Ilinniartitsisut Meeqqat Atuarfianneersut Kattuffiat IMAK-imi. Siinniisoqarfiup ataatsimiinnera Hotel Icefiord Ilulissat

Transkript

1 Ilinniartitsisut Meeqqat Atuarfianneersut Kattuffiat IMAK-imi Siinniisoqarfiup ataatsimiinnera 2009 Hotel Icefiord Ilulissat

2 Ullormut oqaluuserisassat 1. Ataatsimiinnerup ammarneqarnera aqutsisussamillu toqqaaneq 2. Suleriaaseq 3. Siulittaasup nalunaarutaa 4. Naatsorsuutit imi isumaqatigiinninniutissatut siunnersuutit 6. Tunngaviusumik immikkullu iliuuseriniakkatut pilersaarut 7. IMAK-ip malittarisassaasa ilaanik allannguutissatut siunnersuutit Siulersuisut 8. Siunnersuutit tigooqqarneqartut 1. Marius Frederiksen, atorfeqarnermi toqqissisimaneq 2. Marius Frederiksen, Ilinniartitsisut isigineqartarneri 3. Marius Frederiksen, kommunerujussuanngornerup kingorna atorfeqarnermi allagartat 4. Bjørn Jokumsen, EDB-imi fagip immikkoortinneqalernissaa 5. Johanne Dahl, immikkut annertusisamik atuartitsisarneq 6. Mala Kúko, atuartitsisut ilinniartitsisutut ilinniartitaanissai 7. Mala Kúko, tatigisatut sinniisut sakkusai 8. Karen Karlsen, ilinniartitsisut pisussaaffiisa killilersorneri 9. Fia Kriegel aamma Jutho Fly Wilche, eqimattakkuutaanik atuartitsinermi misilittakkat 10. Fia Kriegel aamma Jutho Fly Wilche, atuartut atuakatattut misissorneqarnissaat 11. Fia Kriegel aamma Jutho Fly Wilche, ilinniartitsisut tamatigoortumik sulisartut 11.a Siulersuisut, ilinniartitsisut tamatigoortumik sulisartut pillugit ataatsimoorussamik isumaqatigiissutissatut siunnersuut 12. Cecilie Vahl, Atuarfitsialak pillugu naliliineq 13. Cecilie Vahl, atuartut nunani allaneersut tikeqqaarneranni atuartitsineq 13.a Siulersuisut, atuartut kalaallisut oqaaseqanngitsut pillugit ataatsimoorussamik isumaqatigiissutissatut siunnersuut 14. Abigael Lennert, ilinniartitsisut kollegianik nakkutilliisut ataatsimiisinneqarnissaat 15. Siulersuisut, imminut nalilersortarneq 9. Missingersuutit ukiumilu tulliuttumi ilaasortaanermi akiliutip aalajangiiffiginera 10. Naatsorsuuserisunik isornartorsiuisinnaasunik taakkulu sinniisissaannik toqqaaneq 11. Siulittaasumik toqqaaneq 12. Tamalaat Ataatsimiinnerup ingerlanissaa Sapaat 19. april 2009 Nal Sinniisut ataatsimiinnerat Nal Sinniisut ataatsimiinnerat Nal Sinniisut ataatsimiinnerat Ataasi. 20. april 2009 Nal Sinniisut ataatsimiinnerat Nal Sinniisut ataatsimiinnerat Nal Sinniisut ataatsimiinnerat Marlu. 21. april 2009 Nal Sinniisut ataatsimiinnerat Nal Sinniisut ataatsimiinnerat Nal Nereqatigiinneq Ilulissat april 2009 Qupperneq 2

3 1. Ataatsimiinnerup ammarneqarnera aqutsisumillu toqqaaneq Sivso Dorph-ip sinniisut 2009-imi ataatsimiinnerat sapaammi 19. april nalunaaqutaq ammarpaa. Siulersuisut imaqarniliortussatut Birgithe Geisler toqqarsimavaat. Siulersuisut sinnerlugit siulittaasup Mikkel Michelsen aqutsisussatut siunnersuutigaa. Mikkel Michelsen aqutsisussatut toqqarneqarpoq. Mikkel Michelsen-ip toqqarneqarnini qujassutigaa sinniisoqarfiullu ataatsimiinnissaata nalunaarutigineqarnera IMAK-ip malittarisassai naapertorlugit pisimasoq taamaalillunilu ataatsimiinnissaq pissusissamisut nalunaaarutigineqarsimavoq ataatsimeeqataasussanillu aggersaasoqarluni. 2. Suleriaaseq Siulersuisut suleriaasissatut siunnersuutaat tamanit akuerineqarpoq. (Ilanngussaq takuuk) Tamatuma kingorna taasisunit kisitsisartussat sisamat toqqarneqarput: Marie Larsen, Jutho Wilche Fly, Fia Kriegel aamma Marius Frederiksen. 3. Siulittaasup nalunaarutaa Siulittaasup nalunaarusiani saqqummiuppaa ilanngussaq takuuk. KANUKOKA-mi siulittaasup kattuffiup inuulluaqqussutaa annguppaa. Ilanngussaq takuuk. Sivso Dorph-ip suleqatigiinneq qujassuteqarfigaa KANUKOKA-millu meeqqat kaattut pillugit ingerlatsivinni pisortat KANUKA-p ataatsimeeqateqarnissaa tunngavigalugu ataatsimeeqateqarnissi kissaatigalugu. Erik Hammeken-ip, AK-meersup, aggersarneqarnertik qujassutigaa tamannalu nuannaarutigalugu kattuffiillu ataatsimuulernissaannik tunngaveqartorujussuummat suleqatigiinnissaq pingaaruteqarluinnarnerarlugu. Aningaasat immikkoortinneqartartut AK-p aamma ajornartorsiuteqarfigisorujussuvai tamannalu siunissami suleqatigiissutigineqassalluni. Siulersuisut sinnerlugit sinniisoqarfimmi ilaasortat ataatsimiilluarnissaannik kissaappai. Sivso Dorph-ip suleqatigiinneq aamma qujassutigaa. SDO neriuppoq immikkut aningaasaliissutaasartut pillugit ataatsimoorussamik siunissami isumaqatigiissusiorsinnaassallutik. Lotte Lange, DLF, aggersarneqarnerminnut qujavoq. Ilanngussaq takuuk. SDO: IMAK-ip DLF-illu suleqatigiinnissat suli pisariaqartorujussuvoq. Aqutsisup nalunaarusiap agguaanneqarnissaa piumasaraa, taamaalillutik peqataasut itinerusumik paasisaqarfigisinnaaniassammassuk. Aqutsisup nalunaarusiaq siunnersuutillu tigooqqarneqarsimasut qanoq suliarineqassanersut eqqarsaatigisimasani nassuiarpai. Aqutsisup suleriaasissaa pillugu oqaaseqartoqanngilaq. Aqutsisup sinniisoqarfiup ataatsimiinnera nal p tungaanut unikkallartoq nalunaarutigaa Siulittaasup nalunaarutaata agguataarneqarnera: Pamersaanermut tunngasut Allaganngorlugu nalunaarut qupperneq Atuarfiit - illuutai 4 1 Oqaasinngorlugu nalunaarut qupperneq Siunnersuut nr. Siunnersuut uannga saqqummiunneqarpoq Imarisai Ilinniartitsisoqarneq 4 6 Malo Kúko Atuartitsisut ilinniartitsisunngorniarlutik ilinniartitaanerat - meeqqat atuarfiat pillugu peqqussut Atuarfitsialak Cecilie Vahl Atuarfitsialak pillugu naliliineq Ilulissat april 2009 Qupperneq 3

