Inatsisissatut siunnersuummut oqaaseqaatit. Oqaaseqaatit nalinginnaasut

Transkript

1 xx Inatsisissatut siunnersuummut oqaaseqaatit Oqaaseqaatit nalinginnaasut 1. Aallaqqaasiut Inissiaatileqatigiiffimmik, Namminersorlutik Oqartussat inissiaataasa attartortittakkat aqunneqarnissaannik suliaqartussamik pilersitsinissaq Inatsisartut 1993-imi akuersissutigaat. Pissutaasut ilagaat inissiat attartortittakkat amigartumik aserfallatsaaliorneqartarnerisa nassataanik annertuumik aserfallassimanerat, naak Nunatta Karsianit ukiumoortumik amerlasuunik tapiisoqartaraluartoq. Taassuma peqatigisaanik ineqarnermut akiliutinut kinguaattoorutit annaasarpassuarnik nassataqarsimapput. Inissiaatileqatigiiffik pilersinneqartoq taaguuserneqarpoq A/S Inissiaatileqatigiiffik INI-mik (INI). Peqatigisaanik kommuneqarfiit neqeroorfigineqarput, inissiat pigisamik aqunneqarnerat INI-mut isumagisassanngortissinnaagaat, kommunillu amerlanerit siornatigut 18-usut periarfissaq tamanna atorpaat imiilli INI-p Namminersorlutik Oqartussat aamma kommuneqarfiit amerlanerit inissiaataasa attartortittakkat aqunneqarnerat isumagisaraa. INI-p pilersinneqarnerata malitsigisaanik inatsisinik, ilaatigut inissianik attartortitsisarneq pillugu peqqussummik il.il., atuutilersitsineq pitsanngoriaatinik arlalinnik nassataqarpoq, soorlu assersuutigalugu inissianik atorneqanngitsunik attartortussanut nutaanut tunniussisarneq utaqqisut allattorsimaffiat naapertorlugu ullumikkut pisarluni, inissianik aqutsinermi sulisorisat ikinnerusut atorneqartarlutik, aammalu aningaasat amerlasuut ileqqaarneqarlutillu inissiat attartortittakkat aserfallatsaaliorneqarnerinut atorneqartarlutik. INI-p aktiaateqarluni ingerlatseqatigiiffittut ingerlanneqarnerata pitsaaqutigaa, aktiaateqarluni ingerlatseqatigiiffiit pillugit inatsisip aamma ukiumoortumik naatsorsuutit pillugit inatsisip suliffeqarfiit qanoq ingerlanneqarnissaannut erseqqissunik maleruagassaqarnerat. Nuup Kommuniata (massakkut Kommuneqarfik Sermersooq) taamatulli tunngaveqarluni aktiaateqarluni ingerlatseqatigiiffimmik, kommuneqarfiup inissiaataannik aqutsisussamik pilersitsinissaq aalajangiuppaa. Kommuneqarfiup Iserit A/S januarip aallaqqaataani 2006-imi pilersippaa. Pilersitsineq pisortanit nakkutilliisunit akuerineqarpoq, pilersitsineq kommuninut piginnaatitsissut naapertorlugu suliassat ilaattut isigineqarluni. Kommuneqarfiit inissianik illuuteqarnermik aktieselskabitut ingerlatseqatigiiffinnik pilersitsinissamut periarfissinneqarnissaat pingaartumik Kommuneqarfik Sermersuup 1

2 xx kissaatigisimavaa. Siunertaavoq kommuneqarfiit, kommuneqarfiit inissiaataannik aserfallatsaaliuinissamut, nutarterinissamut amerlisaanissamullu periarfissaannik pitsanngorsaanissaq. Naalakkersuisut isumaqarput kommuneqarfiit, kommuneqarfiit inissianik illuuteqarnermik aktieselskabitut ingerlatseqatigiiffiutaannik pilersitsinissamut periarfissaat annertusarneqartariaqartut, aamma ingerlatseqatigiiffiit ingerlatsinerinut sinaakkutissat annertusinerisigut suliassaat amerlillugit, soorluttaaq ingerlatseqatigiiffiit pisortat oqartussaasut allat suliffeqarfiillu pisortanit pigineqartut, inissianik illuuteqarnerup ataatsimoorussamik aqunneqarnissaa pillugu isumaqatigiissuteqarfiginissaannut periarfissaqassasut. Kommuneqarfiit inissianik illuuteqarnermik aktieselskabitut ingerlatseqatigiiffiutaat pillugit siunnersuutip nassatarissavaa, Namminersorlutik Oqartussat aamma kommuneqarfiit manna tikillugu inissianik ingerlatsinertik allanngortinnagu ingerlatiinnarsinnaagaat imaluunniit pisariaqartitsineq apeqqutaatillugu allatut aaqqiissutissamik toqqaallutik. Siunnersuummi pingaaruteqarnerpaat ilagaat aningaasalersuisarnermik nammatap tamarmiusup ilaataluunniit pisortanit oqartussaasuniit tamakkuninnga atuisunut nuunneqarnissaa, tassa imaappoq attartortunut imaluunniit inissianik sananeqartunik piginnittunut. Pisortat inissiaataat attartortittakkat ullumikkut Namminersorlutik Oqartussanit aamma kommuninit, imaluunniit taakku peqatigiinnerisigut aningaasalersorneqartarput. Inatsisissatut siunnersuutikkut siunertarineqarpoq kommuneqarfiit, kommuneqarfiit inissianik illuuteqarnermik aktieselskabitut ingerlatseqatigiiffiutaannik, Kalaallit Nunaanni inissianik sanaartornermik, pigisaqarnermik, aqutsinermik attartortitsinermillu suliassat isumagineqarnissaannik isumaginnittussanik pilersitsisinnaanissaannik periarfissiinissaq. Kommuneqarfiit inissianik illuuteqarnermik aktieselskabitut ingerlatseqatigiiffiutaannik pilersitsinikkut suliassat pisortat ingerlatsinerisa avataannut inissinneqarsinnaapput. Kommuneqarfiit inissianik illuuteqarnermik aktiaselskabitut ingerlatseqatigiiffiutaat siunnersuutip kingunerisaanik avataaniit aningaasanik taarsigassarsisinnaassapput, taamaalilluni pisortat oqartussaasut aningaasalersuisuunissaannik pisariaqartitsineq millissalluni. Aningaasalersuinermut aningaasartuutit attartortunit naggataatigut akilerneqartussaassapput, taakku ineqarmut akiliutaasigut. 2. Siunnersuummi immikkoortut pingaarnerit Inatsisissatut siunnersuut kommuneqarfiit inissianik attartortittakkanik piginnittuunermik kommuneqarfiit inissianik illuuteqarnermik aktieselskabitut ingerlatseqatigiiffiutaannut tunniussisinnaanissaannik periarfissiivoq. 2

