimiittut (område I), sanaartugaq pioreersoq Oasen (område II) aammalu ilaqutaariinnut illu Peqqissaanermik Ilinniarfiup kangiata tungaaniittoq (område IV). Nutaamik sanaartukkat takissusaasa sammiviat kujammut kimmut sammisuussaaq. Taamaasilluni tamaani sanaartukkat sammiviat ersarinnerulissaaq. Sanaartukkat nutaat qummut pingasunik sisamanik quleriiussapput, sanaartugaq illu ataaseq qitiusumut inissinneqassaaq sisamanik tallimanilluunniit quleriik. Sanaartukkat perioreersut quleriit marluusut aalajangiusimaneqarput. Inissiat sanaartukkat nutaat katillugit 70-t missaanniipput. Ilinniartitaanermut siunertaqartunut sanaartorneq Illoqarfiup ilaanut pilersaarutip Peqqissaanermik Illinniarfiup (område III) marloqiusanik Dronning Ingridsvejip Sanavejillu tungaanut quleriinnik marlunnik uiguneqarnissaanut periarfissippaa. Atuarfik tamarmi pingasoqiusamik uigusatut isikkoqalissaaq. Sanaartukkat isaterneqarnerat Sanaartukkat nutaat inissaqartinnissaat periarfissaqaqqullugu, pisariaqarpoq illoqarfiup ilaanut pilersaarusiorfiup iluani isaterinissaq. Sulisunut inissiat Oasen, Peqqissaanermik Illinniarfik aamma ilaqutaariit ataatsit illuat Jagtvejimiittoq ataannassapput. Nunami tamaani sanaartukkat allat isaterneqassapput. Illoqarfiup ilaanut pilersaarut periarfissiivoq ilaqutariinnut ataatsinut illup B-288-ip naatsiiviata annikillisinneqarnissaanut nunaminertamik sanaartorfigeqqusaanngitsumik inissianik pisariaqartinneqartumut inissaqartitsilersilluni. Angallanneq Biilit unittarfii pioreersut saniasigut allanik aamma biilinut unittarfiliortoqassaaq Sanavejimi aamma Peqqissaanermik Ilinniarfiup eqqaani kiisalu sanaartorfiup iluani aqqusineeqqat atuarlugit. Februari 2002 Nuup Kommunea 5

6 Nassuiaat Illoqarfiup ilaanut pilersaarut 1C21-1 Sanamut inissiat Sanavejimiit Dronning Ingridsvejimiillu inissiat tungaannut pisuinnarnut ikaar-tarfiusaq aqqutigalugu aqquteqassaaq aammalu aqqusineeraq pioreersoq Dronning Ingridsvejimiit STI-p atuarfianut ingerlaartoq. Angallannikkut pissutsit pitsanngortinniarlugit Sanavejimi biilinut kingaallassimatitsissutissanik pilersitsisoqassaaq kiisalu Dronning Ingridsveji atuarlugu aqqusineeraliortoqarluni. Inissialiorfigineqartup nutaap Peqqissaanermillu Illinniarfiup ataatsimoortuunerat ersarissiniarlugu illoqarfiup ilaanut pilersaarut Dronning Ingridsvejip biiliniksukkalisaarluni ingerlaffigineqarsinnaajunnaarsinneqarnissa-anut periarfissamik ammaassivoq. Nunaminertat sanaartorfiunngitsut Illut akornini sanaartukkanullu atasut nunaminertat sanaartorfiunngitsut sanaartorfigineqaqqusaanngillat avatangiiserisamut isikkiveqarnissaq qulakkeerumallugu. Pilersaarutinut allanut attuumassutit Illoqarfiup ilaanut pilersaarusiorfik kommunimut pilersaarummi siunertanut ataatsimoorussanut atugassatut sanaartorfissaq 1C2, Dronning Ingrids Hospital immikkoortitaavoq. Tamaani nunap atorneqarnissaa aalajangersagaavoq qiterisaqarfimmi siunertanut, inissianut sullissiveqarfinullu atorneqartussatut immikkoortitaalluni. B-1379 B-28 B-1475 P B-1351 B-1359 B-2033 B-184 B-424 B-1339 B-894 B-539 B-1953 B-1555 B-2188 B-2208 EGMONTGÅRDEN B-1347 P P B-2390 P B-2634 B-1935 B-1937 B-1936 TAPHUS B-878 DRONNING INGRIDSVEJ BUTIK B-1439 B-145 B-1659 B-1089 STI-SKOLEN B-2704 P B-1934 B-701 B-1397 SOLBAKKEN B-1827 TRSF. ST. B-2100 B-1246 B-694 B-1942 B-910 B-915 B-914 B-239 B-2143 B-1233 B-1814 B-236 SANAVEJ B-908 B-913 TAPHUS JAGTVEJ P B-893 B-1943 B-2073 TJALFESVEJ P SUNDHEDSMEDHJ. SKOLE B-1438 B-1160 B-1826 B-920 B-288 ASIAQ B-1111 B-892 B-1688 B-877 B-272 CENTRALSYGEHUS B-1721 P B-1826 B-274A Eksisterende bebyggelse, der bevares B-2667 B-1467 Eksisterende bebyggelse, der nedrives B-2366 B-1893 B-1826 B-2214 B-1894 B-1895 Nunaminertanut aalajangersakkat nalinginnaasut malillugit sumiiffimmi tassani sanaartukkat quleriit marluk sinnerlugit portuneroqqusaanngillat. Illoqarfiup ilaanut pilersaarummi illut inissialiorfimmi sanaartukkat qummut quleriit tallimat tikillugit portutiginissaat periarfissinneqarmat, kommunimut pilersaarummut tapili- Februari 2002 Nuup Kommunea 6