4 - atuarfitsilaap tunngavigisai 2 - atuarfiup angerlarsimaffiullu suleqatigiinnerat - atuartoq ilinniartitsisoq imminut nalilersortarneq 15 siulersuisut Imminut nalilertarneq - atuartut kalaallisut oqaaseqanngitsut 13a Siulersuisut (ataatsimoorussamik isumaqatigiissut) Atuartut kalaallisut oqaaseqanngitsut - atuartut nunanit allaneersut 13 Cecilie Vahl Atuartut nunanit allaneersut - ilinniartitsisut tamatigoortumik sulisartut 2 11 Fia Kriegel, Jutho F Wilche Ilinniartitsisut tamatigoortumik sulisartut - pisortaq 6-7 Meeqqat atuarfianni marluinnik oqaaseqarlutik atuartut nunatsinnilu 5 efterskolit 11a Siulersuisut (ataatsimoorussamik isumaqatigiissut) Ilinniartitsisut tamatigoortumik sulisartut Qarasaasialerinermik atuartitsineq 5 4 Bjørn Jokumsen EDB-ip immikkut fagitut atuartitsivigineqalernissaa Meeqqat atuarfianni naalasseriitunik ajornartorsiuteqartarneq 6 Meeqqat eqqissiveqanngitsut 6 10 Fia Kriegel Jutho F Wilche Atuartut atuakatattut misissuiviginissaat Immikkut atuartitsineq/ annertusisamik atuartitsineq PPR 7 Illiniarfissuaq / Inerisaavik / Ilimmarfik Johanne Dahl Immikkut annertusisamik atuartitsineq Sulinermut tunngasut Pikkorissanerit pilersaarusiarineqarneri 7 Akuerisassatut siunnersuut 14 Abigael Lennert Ilinniartitsisut kollegiani nakkutilliisut Akuerisassatut siunnersuut 9 Fia Kriegel Jutho F Wilche Eqimattakkuutaanik atuartitsinerup misilittagaqarfiginera Allaganngorlugu nalunaarusiaq Qupperneq Oqaasinngorlugu nalunaarusiaq qupperneq Sullivimmi avatangiisit Siunnersuut nr. Siunnersuut uannga saqqummiunneqarpoq Karen Karlsen Marius Frederiksen ØP-ip qaffanneqarnera 9 Isumaqatigiinniarnermit 9 8 Immikkut aningaasaliissutit 10 8 Piffissaq suliffiusartoq 9 Sammisassatut pilersaarutit 11 u - Piffissap suliffiusussap unioqqutinneqartarnera 12 - aningaasarsiat kukkusut 12 Suleqatigiissitat 12 9 IMAK-ip sulinngiffeqarnermi aningaasaateqarfia 12 Atuartitsisup aningaasaateqarfia 13 Pensionisianut tunngasut 13 Nunatsinni akit inerikkiartornerat 13 Tunngavik iliuuseqarnerlu Akuerisassatut siunnersuut 9 Akuerisassatut siunnersuut 2 Marius Frederiksen Imarisai Ilinniartitsisut pisussaaffii Ilinniartitsisut amerlavallaartut isigi- Ilinniartitsisut neqarnerat Ilulissat april 2009 Qupperneq 4

5 Kattuffimmut tunngasut Kalaallit Nunatsinni kattuffiit siunissami suliffeqarfinnik suleqarteqarnissaat Allaganngorlugu nalunaarut Qupperneq Oqaasinngorlugu nalunaarut qupperneq Siunnersuut nr. Siunnersuut uannga saqqummiunneqarpoq Marius Frederiksen Imarisai Atorfeqarnermi uppernarsaatit Ilaasortat Siulersuisut 18 TR- pikkorissarnerit Mala Kuko TR- sakkussat pisariallit Kommunerujussuit, ingerlatsinermi allannguutit 11 Tunngavissat iliuusissatullu pilersaarutit naapertorlugit 19 siulersuisut sulinerat Aningaasaqarneq Allattoqarfik 20 Danmarks lærerforening Nordiske Lærerorganisationers samråd 20 NLS lederforum 24 Sullivinni avatangiisit/sullivinnik nakkutilliisoqarneq 25 ICC 25 Kattuffiit allat 26 Isumaqatigiinninniarnerit centerlederit pillugit isumaqatiginninniussisinnaatitaaneq 27 KANUKOKA 11 KIIIN FTF aamma LC 28 GA Paamersaanermut tunngasut. Immikkoortoq: atuarfiit - illutai Immikkoortoq: ilinniartitsisoqarneq Siunnersuut nr. 6: atuartitsisut qaffanneqarneri. Mala Kuko Fia Kriegel Mala Kuko sinnerlugu: Ilinniarfissuarmi ilinnialernissamik piumasaqaatit allanngorput; Ilinniarfissuarmi ilinniartunngorniaraanni ilinniarnertuutut misilitseqqaartoqartariaqarpoq. ilinniartitsisussaaleqineq anigorniarlugu atuartitsisut Ilinniarfissuarmi ilinnialernissaminnut periarfissiuunneqarsinnaapput. SDO: siunnersuut suli atuuppoq. Atuartitsisut piginnaasaat amerlisarneqartariaqarput Ilinniarfissuarmi ilinniartunngorniassammata. Siunnersuut nr. 6 akuerineqarpoq Siunnersuut nr. 12: Atuarfitsialak pillugu naliliineq. Cecilie Vahl Cecilie Vahl: Atuarfitsialak ukiuni arlalinni atuutereerpoq ataatsimiinnernilu arlalinni Atuarfitsiliaap nalilerneqarnissaa piffissanngorsorinartoq. SDO: nalilersuinissaq siulersuisunit taperserneqarpoq. IMAK-i kisimiilluni nalilersuissanngilaq KIIIN aamma KANUKOKA suleqatigalugit nalilersuisoqassaaq. Inerisaavik nalilersuinermi peqataatinneqassaaq aamma, tamannalu peqqutigalugu siulersuisut allannguutissatut siunnersuummik nassiussissapput. Cecilie Vahl: allannguutissatut siunnersuut akuerivaa, siunnersuut sorpassuarnik imaqarmat. Merete Smith-Sivertsen: atuartut tamarmik Atuarfitsialak naapertorlugu atuartinneqarnikuunngillat. Tamanna nalilersuinermi maluginiaqquneqarpoq. Siunnersuut nr. 12 akuerineqarpoq. Ilulissat april 2009 Qupperneq 5

6 Immikkoortoq: Atuarfitsialaap tunngavissai Immikkoortoq: atuarfiup-angerlarsimaffiup suleqatigiinnerat Immikkoortoq: atuartoq Immikkoortoq: ilinniartitsisoq Siunnersuut nr.15: imminut nalilersortarneq. Siulersuisut SDO: IMAK-ip nunat avannaamiut suleqatigiiffianni ataatsimiinnermi peqaanera tunngavigalugu nunani avannarlerni imminut nalilersortarneq atorneqartoq ilinniartitsisunut ataasiakkaanut atuartitsinerullu pitsaassusaanut iluaqutaasarmat, IMAK-ip eqqartorsimavaa innersuussutigalugu periuseq maani aamma atorneqalissasoq. Erik Christiansen: Inerisaavimmi imminut nalilersortarnermik taallugu pilersaarut massakkut suliarineqarpoq tamannalu suleqatigiissutigineqarsinnaavoq. Merete Smith-Sivertsen: Suna nalilersorlugu? SDO: ilinniartitsisoq aallaavigineqassaaq, nammineq atuartitsinermini periutsinik pitsanngorsaanissaa anguniarlugu imminut nalilersuisoqartassaaq. Lise Svenningsen Horsfeldt: Allanik nalilersuineq pitsaasumik misilittagaqarfigaa. SDO: Ilinniartitsisoq nammineq siullertut eqqarsaatigineqarpoq, allanilli suleqateqartarnissaq ammaffigineqarpoq; assersuutigalugu suleqatit nammineq tatigisat/ toqqissisimaffigisat suleqatigineqarsinnaapput. Siunnersuut akuerineqarpoq Siunnersuut nr. 13: Atuartut nunani allaneersut atuartinneqartarnerat. Cecilie Vahl SDO: Atuartut arlallit Kalaallit Nunaannut tikittalerput sivikitsumillu nunatsinniittussaasarlutik. Atuartut taakku, sivikitsumik nunatsinniinnissartik peqqutigalugu kalaallit oqaasiinik ilinniarnissaminnik immaqa soqutigisaqanngilluinnartut, ilinniartitsisut nukippassuarnik atuiffigisarpaat. Allat sivisunerusumik nunatsinniittussat toqqaannartumik klassinut ilanngutsinneqartarput ilitsersuunneqaqqaaratik; tamatuma kingunerisaanik atuartitsinermi ilinniartitsisut atuartullumi tamarmik sunnerneqartarput. Klassinik tigooqqaaviusinnaasunik pilersitsisoqaraluarpat ilinniartitsisumik atuartumillu iluaqutaalluassaaq. Cecilie Vahl-ip siunnersuutaa kommunenut sammisuuvoq, siulersuisulli inatsisiliortut saaffigineqarnissaat aamma kissaatigaat, tassa imaappoq; inatsisartut partiillu saaffigineqassapput, inatsit atuuttoq naapertorlugu tamanna periarfissaqanngimmat. Tamanna tunngavigalugu siulersuisut allannguutissatut siunnersuummik saqqummiipput, tamatuminnga imalimmik. Cecilie Vahl-ip siunnersuunni saqqummiuppaa. Lise Svenningsen Horsfeldt: Atuartut DK-meersuunersut nunaniilluunniit allaneernersut danskisut oqalussinnaanngitsuneernersut assigiinngissutaasarpoq. Taamatut aaqqiineq kingunnermut immaqa taamaallaat atuussinnaassaaq. Erik Christiansen: Danskisut oqaasillit nunaniillu allaneersut immikkoortinneqaquttuussapput. Ilulissat april 2009 Qupperneq 6

