LØGTINGSINS UMBOÐSMAÐUR

Transkript

1 Tórshavn, tann 13. desember 2005 J.Nr.: (at tilskila í svari) Viðgjørt: Álit viðvíkjandi uppsøgn av fulltrúa í Fiskimálaráðnum Við skrivi, dagfest 29. mars 2005, hevur A latið umboðsmanninum soljóðandi klagu: Eg loyvi mær at venda mær til Umboðsmannin við hesari kæru um at eg varð uppsagdur í Fiskimálaráðnum. Um málið er at siga, at eg varð settur í starv í Fiskimálaráðnum í 1999 og fekk í januar 2000 starvslýsing, har innihaldið av mínum arbeiði varð ásett, og eru ongar formligar broytingar gjørdar í hesum viðurskiftum og at ongar fráboðanir um nakra broyting av innihaldinum fráboðaðar mær. Við ætlanarskrivi, dagf. 16. september 2004 verður boðað mær frá, at ætlanin er at siga mær upp, vísandi til, at lønarjáttanin hjá Fiskimálaráðnum varð lækkað við kr ,-, og er yvirskipað lagdur dentur á hvørji starvsfólk Fiskimálaráðið best kann verða fyriuttan samanborið við tær uppgávur, sum standa fyri framman. Í sambandi við brævaskiftið partanna millum, verður víst til viðlagda tilfar, sum lýsir málið og sjónarmið partanna millum. Viðvíkjandi málinum er at siga, at við teirri grundgeving, at lønarjáttanin er grundarlag undir uppsøgnini, so má kravið til almenna fyrisiting verða tað, at hetta er ein røtt grundgeving, men vísandi til, at munandi lønaravlop framhaldandi er og hevur verið í Fiskimálaráðnum, verður ikki hildið at henda grundgeving heldur, og tá so er, skal uppsøgnin ikki gjøgnumførast. Víst verður m.a. til viðlagda yvirlit yvir lønarviðurskiftini í Fiskimálaráðnum, har m.a. sæst, at óbrúkta lønarjáttanin í ráðnum 2004 var kr ,-. Samsvarandi hesum fari eg at biðja um at fáa ein fund ílag við Umboðsmannin til at fáa málið nærri lýst. Eg vísi til viðlagda skjalatilfar. Málsgongd Tann 13. sept. 2004, kl sendi aðalstjórin í Fíggjarmálaráðnum hinum aðalstjórunum soljóðandi teldubræv: TRAÐAGØTA 43 POSTSMOGA ARGIR TELEFON TELEFAX LUM@LUM.FO

2 Góði starvsfelagi Boðað verður hervið frá, at landsstýrið er samt um, at miðfyrisitingin skal skerjast á fíggjarlógini fyri Hetta verður gjørt á tann hátt, at støði verður tikið í lønarjáttanini hjá aðalráðunum fyri 2004 (málsøki 11). Játtanin fyri 2004 verður fyrst framskrivað við 3,4 prosentum, ið er kompensatión fyri sáttmálahækkingar. Hereftir skal framskrivaða upphæddin lækkast við 10 prosentum. Á fundi okkara seinnapartin í dag vóru vit samd um, at boða starvsfólkunum í miðfyrisitingini frá ætlaðu sparingunum 30. september kl. 14 beint eftir at fíggjarlógaruppskotið var lagt fyri Løgtingið. Løgmaður og landsstýrismaðurin í fíggjarmálum halda hinvegin, at hetta eigur at gerast sum skjótast, og aðalstjórar verða tí bidnir um beinavegin at fara undir at fyrireika nevndu sparing Í sambandi við sparingarnar er soljóðandi upprit gjørt frá fundi í Fiskimálaráðnum: Fundarfrásøgn frá fundi, týsdag 14. september 2004, kl Luttakarar: B, C, D og E Landsstýrið hevur tann 13. september 2004 boðað frá, at miðfyrisitingin skal skerjast á fíggjarlógini fyri Boð eru givin frá Fíggjamálaráðnum um, at lønarkarmurin skal lækkast við 10 %, og at starvsfólkini í miðfyrisitingini skulu kunnast um hetta sum