3 xx Imatut pisoqartillugu kommuneqarfiit inissianik illuuteqarnermik aktieselskabitut ingerlatseqatigiiffiutaa inissianik attartortittakkanik piginniittuulluni, taava illuutit attartortittakkat namminersortunit pigineqartut pillugu maleruaqqusat naapertorlugit attartortitsineq ingerlanneqassaaq, tassunga ilanngullugit aningaasartuutit malillugit ineqarnermut akiliuteqarnissamut maleruaqqusat. Imatut pisoqartillugu kommuneqarfiit inissianik illuuteqarnermik aktieselskabitut ingerlatseqatigiiffiutaa inissianik attartortittakkanik piginnittuunani, taaava attartortitsineq attartortitsisutut piginnittumut pineqartumut maleruaqqusat attuttut naapertorlugit attartortitsineq ingerlanneqassaaq. Kommuni imaluunniit Namminersorlutik Oqartussat illumik kommuneqarfiit inissianik illuuteqarnermik aktieselskabitut ingerlatseqatigiiffiutaanut tunniussippat, taannalu attartortumik attartorneqareerluni taava kommuneqarfiit inissianik illuuteqarnermik aktieselskabitut ingerlatseqatigiiffiutaata inimik attartornermi isumaqatigiissutaareersut ataqqisariaqarpai, tamatumunnga ilanngullugu atugassarititaasut il.il. attartornermut akiliutip naatsorsorneqarneranut, aserfallatsaaliuinermut il,il, isumaqatigiissutareersimajunnartut. Siunnersuutikkut matumuuna kommuneqarfiit, kommuneqarfiit inissianik illuuteqarnermik aktieselskabitut ingerlatseqatigiiffiutaat aqqutigalugit inissianik maanna pigineqartunik nutarterinissamut aserfallatsaaliuinissamullu, kiisalu nutaanik sanaartortitsinissamut atugassanik taarsigassarsisinnaanermut tunngavissaqalerput. Taamaattorli piumasaqaataavoq Naalakkersuisut tamatumunnga akuersissuteqarnissaat, aammalu atuisut akiliutaasa, pisortat akiliutaasa ikilinerisa imaluunniit kingunerisaannik pisortat isertinnerusaasa minnerpaamik, pisussaaffinnut atatillugu aningaasartuutissat matussusersinnaassagaat. Siunnersuummi ilaatinneqarpoq Naalakkersuisut, Namminersorlutik Oqartussat inissiaataannik attartortittakkanik kommuneqarfiit inissianik illuuteqarnermik aktieselskabitut ingerlatseqatigiiffiutaannut tunniussineq pillugu maleruagassanik erseqqinnerusunik aalajangersaanissamut piginnaatinneqarnissaat. Kommuneqarfiit inissianik illuuteqarnermik aktieselskabitut ingerlatseqatigiiffiutaat aktiaateqarluni ingerlatseqatigiiffittut pilersinneqassapput. Ingerlatseqatigiiffiup suunissaanik siunnersuummi toqqaanermut tunngaviuvoq ingerlatseqatigiiffiup taamaattup akisussaanermik, naatsorsuusereriaatsinik nakkutilliinermillu qulakkeerinissaq siunertaralugu erseqqissumik aalajangersaaffigineqarnera. 3. Pisortanut aningaasatigut allaffissornikkullu sunniutissai Kommuneqarfiit aamma Namminersorlutik Oqartussat ullumikkut inissianit pisortat attartortittagaanniit aningaasatigut iluanaaruteqarput imi Namminersorlutik Oqartussat 3

4 xx 44,5 mio. koruunit pallillugit iluanaaruteqarput, kiisalu kommuneqarfiit 56,2 mio. koruunit pallillugit iluanaaruteqarlutik. 1 Inissiat pisortat attartortittagaasa ilaasa imaluunniit maannakkut pigineqartut tamarmik inissianik illuuteqarnermik aktieselskabitut ingerlatseqatigiiffimmut ataatsimut imaluunniit inissianik illuuteqarnermik aktieselskabitut ingerlatseqatigiiffinnut arlalinnut tunniunneqarpata, taava kommuneqarfiit aamma Namminersorlutik Oqartussat aningaasatigut iluanaarutaat ikilissapput imaluunniit peerullutik. Inissianit tunniuneqartunit aningaasatigut iluanaarutit tamatumunnga taarsiullugu inissianik illuuteqarnermik aktieselskabitut ingerlatseqatigiiffinnit piginneqataalissapput. Imaattoqassappat inissianik illuuteqarnermik aktieselskabitut ingerlatseqatigiiffinnik kommuneqarfiit piginnittut tamanna kissaatigalugu, taava isertitatut annaasaqaatit tamakkerlugit imaluunniit ilaat selskabimi pineqartumi agguagarsiassat qaffanneqarnissaanut atorneqarsinnaassapput. Aningaasanut Inatsimmi 2017 kontumi pingaarnermi Inissialiassat taartissanillu inissialiortiterneq sanaartornermut aningaasaliissutit 139 mio. koruunit miss. aamma 131 mio. koruunit miss. ukiuni missingersuusiorfiusuni immikkoortinneqarput. Namminersorlutik Oqartussat inissiat attartortittakkat ilaannik tunniussisarnera ilutigalugu, imaluunniit maannakkut piusut tamaasa inissianik illuuteqarnermik aktieselskabitut kommuneqarfiit ingerlatseqatigiiffinnut tunniuppagit aningaasartuutit taakku ikilissapput, tassami siunissami inissianik illuuteqarnermik aktieselskabitut ingerlatseqatigiiffiit aningaasaliissutit taakkununnga tungasut isumagilissammatigit. Namminersorlutik Oqartussat inissiaataat aserfallassimaqimmata naatsorsuutigineqartariaqarpoq Namminersorlutik Oqartussat inissianik attartortittakkaminik tunniussiunnarnerminut atatillugu taakkununnga maannakkorpiaq aningaatigut iluanaarutaasunit isertitarisartakkanit annertunerungaatsiartunik aningaasartuuteqarnissaa,. Ilimagineqarpoq inissianik illuuteqarnermik aktieselskabitut kommuneqarfiit ingerlatseqatigiiffiisa ilaat realkreditini taarsigassarsinissaminnut periarfissinneqarnissaat. Oqaluttuarisaanermi realkreditinit taarsigassarsiat illuuteqarnermut sammisumi aningaasalersuisarnikkut tamatigut unammillersinnaasarsimapput. Realkreditforeningit sullitaminnut tamanut erniat assigiit neqeroorutigisarpaat, taarsigassarsiat assigiikkaangata piffissami pineqartumi assigiimmi. Kommuneqarfiit inissianik illuuteqarnermik aktieselskabitut ingerlatseqatigiiffii aammattaaq aningaaserivinni aamma ingerlatsivinni aningaasaliissuteqartartuni allani taarsigassarsisinnaassapput. Taamatut pisoqartillugu ilimanarsinnaavoq inissianik illuuteqarnermik aktieselskabitut ingerlatseqatigiiffiit neqeroorfigineqassasut erniatigut atugassarititaasunik kommunimit imaluunniit Namminersorlutik Oqartussanit neqeroorutigineqarsinnaasunit ajornerulaartunik. 1 Paasissutissanik pissarsiffik: Kalaallit Nunaanni Naatsorsueqqissaartarfik 4

5 xx Taamaattumik suliani ataasiakkaani tulluartuusinnaavoq eqqarsaatigissallugu tulluartuussanersoq kommuneqarfik imaluunniit Namminersorlutik Oqartussat taarsigassarsinissaat, tamatumani siunertaralugu kommuneqarfiup inissianik illuuteqarnermik aktieselskabitut ingerlatseqatigiiffianut assinganik atugassaqartitsilluni taarsigassarsianik ingerlatitseqqinnissaq. Taarsigassarsiat kommuneqarfiit inissianik illuuteqarnermik aktieselskabitut ingerlatseqatigiiffinnit taarsigassarsiarineqartut akiitsunut pisussaaffiit tamarmisut amerlisissavaat, tamannalu pisortat suliffeqarfiutaasa pisortallu oqartussaasut allat taarsigassarsiaannut sunniuteqarsinnaavoq. Taamaammat inatsisissatut siunersuutip siunertaraa inissianik illuuteqarnermik aktieselskabitut ingerlatseqatigiiffiit taarsigassarsisarnerat pillugu malittarisassaliuussinissaq. Kommuneqarfik ataaseq aalajangerpat imaluunniit kommuneqarfiit arlallit illut inissiarsuit pigisamik ilaannik imaluunniit illunik inissiarsuarnik pigisaminnik tamanik inissianik illuuteqarnermik aktieselskabitut ingerlatseqatigiiffimmut tunniussiniarlutik aalajangerpata, taava tamatuma kingunerisinnaavaa A/S Inissiaatileqatigiiffik INI ikinnerusunik suliassaqalersoq. Tamatuma saniatigut Namminersorlutik Oqartussat aalajangerpata, Namminersorlutik Oqartussat inissiaatiminnik attartortittakkanik isumaginninnermik, kommuneqarfiup inissianik illuuteqarnermik aktieselskabitut ingerlatseqatigiiffianut ataatsimut arlalinnulluunniit, tunniussiniarlutik tamatuma kingunerisinnaava A/S Inissiaatileqatigiiffik INI matusariaqartoq. Tamatuma kingunerisaanik selskabip Namminersorlutik Oqartussanut agguagarsiassanik tunniussisarnera annikillisissaaq imaluunniit nungulluni. Ukioq 2014-imi aamma 2015-imi agguagarsiat 0 koruuniupput. Maannakkut inissianik attartortittakkat pisortanit pigineqartunit inissianik illuuteqarnermik aktieselskabitut ingerlatseqatigiiffimmut ataatsimut imaluunniit arlalinnut tunniuneqarpata, tamanna Nunatta Karsianut naqissusiinikkut akitsuutip 1,5 procentiusup akilerneqarnissaanik kinguneqassaaq. Piviusumik apeqqutaassaaq ilaatigut inissiat tunniunneqartut nalingi ilaatigullu inissianik illuuteqarnermik aktieselskabitut ingerlatseqatigiiffiit taarsigassarsiaajunnartunik nangitassanik tigusinerat imaluunniit nutaanik taarsigassarsinerat. Iserit A/S-ip 2016-imut naatsorsuutaani takuneqarsinnaavoq Illuutileqatigiit Igdlo p Allaffianit Kommuneqarfik Sermersuup illuutai nalilerneqarsimasut. Naliliinerup tamatuma inerniliuppaa kommuneqarfiup ilaqutariinnut arlariinnut Nuummi illuutai 1, koruuninik naleqartut. Aningaasanut taarsiullugu pigisanik naliliutinik aningasaliissuteqarnermut imaluunniit illunik taakkunannga tunniussinermut uppernarsaasersuut taamatut nalilerlugu, taamaattoqarpat naqissusiinikkut akitsuut 17,2 mio. koruunit pallillugit naleqassagaluarpoq. Inatsisissatut siunnersuutip matuma ataatsimoortumik aningaasatigut kingunerisassai siumoortumik nalilersoruminaapput tamatumunnga ilanngullugit attartortunut 5