7 Cecilie Vahl: Siunnersuutitsinni atuartut nunanit allaneersuunerusut danskisut oqaaseqanngitsut pineqarput. Paul Raahauge: atuartoq danskisut oqaaseqartorluunniit illoqarfimmut tikissimagaangata ajornartorsiutit takkuttarput. Atuartut ilinniartitsisullu atugarisaat eqqarsaatigineqartariaqarput. Titus Berthelsen: Cecilie Vahl-ip siulersuisullu siunnersuutaat imminnut attuumassuteqarput. Atuartut nunanit allaneersut atuartullu danskisut oqaasillit assigiimmik ajornartorsiutinik pilersitsisarput. Cecilie Vahl-ip siunnersuunni tunuartippaa. Siulersuisut allannguutissatut siunnersuutaat akuerineqarpoq. Siulersuisut ataatsimoorussamik isumaqatigiissutissatut siunnersuutaat akuerineqarpoq. Siunnersuut 11: ilinniartitsisut tamatigoortumik sulisartut. Fia Kriegel aamma Jutho Fly Wilche Fia Kriegel: ilinniartitsisut tamatigoortumik sulisartut pillugit siunnersuut saqqummiuppaa. SDO: Siulersuisut siunnersuummik tapersersuipput. Marius Frederiksen: Siunnersuut saqqummiunneqarmat nuannaraa. Lise Svenningsen Horsfeldt: Tamanna pisariaqarpoq. Siulersuisunit ataatsimoorussilluni isumaqatigiissutitut siunnersuut. SDO: nukigut atuartitsinitsinnut atortuugutsigit atuarfimmik kivitseqataasinnaapput. Erik Christiansen: Faglæreritut fagini ataasiinnarmik ilinniartitsisartutut sulissaagut? SDO: Fagini pikkorluffigisatsinni atuartitsiniarnitsinni suut pilersittarpavut? Fagit pikkorluffigisagut ilinniartitsisuuffigisinnaanagit itigartitsinnaasariaqarpugut. Siunnersuut akuerineqarpoq. Ilinniartitsisut tamatigoortumik sulisartut pillugit ataatsimoorussamik siulersuisut siunnersuutaat tusagassiutinut, inatsisartunut, naalakkersuisunut, partiinut KANUKOKA-mullu nassiunneqartussaq akuerineqarpoq. Immikkoortoq: Pisortaq Cecilie Vahl: Siulersuisut oqaaseqaatai iliuuserisaalu tapersersorpai. Merete Smith-Sivertsen: atuarfimmi pisortat quppersagaat IMAK-ip nittartagaanut ilissallugu isumassarsiatsialaava? SDO: pisortap quppersagaata suliarineqarnerani arlallit, Inerisaavimmiit, KANUKOKA-miit IMAK-imiillu peqataapput, sulisulli paarlagaannerat peqqutaalluni sulineq uninngagallarpoq. pisortap quppersagaata nittartakkamut ilineqarnissaa pillugu IMAK KANUKOKA-mut saaffiginnilersaarpoq. Titus Berthelsen: Pisortaq kisimi pineqarnerluni imaluunniit taassuma tullersortaa aamma eqqarsaatigineqarnerluni? Merete Smith Sivertsen: ilinniartitsisut kisiisa siunertaralugit imaluunniit pisortat aamma eqqarsaatigalugit suliarineqarsimanerluni. SDO: Atuarfinni pisortat ilinniartitaaneri eqqarsaatigalugit pisortat, inspektørit, viceinspektørit afdelingslederillu ilanngullugit suliarineqarpoq. IMAK-i pisortat pillugit taamaallaat suliaqanngilaq. DK-mi pisortat peqatigiiffiat atuarfinni pisortat pitsaasumik aqutsineranni malittarisassaannik suliaqareerpoq, taannalu Kalaallit Nunaanni aallaavigineqarsinnaalluarpoq. Immikkoortoq: Meeqqat atuarfiini marluinnik oqaaseqarlutik atuartut nunatsinnilu efterskolit Ilulissat april 2009 Qupperneq 7

8 Immikkoortoq: Qarasaasialerinermik atuartitsineq Siunnersuut 4: EDB immikkut fagitut atuartitsivigineqalernissaa Bjørn Jokumsen Bjørn Jokumsen sinnerlugu Paul Raahauge-p siunnersuut saqqummiuppaa. SDO: qarasaasiaq sakkutut atorneqartassasoq peqqussummi allassimasoqarpoq. Tamannali suli piviusungunngilaq, Inerisaavik quppersagaaqqamik saqqummersitsereerpoq; tassani qarasaasialerineq pillugu ilitsersuuteqarpoq. IMAK Inerisaavimmut saaffiginnissaaq taanna aammaarluni nassiussuuteqqullugu. Taamaattumik siunnersuusiortup siunnersuumminik tunuartitsinissaa siulersuisut kajumissaarutigaat. Siunnersuut tunuartinneqarpoq Immikkoortoq: meeqqat atuarfianni naalasseriittunik ajornartorsiuteqartarneq Immikkoortoq: meeqqat eqqissiveqanngitsut Siunnersuut 10: Meeqqat atuakatattut misissuiffigineqarnissaat. Fia Kriegel aamma Jutho Wilche Fly Jutho Wilche Fly-p siunnersuut saqqummiuppaa. SDO: Nuummiinnaq atuartut eqqissiveqanngitsut naammattuugassaaneq ajorput, sinerissalli sinnerani illoqarfinni tamani aamma naammattuugassaasarput. Misissuineq taamaattoq akisoorujussuusussaavoq nukippassuarnillu atuiffiusussaassalluni. Taamatut misissuinissaq siulersuisut ilalerpaat tamannalu tunngavigalugu MIPI-p misissuinissaa anguniarlugu allannguutissatut siunnersuummik siulersuisut saqqummiussipput. Fia Kriegel aamma Jutho Fly Wilche taanna peqqutigalugu siunnersuumminnik tunuartitsipput. Titus Berthelsen: MIPI aamma IMAK tamatuminnga suleqatigiittariaqarput. SDO: eqqartugaq imartoorujussuuvoq nukippassuarnillu atuiffiusussaassalluni. Misissuineq IMAKip akuerissappagu aningaasarpassuit tassunga atorneqartussaassapput. Siulersuisut allannguutissatut siunnersuutaat akuerineqarpoq.. Immikkoortoq: Immikkut atuartitsisneq/ annertusisamik atuartitsineq Siunnersuut nr. 5: Annertusisamik atuartitsineq, Johanne Dahl Johanne Dahl-ip siunnersuut saqqummiuppaa. Lise Svenningsen Horsfeldt: Ilinniarfissuarmi ilinniartitsisunngorniat atuartunik taamaattunik qanoq sullissisarneq ilisimaneqalerniassammat eqqussisoqartariaqarpoq. Annertusisamik atuartitsinermi nalunaaquttap akunneri atuartumik malinnaatinneqartariaqarput. Fia Kriegel: Tarnip pissusaanik immikkut ilisimasalimmik misissuinissaq sivisuallaamik utaqqineqartarpoq. Ilinniartitsisunngorniat Ilinniarfissuarmi ilinniartut akornanni speciale C-mik taaneqartartoq maluginiarneqalersimavoq, tamatumalu kingunerisaanik ilinniartut amerliartortut taassuminnga toqqaasalerput. Nikoline Cortsen: Siunnersuut taperserpaa annertusisamik atuartut nunaqarfinnut tikeraartarmata sapinngisarput naapertorlugu taakkunannga atuartitsiniartarpugut. Johanne Dahl: Ilinniartitsisut paarlakaappallaarisa kingunerisaanik atuartut ajornartorsiutillit arajutsineqartarput. Merete Smith-Sivertsen: Atuartut akuerineqareeraluartut atuarfimmi nalunaaquttap-akunneri atuiffiusussat tunniunneqarneq ajorput, aningaasaliissutit nungussimasarmata. Marius Frederiksen: Atuartut illoqarfimmiit illoqarfimmut nuuttartut suleriaaseq allanngortittariaqarpoq. Ilulissat april 2009 Qupperneq 8