skjótast. Aðalstjórar vórðu bidnir um beinavegin at fara undir at fyrireika nevndu sparing. Starvsfólkini í Fiskimálaráðnum vórðu kallaði á fund, týsdagin kl har kunnað varð um hesa fráboðan, og at Ráðið ikki kom uttan um, at fólk vórðu uppsøgd. Í sambandi við uppskot til fíggjarlóg 2005 er lønarjáttanin hjá Fiskimálaráðnum lækkað við umleið kr. í mun til játtanina í Hetta kemur at merkja at 2 til 3 starvsfólk skulu sigast úr starvi. Løgmanskrivstovan hevur álagt ráðnum, at uppsagnirnar skuldi gjøgnumførast áðrenn mikudagin, 15. september kl Leiðslan í Fiskimálaráðnum umrøddi kriteriini fyri hesum uppsøgnum á fundi, sama dag kl Semja var um, at gjøgnumganga allar arbeiðsuppgávunar í ráðnum og tær einstøku starvssetananir serstakt. Yvirskipað var semja um, at neyðugt var at hyggja at teimum einstøku uppgávunum í mun til kjarnuuppgávunar hjá Ráðnum, og gera eina heildarmeting av, hvussu Fiskimálaráðið kann skipast best møguligt við færri starvsfólki. Semja var um, at uppsagnirnar skuldi býtast javnt millum aðalskrivstovuna og Fiskivinnustovuna. 1) Mett var í hesum sambandi um, hvørja útbúgving, starvsfólk hava samanborið við tær uppgávur, sum skulu loysast. Tá kjarnu uppgávurnar hjá Ráðnum er at ráðgeva landsstýrismannin í fiskivinnupolitiskum og løgfrøðisligum málum, verður torført, at vera løgfrøðingar og fiskivinnufrøðingar fyri uttan. 2) Mett varð um, hvønn førleika starvsfólk skulu hava fyri at loysa dagligar uppgávur. 2/22

3 3) Mett varð um, hvussu fólk kundi umstilla seg til aðrar arbeiðsuppgávur og hvussu liðilig tey vóru til at átaka sær aðrar uppgávur. 4) Mett varð um, hvussu starvsfólk handfara mál og hvussu dyggleikin var í málsviðgerðini. 5) Mett varð um, hvørji samstarvsevnir starvsfólki hevði bæði innanhýsis og yvir fyri umsøkjarar og politisku skipanini. 6) Mett var um uppmøtingina og hvussu ein stór frávera ávirkaði arbeiðið í ráðnum. Bókhaldið hevði útskrivað ein lista yvir lønarútreiðslunar í Ráðnum. Avgjørt var, at hoyra BLF, Starvsmannafelagið og Magistarafelagið um tey valdu kriteriini fyri ætlaðu uppsøgnunum, áðrenn farið varð víðari við málinum. Fakfeløgini høvdu ongar viðmerkingar til kriteriini. Semja var um, at gjøgnumganga yvirlitið og samanbera lønarútreiðslunar við úrslit av avriki samanborið við tey yvirskipaðu kriteriini ) A, økonomur, fíggjarfulltrúi á Aðalskrivstovuni. Fíggjarfulltrúin hevur verið ógvuliga óstøðugur og fráverandi yvir eitt langt tíðarbil. Hann er torførur at fasthalda í sínum arbeiðsuppgávum og hann hevur eisini verið sjúkrameldaður ta seinastu tíðina. A var fyri eini tíð síðani fluttur niðan í skrivstovuhølini í J. Broncks gøtu vegna niðursetta lungnafunktión, sum eftir hansara egni fatan stavaði frá inniklimanum í hølunum Yviri við Strond. Sjálvt um hann nú hevur havt onnur skrivstovuhølir, varð hann aftur sjúkrameldaður. Tað var eingin loyna, at hann hvønn dag í longri tíð hevur staðið við Leynavatn og fiskað laks, men tá hann hevði eina læknaváttan, hevur ráðið ikki mett, at rætt var at geva honum tænastuboð at møta til arbeiðis. Eftir drúgva umrøðu var semja um, at fíggjarfulltrúin ikki tók sínar arbeiðsuppgávur