7 ussaq sananeqarpoq, illoqarfiup ilaanut pilersaarutip kommunimut pilersaarummut tapiuliussamut naapertuuttuunissaa qulakkeerumallugu. Teknikkikkut pilersuineq Kiassarneq: Sumiiffimmi kiammik pilersuineq aalajangersimasumik sarfamut atasumik pilersorneqarpoq. Sarfaq: Sumiiffimmi sarfamik pilersuineq Nukissiorfimmiit pisarpoq. Imeq: Sumiiffimmi imermik pilersuineq Nukissiorfimmiit pisarpoq. Imikoorut: Sumiiffimmi kuuffissuarnut pisortat pigisaannut attaviliisoqartarpoq. Eqqaavilerineq: Sumiiffimmi eqqaavilerineq Nuup Kommuneata eqqaavilerinermut aaqqissussaanut, malittarisassanut sukkulluunniit atuutsinneqartunut ilaavoq. Teknikkikkut pilersuinermut sanaartukkat: Teknikkikkut pilersuinermi atorneqartut soorlu erngup aqqutai, sarfamik pilersuutit kuuffissuit aammalu ledningit nunap iluatigoortinneqassapput. Illoqarfiup ilaanut pilersaarutip sunniutai Illoqarfiup ilaanut pilersaarutip siunissami sumiiffinni ineriartorneq nalimmassarpaa. Taamaattumik allannguisoqaraangaat aatsaat pilersaarummi aalajangersakkat atuutilersar put. Manna tikillugu inatsisit malillugit atuineq nangittumik ingerlaannassaaq aamma piginnittut allangussagaluarpata. Nassuiaat Illoqarfiup ilaanut pilersaarut 1C21-1 Sanamut inissiat Inaarutaasumik inatsisitigut sunniutit Illoqarfiup ilaanut pilersaarut inaarutaasumik kommunalbestyrelsimit akuersissutigineqareerpat tamanullu saqqummiunneqarluni, illut atortulersuinermilu sanaartukkat, illoqarfiup ilaanut pilersaarummiittut atorneqarnerat sanaartorfigineqarnerallu, illoqarfiup ilaanut pilersaarummut siunnersuummi aalajangersakkanut assortuuttuunngippata aatsaat atorneqarsinaavoq. Pissutsinili allani aalajangersimasuni annikitsumik immikkut allannguuteqartitsisoqarsinnaavoq. Annertunerusumik allannguuteqartitsinissat aatsaat pisinnaapput illoqarfiup ilaanut pilersaarummik nutaamik sananikkut. Aamma imaanngilaq illoqarfiup ilaanut pilersaarummiittut nunaminertat, illut atortulersuinermulluunniit sanaartukkat pinngitsooratik sanaartorneqassasut. Maannakkut nunaminertanik, illunik atortulersuutinillu inatsisit malillugit atuineq nangittumik ingerlaannassaaq. Tamanna ilaatigut ima isumaqarpoq, nunaminertanik, illunik atortulersuutinillu inatsisit malillugit atuineq ingerlaannasasoq, nutaanillu sanaartortoqartillugu illoqarfiup ilaanut pilersaarusiorneq malinneqassasoq. Oqallititsineq akuerineqarneralu Illoqarfiup ilaanut pilersaarummut Siunnersuut 1C21-1, Sanamut Inissiat tamanut tusarniaassutigineqarnikuuvoq piffissami 14. november 2001-miit 27. december 2001-ip tungaanut. Piffissami tamatumani aamma kommunimut pilersaarummut tapiliussaq nr. 27, Sanamut Inissiat saqqummiunneqarnikuuvoq. Tusarniaassutigineqarnerata ingerlanerani Illoqarfiup ilaanut pilersaarummut oqaase qaatit akerliliissutillu aqqaneq-marluk imatut imaqartut tiguneqarsimapput: Februari 2002 Nuup Kommunea 7