6 xx attuumassuteqarunnartunut. Inatsisartut Inatsisaata taamaallaat aalajangersarpai killiussat suut atuutissanersut, tassa kommuneqarfik ataaseq imaluunniit kommuneqarfiit arlallit inissianik illuuteqarnermik aktieselskabitut ingerlatseqatigiiffimmik pilersitsippata. Tamatuma kingornatigut kommuneqarfiit namminneq aalajangissavaat periarfissaq atorluarneqassanersoq taamaaliussagunillu tamanna qanoq ingerlatsissanerlugu. Tamatuma assigisaanik immikkut aalajangersaasoqartussaavoq Namminersorlutik Oqartussat kommuneqarfiup inissianik illuuteqarnermik aktieselskabitut ingerlatseqatigiiffianut ataatsimut imaluunniit kommuneqarfiup inissianik illuuteqarnermik aktieselskabitut ingerlatseqatigiiffiinut arlalinnut illuutaat tunniunneqassanersut, kiisalu atugassarititaasut sukumiinerusut tamatumunnga atatillugu suut atuutissanersut. 4. Inuussutissarsiutinik ingerlataqartunut aningaasatigut allaffissornikkullu sunniutissai Kommuneqarfiup ataatsip imaluunniit kommuneqarfiit arlallit kommuneqarfimmi inissianik illuuteqarnermik aktieselskabitut ingerlatseqatigiiffimmik pilersitsinissaq toqqassappassuk, inatsisissatut siunnersuut inuussutissarsiortut amerlanerusunik isertitaqalerneranik nassataqarsinnaavoq, ilaatigut sanaartornermik suliaqartunut aamma siunnersuisartunut. Inatsisissatut siunnersuut sanaartornermik suliat tamarmiusut amerlinerannik kinguneqassappat, tamanna inissialiortiternerup inissianillu nutarterinerup politikkikkut pingaarnersiuinermi salliutinneqarneratut isigineqassaaq, pisortallu ingerlatsineranni, matumani aamma aktiaateqarluni ingerlatseqatigiiffinni pisortat pigisaanni akiitsunut pisussaaffiit tamarmiusut amerlinissaannik kinguneqassalluni. 5. Avatangiisinut pinngortitamut innuttaasullu peqqissusiannut sunniutissai Inatsisissatut siunnersuutip avatangiisinut pinngortitamullu kinguneqarnissaa naatsorsuutigineqanngilaq. Taamaattorli illoqarfinni nunaqarfinnilu erngup nukinga atorlugu nukissiuuteqarfeqanngitsuni nutarterinerulerneq nutaanillu sanaartorneq, illuutit kiassarneqarnerannut aningaasartuutit appariaateqarnissaannik kinguneqartitseqataasinnaavoq, taamaalillunilu CO2-mik aniatsitsinerup millisalaarnissaanut iluaqutaassalluni. 6. Innuttaasunut kingunerisassai Kommuneqarfik ataaseq aalajangerpat imaluunniit arlallit aalajangerpata inissianik illuuteqarnermik aktieselskabitut ingerlatseqatigiiffimmik pilersitsiniarlutik aalajangerpassuk selskabip inissianik attartortitsinera Inissianik attartortitsisarneq pillugu Inatsisartut peqqussutaanni illuutinut attartortittakkanut namminersortunit pigineqartunut maleruaqqusat atuuttut naapertorlugit ingerlanneqassaaq, tak. siunnersuummi 2, imm. 3. Tamatuma ilaatigut kingunerisaanik ineqarnermut akiliut aningaasartuutit malillugit annertussusilerneqassaaq, tamatumalu attartortitsisup aningaasaliissutinut aningaasartuutigisaanit uppernarsarneqartunit, ingerlatsinermut aningaasartuutigisaanit 6

7 xx uppernarsarneqartunit aammalu illuutip teknikikkut aningaasaqarnikkullu nalingata diskontop affaatut annertussusilimmik ernialersorneqarneranut akiliutigisaanit qaffasinnerussanngilaq. Aningaasaliissutinut aningaasartuutigisatut uppernarsarneqartutut isigineqarput allanit aningaasaliisoqarsimatillugu illorsuaq qularnaveeqqusiullugu taarsigassarsiat erniaat, imaluunniit aningaasaliissuteqartup nammineq aningaasaatiminit aningaasaliisimaguni erniat tunngavigalugit naatsorsorneqarsimasut. Aallaavigineqarpoq kommuneqarfiup inissianik illuuteqarnermik aktieselskabitut ingerlatseqatigiiffia Pisortat ingerlatsineranni suliassat suliarineqartarnerat pillugu Inatsisartut Inatsisaanni aamma Pisortat ingerlatsinerat pillugu paasitinneqarsinnaatitaaneq pillugu Inatsisartut Inatsisaanni maleruaqqusanut ilaatinneqarnissaa. Inatsisini taakkunani marlunni Naalakkersuisut pisinnaatitaapput nalunaarut aqqutigalugu aalajangersaanissaminnut kommuneqarfiit inissianik illuuteqarnermik aktieselskabitut ingerlatseqatigiiffiinut inatsisit atuutsinneqarnerannik, soorlu asersuutigalugu taamatuttaaq ittoq A/S Inissiaatileqatigiiffik INI-mut tunngatillugu. Naalakkersuisut naatsorsuutigaat inatsisip matuma akuersissutigineqarneranut tapiutitut nalunaarummik taamatut ittumik atuutilersitsisoqarumaartoq. Taamaattoqarpat Inatsisartut Ombudsmandiata, Inatsisartut Ombudsmandiat pillugu Inatsisartut inatsisaanni 7, imm. 3-p malitsigisaanik aalajangersarsinnaavaa selskabit pineqartut taamatuttaaq Ombudsmandip ingerlatsineranut ilaatinneqarnissaat. 7. Kingunerisassai pingaarutillit allat Inatsisissatut siunnersuutip pingaarutilinnik allanik sunniuteqarnissaa naatsorsuutigineqanngilaq. 8. Oqartussaasunik kattuffinnillu il.il. tusarniaaneq Inatsisissatut siunnersuutip allaqqaarneqarnera piffissami 24. maajimit 28. juunimut imi jinissiatileqatigiiffik Iserit A/S-imut, INI A/S-imut, Kommuneqarfik Sermersuumut, KANUKOKA-mut, SIK-mut, NUSUKA-mut, Sulisitsisunut (GE), Grønlandbankenimut, Bank Nordikimut, Naalakkersuisut Siulittaasuata Naalakkersuisoqarfianut, Ineqarnermut, Sanaartornermut Attaveqaqatigiinnermullu Naalakkersuisoqarfimmut, Inuussutissarsiornermut Sulisoqarnermut Niuernermullu Naalakkersuisoqarfimmut tusarniaassutigineqarpoq. Tusarniaanermut akissuteqaatit tiguneqarput makkunaneersut: SIK, Ineqarnermut, Sanaartornermut Attaveqaqatigiinnermullu Naalakkersuisoqarfik, Iserit A/S, Grønlandsbanken, Bank Nordik, INI A/S, Komuneqarfik Sermersooq, Naalakkersuisut Siulittaasuata Naalakkersuisoqarfia, KANUKOKA aamma Kalaallit Nunaanni Sulisitsisut (GE). Matuma kinguliani tusarniaanermi akissuteqaatit tiguneqartut immikkoortuisa 7