í álvara, hann er ógvuliga óstøðugur, og ráðið kann ikki rokna við hansara arbeiðsmegi. Mett var tí, at Ráðið kann vera hansara arbeiðsmegi fyri uttan. D setti tó fram ynski um, at hann slapp frá ábyrgdini fyri starvsfólkamálum og avgreiðsluni um hann kundi átaka sær uppgávur hjá A. Avgjørt var, at E skuldi yvirtaka hesa uppávu.... Fundur um ætlaðu uppsøgnina hevur verið við A í Fiskimálaráðnum tann 16. sept Aðalstjórin hevur gjørt soljóðandi frágreiðing frá fundinum: Frásøgn frá fundi við A Dagur: 16. september 2004 Staður: Fiskimálaráðið, J.C. Broncksgøta Luttakarar: A B D F Evni: Kunning og handing av ætlanarskrivi í s.v. uppsøgn orsakað av lønarsparingum á fíggjarlógini fyri B byrjaði fundin og greiddi frá, at landsstýrið hevði gjørt av, at lønarkarmurin hjá miðfyrisitingini fyri 2005 skuldi skerjast við 10% eftir framskrivingar fyri lønarvøksturin uppá umleið 3,4%. Fyri Fiskimálaráðið viðførir hetta, at lønarpuljan verður skerd við umleið ,- krónum. Fiskimálaráðið er tískil noytt at siga fólki úr starvi, og B upplýsti, at A er ein av teimum, sum mett verður at ráðið undir teimum givnu umstøðunum kann klára seg fyriuttan. Hann upplýsti, at A fær handað ætlanarskriv og kann gera viðmerkingar til ætlanina. Viðmerkingarnar skulu vera Fiskimálaráðnum í hendi í seinasta lagi 30. september /22

4 B kunnaði um almenna metingarstøðið, sum hevur verið brúkt sum grundarlag undir ætlaðu uppsagnunum, og nevndi somuleiðis, at yrkisfeløgini (Starvsmannafelagið, Búskapar- og løgfrøðingafelagið og Magistarafelagið) høvdu havt metingarstøðið til ummælis. Metingarstøðið var smávegis broytt grundað á viðmerkingar frá feløgunum. Metingarstøðið er endurgivið í ætlanarskrivinum, ið A fekk útflýggjað á fundinum. Í ætlanarskrivinum er eisini nevnt, hvørjir partar av metingarstøðinum hava havt týdning fyri viðgerðina av A. B upplýsti eisini, at Fiskimálaráðið hevur gjørt av at fylgja áheitanini frá Búskapar- og løgfrøðingarfelagnum, soleiðis at tey, sum fáa skriv um ætlaða uppsøgn, sleppa undan at starvast í hoyringstíðini og (um talan gerst um uppsøgn) uppsagnartíðini. Hann nevndi í hesum sambandi eisini møguleikarnar fyri at stuðla uppsagdum persónum samsvarandi ásetingunum í vegleiðandi starvsfólkapolitikkinum. A nevndi, at eftir hansara tykki er ikki neyðugt við uppsagnum í Fiskimálaráðnum, tí møguleikar eru fyri at flyta nakrar lønarútreiðslur aftur á stovnarnar, har útreiðslurnar í roynd og veru hoyra heima. Í sambandi við bygnaðarbroytingarnar fyri nøkrum árum síðani, tá Fiskimálaráðið og stovnarnir vórðu samlaði Yvir við Strond, vórðu útreiðslur fluttar frá stovnunum og til aðalráðið fyri ymiskar felagsútreiðslur, eitt nú fyri journal og bókhald. Nakrir av stovnunum undir Fiskimálaráðnum hava pláss fyri øktum lønarútreiðslum, soleiðis at ráðið kundi flutt hesar funktiónirnar aftur til avvarðandi stovn, og tískil spart lønarútreiðslur uttan at nakar nýtist at verða sagdur úr starvi. B upplýsti í hesum sambandi, at tað er møguligt at stovnar undir Fiskimálaráðnum hava pláss til øktar lønarútreiðslur í Tað er hinvegin ógvuliga óvist, um nakað pláss verður til øktar lønir á stovnunum