8 Nassuiaat Illoqarfiup ilaanut pilersaarut 1C21-1 Sanamut inissiat Siunissami 3-5-nik quleriilinnik sanaartornissaq sumiiffimmi marluinnarnik quleriilimmut ingasappallaassasoq, kiisalu tamanna eqimasunik sanaartorfiulissasoq. Illut ingutserneqarneranut atatillugu Peqatigiiffiit Uumasut Ikinngutaat aamma Nuuk Shotokan Karate-Do Sulisut Peqatigiiffiat Mattut nunaminertanik imaluunniit ininik allanik innersuunneqartariaqaraluartut. Dronning Ingridip aqqutaanik kiisalu Sanavejimik atorunnaarsitsineq pisariaqanngitsutut isigineqarpoq, Tjalfesveji tamatumani angallaffioreeqimmat. Illoqarfiup ilaanut pilersaarutip nassatarissagaa inuutissarsiornermut atuarfiup siunissami allilerneqarnissaanut nunaminertamik naammattumik qulakkeerinnittoqarsinnaannginnera. Siunnersuutip nassatarisaanik B-288-ip naatsiivia annikillisinneqassaaq, kiisalu illuaqqamik sannataasivimmik ungalunillu illuartitsisoqarluni taakkulu tunngavigalugit aningaasanik taarsiissuteqartoqartariaqaraluartoq. Kommunalbestyrelsip ulloq 25. februar 2002 ataatsimiinnermini Illoqarfiup ilaanut pilersaarut 1C21-1, Sanamut Inissiat suliaraa imatullu oqaaseqaateqarluni: Qimminut inissiisarfiup allamut inissinneqarnissaa suliniutigineqassasoq. Aqquserngit nalilersuiffigineqassasut, pingaartumik Dronning Ingridip aqquserngata atorunnaarsinneqarnissaa tamatumani pissusissamisoortuunersoq pillugu. Siornatigut GTO-p illuutikuini B-1246 aamma B-239-mi inuutissarsiornermut ilinniarfimmik tassani pilersitsisoqarsinnaanera misissuiffigineqassasoq. Naatsiivimmik annikilliliinermi aningaasanik taarsiiffigitinnissaq sanaartortitsisup kiisalu B-288-imik piginnittup akunnerminni tamanna kisimik susassarigaat. Aammattaaq Kommunalbestyrelsip Illoqarfiup ilaanut pilersaarummut siunnersuut saqqummiunneqaqqaarneranit annertunerusumik allannguutitaqartinnagu akuersissutigaa. Sanaartorfimmi sanaartukkat portussusaat nikerartuussasut, taamaalillutik avatangiisinut naleqquttunngorlutik, tassami sanaartukkat portunersaat sanaartukkat qeqqanni inissinneqartussaammata. Illoqarfiup ilaanut pilersaarummi sanaartukkat eqimassusissaat hektarimi ataatsimi inissiat 60-it naleqqatigaat taamaalilluni Kommunimut pilersaarut Nuuk ip quleriinnik inissialiornermi maleruagassaanut nalinginnaasunut naapertuulluni. Sanaartortitsisoq qinnuigineqassasoq peqatigiiffiit sammisassaqartitsivittut atorsinnaasaannik sanaartorfimmi inissaqartitsinissaq piareersimaffigeqqullugu. Februari 2002 Nuup Kommunea 8