8 xx pingaarnersaat nalinginnaasumik allallugit issuarneqarput, Naalakkersuisut oqaaseqaataat uingasumik allanneqarlutik. INI Ineqarnermut tunngasut pillugit piffissaq ungasissoq eqqarsaatigalugu pilersaarusiornissap sammineqalernera INI-p pitsaasutut isigaa. INI isumaqarpoq inatsisissatut siunnersuut, aaqqissuusseqqinneq pillugu isumaliutissiissutip, kingullertullu aamma Aningaasaqarnikkut Ingerlatsineq pillugu Nalunaarutip 2016-imeersup, pisortat pitsaasumik aqutsissappata pingaaruteqartuutillugit inassutigisaannut arlalitsigut akerliusoq. Aaqqissuusseqqinnermi tunngaviusuni oqaatigineqarpoq innuttaasunik kiffartuussineq pisariinnerulersinneqarlunilu pitsanngorsarneqassasoq kiisalu inatsisit allaffissornerlu pisariillisarneqassasut. INI isumaqarpoq inassuteqaatit taakku marluk pisortat inissiaataasa attartortittakkat aqunneqarneranni ingerlanneqarnerannilu ajornartorsiutaasut nuna tamakkerlugu aaqqiivigineqarnissaannik siunertaqartut. Ineqarnermut tunngasut aqunneqarnerisa ingerlanneqarnerisalu nuna tamakkerlugu ingerlatseqatigiiffimmit ataasiinnarmit isumagitinnerisigut pitsanngorsaaneq annertuumik angusaqarluarfiussasoq INI isumaqarpoq. INI isumaqarpoq immikkuualuttunut agguaanissaq, Aningaasaqarnikkut Ingerlatsineq pillugu Nalunaarutip immikkuutaarluni piorsaanerup millisarneqarnissaanik inassutaanut akerliusoq. Aamma akiitsoqalersarneq pillugu nuna tamakkerlugu siunnersuisarfissaq pillugu nassuiaasiorluni sulinerup takutippaa, inigisamut akiliutinut akiitsut ikilisarniarlugit qitiusumiit ataqatigiissaarinissaq pisariaqartoq. Ataqatigiissaarinissaq taanna ingerlatsiviit suleqatigiittussat amerlanerussappata pisariunerussaaq. Nuna tamakkerlugu ingerlatsiviit ilaanneeriarlutik akikinnerpaajullutillu pitsaanerpaajusinnaapput. Tamatigulli taamaattanngilaq. Ineqarnerup tungaatigut, aammalumi allatigut unammillernissamut periarfissaqarnerulernissaq Naalakkersuisut kissaatigaat. Unammillerneq allaffissornermut aningaasartuutit amerliartornerannik unikaallatsitsisinnaasoq pitsaassutsimillu allisitsisinnaasoq, taamaalillunilu attartortunut iluaqutaasinnaasoq. Aaqqissuusseqqinneq pillugu ataatsimiititaliap ilaatigut inassuteqaatigaa kommuneqarfiit neqerooruteqarfigineqassasut INI A/S-imit allaffissornikkut ingerlatsivittut atuinissaminnut. Tamanna kommunerujussuit ilaasa ilalersimavaat allallit allatut aaqqiinissaq pitsaanerutissimallugu. Inatsisissatut siunnersuummi isummerfigineqanngilaq kommuneqarfiit inissianik illuuteqarnermik aktieselskabitut ingerlatseqatigiiffiisa A/S INI allaffissornikkut sullissisutut atussaneraat, imaluunniit A/S INI-p suliassaq tamanna selskabini suliassatut ingerlatsissaneraa. Tamanna illuatungeriit aalajangersassavaat tamanna tulluartunngussappat. Inatsisissatut siunnersuummi inissianut tunngatillugu maannakkorpiaq nalorninartut immikkuutaarluni piorsaanissamut maleruaqqusat ilanngunneqanngillat. Naalakkersuisut isumaqatigaat immikkuutaarluni piorsaaneq nalinginnaasumik isumalluutinik 8

9 xx maangaannartitsinermik kinguneqartartoq, aningaasartuutinillu qaffatsitsisartoq aamma tamanna taamaattumik pinngitsoorneqartariaqartoq. Taamaattorli inatsisip siunertaata avataaniippoq maleruaqqusanik aalajangersaanissaq, tassa inissianik illuuteqarnermik aktieselskabitut ingerlatseqatigiiffiit pilersinneqarunnartut namminneq selskabitut pisariaqartitatik tunngavigalugit aaqqiinissanik sunik pitsaanerpaamik misissuinissaannik piarfissinneqannginnissaannik. Inissiat immikkoortortaqarfiisa ingerlanneqarnerisa pitsaanerulersinnissaat INI-p isumagisinnaasimavaa. Aningaasalli tamakkununnga aningaasalersuutissat tamakkerlugit inigisamut akiliutitigut inissianilluunnit piginnittut tapiissutaasigut qulakkeerneqarsinnaasimanngillat. Kommunit taarsigassarsisinnaalernermikkut, ineqarnerup tunngaatigut siunissami pisariaqartinneqartussanik aningaasalersuinissaminni landskarsimik isumalluuteqannginnissaat inatsisissatut siunnersuutikkut anguniarneqarpoq. INI-p isumaa tassaavoq pisortat inissiaatissaannik nutaanik sanaartornissamut inissiaatigeriigaannillu nutarterinissamut avataaniit aningaasalersuinissaq kissaatigineqarpat, Namminersorlutik Oqartussat ingerlatseqatigiiffiata siunniussaq ataqatigiissaarsinnaalluaraa, matumani aamma taarsigassarsiarineqarsinnaasut aqussinnaagai. Aammattaaq inatsisissatut siunnersuut suliarineqartinnagu taarsigassarsinissami atugassarititaasunik taakkualu kingunerisassaannik peqqissaartumik naliliisoqartariaqarpoq. Kommunit inissianik illuuteqarnermik ingerlatseqatigiiffinnik Namminersorlutik Oqartussat Illuut A/S-iutaattuulli pilersitsisinnaanissaat Naalakkersuisut eqqortuusoraat. Inissianik illuuteqarnermik ingerlatseqatigiiffik aningaasanik, ingerlatseqatigiiffiup inissiaataanik attartortittakkanik sananissamut nutarterinissamulluunniit atugassanik taarsigassarsisinnaavoq. Aallaaviussaaq taarsigassarsinermi atugassarititaasut il.il. taarsigassarsisitsisumit inissianillu illuuteqarnermik ingerlatseqatigiiffimmit isumaqatigiissutigineqartarnissaat. Siunniussaavorli inissianik illuuteqarnermik ingerlatseqatigiiffik akiitsunik pisussaaffilersortinnagu Naalakkersuisut akuerseqqaarsimanissaat. Naalakkersuisut qaqugukkut taamatut akuersissuteqartarnissaannut periarfissat siunnersuummi 5, imm. 2-mi aalajangersarneqarput. Aningaasartuutit ineqarnermut akiliummi toqqaannartumik takuneqarsinnaanissaat, allaalluunniit kinguneqarluarnissaannik kinguneqannginnissaannillunniit inatsisissatut siunnersuummi oqarnerit, politikkikkut aalajangiussivinnissaq eqqarsaatigalugu paasissutissiissutigilluarneqartariaqaraluarput. Taaneqartut ilanngunneqarnissaat siunertaralugu 2, imm. 3 nutaaq ilanngunneqarpoq. Kommuninut Naalakkersuisunulluunniit aningaasatigut sunniuteqannginnissaanik siunnersuummut oqaaseqaatini oqarneq kisiat isigissagaanni tamanna eqqortuusinnaavoq. 9