9 SDO: Eqqartugaq oqallisigineqarusuttorujussuusoq malunnarpoq. Siulersuisut siunnersuut taperserpaat. Aningaasaqarnermut naalakkersuisup ataatsimeeqatiginerani suliaq taannarpiaq eqqartorparput, kommunenit pineqartoq tiguneqartussaammat aningaasanik immikkoortitsisoqarsimanngilaq! Siunnersuut sinniisoqarfimmit taperserneqarnissaa siulersuisut inassutigaat Siunnersuut nr. 5 akuerineqarpoq. Immikkoortoq: PPR:. Immikkoortoq: Ilinniarfissuaq / Ilimmarfik. Immikkoortoq: Pikkorissarnerit pilersaarusiorneqartarneri. Siunnersuuut nr. 14: Ilinniartitsisut kolligianik nakkutilliisut ataatsimiisinneqarnissaat. Abigael Lennert Abigael Lennert-ip siunnersuut saqqummiuppaa. SDO: Ilinniartitsisut kolligianik nakkutilliisut kisimik ataatsimiisinneqarnissaminnik pisariaqartitsinngillat, ilinniartitsisut siunnersuisartut il.il. tamatuminnga aamma pisariaqartitsipput. Taamaattumik siulersuisut allannguutissatut siunnersuummik saqqummiussipput; ilinniartitsisut immikkut suliaqartartut ataatsimiisinneqarnissaminnik periarfissarsiuunneqarnissaat sulissutigineqassaaq. Abigael Lennert-ip tamanna tunngavigalugu siunnersuunni tunuartippaa. Stephen P. Andersen: Nunaqarfinni ilinniartitsisut aamma eqqarsaatigineqartariaqarput. Marius Frederiksen: Stephen-ip siunnersuutaa taperserpaa. Merete Smidt-Sivertsen: Nunaqarfinni ilinniartitsisut ilinniartitsisut kolligiani nakkutilliisut angajoqqaat aamma eqqarsaatigineqartariaqarput. SDO: Kikkut tamat immikkut suliaqartut, nunaqarfinni atuarfinni pisortat ilanngullugit, ataatsimiisinneqarnissaminnik pisariaqartitsisut malunnarpoq. Angajoqqaat matumani eqqarsaatigineqanngillat. Siulersuisut allannguutissatut siunnersuutaat akuerineqarpoq. Siunnersuut nr. 9: Eqimattakkuutaarluni atuartitsinermi misilittakkat. Fia Kriegel aamma Jutho F Wilche Fia Kriegel-ip siunnersuut saqqummiuppaa. SDO: Eqimattakkuutaanik atuartitsineq misilittagaqarfiusoq misissuiffigineqartariaqartoq malunnarpoq, siunnersuullu IMAK-ip misissuinissaa kissatigineqartoq malunnarluni. IMAK-i misissuisinnaanngimmat siulersuisut allannguutissatut siunnersuummik saqqummiipput; tassani IMAK-ip Inerisaavik misissuissasoq qinnuigassagaa allassimavoq. Fia Kriegel-ip aamma Jutho Fly Wilche-p tamanna tunngavigalugu siunnersuutik tunuartippaat. Siulersuisut allannguutissatut siunnersuutaat akuerineqarpoq Paamersaanermut tunngasut akuerineqarput. Ilulissat april 2009 Qupperneq 9

10 Sulinermut tunngasut: Immikkoortoq sullivimmi avatangiisit Siunnersuut 8: Ilinniartitsup pisussaaffii. Karen Karlsen Karen Karlsen-ip siunnersuut saqqummiuppaa. SDO: Karen Karlsen-ip siunnersuutaa sorpassuarnik imaqarpoq taakkulu malittarisassiornissaat ajornakusuussaaq, taamaattorli siulersuisut atuarfinni tamani taassuminnga eqqartuisarnissaq kajungissaarutigaat. Siulersuisut ilaasortaminnik ataatsimiisitsisarnerminni taanna aamma eqqartortarniarlugu pilersaarput. Merete Smith-Sivertsen: Paamersaaneq perorsaanermut aamma atavoq. Paul Raahauge: Ilinniartitsisuuvugut paamersaasuunata. Siunnersuut akuerineqarpoq Siunnersuut 1: ilinniartitsisut amerlavallaat. Marius Frederiksen Marius Frederiksen-ip siunnersuut saqqummiuppaa. SDO: Siulersuisut uannga eqqartukkamik sivisulaamik eqqartuipput. Sulisoqarpallaartoqartillugu soraarsitaasoqarsinnaanera ilimagineqarsinnaavoq. Siulersuisut Qaasuitsup Kommuniani borgmesterimik aaqqiissutaasinnaasut pillugit ataatsimeeqatiginninniarlutik neriorsuipput, ataatsimiinnermi kommunip iluani nuutitsisinnaaneq eqqaaneqassaaq aningaasartuuteqanngitsumillu uterluni nuussinnaaneq aamma eqqaaneqassasoq neriorsuutigineqarluni. Siulersuisut neriorsuinerat Qeqertarsuarmilu atorfilittanik eqqartuinissamik neriorsuinerat tungavigalugu Mariusip siunnersuunni tunuartippaa Immikkoortoq: ØP-ip qaffanneqarnera Immikkoortoq: isumaqatigiinninniarnerit Immikkoortoq: immikkut aningaasaliissutit Immikkoortoq: sammisassatut pilersaarutit Immikkoortoq: piffissap suliffiusussap unioqqutinneqartarnera Immikkoortoq: akissarsiat kukkusut Immikkoortoq: suleqatigiissitat Ilulissat april 2009 Qupperneq 10

11 Immikkoortoq: IMAK-ip sulinngiffeqarnermi aningaasaateqarfia Immikkoortoq: Atuartitsisup aningaasaateqarfia Immikkoortoq: Pensionisianut tunngasut Immikkoortoq: Kalaallit Nunaanni akit inerikkiartorneri Siunnersuut 2: Ilinniartitsisut isigineqarnerat. Marius Frederiksen Marius Frederiksen-ip siunnersuut saqqummiuppaa. SDO: Marius ilumoorpoq. Nunarsuarmioqatit nuannersumik pisoqartarneranik oqaluttuutassallugit pingaaruteqarpoq. Sinerissami atuarfippassuaqarpoq pitsaasunik suliaqartartunik taakkulu allanut oqaluttuarineqarneq ajorput. TR-it pisortallu kajungissaarpagut atuarfinni nuannersunik pisoqartillugu tusagassiutitigoorlugit eqqartuisaqqullugit. IMAK-ip kisimiilluni taakkunannga oqaluttuartuusarnissaa nalinginnaasorinngilarput, ilaasortalli tamarmik oqaluttuarsinnaasariaqarput aamma. Sinniisoqarfiup tamatuminnga tapersersuinissaanik kajungissaarparput. Siunnersuut akuerineqarpoq Siunnersuut 3: Atorfeqarnermi uppernarsaatit. Marius Frederiksen Marius Frederiksen-ip siunnersuut saqqummiuppaa. SDO: Qaasuitsup Kommuniani atorfeqarnermi uppernarsaatit suli amigaatigineqarput, tamanna tunngavigalugu IMAK kommunemut saaffiginnilersaarpoq. Maria Larsen: Kommune Kujallermi aamma atorneqarnermi uppernarsaatit tiguneqarsimanngillat. Siunnersuut akuerineqarpoq. Eqqartugaq: Suliffimmut tunngasut Akuerineqarput Eqqartugaq: Kattuffimmut tunngasut Immikkoortoq: Kalaallit Nunatsinni kattuffiit siunissami suliffeqarfinnik suleqateqarnissaat. Immikkoortoq: Ilaasortat Ilulissat april 2009 Qupperneq 11