9 Aalajangersakkat Illoqarfiup ilaanut pilersaarutit 1C21-1, Sanamut inissiat Aalajangersakkat Nunaminertat atorneqartarnerat pilersaarusiorfigineqartarnerallu pillugit Namminersornerullutik. Oqartussat nalunaarutaat nr. 23, 18. november 1992-imeersoq naapertorlugu makku aalajangersarneqarput: 1 Illoqarfiup ilaanut pilersaarutip siunertaa 1.1. Illoqarfiup ilaanut pilersaarutip siunertaaraa: Peqqinnissaqarfimmut attuumassutillit sulisut inissaasa sanaartorneqarnissaat aammalu sullissiveqarfiit sanaartorneqarnissaat periarfississallugu. Ammasunik pilerinartunik, sumiiffimmi sanaartukkanut avatangiiserisanullu, tamaat isigalugu, naleqquttunik sanaartorneq pilersissallugu. Sumiiffiup tungaanut aqquserngit aalajangersaavigalugit angallannerullu isumannaatsumik pinissaa aalajangersarlugu. 2 Illoqarfiup ilaanut pilersaarusiorfik agguataarneralu 2.1. Illoqarfiup ilaanut pilersaarusiorfik killeqarfeqarpoq, illoqarfiup ilaanut pilersaarutip nunap assitaani takuneqarsinnaasutut imatullu agguataagaavoq: I: Peqqinnissaqarfiup inissiaatai II: Oasen III: Peqqissaanermik Illinniarfik IV: Ilaqutariit ataatsit illuat Tamanna 2,1 ha-p missaatut angissuseqarpoq. 3 Atorneqarnera 3.1. Sumiiffik I aamma II peqqinnissaqarfiup inissiaataanut atorneqassaaq atortorissaatit ilanngullugit Sumiiffik III suliffeqarfinnut atorneqassaaq, soorlu peqqinnissaqarfiup iluani ilinniartitaanermut siunertanut. 3.3 Sumiiffik IV ilaqutariit ataatsit illuannut atorneqassaaq, aamma tamassuma peqqinnissaqarfimmut attuumassuteqartuinnarnut atorneqarnissaa piumasaqaataanngilaq. 3.4 Kommunalbestyrelsip akuersissutigisinnaavaa illoqarfiup ilaanut pilersaarusiorfimmi inigisamut atatillugu suliffeqarfimmik pilersitsisinnaaneq, nalinginnaasumik inissiaqarfimmi taamaasiornissaq aatsaat sanilerisanut akornusersuinngippat. 4 Aqquserngit aqqusineeqqallu 4.1. Illoqarfiup ilaanut pilersaarusiorfimmi inissiat nutaat tungaannut aqquteqassaaq Sanavejimiit aamma Dronning Ingridsvejimiit, nunap assingani 1-mi takuneqarsinnaasutut Sanaartukkanut nutaanut biilit uninngasarfii sanaartorneqassapput nunap assingani 1-mi takuneqarsinnaasutut Pilersaarusiap immikkoortuata ilaani I-mi inissiat pingasut sananeqarpata biilinut unittarfiiit ikinnerpaamik marluk sanaartorneqassapput tunngaviusumik nunaminertat titartagartaq 1 ilanngunneqartoq malillugu P-mik nalunaaqqutserneqarsimasut malillugit. Februari 2002 Nuup Kommunea 9