í 2005 og undir øllum umstøðum má Fiskimálaráðið bera seg at, sum um tað ikki verður pláss fyri at trýsta lønarútreiðslur út á stovnarnar í 2005, tvs. Fiskimálaráðið verður noytt at boða frá ætlaðum (væntaðum) uppsagnum. A vísti eisini á, at hann í fleiri førum hevði gjørt vart við, at tað vantaði innihald í hansara starvi. Hann vísti á sína ónøgd við, at Fiskimálaráðið fyrst letur vera við at geva starvinum eitt forsvarligt innihald fyri síðani at siga, at starvið verður spart burtur. A nevndi eisini, at tað tykist eitt sindur løgið, at Fiskimálaráðið sigur fólki upp, sum hava søkt og fingið starv, meðan onnur, sum eru komin gjøgnum bakdyrnar, sleppa at verða verandi í starvi. A bað um, at tað verður skrivað frásøgn frá fundinum og B lovaði at skriva frásøgn frá fundinum. Á fundinum tann 16. sept hevur aðalstjórin í Fiskimálaráðnum handað klagaranum soljóðandi ætlanarskriv: Ætlanarskriv Í sambandi við uppskot til fíggjarlóg 2005 er lønarjáttanin hjá Fiskimálaráðnum (Aðalskrivstovan og Fiskivinnustovan) lækkað við kr. í mun til framskrivaðu lønarjáttanina í Fyri at Fiskimálaráðið skal kunna halda henda lønarkarm í 2005, verður neyðugt at siga fólki úr starvi. Fiskimálaráðið hevur í hesum sambandi gjøgnumgingið arbeiðsuppgávunar hjá ráðnum. Valið av teimum starvsfólkum, sum mælt verður til at siga úr starvi, er gjørt út frá eini heildarmeting av, hvussu Fiskimálaráðið kann skipast best møguligt við færri starvsfólkum. Yvirskipað hevur dentur verið lagdur á, hvørji starvsfólk Fiskimálaráðið best kann vera fyri uttan, samanborið við tær uppgávur, sum standa fyri framman. Metingarstøðið undir ætlaðu uppsagnunum er hetta: 4/22

5 Fagligur førleiki 1) Útbúgving Mett hevur verið um, hvørja útbúgving starvsfólk hava, samanborið við tær uppgávur, sum skulu loysast. Kjarnuuppgávumar hjá ráðnum er at ráðgeva landsstýrismanninum í fiskivinnupolitiskum og løgfrøðiligum spurningum so hesin førleiki verður raðfestur. 2) Førleiki Mett hevur verið um, hvønn førleika starvsfólk skulu hava fyri at loysa dagligar uppgávur. Uppgávurøkt 3) Dygd og skjótleiki Mett hevur verið um, hvussu starvsfólk handfara mál og hvussu dyggleikin er í málsviðgerðini. Persónlig viðurskifti 4) Fleksibilitetur Mett hevur verið um, hvønn eginleika fólk hava til at umstilla seg til aðrar arbeiðsuppgávur og hvussu fleksibul tey eru til at átaka sær nýggjar uppgávur. 5) Samstarvsevni Mett hevur verið um, hvørji samstarvsevnir starvsfólk hava bæði innanhýsis og yvir fyri umsøkjarum og politisku skipanini. 6) Uppmøting Mett hevur verið um uppmøtingina og hvussu ein stór frávera ávirkar arbeiðið í ráðnum. Við støði í arbeiðsuppgávunum og førleikanum hjá tí einstaka starvsfólkinum, hevur leiðslan viðgjørt ætlaðu uppsagninar. Leiðslan hevur gjøllað umrøtt tær konkretu arbeiðsuppgávunar samanborið við tey starvsfólk, sum loysa uppgávunar, og mett um hvussu hesar skulu loysast í framtíðini. Frammanfyri nevnda metingarstøðið er gjøgnumgingið. Í tínum føri hevur stóra fráveran havt týdning í metingini, men dentur hevur eisini verið lagdur á dygdina í málsviðgerðini og samstarvið við aðrar partar í Fiskimálaráðnum. Eftir