12 Immikkoortoq: Ilaasortat ataatsimiinneri Immikkoortoq: Siulersuisut Immikkoortoq: TR-it pikkorissartinneqartarneri Siunnersuut 7: TR. Sakkut pisariaqartut. Mala Kuko Mala Kuko sinnerlugu Fia Kriegel-ip saqqummiuppaa. SDO: Siunnersuut taperserparput, ukioq mannalu pikkorissartitsisoqartussaannginnera ugguarnarpoq. Taamaattumik siulersuisut malittarisassani allannguutissanik saqqummiussipput, sinniisoqarfik ukioq allortarlugu taamaallaat ataatsimiittalerniassammat taamaalillunilu pikkorissartitsineri amerlasunerit aningaasassaqartinneqalissallutik. Stephen: amerlanerusunik pikkorissartitsoqartalernissamik siunnersuut taperserpaa, malittarisassalli allannguutissaa tapersernagu. Inerisaavik suleqatigalugu pikkorissartitsisoqarsinnaannginnarluni. SDO: Ilaasortaanermut akiliut qaffattuugutsigu taakku tamaasa akissaqartissinnaagaluarpagut, allattoqarfilli taamaaliussagutta aamma aningaasartuuteqartussanngussaaq. TR-ip aningaasaateqarfianit pikkorissarnerit aningaasalersorneqartarput. Inerisaavimmi paamersaanermik pikkorissaasarneri TR-it pikkorissarneqarnerinut tulluartuunngillat. Siunnersuut akuerineqarpoq Immikkoortoq: Kommunerujussuit, ingerlatsinermi allannguinerit Immikkoortoq: Tunngavissat iliuusissatullu pilersaarutit naapertorlugit siulersuisut sulinerat Immikkoortoq: Aningaasaqarneq Immikkoortoq: Allattoqarfik Immikkoortoq: Danmarks Lærerforening Immikkoortoq: Nordiske Lærerorganisationers Samråd Ilulissat april 2009 Qupperneq 12

13 Immikkoortoq: NLS lederforum Immikkoortoq: Sullivimmi avatangiisit/sullivimmi nakkutilliisut Immikkoortoq: ICC Immikkoortoq: Kattuffiit allat Immikkoortoq: Centerlederinik isumaqatiginninniussisinnaatitaaneq Immikkoortoq: KANUKOKA Immikkoortoq: KIIIN Immikkoortoq: FTF aamma LC Eqqartukkat Kattuffinnut tunngasut akuerineqarput Siulittaasup nalunaarutaa tamarmiusoq akuerineqarpoq 7. IMAK-ip malittarisassaasa ilaanik allannguutissatut siunnersuutit Siulersuisut Sinniisoqarfimmi ilaasortat Lisbeth Frederiksen-imit taagorneqarput: Karen Karlsen, Upernavik Kujalleq Amalie Andersen, Ukkusissat Titus Berthelsen, Ilulissat Frantz Rafaelsen, Aasiaat Abigael Lennert, Upernavik Nikoline Cortsen, Ikerasak Marius Frederiksen, Niaqornaarsuk Jens Kleist, Kangaamiut Merete Smith-Sivertsen, Itilleq Lena Reimer, Sisimiut Ilulissat april 2009 Qupperneq 13

14 Helene Heilmann, Maniitsoq Fia Kriegel, Nuuk Lise Svenningsen Horsfeldt, Nuuk Cecilie Vahl, Nuuk Jutho Fly Wilche, Nuuk Johanne Dahl, Paamiut Rosine Berglund, Qeqertarsuatsiaat Mala Kuko, Tasiilaq, silap ajornera peqqutigalugu Ilulissanut tikinngitsoorpoq Paul Raahauge, Nanortalik Bjørn Jokumsen, Narsaq, ilaaniarani nalunaarpoq Marie Larsen, Qaqortoq Aka Kristoffersen, Alluitsup Paa Mikkel Boassen, Kuummiut, silap ajornera peqqutigalugu Ilulissanut tikinngitsoorpoq Lars Peter Sterling, Kulusuk, silap ajornera peqqutigalugu Ilulissanut tikinngitsoorpoq Stephen P. Andersen, Ikerasaarsuk Erik Christiansen, Inerisaavik Arnarigssoq Hansen, Nuuk Internationale friskole Sivso Dorph, Nuuk Johan Reimer, Aasiaat Esther Rosing, Nuuk Marie Søborg Andersson, Uummannaq Siunnersuut nr. 1 Siunnersuut 1 akuerinearpoq Siunnersuut nr. 2 Siunnersuut 2 akuerineqarpoq Siunnersuut nr. 3 Siunnersuut 3 akuerineqarpoq. Siunnersuut nr. 4 Siunnersuut 4 akuerineqarpoq Siunnersuut nr. 5 Siunnersuut 5 akuerineqarpoq Siunnersuut nr. 6 Siunnersuut 6 akuerineqarpoq Siunnersuut nr. 7 Siunnersuut 7 akuerineqarpoq Ilulissat april 2009 Qupperneq 14

15 Siunnersuut nr. 8 Stephen P.: ilaasortat sinniisuuffiikka arlallit peqatigiiffimmi tamat oqartussaaqataanerata innarlerneqasimasoralugu ernumapput. Marius Frederiksen: Sinniisoqarfimmi ilaasortat ataatsimiisinneqartarneri ukiut tamaasa pisarunnaartussaammat ugguarpoq, ilaasortalli tamatuminnga iluaquserneqarnissaat takusinnaagamiuk - tatigisatut sinniisut pikkorissarneqarnerinut aningaasat atorneqartalernissaat - iluarinnilluni. Sinniisoqarfiup ataatsimiisinneqarnera qanoq akeqarnersoq apeqqutigaa. Cecilie Vahl: Siunnersuut taperserpaa, TR-it amerlanerusunik pikkorissartitsisarneri iluaqutaassammat. Lise S. Horsfeldt: Illuatungeriit isumaat tamaasa paasisinnaavai. TR-itut pikkorissarnerit kattuffiit allat peqatigalugit pisarsinnaannginnersoq apeqqutigaa. SDO: Sinniisoqarfiup ataatsimiisinneqartarnera koruunit missanni naleqartarpoq. Allattoqarfimmili nalunaaquttap-akunnerpassuit sulinermut aamma atorneqartarput. Kattuffinnik allanik pikkorissartitseqartarnissaq aatsaat pisinnaavoq kattuffiit kattunnerisa kingorna. Kikkulluunniit pisariaqartitsilerunik sinniisoqarfiup nalinginnaasumik ataatsimiinneranut utaqqinneqarsinnaanngitsumik pigisaqarunik immikkut ittumik ataatsimeersuarnissamik piumasaqarsinnaatitaapput. Titus Berthelsen: Aningaasat TR-it pikkorissarnerinut atorneqartarpata TR-it ataasiakkaat atuarfinni sulinerini taakku iluaqutaalluarsinnaassapput. Johan Reimer: Stephen-ip ernumanera paasisinnaavaa, immikkulli ittumik ataatsimeersuarnissaq periarfissaammat tikkuarlugu. Cecilie Vahl: Siunnersuut tapersersorneqartariaqartutut isigaa 25-it akuersipput ataaseq akerliusoq. Siunnersuut 8 akuerineqarpoq Siunnersuut nr it akuersipput ataaseq akerliusoq. Siunnersuut 9 akuerineqarpoq Siunnersuut nr it akuersipput ataaseq akerliusoq. Siunnersuut 10 akuerineqarpoq Siunnersuut nr it akuersipput ataaseq akerliusoq. Siunnersuut 11 akuerineqarpoq Siunnersuut nr it akuersipput ataaseq akerliusoq. Siunnersuut 12 akuerineqarpoq. Siunnersuut nr. 13 Erik Christiansen: oqaaseq siulersuisoq allamik oqaatsimik taarserusukkaluarpaa, namminerli siunnersuutissaqarani. Siunnersuut 13 akuerineqarpoq. Ilulissat april 2009 Qupperneq 15