10 xx Tamannali attartortunut, inatsisissatut siunnersuutip kingunerisaanik allaffissornerulernermut akiliisussanngortussatut aningaasatigut sunniuteqartussaavoq. Attartortut inissianik pitsaanernik akikinnernillu kissaateqarput, INI-lu isumaqarpoq inatsisissatut siunnersuutip attartortut pisariaqartitaat naammattumik isiginianngikkai. Oqaatigineqareersutuut, ineqarnerup tungaatigut unammillertoqarnerulernissaa inatsisissatut siunnersuutip siunertaasa ilagaat. Unammillerneq allaffissornermut aningaasartuutit amerliartornerannik unikaallatsitsisinnaasoq pitsaassutsimillu allisitsisinnaasoq, taamaalillunilu attartortunut iluaqutaasinnaasoq. Kommunit namminneq inissiaatiminnik nammineerlutik aqutsilernissamut ukiorpassuarni periarfissaqareerput. Taamaammat inatsisissatut siunnersuummut oqaaseqaatini periarfissaq taanna pillugu oqarneq pisariaqarsorinanngilaq. Siunnersuut ilanngunneqarpoq. Kommunip siusinnerusukkut aqutsineratigut misilittakkat takutippaat Siunissami Pilersaarutaasumik Piffissalikkamillu Aserfallatsaaliuinissamut ingerlaavartumillu iserfallatsaaliuinissamut aningaasassanik ileqqaarnissaq iluamik eqqumaffigineqarsimanngitsoq, tamannalu kommunimi inissiat immikkoortortaqarfiinut arlaqartunut suli sunniuteqarnerluttoq. Taamaammat INI-p inassutigaa, ingerlatseqatigiiffiit taakku aningaasaatissatut pisariaqartitaasa aallaqqaataaniilli aaqqissuunneqarnissaat qulakkeerneqassasoq. Kommunini inissianik illuuteqarnermik ingerlatseqatigiiffinnik pilersitsinermi kingornalu aningaasaatissatut pisariaqartitaannik naammattunik pissaqarnissaat kommunalbestyrelsit qulakkeertariaqaraat Naalakkersuisut isumaqataaffigaat. Inatsisissatut siunnersuummi ilanngunneqanngillat selskabit aningaasatigut anguniagassaat imaluunniit qanoq aningaasalersuinikkut ingerlanissat, taamakku selskabinut allanut atuutut assigalugit, selskabinit piginnittunit aalajangersarneqartussaammata. Pisortat inissianik piginnittut, taamatullu aamma ingerlatseqatigiiffiit pisortanit pigineqartut Kalaallit Nunaanni inissianik pisortanit pigineqartunik tamanik siunissami aqutsinissaq pitsaanerpaaq angujumallugu ataatsimoornissaat nassaarniarnissaallu INI-p kajumissaarutigaa. Taamaaliornissaq aaqqissuusseqqinnerup inassuteqaataanut, taamatullu aamma Aningaasaqarnikkut Ingerlatsineq pillugu Nalunaarutip 2016-imeersup aqutsinerup pisariillisarneqarnissaanik inassuteqaataanut naapertuutissaaq. Ineqarneq pillugu politikkip tamarmiusup piffissami aggersumi, ilaatigut inissianik nammineq pilersornerulernissaq siunertaralugu misissuiffigineqarnissaa Naalakkersuisut pingaartippaat. Ingerlatseqatigiiffiit pisortanit pigineqartut tamatumunnga tunngasutigut isummersoqqinnissami peqataatinneqarnissaat pissusissamisuussaaq. 10

11 xx ISERIT Inatsimmik, inatsisissatut siunnersuutip 2011-imeersup assinganik oqaasertalersugaasumik suliaqartoqarnissaata Kommuneqarfik Sermersuumit 16. juni 2015-imi qinnutigineqarsimanera Iserit-imut ilisimatitsissutigineqarsimavoq. Aningaasalersuinermik nammataqarnerup pisortanit oqartussaasuniit pineqartunik atuisuusunut nuunneqarsinnaanera pingaartuuvoq, attartornermummi akiliutinik angissusiliisarnerup aningaasartuutinut naapertuunnerusumik pineratigut inissiat neqeroorutigineqartut piumaneqartullu naligiinnerulersinneqarsinnaammata, immaqalu aamma utaqqisuni allattorsimaffinni allatsissimasut ikinnerulersinnaammata. Attartornermut akiliutinik angissusiliisarneq aningaasartuutinut naapertuunnerusoq inissianik amerlanerusunik neqerooruteqartoqalerneranik kinguneqarsinnaassangatinneqarpoq. Ilaatigut nutaanik sanaartornikkut, aammali ineqarnermut akiliutit aningaasartuutinut naapertuunnerusut (immaqalu qaffasinnerusut) inissiat namminersortunit attartortinneqartartut akissarsiaqqortuunut pilerinarnerulernerisigut, taamaaliornikkullu inissiat nalinginnaasut akissarsiakinnerusunit ineqarnermut tapiiffigineqarnerunikkut - inigiumaneqarnerat ingerlaannassalluni. Tassuunakkut ineqarnerup tungaatigut tapiissuteqartarnerup inoqutigiinnut aningaasarsiakinnerusunut siunnerfeqarnerusumik nuutsikkiartuaarneqarnissaa pissaaq. Aammattaaq kommunip inissianillu illuuteqarnermik ingerlatseqatigiiffiup suliassanik agguataarinerisa qanoq aalajangersarneqarnissaannut, tassuunakkullu kommunini ineqarnerup tungaatigut isumalluutit tamarmiusut pitsaanerpaamik atorneqarnissaannut periarfissat annertusarneqarnissaat inatsisissatut siunnersuutikkut periarfissiuunniarneqarpoq. Ilaatigut inissianik attartortitsisarneq pillugu peqqussummut, kommunit Namminersorlutillu Oqartussat inissiaataasa ineqarnermut akiliutit angissusilerneqartarnerat eqqarsaatigalugu kapitali 4-mi immikkoortinneqarfiannut, tunngatillugu apeqqutaavoq inissianik illuuteqarnermik ingerlatseqatigiiffiit pisortat ingerlatseqatigiiffiutigineraat imaluunniit namminersortut ingerlatseqatigiiffiutigineraat. Tamanna minnerunngitsumik aningaasaatit iluanaarutitaat eqqarsaatigalugit soqutiginaateqarpoq, tassanimi pisortat inissiaataat eqqarsaatigalugit aningaasaliinermi aningaasartuutit ilaat qanoq amerlatigisut ineqarnermut akiliutinut ilanngunneqarnissaat qummut killilerneqartarmat, inissiani attartortittakkani namminersortunit pigineqartuni attartornermut akiliutinik angissusiliinermi tamanna atuutinngitsoq. Killilersuutit inatsisissatut siunnersuutip kingunerisaanik atorunnaarnissaat naatsorsuutigineqarpoq. Aamma apeqqutaavoq inissianik illuuteqarnermik ingerlatseqatigiiffiit, pissutsit allat eqqarsaatigalugit pisortanit namminersortunilluunniit pigineqartutut isigineqassanersut, matumani ilaatigut utaqqisut allattorsimaffii, qularnaveeqqusiissutissat il.il. eqqarsaatigalugit. Taaneqartut ilanngunneqarnissaat siunertaralugu 2, imm. 3 nutaaq ilanngunneqarpoq. 11