eina gjøgmungongd av tínum arbeiðsuppgávum og avrikum hevur leiðslan avgjørt, at umskipa fíggjararbeiðið, soleiðis at fíggjar- og starvsfólkaleiðarin frameftir burturav tekur sær av fíggjarligum arbeiði, herundir fíggjarætlan og -lóg. Leiðslan av avgreiðslu- og starvsfólkamálum verður umskipað við eini bygnaðarbroyting í ráðnum. Títt starv verður sostatt samanborið við førleikan og tørvin í ráðnum annars mett at vera eitt av teimum størvum, sum ráðið undir givnu umstøðunum best kann vera fyri uttan. Við hesum verður tí fráboðað, at Fiskimálaráðið ætlar at loysa teg úr starvi frá 31. januar 2005 at rokna. Tygum sleppa undan at starvast í uppsagnartíðini. Møguligar viðmerkingar til hesa ætlanina mugu verða ráðnum í hendi í seinasta lagi 30. september Tann 29. sept hevur aðalstjórin í Fiskimálaráðnum sent A soljóðandi teldubræv: Kæri A, Víst verður telefonsamrøðu, har tú hevur biðið um, at freistin at gera viðmerkingar til ætlanina at siga teg úr starvi verður longd. Freistin verður hervið sett til mikudagin 6. oktober Hetta er tó treytað av, at um ætlanarskrivið dagfest 16. september 2004 verður fylgt upp við uppsagnarskrivi, so verða tygum loystur úr starvi frá 31. januar 2004 at rokna. 5/22

6 Sum vit tosaðu um, er tú vælkomin at senda tínar viðmerkingar fyri síðani at koma til eina samrøðu. Við teldubrævi tann 6. okt. 2004, hevur A sent Fiskimálaráðnum viðmerkingar sínar til ætlanarskrivið. Ummælisskrivið, dagfest 28. sept. 2004, er soljóðandi: Viðvíkjandi ætlanarskrivi, dagfest 16. september mál nr Víst verður til omanfyrinevnda skriv og freist at koma við møguligum viðmerkingum, sum er sett at vera í seinasta lagi 30. september Seinni er freistin longd til 6. oktober Mínar viðmerkingar til nevnda mál eru hesar: Grundarlagið fyri ætlaðu uppsøgnini er, at landstýrið hevur gjørt av, at lønarkarmurin hjá miðfyrisitingini - fyri Fiskimálaráðið merkir hetta Aðalskrivstovan og Fiskivinnustovan - skal lækkast við 10 %, eftir eini framskriving fyri lønarvøkstur uppá uml. 3,4 % fyri Í ætlanarskrivinum er upplýst, at talan er um eina sparing uppá kr ,-. Landstýrið hevur ikki viðtikið at siga fólki úr starvi, men at lønarsparingar skulu fremjast uppá 10 %, og hesi viðurskifti vóru váttaði á fundinum 16. sept B, aðalstjóri hevur skrivað fundarfrásøgn frá umrødda fundi. Í ætlanarskrivinum verður sagt: Fyri at Fiskimálaráðið skal kunna halda henda lønarkarm í 2005, verður neyðugt at siga fólk úr starvi. Hesi viðurskifti eru avgerðandi grundarlagið fyri ætlaðu uppsøgn av undirritaða. Umframt er sokallaða metingarstøðið subjektiva metingin fyri ætlaðu uppsøgnini. Í ætlanarskrivinum verður sagt: Frammanfyri nevnda metingarstøðið er gjøgnumgingið. Í tínum føri hevur stóra fráveran havt týdning í metingini, men dentur hevur eisini verið lagdur á dygdina í málsviðgerðini og samstarvið við aðrar partar í Fiskimálaráðnum. Eftir eina gjøgnumgongd av tínum arbeiðsuppgávum og avrikum hevur leiðslan avgjørt, at umskipa fíggjararbeiði, soleiðis at fíggjar- og starvsfólkaleiðarin frameftir burturav tekur sær av fíggjarligum arbeiði, herundir fíggjarætlan og -lóg. Leiðslan av avgreiðslu- og