16 Siunnersuut nr. 14 Siunnersuut nr. 14 akuerineqarpoq Siunnersuut nr. 15 Siunnersuut nr. 15 akuerineqarpoq Siunnersuut nr. 16 Siunnersuut nr. 16 akuerineqarpoq Sinniisoqarfimmi ilaasortat ataatsimiinnerat unitsinneqarpoq, ataasinngornermilu 20. april. nal aallarteqqissalluni. 4. Naatsorsuutit Immikkoortoq ukunannga imaqarpoq: IMAK-ip ukiumoortumik naatsorsuutai 2008 Immikkut ittumik aningaasaateqarfik ukiumoortumik naatsorsuutit 2008 Sulinngiffeqarfiup aningaasaateqarfia ukiumoortumik naatsorsuutit 2008 Atuartitsisut sulinngiffeqarfiata aningaasaateqarfia ukiumoortumik naatsorsuutit 2008 Naatsorsuisut isornartorsiuisinnaasut: Cecilie Vahl aamma Merete Smith-Sivertsen IMAK-ip ukiumoortumik naatsorsuutai 2008 Lisbeth Frederiksen-ip naatsorsuutit saqqummiuppai. Cecilie Vahl aamma Merete Smith-Sivertsen: naatsorsuutit ukiumoortut akuerineqarnissaat innersuussutigaat. Kræftens Bekæmpelse-mut aningaasaliisoqarsimanera immikkut ittumik nuannaarutigaat. Lise Svenningsen-Horsfeldt: Pisassat qanoq isumaqarami? Ukioq naatsuiffiusoq naangaangat sinneqartoortoqarsimatillugu sinneartoorutit pisassanik taaneqartarput, taakkuli peqatigiiffimmut tutsinneqarunnanngillat. Stephen P.: Siulittaasoq qanoq isertitaqartigaa allattoqarfimmilu sulisut qanoq akissarsiaqartigisarpat? Siulittaasup siulersusuinilu ilaasortat qanoq aningaasarsiaqarneri SDO-p oqaluttuarai. Siuliuttaasunngoqqaanermi koruuninik akissarsiaqartinneqarpoq OK-milu angusarineqartut naapertorlugit akissarsiat aaqqiiffigineqartarlutik. Siulittaasup tullia qaammammut koruuninik ajunngitsorsisarpoq siulersuisunilu ilaasortat sinneri koruuninik ajunngitsorsiaqartarlutik. Taakku saniatigut siulersuisuni ilaasortat ukiumut nalunaaqutap-akunneri 198-it sulinngiffeqarsinnaatitaapput. Naatsorsuutit akuerineqarput Immikkut ittumik aningaasaateqarfik ukiumoortumik naatsorsuutit 2008 Lisbeth Frederiksen-ip naatsorsuutit saqqummiuppai. Stephen P. Andersen: inissiat arlaqarnerusut immaqa aningaasaliiffigineqarsinnaapput pappilissat aningaasanik nalillit nalikilliartormata. SDO: inissianik piginneqartigiinneq qularnarallarpoq. Merete Smith-Sivertsen: Aningaasat annaanaqarnavianngillat, pappilissat aningaasanik nalillit nalikilliartoraluartut, pinngitsoorani massakkorpiaq tuninianngikkaanni, pissangaammerneq Immikkut ittumik aningaasaateqarfiup ukiumoortumik naatsorsuutai akuerineqarput. Ilulissat april 2009 Qupperneq 16

17 Sulinngiffeqarfiup aningaasaateqarfia ukiumoortumik naatsorsuutit 2008 Lisbeth Frederiksen-ip naatsorsuutit saqqummiuppai. Lise Svenningsen-Horsfeldt: angalanermi aqqutit aalajangersimasut kisiisa akiliiffigineqartuuppata sinneqartoortoqarsinnaassava? LIF: sinneqartoortoqassaaq, aningaasalli atorneqanngitsoortut ukiumut tulliuttumut nuunneqassapput. Naatsorsuutit tusaatissatut tiguneqarput Atuartitsisut sulinngiffeqarfiata aningaasaateqarfia ukiumoortumik naatsorsuutit 2008 Lisbeth Frederiksen-ip naatsorsuutit saqqummiuppai. Naatsorsuutit tusaatissatut tiguneqarput. Titus Berthelsen: Bilitsit aappaluttut atorunnaarnikuupput, taavami? LIF: Sulinngiffiup aningaasaateqarfiani siulersuisut tamatuminnga aalajangiisarput imi isumaqatigiinninniutissatut siunnersuutit Ataasinngornermi 20. april 2009 nal ataatsimiinneq aallarteqqippoq. Isumaqatigiinniartarnerit qanoq pisarnersut suullu sakkugalugit pisarnersut siulittaasup ilisimatitsissutigaa. Sinniisoqarfimmi ilaasortat ataatsimiinnerat nal tungaanut unitsinneqarallarpoq eqimattakkuutaarluni OK-mut piumasaqaatit pingaarnersiorlugit sulineq peqqutigalugu. Ataatsimiinneq nal aallarteqqippoq. Aqutsisup ilisimatitsissutigaa sinniisoqarfimmi ilaasortat pingaarnersiuineranni aalajangiivinnissaq eqimattakkuutaarluni oqallinnissaq suli pisariaqartinneqartoq. Taamaalilluni immikkoortoq marlunngornermi 21. april nal aallarteqqissaaq. Sinniisoqarfimmi ilaasortat ataatsimiinnerat nal p tungaanut unitsinneqaqqikkallarpoq, ataatsimiinnerlu aallarteqqeriarpat ullormut oqaluuserisassat sinneri suliarineqarumaarput. Sinniisoqarfimmi ilaasortat nal ataatsimeeqqilerput. 6. Tunngaviusumik immikkullu iliuuseriniakkatut pilersaarut Meeqqat atuarfiata inerikkiartornera Paul Raahauge-p tunngaviusumik immikkullu iliuuseriniakkatut pilersaarutit kingullermik saqqummiunneqarnerisa kingorna allannguutit saqqummiuppai. Tunngaviusumik immikkullu iliuusissatut pilersaarutit tusaatissatut tiguneqarput. 9. Missingersuutit ukiunilu tulliuttuni 2009-miit 2011-mut ilaasortaanermi akiliutip aalajangiiffiginera Sivso-p missingersuutit saqqummiuppai. Ilaasortaanermut akiliutip 2009-mi allanngunninnissaa siulersuisut siunnersuutigaat. Ilaasortaanermi akiliutit: Ilaasortat nalinginnaasut: qaammammut kr. 375,00 Immikkut ittumik ilaasortat: qaammaammut kr. 95,00 Pensionistit: qaammammut kr. 60,00 Ilaasortaanermut akiliutip affaa: qaammammut kr. 187,50 Ilulissat april 2009 Qupperneq 17