10 Aalajangersakkat Illoqarfiup ilaanut pilersaarut 1C21-1, Sanamut inissiat 4.4. Peqqissaanermik Ilinniarfiup eqqaatigut biilinut unittarfiliornermi piareersimaffigineqassaaq qulakkeerneqarlunilu unittarfiup illup silataaniit piumasaqaatit malillugit ungasissuseqartinnissaa. 4.5 Dronning Ingridip aqqutaa sinnerlugu aqqusineeraliortoqassaaq titartagaq 1 a-b ilanngunneqartoq malillugu 2 meterinik silissusilimmik. 4.6 Sanavejimi biilinut kingaalatitsissummik sanasoqassaaq titartagaq 1 ilanngunneqartoq malillugu. 4.7 Dronning Ingridsvejip ilaani, illoqarfiup ilaanut pilersaarummi ilaasumi, biilertut sukkalisaarsinnaanerat pinaveersaartinniarlugu iliuuseqartoqarsinnaavoq. 4.8 Dronning Ingridip aqqutaani biilinut kingaallassimatitsissummik pilersitsinermi, Tjalfesveji ilaneqassaaq Tjalfesvejilu sinerlugu pisuinnarnut aqquserniortoqarluni. 4.9 Aqqusineeqqanut a b aamma c d atugassamik, nunap assingani 1-mi takuneqarsinnaasutut nunaminertamik 3 miiterisut atitutigisumik immiikkoortitsisoqarpoq. 5 Sanaartukkat initussusaat inissisimaffiallu 5.1. Sanaartorneq sanartorfissani nunap assingani 1-mi takuneqarsinnaasutut pissaaq. Sumiiffik I: Peqqinnissaqarfiup inissiaatai Sanaartorfissat A, B, D aamma E iluanni inissiat quleriit pingasuussapput sisamaallutillu, nunap assingani 1- mi takuneqarsinnaasutut Sanaartorfissami C-mi sanaartukkat sisamanik tallimanillu quleriiussapput, nunap assingani 1-mi takuneqarsinnaasutut. Sumiiffik II: Oasen 5.4. Sanaartorfissaq pioreersunik sanaartorfiusoq sumiiffik II quleriit marlunnut atugassatut immikkoortitaavoq, nunap assingani 1-mi takuneqarsinnaasutut. Sumiiffik III: Peqqissaanermik Illinniarfik 5.5 Sanaartorfissaq sanaartorfioreersoq sumiiffik III quleriit pingasunut atugassatut immikkoortitaavoq, nunap assingani 1-mi takuneqarsinnaasutut. 5.6 Sanaartorfissaq F nutaamik sanaartukkanut atugassaavoq, nunap assingani 1-mi takuneqarsinnaasutut. Sumiiffik IV: Ilaqutariinnut ataatsinut illu 5.7 Sanaartorfissaq sanaartorfioreersoq ataatsimik quleriiuvoq qaliaa atorneqarsinnaasoq, nunap assingani 1-mi takuneqarsinnaasutut. 5.8 Toqqavia pisariaqanngitsumik portutigissanngilaq, tamanna ima paasillugu, toqqavik portunerpaajussaaq nunap qaavaniit uuttorlugu 0,5 miiteritut. 5.9 Nunaminertaq sanaartorfiusoq annerpaamik 110 m 2 ussaaq, qui ilanngunnagu. 6 Sanaartukkat silatimikkut issikkuat Sumiiffik I: Sanamut inissiat 6.1. Sumiiffimmi sanaartukkat qisunnik sanaartukkatut isikkoqassapput Februari 2002 Nuup Kommunea 10

11 Aalajangersakkat Illoqarfiup ilaanut pilersaarut 1C21-1, Sanamut inissiat imaluunniit tamatumunnga assingusumik Illup ilaa annikitsoq aammalu illup sannaata ilaa betonimik, qammassissiamik ujaqqamilluunniit silataa qallerneqarsinnaavoq Illup ilaa soorlu majuartarfeqarfiit torsuusallu igalaamineq, saavimineq qisulluunniit atorlugit sanaajussapput. 6.4 Qaliaasa silataat 7 -tut uinganeqassapput pappialarsuarmillu qernertumik qalligaallutik Tamaani sanaartukkat annermik qaamasunik qillertunillu qalipaateqartinneqassapput. Sumiiffik II: Oasen 6.6. Tamaani sanaartukkat assigiiaartumik isikkoqassapput taamaattumik sumiiffimmi II-mi sanaartukkat assigiissaartumik ilusilersugaassapput Tamaani sanaartukkat qisummik qalipanneqarsinnaasumik qalligaassapput imaluunniit qaavi pladinik qisumilluunniit qalligaallutik Qaliaasa qaavi illuata tungaannaanut si-vingasut qaliat qaavinut atortussanik qernertunik qalligaassapput. Sumiiffik III: Peqqissaanermik Illinniarfik 6.9. Sanaartorfissami tamaani sanaartukkat pioreersullu pingaartumik qisummik qalipanneqarsinnaasumik qalligaassapput imaluunniit pladinik qisunnik ilallugu qallersorneqassallutik Tamaani nutaamik sanaartukkat qisummik qalligaassapput Nutaamik sanaartukkat qaavi annikitsumik atortussiat allat atorlugit sanaajusinnaapput Qaliaasa silataat 7 -tut uinganeqassapput pappialarsuarmillu qernertumik qalligaallutik. Sumiiffik IV: Ilaqutariit ataatsit illuat Tamaani sanaartukkat qaavi qisummik qaaqassapput Qaliaasa qaavi assigeeqqissaamik uinganeqassapput 45 -it missaanni, qernertumillu qallerneqarlutik. 7 Nunagissaaneq 7.1 Sanaartornerup atortulersuusersuinerullu nalaani sapinngisamik nuna mianersuunneqassaaq. Nuna innarlerneqarpat innarligaq iluarsaanneqassaaq. 8 Nunaminertat sanaartorfiunngitsut 8.1 Nunaminertat sanaartorfiunngitsut uninngatitsivigeqqusaanngillat. 9 Teknikikkut atortulersuutit 9.1 Illuliat nutaat tamarmik sarfamut, imermut kuuffissuarnullu attavilerneqassapput. 9.2 Imeq nunap qaavatigoortoq kuffissuartigut kuutsinneqassanngilaq, kisianni kussinertigut, pisortat pigisaasigut kuutsinneqassalluni, illunut sanilerisanut akornusersuutaanngitsumik. 9.3 Teknikkikkut pilersuineq soorlu kuuffissuit, sarfap aqqutai aammaluerngup aqqutai nunap iluatigoortinneqassapput. Februari 2002 Nuup Kommunea 11