12 xx Kommunit inissianik illuuteqarnermik ingerlatseqatigiiffinnut, niuernermi nalinginnaasumik ernialiunneqartartumit appasinnerusumik erniaqartitsillutik taarsigassarsisitsisinnaalernissaat 3, imm. 1-p periarfissippaa, tamannalu inigisamut akiliutit angissusiannut sunniuteqarsinnaavoq. 3, imm. 1-imi erseqqissarneqarpoq kommunip inissianik illuuteqarnermik ingerlatseqatigiiffimmut taarsigassarsiaritikkunnagai niuernermi atugassarititaasut naapertorlugit pissasut. Kommunit taarsigassarsisitsisarnermik inuussutissarsiuteqartunut, akileraartartut akileraarutaat atorlugit unammillernissaat siunnersuutikkut anguniagaanngilaq. Imm. 2-mi aalajangersakkap allanngortinneqarnissaa, tassa kommunit nammineerlutik aalajangiisinnaanissaat isumaliutigineqartariaqarpoq. Siunnersuut ilanngunneqarpoq. 5 ima paasineqarsinnaavoq, inissiat nutaat ineqarnermut akiliummik, aningaasalersuinermi aningaasartuutinik matussusiisinnaasumik akilersillugit attartortinneqarsinnaanerat suliassamut pilersaarummi qularnanngitsutut saqqummiunneqarpat, taava inissianik illuuteqarnermik ingerlatseqatigiiffiit taarsigassarsiniarnerminni akuerineqarnissartik naatsorsuutigisinnaassagaat. Aammattaaq 2, imm. 3 nutaaq innersuussutigineqarpoq. Ineqarnermut tunngasutigut suliassat, kommunit 2009-mi aaqqissuuteqqinneqarmata anguniagaasunik piviusunngortitsinissaq eqqarsaatigalugu Namminersorlutik Oqartussaniit kommuninut nuunneqarnissaat 6-ip periarfissippaa. Grønlandsbanken Inatsisissap siunniussai Grønlandsbankenip isumaqatigai. Kommunit Namminersorlutillu Oqartussat inissiaataat atorlugit aningaasaliisoqassappat mianersorluni naliliussinissaq aningaaseriviup nakkutigineqartariaqarsoraa, tassa aserfallassimanerat nutartertariaqarnerallu eqqarsaatigalugit. Isummat taakku Naalakkersuisunit isumaqataaffigineqarput. Kommunit inissianik illuuteqarnermik aktieselskabitut ingerlatseqatigiiffiinik pilersitsinikkut avataaniit aningaasaliisoqarsinnaanera periarfissaalissaaq. Taarsigassarsinissap taassuma inuiaqatigiinni aningaasarsiornikkut ineriartorneq tamaat isigalugu, aammalu Naalakkersuisut akiitsut eqqarsaatigalugit periusissiaasa periarfissarititaasa iluanni pinissaa pingaartuuvoq. Atuisut akilersinnaasaannik naliliinissap, pisortat aningaasartuutaannik ikilisitsinissap imaluunniit pisortat isertinnerusassaasa tamatigut maleruagassat siumut aalajangersagaare- 12

13 xx ersut paatsuugassaanngitsullu naapertorlugit pinissaat aningaaseriviup siunnersuutigaa, tassa pisortat siunissami inissialiortiternissami aningaasartuuteqarnerulinnginnissaat qulakkeerniarlugu. Maleruagassatut siunnersuutit kommunit susassaqartullu allat peqatigalugit itinerusumik eqqartuinissami tunngavigineqarsinnaasut suliarineqarumaarput. SIK Inissiaatileqatigiiffiliornissaq SIK-p akerlerinngilaa. Kommunit inissianik illuuteqarnermik ingerlatseqatigiiffiutaannik pilersitsoqassappat INI-p siunissami ingerlaannarnissaa apeqquserneqarsinnaavoq. INI-p atorunnaarsinneqarnissaa maanna pilersaarutaanngilaq. Kommuneqarfik ataaseq imaluunniit kommuneqarfiit arlallit aalajangissappata siunissami A/S INI inissiaatiminnik allaffissornikkut aqutsisutut atorunnaarniarlugu, taava tulluassaaq eqqarsaatigissallugu A/S INI-mut tunngatillugu tamanna allanngortitsinermik kinguneqassanersoq. Tamatumani pineqanngilaq inatsisissatut siunnersuut patsisaalluni ajornartorsiut nutaaq pilersinneqartoq. Maannakkut maleruaqqusat atuuttut naapertorlugit kommuneqarfiit aammattaaq pisinnaatitaapput A/S INI inissiaatiminnik allaffissornikkut aqutsisutut atorunnaarsinnaallugu. 2 kukkunerusimassaaq, kommunimmi sulisuminnut piumasaqarsinnaanngillat kommunimut qinigassanngorteqqunagit. 2 kommunit inissianik illuuteqarnermik ingerlatseqatigiiffiutaannik pilersitsinermut ingerlatsinermullu tunngasuuvoq. 5-imi allaqqavoq aserfallatsaaliuineq attartortut akiligassarigaat. SIK isumaqarpoq kommunit Namminersorlutillu Oqartussat nutarterinissanut akileeqataassasut, attartortummi suli annerusumik nammakkersorneqassanngillat. Attartortut inissiat attartukkamik ingerlanneqarnerannut aningaasartuutit tunngaviatigut akilertariaqarpaat. Namminersorlutik Oqartussat kommunillu illuutinik sanaartornermut tapiissuteqarajupput, soorluttaaq akissakinnerit ineqarnermut tapiiffigineqarnissamik qinnuteqarsinnaasut. Naalakkersuisut isumaqarput ineqarnermut tunngasutigut tapiiffiginnittarneq tamanut atornagu, pisariaqartitsinernulli siunissami sammitinneqarnerusariqartoq. Kommuneqarfik Sermersooq Kommuneqarfik Sermersuup siunnersuut, kommunit inissiaatiminnik aserfallatsaaliusinnaanerannut ilaartuisinnaanerannullu periarfissanik pitsanngorsaasussaq nuannaarutigaa. Inatsisissatuttaaq siunnersuutip aningaasartuutiviusunut 13

14 xx naapertuunnerusumik akeqartitsinissaq qulakkiissavaa, minnerunngitsumillu aamma aningaasalersuinissamut allanik periarfissiissalluni. KANUKOKA, Sulisitsisut (GE), BankNordik, Naalakkersuisut Siulittaasuata Naalakkersuisoqarfia aamma Ineqarnermut, Sanaartornermut Attaveqaqatigiinnermullu Naalakkersuisoqarfik siunnersuummut oqaaseqaatissaqanngillat. 14

15 xx Siunnersuummi aalajangersakkanut ataasiakkaanut oqaaseqaatit 1-imut Inatsisissap siunertaa atuuffialu aalajangersakkami aalajangersarneqarput. 2-mut Aalajangersagaq kommunit, kommunit inissianik illuuteqarnermik ingerlatseqatigiiffiutaannik pilersitsisinnaanerannik tunngavissiivoq. Aalajangersakkami aalajangersarneqarpoq kommuneqarfiit inissianik illuuteqarnermik aktieselskabitut ingerlatseqatigiiffiutaasa aktiaateqarluni ingerlatseqatigiiffittut pilersinneqarnissaat. Kommunit inissianik illuuteqarnermik aktieselskabitut ingerlatseqatigiiffiutaat taamaalillutik ingerlatseqatigiiffiit pillugit inatsimmi aamma ukiumoortumik naatsorsuutit pillugit inatsimmi, ingerlatseqatigiiffiit qanoq ingerlanneqarnissaannik maleruagassanik ilisimaarineqartunik erseqqissunillu aalajangersaaffiusuni pineqartunut ilaassapput. Kommunip inissianik illuuteqarnermik aktieselskabitut ingerlatseqatigiiffiutaa kommunimit ataatsimit imaluunniit kommuneqarfinnit arlaqartunit ataatsimoorullugu pilersinneqarsinnaallunilu pigineqarsinnaavoq, soorluttaaq aamma Namminersorlutik Oqartussat piginneqataasunut ilaasinnaasut. Taamaattorli piumasaqaataavoq kommuneqarfik ataaseq imaluunniit kommuneqarfiit arlallit ataatsimoorlutik 51 %-imik akisussaalluni aningaasaateqarnermik pigisaqarnissaat, tassa inatsit atuutsinneqassappat. Inissianik illuuteqarnermik aktieselskabitut ingerlatseqatigiiffiit Kalaallit Nunaanni inissianik sanaartorsinnaapput, pigisaqarsinnaapput, attartortitsisinnaapput aqutsisinnaallutillu. Ingerlatseqatigiiffiuttaaq pisortat oqartussaasut allat aamma suliffeqarfiit pisortanit Kalaallit Nunnaanni pigineqartut inissiaataat attartortittakkat aqunneqarnissaat isumagisarisinnaavaa. Kommuneqarfiit inissianik illuuteqarnermik aktieselskabitut ingerlatseqatigiiffiutaat taamaalillutik ima inissisimalissapput, niuernermik taassumunnga assingungusumik ingerlataqartut allat, soorlu A/S Inissiaatileqatigiiffik INI-p ingerlatsineratut ingerlatsisinnaallutik. Kommuneqarfiit inissianik illuuteqarnermik aktieselskabitut ingerlatseqatigiiffiutaat pisortatut oqartussaasut aallat imaluunniit pisortat suliffeqarfiutaannik sullissilerunik, tamanna niuerneq tungavigalugu piumaqaatit naapertorlugit ingerlanneqassaaq tamatumunnga ilanngullugit unammilleqatigiinneq pillugu inatsimmi maleruaqqusat mianerinissaat. 15