18 Ilaasortaanermut akiliutip allanngunnissaa akuerineqarpoq. 10. Naatsorsuuserisunik isornartorsiuisinnaasunik taakkulu sinniisissaannik toqqaaneq Siulersuisut siunnersuutigaat: Naatsorsuuserisut isornartorsiuisinnaasut: Merete Smith-Sivertsen, Johanne Dahl Sinniisoq: Helene Heilmann Merete Smith-Sivertsen aamma Johanne Dahl naatsorsuuserisutut isornartorsiuisinnaasutut toqqarneqarput Helene Heilmann taakkununnga sinniisutut toqqarneqarpoq 11. Siulittaasumik toqqaaneq Siulittaasut qinigassanngortitaat: Sivso Dorph Sivso Dorph tamanit toqqarneqarpoq ersaattaanneqarlunilu. Sivso Dorph-p toqqarneqarnini qujassuteqarfigaa Sinniisoqarfimmi ilaasortat ataatsimiinnerat marlunngornermi nal p tungaanut unitsinneqarallarpoq Sinniisoqarfimmi ilaasortat ataatsimiinnerat marlunngornermi nal aallarteqqippoq imi isumaqatigiinninniutissatut siunnersuutit Immikkoortoq eqqartorneqaqqippoq Eqimattani sulinerit aallaavigalugit OK-mi piumasaqaatit pingaarnersiorneqarnissaat siulersuisut ima siunnersuuteqarfigaat. A. Akissarsiat 1. Qaffatitsineq kiisalu tunngaviusumik aningaasarsiat qaffanneqarneri, ilinniartitsisut, pisortat Inerisaavimmi atorfillit PPR aamma atuartitsisut matumani pineqarput. 2. Pisortat aningaasarsiaasa qaffanneqarneri 3. Akinut naapertuuttumik akissarsisarnerup qulakkeerneqarnera B. Tapit 1. Sumiiffimmi tapip qaffanneqarnera 2. Atuarfimmi pisortat, tullersortaasa sunngiffimmilu pisortat tapiisa qaffanneqarneri 3. Piginnaasat tapeqartinnerisa qaffaaffigineqarneri C. Pensionisiat 1. Kikkut tamat pensionisiassaasa qaffaaffigineqarneri D. Sulinngiffeqarnerit ullullu sulinngiffiusussat il.il. 1. Meeqqap napparsimanerani tamanillu isumassuilluni ullut sulinngiffiit amerlanerusut 2. Ilaquttat qanigisat napparsimaneranni angalanissamik periarfissat tapersersuinissallu 3. Sivisunerusumik erninermut atatillugu sulinngiffeqarnissaq Ilulissat april 2009 Qupperneq 18

19 E. Sulinngiffeqarluni angalanerit sulinngiffeqarfiullu aningaasaateqarfii 1. atuartitsisut sulinngiffeqarlutik aningaasateqarfiata tapiiffigitinnerusarnissaa 2. soraarnermi angalanerit sulinngiffeqarluni angalasarnernut nuunneqarnissaat F. Piffissaq suliffiusussaq pillugu isumaqatigiissut 1. PIFFISSAQ: a. immikkut suliaqarluni sivisunerusumik sulisarnissaq, soorlu aqutsisutut, klasselærerisut, fagvejlederisut, lejrskoleqartitsilluni paasisassarsiorlunilu angalatitsinissami, kolligiani nakkutilliinermi, misilitsittunik naliliisarnermi, misilitsissutinik misissuinermi aamma oqaluttariarsorluni misilititsinermi b. Sulisut pisinnaatitaaffiata atorunnaarsinneqarnissaa c. Misilitsinnerit ingerlaavartumik nalilersorneqartarnerat pillugit nalunaarutit naapertorlugit suliassat nutaat piffissaqarfigineqartarnissaat d. Aallarterlaanik immikkullu ittumik atuartunik siunnersuisarnerit marlunnut avillugit immmikkoortinneqalernissat e. Allaffissornermik suliaqartut 60-inik ukioqalereersut sivikinnerusumik sulisarnissaat f. 60-inik ukioqalereersut qaangiuttoortarnissaannik aalajangersakkat allanngortinneqarnissaat g. Oqaluttariarsorluni misilittussat pillugit piareersarnermut atugassamik piffissaqartitaasarnissaq peqqussummullu tulluarsaalluni taamatut misilititsisoqartarnissaq h. Annertusisamik atuartitsinermi, soorlu immikkut atuarfinni, nalunaarusiorluni nal.ak inik atugassaqalernissaq i. Tapit faglokalinik nakkutilliinermut nuunneqarnissaat j. Atuarfik Qilaluaq-mi atorfillit faktor 2,25 naapertorlugu aningaasarsiaqalernissaat k. Atuakkanik atorniartarfimmi sulinermi faktor 2 naapertorlugu akissarsisalernissaq 2. TAPIT a. Immikkut ittumik suliaqarnerit tapiisa qaffanneqarnissaat, atuartitsinermi tapit, arlalinnik innarluutilinnik sullissinermi, kolligianik nakkutilliinermi, atortunik/ ininik pointilersuilluni nakkutilliinerup aaqqissuunneqarnerata allannguiffigineqarnissaa ilanngullugu taamaalilluni atuarfiit tamarmik tapiiffigineqartalerniassammata, aalajangersakkallu taakkununnga tunngasut oqaasertai allanngortinneqassapput fagvejlederitut sulineq ilanngunneqannginniassammat. 3. ALLAT a. Nalunaquttap-akunneri atuartitsiviusut akornanni suliaqarnerup akissarsissutigineqartalernissaa. b. Pisortat aalajangersimasumik sivisussusilimmik qaangiuttoortarnissaannik periarfissaqartinneqarnissaat c. Meeqqat atuarfiani ilinniartitsisut atuarfiup avataani misilitsittunik nalilersuisutut sulisimatillutik ajunngitsorsiassaasa isumaqatigiissusiorfigineqarnissaat. d. Fagvejlederit fagini tamani G. Immikkut ittumik piumasaqaatit 1. eqimattatut sillimmatip qaffanneqarnissaa 2. ataatsimoorussamik sinniisup piffissaqarnissaa 3. atuarfinni tamani qarasaasiamik atuisinnaanermik siunnersortit paamersaasut 4. tarnip pissusaanik immikkut ilisimasallit sulisinnaanerminut akuerisissuteqarnissaat 5. tarnip pissusaanik immikkut ilisimasallit immikkut akuerisaasut immikkut sulinerminni tapeqartarnissaat 6. immikkut ittumik suliaqarnermi (opgavekommission) akissarsisinneqartarnissaq. Ilulissat april 2009 Qupperneq 19