starvsfólkamálum verður umskipað við eini bygnaðarbroyting í ráðnum. Títt starv verður sostatt samanborið við førleikan og tørvin í ráðnum annars mett at vera eitt av teimum størvum, sum ráðið undir givnu umstøðunum best kann vera fyri uttan. Argumentatiónin fyri óneyðugu og principielt skeivu ætlanum um ætlaðu uppsøgnina, er bygd á fýra høvuðsviðurskifti, ið eru nevnd niðanfyri: Grundarlagið fyri starvinum hjá undirritaða verður undirgravað Meginregla í játtanarskipan um, at játtan av peningi á løgtingsfíggjarlóg skal avhaldast har hon er játtað; fíggjarlóg - játtanarviðurskifti Bygnaðarbroytingar, og starvsfólkapolitikkur í hesum sambandi Onnur viðurskifti Umframt verða viðmerkingar gjørdar til beinleiðis skeiv viðurskifti, manglandi viðurskifti og viðurskifti ið mugu undirbyggjast, fyri at tey kunnu standa, sum tey gera í ætlanarskrivinum. Grundarlagið fyri starvinum hjá undirrritaða verður undirgravað. Síðsta summar kom undirritaði aftur úr farloyvi. Eftirsum at eg ikki hevði í útsigt at fáa sama starv, sum tá ið eg fór í farloyvi, vendi eg mær til táverandi aðalstjóra. Eg fekk at vita, at tað vóru ómikið av uppgávum at loysa, og at tað als ikki var nakar trupulleiki at fáa hóskandi innihald í starvið. Undirritaði kom aftur í starv og hevði lutvíst tær starvsuppgávur sum áðrenn farloyvi. Tá ið undirritaði kom aftur úr farloyvi, var bygnaðarbroyting framd, og 6/22

7 undirritaði fekk tilvísing til virkandi umsitingarleiðara. Seinni varð so annar umsitingarleiðari settur í starv, tó við heitinum fíggjar-, starvsfólka- og umsitingarleiðari. Stutt eftir, at eg var byrjaður aftur, varð táverðandi aðalstjóri staðiliga gjørdur varugur við, at innihaldið í starvinum var munandi broytt, og at nýggja starvið ikki hevði hóskandi innihald - ella rættari sagt eitt virðiligt innihald fyri ein starvsettan undir BLF-treytum. Fleiri ferðir varð táverðandi aðalstjóri mintur á hesi viðurskifti, samstundis sum nýggi fíggjar-, starvsfólka- og umsitingarleiðarin (fsu-leiðarin) eisini varð kunnaður um viðurskiftini. Fleiri ferðir varð undirritaða lovað, at hesi viðurskifti skuldu koma í rættlag og formligt starvsinnihald/starvslýsing festast á blað. Hesi viðurskifti komu ongantíð í rættlag hóast fleiri áminningar frá undirritaða til aðalstjóran og fsu-leiðaran. Eftir aðalstjóraskifti varð B, eftir at undirritaði hevði biðið um fund um hesi viðurskifti, kunnaður um somu viðurskifti, og tað at eg var við at gerast troyttur av tí manglandi innihaldinum í starvinum. Eisini verðandi aðalstjóri varð mintur fleiri ferðir á hesi viðurskifti, m.a. á fundi ímillum hann, fsu-leiðaran og undirritaða. Staðiliga varð gjørt greitt, at innihaldið í starvinum var ov lítið og at tær uppgávur, sum fsu-leiðarin gav frá sær, vóru mest sum ongar og av slíkum slag, at tær vóru betri hóskandi fyri fólk í bókhaldinum. Verðandi aðalstjóri varð fleiri ferðir gjørdur varðugur við hesi viðurskifti, og hann læt meg vita, at broytingar í starvsinnihaldinum vóru fyri framman, men at hesar vóru tengdar at komandi bygnaðarbroytingum, sum ætlandi skuldi verða framdar eftir summarfrítíðina. M.a. fekk eg at