16 xx Pisortatut oqartussaasutut aamma pisortat suliffeqarfiutaattut isigineqarput kommunit Namminersorlutillu Oqartussat ingerlatsivii, naalakkersuisoqarfii, suliffeqarfiutaat il.il., missingersuutaat kommunit ukiumoortumik missingersuutaanni imaluunniit Namminersorlutik Oqartussat aningaasanut inatsisaanni ilaasut. Tamanna aamma atuuppoq suliffeqarfinnut, aningaasaateqarfinnut immikkut ittunut, suliffeqarfinnut imminut pigisunut il.il. tamanut, taakku missingersuutaat kommunit ukiumoortumik missingersuutaanni imaluunniit Namminersorlutik Oqartussat aningaasanut inatsisaanni, ingerlatsiviit naalakkersuisoqarfiillu kiisalu suliffeqarfiit nammineertitat missingersuutaat assigalugit ilanngunneqarsimappata. Kommunittaaq inissianik illuuteqarnermik aktieselskabitut ingerlatseqatigiiffiutaata ingerlatseqatigiiffiit pisortanit pigineqartut, matumani soorlu kommunit inissianik illuuteqarnermik aktieselskabitut ingerlatseqatigiiffiisa allat aamma ingerlatseqatigiiffiit Namminersorlutik Oqartussanit pigineqartut illuutaannik aqutsinermik isumagisaqarsinnaavoq. Kommunip inissianik illuuteqarnermik aktieselskabitut ingerlatseqatigiiffiutaata taamaalilluni assersuutigalugu Tele Greenland A/S illuutinik aqutsinermik isumaginnissussinnaavaa. Imatut pisoqartillugu kommuneqarfiup inissianik illuuteqarnermik aktieselskabitut ingerlatseqatigiiffiutaa inissianik attartortinneqartunik piginnittuulluni, attartortitsineq maleruagassat illuutinut attartortittakkanut namminersortunit pigineqartunut atuuttut naapertorlugit ingerlanneqassaaq, ineqarnermut akiliutip aningaasartuutit malillugit annertussusilerneqarnissaa pillugu maleruagassat taakkununnga atuuttut ilanngullugit. Imatut pisoqartillugu kommuneqarfiup inissianik illuuteqarnermik aktieselskabitut ingerlatseqatigiiffiutaa inissianik attartortinneqartunik piginnittuunani, attartortitsineq attartortitsisutut piginnittumut pineqartumut maleruaqqusat attuttut naapertorlugit attartortitsineq ingerlanneqassaaq. Inissiaq kommunimit Namminersorlutilluunniit Oqartussanit pigineqarpat, inissiat attartortinneqarnerat maleruagassat inissianut taakkununnga atuuttut naapertorlugit ingerlanneqartussaassaaq, inissiat soorlu assersuutigalugu Tele Greenland A/S-imit pigineqarpata inissianik taakkuninnga attartortitsineq maleruagassat illuutinut attartortittakkanut namminersortunit pigineqartunut atuuttut naapertorlugit ingerlanneqartussaassalluni. Inissiaq attartortumut attartortinneqartoq kommuneqarfiup imaluunniit Namminersorlutik Oqartussat kommuneqarfiup inissianik illuuteqarnermik aktieselskabitut ingerlatseqatigiiffiutaanut tunniuppagu, inissianik illuuteqarnermik aktieselskabitut ingerlatseqatigiiffiup attartornermik isumaqatigiissutigineqarsimasoq, tamatumani ineqarnermut akiliutip naatsorsorneqarnera, aserfallatsaaliuinissaq il.il. pillugit atugassarititaasutut isumaqatigiissutaasimajunnartut ataqqisassarissavai. 16

17 xx Attortut pisinnaatitaaffiisa qulakkeerneqarnissaat siunertaralugu siunnersuutigineqarpoq, attartortut aamma kommunip inissianik illuuteqarnermik aktieselskabitut ingerlatseqatigiiffiutaa akornanni aaqqiagiinngitsutit, ineqarneq pillugu maalaaruteqartarfiup, inissianik attartortitsisarneq pillugu peqqussummi 27, stk. 1, 33-35, 40, 46, 70, 73, 74, stk. 2, 84, stk. 2-4, 85 aamma 86, naapertorlugit aalajangiiffigisassagai. Kommunimi inissianik illuuteqarnermik aktieselskabitut ingerlatseqatigiiffimmik pilersitsisumi kommunalbestyrelsip suliassaraa, kommunip inissianik illuuteqarnermik aktieselskabitut ingerlatseqatigiiffiutaani siulersuisuni ilaasortanik toqqaasarnermi maleruagassanik aalajangersaanissaq. Naatsorsuutigineqarpoq kommunalbestyrelsip pingaartissagaa siulersuisut ilisimasaqarluartunik, aammalu ingerlatseqatigiiffiit pillugit inatsisip isumaa siunertaalu naapertorlugit inuttalersugaanisaat. Aamma kommunalbestyrelsip ilaatigut aalajangersinnaassavaa inuit kommunip ingerlatsiveqarfiini sulisuusut siulersuisuni ilaasortassatut toqqarneqarsinnaannginnissaat il.il. Maleruagassat kommunip internetikkut nittartagaatigut tamanut saqqummiunneqassapput. 3-mut Imm. 1-imut Matumani ilaatigut taaneqarsinnaapput illuutinik nutaanik sanaartorneq aamma illuutinik pioreersunik nutarterineq. Aningaasat suliniummut aalajangersimasumut imaluunniit suliniutinut, nalinginnaasumik kommunit inissianik illuuteqarnermik aktieselskabitut ingerlatseqatigiiffiutaannit aallartinneqartunut isumagineqartunullu toqqaannartumik aningaasaliissutigineqarsinnaapput. Taarsigassarsisitsineq niuernermi atugassarititaasut qaqugukkulluunniit atuuttut naapertorlugit pissaaq. Imm. 2-mut Aalajangersakkami taamaallaat aalajangersaaffigineqarpoq kommunit inissiaataannik kommunit inissianik illuuteqarnermik aktieselskabitut ingerlatseqatigiiffiutaannut tunniussineq. Siunertaavoq inissianik attartortittakkanik tunniussinermi aningaasartuunit ikittuinnaanissaat, aamma Namminersorlutik Oqartussat inissiat sananeqarneranni taarsigassarsisitsisimappata tapiissuteqarsimappataluunniit. Imm. 3-mut Aalajangersakkami aalajangersarneqarpoq illu pigisaq tunniunneqarpat, tunineqarpat il.il., taava Namminersorlutik Oqartussanit tapiissutit taarsigassarsiallu utertinneqassasut. 17