20 7. trinlederit qaffaaffigineqarnissaat 8. qaffasinnerusumik atorfilittut sulisimatilluni tapigitinneqartoq pillugu isumaqatigiissutip allanngortinneqarnissaa. 9. peqqissutsimut sillimmat 10. sungiusarluni sulisumik siunnersortaasarnermi ajunngitsorsiassap qaffanneqarnissaa isumaqatigiissutillu aaqqissuunneqarnissaa, taamaalilluni ullutsinnut tulluussarneqassalluni. 11. ukiut suliffigisimasat tapisissutigineqartalernissaannik atuutilersitsineq 12. nunaqarfinni atuarfinni pisortat akissarsiaasa qaffaaffigineqarneri 13. ukioq ataaseq sulereerluni soraarniuteqarsinnaanermik periarfissaq 14. akunnaallilliilluni sulisimasut ajunngitsorsiarisartagaasa qaffanneqarnissaat H. Allat 1. atorfiup perorsaanermik ikiorti-tut taaneqartartup sammisassaqartitsinermi sinunnersorti (fritidskonsulent)allanngorneqarnissaa 2. pensionernerup kingorna ineqarsinnaatitaaneq 3. sulisut inai pisaasut qulakkeerneqartarnissaat 4. atorfiit aalajangersimasumik inuttaqartussat qulakkeerneqarneri 5. ineqarnermut akit Siulersuisut pingaarnersiugassatut siunnersuutaat akuerineqarput 12. Tamalaat Jutho Fly Wilche: Icefjord hotel-ip toqqarneqarnera naammagisimaarpaa. Cecilie Vahl: Ataatsimiinneq nuannarivaa, akunnittarfillu aamma naammagisimaarlugu; peqataasut allat avataaneersut naapissallugit periarfissaqarmat. Siulersuisut sulilluarsimanerat pillug aamma qujavoq. Helene Heilmann: Ataatsimiinneq nuannarivaa. Immikkoortulli ilaasa sukkavallaavamik suliarineqartutut isigalugit. Lisa S. Horsfeldt: Isumassarsiarpassuaqarpoq nutaanillu ikinngutitaartorluni. Marius Frederiksen: OK-mut tunngasut sukkavallaalaartumik sammivagut. Taamaattorli ataatsimiinneq naammagisimaarpaa. Aka aamma Lisbeth qujaffigai. Qaasuitsup Kommunianeersut allat sinniisoqarfimmi ilaasortaasut naapikkusuppai. Titus Berthelsen: Siulersuisut sulinerat nuannaraa avatangiisinit tusaamaneqarluarnera aamma nuannaralugu. Fia Kriegel: ILINNIARTITSISOQ-mi saqqummersartut nutaat nuannarivai. Allat ataatsimiinnernik qanoq iliorluta soqutiginnilersisinnaavagut, allanit siunnersorneqarnissi soqutigivaa, qanoriliortoqarsinnaava? Tamanna eqqartugassaqqitsippaa. Nikoline Cortsen: Ataatsimiinneq ilikkagaqarfigilluarpaa. Sivso-p Ikerasammut tikeraarnera nuannariva. Arnarigssoq Hansen: Kikkut tamarmik Nuummi Internationale friskole-mut pulaarnissaminnut tikilluaqqusaapput. Cecilie Vahl: Allattoqarfimmit ikiorneqarluartarpugut, tamannalu pillugu ilissinnutu qujassutissaqarpugut. Siulittaasup naggasiilluni oqaaseqarnera: Cecilie Vahl TR-itut sulilluarsimaneranut qujaffigaa. IMAK-imut tikilluaqqusaajuaannarpoq. Titus Berthelsen sinniisoqarfimmi ilaasortatut sulisimanera aamma qujaffigaa. Franz Rafaelsen, Rosine Berglund aamma Amalie Andersen ilaasortaajunnaartussaapput taakku sulinerat pillugu aamma qujaffigineqarput. Makkua qujaffigineqarput: BG, oqalutsit, Mikkel, Lisbeth, Aka. Ilulissat april 2009 Qupperneq 20

21 Siulersuisut qujaffigineqarput. Sivso neriuppoq, siulittaasutut toqqarneqarnermini tatigineqarnini naapertorlugu sulisinnaassalluni. Ataatsimiinnermi eqqartukkat qineqqusaarluni ataatsimiisitsinerni eqqartorneqartassasut kajumissaarivoq. Sinniisoqarfimmi ilaasortat 2009-imi ataatsimiinnerat marlunngornermi 21. april 2009 nal naavoq. Sivso Dorph IMAK-imi siulittaasoq Mikkel Michelsen Aqutsisoq Ilulissat april 2009 Qupperneq 21

22 Ilanngussaq 1. KANUKOKA-p siulittaasuata Enok Sandgreen-ip inuulluaqqussutaa Danmarks Lærerforenings hilsen ved Lotte Lange: IMAK-imi sinniisoqarfiup ataatsimiinnissaani peqataasutut aggersagaanera siullermik qujassutigissavara. Maaneeqqilluni nuannarpoq. Danmark Kalallillu Nunaat imminnut ungasikkaluaqisut IMAK-ip DLF-illu imminnut atanerat soorlu allaganngorlugu nalunaarusiami allaaserineqartutut qanilligaluttuinnarpoq. Uagut ilinniartitsisut unammilligassagut assigiittorujussuupput sulinitsinnilu ikioqatigiinnissarput isumassarsioqatigiinnissarpullu pisariaqartissinnaasarparput. Kalaallit Nunaanni ilinniartitsisussaaleqinerujussuaq kingullermik atugassiassinni allaaserineqartoq atuarpara Sivso-p ajornartorsiut taanna aamma eqqaanikuuvaa. Allaganngorlugulu nalunaarummi atuarneqarsinnaavoq Danmarkimukarlusi Kalaallit Nunaanni ilinniartitsisutut sulerusussinnaasunik ataatsimiitsisimasusi. Tamannalu pitsaasuuvoq, paasissavarsili Danmarkimi uagut aamma ilinniartitsisussaaleqisorujussuugatta, taamaalillutalu ilinniartitsisunik sinneqarujussuarnissarput ilimagineqassanani. DLF-imi ilinniartitsisussaaleqineq pillugu ukiumoortumik misissuisarpugut martsillu qaammataani ilinniartitsisutut sulisut tamarmiusut 5,6 procentii ilinniartitsisutut ilinniagaqarsimasuunngitsut paasineqarpoq. Tassa inuit 2721-it. Nuna tamakkerlugu ajornartorsiut taanna nikerarsinnaasarpoq, kommunet ilaanni 20 procent angullugu ilinniartitsisussaaleqisoqarpoq. Inuusuttut ilinniartitsisunngorniartissallugit ukiorpassuarni ajornakusoorsimavoq. Ilinniartitsisutut sulineq isigineqarnermigut appariarsimavoq. Nunani Europamiittuni amerlanerni taamatut inissisimasoqarpoq. Tamanna arlalinnik nassuiaatissaqarpoq; Danmarkimili meeqqat atuarfiata suliarisinnaasaannik pitsaanngilluinnartumik tusaamaneqarneq peqqutit annerpaartarigaat ilisimaneqarpoq, Danmarkimi naalakkersuisut kingulliit sakkortoorujussuarmik pisooqataaffigisaat. Ajornartorsiutip ilungersunassusia taamaattoq massakkut paasivaat allanngoriartoqarporlu. Uagulli atuarfimmi sulisuusugut iliuuserisimasat ilisimalluinnarpagut, tassa sukangasuumik nakkutiginnilluni misissuinerit, uuttortaanerit il.il. pisimapput. Tamannali aaqqinniassallugu artornarsinnaasarpoq, tassami tusaamaneqarnerluutigaarput. Tamaattumik nunarsuaq tamakkerlugu aningaasarliornerup ilinniartitsisussaaleqineq iluaquseraa tupigalugu oqaatigisariaqarparput. Ilinniartitsisutut ilinniarusuttut ukiuni arlaqaqisuni ilorraap tungaanut saappoq. Inuusuttorpassuit suliffeqarnissartik qulakkeerniarlugu kissaateqartut tamatuma paasinarsisippaa, tassami nunarsuaq tamakkerlugu aningaasarliornerup kingunerisaanik danskit suliffeqarfiutaasa sulisutik soraarseraraat takusarparput. DLF-imi siusinnerusukkut tusaamaneqarnerput pitsaasoq atuutilersinniarlugu suliniarpugut; meeqqat atuarfiat ilinniartitsisutullu sulineq eqqarsaatigineqarlutik. Ilinniartitsisunngorniat amerlinissaat qilanaaraarput inuusuttullu ilinniartitsisunngorusullutik ilinniagaqarusuttut aamma qilanaaralugit taamaalillutimmi inuiaqatigiinni suliffiit pingaarnersaat suliarilissavaat qularinngilaralu ilissi taama aamma kissaateqartusi. Ajornartorsiut imaluunniit kajungissaarineq assersuuteqarfigiinnariatigu qarasaasialerineq, atuarfimmi nerisaqarneq, immikkut atuartitsineq il.il. suliarissallugit ussernartorsiornartuuvoq. Kattuffiup siulittaasuata siornatut inuulluaqqussutaa aamma ukioq manna apuutissavara. Anders-i Nepal-imiippoq allattoqarfitsinni pisortaq Hans Ole Frostholm ilagalugu. Nepal-imi ilinniartitsisut kattuffiannit aggersarneqarsimapput taakku ataatsimeersuarnissaannut taamaalillutillu maaniissinnaanatik. Birgitte Thaa allattoqarfitsinneersoq peqatigalugu ukioq manna malinnaavigaassi sinniisoqarfimmilu ilaasortat amerlasuut nalunngisarilersimavakka. Ulluni tulliuttuni najornissarsi qilanaarivarput sinniisoqarfimmilu ilaasortaasusi pitsaasumik aalajangiiffiusumik ataatsimiilluarnissarsissinnik kissaasivugut. Ilulissat april 2009 Qupperneq 22