12 Aalajangersakkat Illoqarfiup ilaanut pilersaarut 1C21-1, Sanamut inissiat 9.4 Sanaartukkat kiassarnermut aalajangersimasumik sarfamut attavilerneqassapput. 9.5 Illoqarfiup ilaanut pilersaarusiorfiup iluani parabolantenne ataaseq ikkunneqarsinnaavoq, tamaani najugallit tamarmik atorsinnaasaat, imaluunniit peqatigiiffiliorluni antennimik peqartoqarsinnaavoq. 9.6 Sakkortusaaviit pisariaqartitsineq naapertorlugu Nukissiorfiillu isumasioqatigalugit pilersinneqassapput. Illoqarfiup ilaanut pilersaarut nr. 1C3-1 sanaartukkat inissiat sullissiveqarfiunerusut peqqinnissaqarfimmut attuummassutillit atorunnaarsinneqarpoq (tamanut saqqummiunneqartoq 30. maj 1990), Sanamut inissiat. Illoqarfiup ilaanut pilersaarut 1A2-1, Niels Hammekensvej atorunnarsinneqarpoq (tamanut saqqummiunneqartoq 13. september 1989), illoqarfiup ilaanut pilersaarummut 1C21-1- mut ilaasoq, Sanamut inissiat 9.7 Ledninginik pioreersunik allanngortitsineq pissaaq ledninginik piginnittoq suleqatigalugu. 10 Avatangiisinut tungasut Sanaartukkat aallartinnginnerini avatangiisinut akuersissummik piniartoqaqqaassaaq, tamaani pilersaarutaasutut inissialiassat silaannakkut Sanamiit putsumik mingutsinneqannginneranik uppernarsaatissatut atugassamik 11 Sanaartukkat nutaat atulernissaannut piumasaqaatit Pilersaarusiap immikkoortuata ilaani I-imi sanaartukkat atulersinnagit 4.3- mi biilinut unittarfissat taaneqartut 4.5-mi aqqusineerassaq taaneqartoq kiisalu 4.6-imi biilinut kingaalatitsissutissaq sanaartorneqareersimassapput. ved 1C2 Sana 1C21 Del af lokalplan 1A2-1, der ophæves med vedtagelsen af lokalplan 1C21-1, boliger Lokalplan 1C3-1 Lokalplan 1A2-1 Del af lokalplan 1C3-1, der ophæves med vedtagelsen af lokalplan 1C21-1, boliger ved Sana 12 Illoqarfiup ilaanut pilersaarummik atorunnaarsitsineq Illoqarfiup ilaanut pilersaarutip 1C2-1 akuersissutigineqarluni tamanut saqqummiunneqarnera, Sanamut inissiat: Februari 2002 Nuup Kommunea 12

13 Akuersissutip atsiornera Illoqarfiup ilaanut pilersaarut 1C21-1, Sanamut inissiat Akuersissutigineqarnerata atsiornera Nuup Kommuneani Kommunalbestyrelsip ulloq 25. februar 2002 matumuuna Illoqarfiup ilaanut pilersaarut 1C21-1, Sanamut Inissiat inaarutaasumik akueraa Nuup Kommunea ulloq 22. august 2002 Sign. Sign. Agnethe Davidsen / Kim Hvistendahl Borgmester Pisortaagallartoq Tamanut saqqummiunneqarpoq ulloq 28. august 2002 Februari 2002 Nuup Kommunea 13

14

15

16