18 xx Aalajangersagaq pigisamik aalaakkaasumik tunniussinerni tamani atuutissaaq,, herunder ved mageskifte, udlodning som udbytte eller lignende. En kommunes overdragelse af aktier i et boligaktieselskab betragtes ligeledes som overdragelse af fast ejendom i denne forbindelse, ligesom overdragelser der sker som led i en fusion eller spaltning falder ind under bestemmelsen. tamatumunnnga ilanngullugit illuutinik paarlaassineq, sinneqartoorutinik agguaassineq, agguagarsineq assigisaaluunniit. Kommuneqarfiup inissianik illuuteqarnermik aktieselskabitut ingerlatseqatigiiffimmi aktianik tunniussinera taamatuttaaq tamatumunnga atatillugu pigisamik aalaakkaasumik tunniussinertut isigineqarpoq, taamatuttaaq tunniussineq kattunnermut avissaarnermulluunniit atatillugu pippat aalajangersakkami tamanna ilaatinneqarpoq Taamaattorli Naalakkersuisut akuersissuteqarsinnaapput utertitsisoqassannginneranik pisortat oqartussaasuinut imaluunniit inissianik illuuteqarnermik aktieselskabitut ingerlatseqatigiiffinnut tunniussineq tunisineq il.il. pippat. 4-mut Imm. 1-imut Maleruagassat tamakku assersuutigalugu tassaasinnaapput ingerlatseqatigiiffiup ulluinnarni ingerlatitaaneranut tunngasut, piginneqatigiinnermik suleqatigiinnermilluunniit isumaqatigiissutini killiliissutit, piginnittunik amerlisitsineq, matumani aamma kommuneqarfinnik allanik imaluunniit Namminersorlutik Oqartussanik. Namminersorlutik Oqartussat illuutaannik kommunit inissianik illuuteqarnermik aktieselskabitut ingerlatseqatigiiffiutaannut tunniussineq pillugu maleruagassanik aalajangersaanissamut piginnaatitaaneq 6, imm. 1-imi aalajangersarneqarpoq. 5-imut Imm. 1-imut Kommunip inissianik illuuteqarnermik aktieselskabitut ingerlatseqatigiiffiutaata aningaasanik avataaniit taarsigassarsiniarsinnaanera Naalakkersuisut aalajangersaaffigisinnaavaat. Tamanna Naalakkersuisut, kommunit taarsigassarsiaannik tamarmiusunik inuiaqatigiinni aningaasarsiornikkut ineriartornermut naleqqussaanissaannik periarfissiivoq. Imm. 1, nr. 3-mut Attartorneq pillugu isumaqatigiissutinik oqarnermi pineqarput, inissianik illuuteqarnermik aktieselskabitut ingerlatseqatigiiffiup aningaasalersorneqarneranut atatillugu isumaqatigiissutit, attartornissamik isumaqatigiissutit ingerlatseqatigiiffiup inissiaataasa attartortinneqarnerannut tunngassutillit aalajangersakkami pineqartunut ilaanngitsut. 18

19 xx Imm. 2-mut Kommunip inissianik illuuteqarnermik aktieselskabitut ingerlatseqatigiiffiutaata susoqartillugu akiitsoqalersinnaaneranik allatulluunniit pisussaaffeqalersinnaaneranik Naalakkersuisut akuersissuteqarsinnaanerat aalajangersakkami sinaakkusersorneqarpoq. Killiussani aallaavigineqarpoq killiussaasut Naalakkersuisut pisortat akiitsoqalersinnaanerannik akuerissuteqartarneranni allanut atuuttussaatinneqartussaasut. Kommunip inissianik illuuteqarnermik aktieselskabitut ingerlatseqatigiiffiutaata iluani immikkoortortat akornanni pisussaaffiit aalajangersakkami pineqanngillat. Soorlu ingerlatseqatigiiffimmi immikkoortortamit ataatsimit immikkoortortamut allamut taarsigassarsiarititat aalajangersakkami pineqanngillat. Akerlianik pineqarput taarsigassarsiat il.il., kommunip inissianik illuuteqarnermik aktieselskabitut ingerlatseqatigiiffiutaata taarsigassarsisitsisartumit avataaneersumit taarsigassarsiai, apeqqutaatinnagu taarsigassarsisitsisoq taanna inissianik illuuteqarnermik aktieselskabitut ingerlatseqatigiiffimmik piginnittunut ilaanersoq imaluunniit aqutsinissamik isumaqatigiissuteqarsimanersoq. Naatsorsuutaavoq Naalakkersuisut, kommunip inissianik illuuteqarnermik aktieselskabitut ingerlatseqatigiiffiutaata taarsigassarsinissaanik akuersissuteqartinnatik aningaasaliissuteqarnissamut pineqartumut tunngatillugu taarsigassarsinissamik aningaasaliissuteqarnissamillu pisariaqartitsinermik tamarmiusumik naliliisassasut. Kommunip inissianik illuuteqarnermik aktieselskabitut ingerlatseqatigiiffiutaata taarsigassarsinissaa il.il. Naalakkersuisut akuersissutigissanngilaat, taarsigassarsinermut il.il. atatillugu aningaasartuutit, soorlu erniat taarsersukkallu, atuisut akiliutaannit, pisortat akiliutaasa ikilinerannit imaluunniit kingunerisaannik pisortat isertinnerusaannit minnerpaamik matussuserneqarsinnaanngippata. Tassa imaappoq aningaasartuutit atuisunit tamakkiisumik nammanneqarsinnaassapput, imaluunniit pisortat aningaasartuutaasa ikilissutaannik kingunerisaannilluunniit pisortat isertitaqarnerulissutaannik illua tungilerneqassallutik, tassa aningaasartuutit minnerpaamik amerlaqataannik. Pisortat isertitaqarnerulissutaat ilaatigut tassaapput akileraarutit A-t akitsuutillu, aningaasaliissummut toqqaannartumik attuumassuteqartut. Taaguummi atuisut akiliutaat -ni taamaallaat pineqanngillat inuit aningaasaliissummik pineqartumik toqqaannartumik atuisuusut, aammali allat tamakkuninnga assingusunilluunniit atuisuusut. Assersuutigalugu aningaasat illuummik nutarterinermi atugassatut taarsigassarsiarineqartut inissianik illuuteqarnermik aktieselskabitut ingerlatseqatigiiffiup ineqartuutaanut tamanut imaluunniit ineqarfimmi aalajangersimasumi ineqartunut, taamaatunik pilersitsisoqarsimappat agguataarneqarnerat aalajangersakkamik 19

20 xx naapertuinerussaaq, tassa imaanngitsoq illuummi siunissami ineqarumaartussanuinnaq agguarlugit. Imm.3-mut Kommunit inissianik illuuteqarnermik aktieselskabitut ingerlatseqatigiiffiutaasa ingerlatsinermut atugassanik taarsigassarsisarnerat pillugu maleruagassiornissamut Naalakkersuisut piginnaatitaanissaat siunnersuutaavoq. Ingerlatsinermut atugassanik taarsigassarsiat tassaapput, soorlu ingerlaavartumik akilersukkanut, assersuutigalugu akissarsianut, ingerlatsinermi atortunit pisinermut aamma piffissanut aagguataarinissap kingunerisaanik aningaasaatit tigoriaannaat nikerarnerinut atugassat. Inissianik illuuteqarnermik aktieselskabitut ingerlatseqatigiiffiit siunertanut sunut aningaasanik ingerlatsinermut atugassanik taarsigassarsisinnaanerat, matumani aamma aningaasat ingerlatsinermut atugassatut taarsigassarsiat ernianut akiitsunullu taarsersukkanut imaluunniit pigisamik aalaakkaasumik allamilluunniit pisinermut atorneqartussaannginnerat pillugut maleruagassanik Naalakkersuisut ilaatigut aalajangersaasinnaassapput. Aningaasanik ingerlatsinermut atugassanik taarsigassarsinissaq maleruagassanik Naalakkersuisut aalajangersagaannik eqquutsitsippat ingerlatseqatigiiffiup imm. 1 naapertorlugu akuerineqarnissani qinnutigisariaqassanngilaa. 6-imut Imm. 1-imut Piginnittuuneq, pilersitsineq ingerlatsinerlu pillugit maleruagassanik erseqqinnerusunik aalajangersaanissamut piginnaatitsissut 4-mi aalajangersarneqarpoq. Imm. 2-mut Namminersorlutik Oqartussat inissiaataannik attartortittakkanik kommunit inissianik illuuteqarnermik aktieselskabitut ingerlatseqatigiiffiutaannut tunniussinerup Aningaasaqarnermut Akileraartarnermullu Ataatsimiititaliamit akuerineqarnissaa imaluunniit aningaasanut inatsimmi ilaatinneqarsimanissaa aalajangersakkami aalajangersarneqarpoq. Siunertaavoq tunniussinerup politikkikkut tunuliaqutaqarluartumik pinissaanik qulakkeerinissaq. 7-imut Inatsisip ulloq 1. januar 2018-imi atortuulernissaa siunnersuutaavoq. 20