vita, at ein komandi uppgáva var at fáa sjekla Lønjavningarstovuna burtur úr Fiskimálastýrinum og viðurskifti í hesum sambandið. Niðurstøðan hesum viðvíkjandi er, at eg støðugt havi gjørt vart við míni viðurskifti og ónøgd í meira enn eitt ár. Tað, at ein sokallaður fíggjar-, starvsfólka- og umsitingarleiðari er settur, hevur ført við sær, at mítt starvsøki í avgerðandi mun er vorðið undirgravað ella útholað, uttan at aðrar uppgávur eru komnar í staðin. Eisini havi eg víst á, at eg eri sinnaður at átaka mær nýggjar uppgávur uttanfyri tær starvstreytir, eg varð settur eftir! Tað síðsta, sum hendir í málinum, er, at eg í ætlanarskrivinum fái at vita, at nýggjar bygnaðarbroytingar eru settar í verk, og at fsu-leiðarin tekur sær av øllum fíggjararbeiði frameftir, og at hesin verður frítikin fyri starvsfólka- og avgreiðslumál. Tvs. síðsta innihaldið í starvi mínum verður tikið burtur og latið fsu-leiðaranum - undirgravingin av starvsinnihaldinum er fullkomin! Nú er onki starvsinnihald longur - hetta er eyðsýnt fyri øll - og sum ein "virðiligan" endabrest ja so verður tað vantandi innihaldið í starvinum brúkt sum grundgeving fyri at siga: "Títt starv verður sostatt samanborið við førleikan og tørvin í ráðnum annars mett at vera eitt av teimun størvum, sum ráðið undir givnu umstøðunum best kann verða fyri uttan." Eitt starv uttan innihald líkamikið um førleikin er ringur ella góður hjá tí, ið skal útinna starvið, kunnu øll verða fyriuttan, sjálvt Fiskimálaráðið! (Her skal skoytast uppí viðvíkjandi upprunaligu starvsetanarviðurskiftinum!!) Fíggjartos - játtanarviðurskiftir. Fíggjarlóg, felagsútreiðslur og játtanarrættleiki. Í játtanarskipanini stendur m.a, at fíggjarlóg, fíggjarlógaruppsetan, játtanarsløg og viðmerkingar eru týðandi amboð hjá løgtinginum at stýra, ávirka og raðfesta útreiðslur og inntøkur landsins, og eru við til at áseta, hvørjar heimildir, skyldur og hvørja ábyrgd ein landstýrismaður hevur viðvíkjandi umsiting av játtanum. Fíggjarlógin er eisini ein týðandi miðil til at kunna almenningin um politiskar avgerðir. Ein játtan er ein heimild hjá landstýrismanninum at hava útreiðslur til eitt ávíst endamál, ella at hava inntøkur av ávísum slag, í samsvari við tær fyritreytir, sum játtanin er givin eftir. Játtanin skal nýtast samsvarandi fyritreytinum fyri játtanini. 7/22

8 Ein meginregla í játtanarskipanini er, at játtanin endurspeglar virksemi á tí stað hon er játtað. Høvuðskontoheiti vísur játtanarendamál. Høvuðskontur er sjálv játtanin Løgtingið atkvøður um. Avgerðandi er, at játtanin avspeglar virksemi á tí høvuðskonti, hon er játtað. Í søguligum baksýnið er tað almenn vitan, at munandi broytingar vórðu framdar, tá ið Fiskimálaráðið fyri nøkrum árum síðani varð sett saman, sum tað virkar í dag, tó við minni tillagingum ávegis. M.a. vórðu fleiri starvsfólk flutt úr teimum økjunum, sum nú eru undir ráðnum, og eru tey nú á lønarlistanum hjá ráðnum. Tvs. hesi verða játtaði sum lønarpartur á høvuðskontu undir ráðnum , Fiskimálaráðið (Rakstrarjáttan). Seinni eru eisini fólk starvsett, sum eru á somu kontu. Felags fyri hesi starvsfólk er, at hesi veita tænastur, t.e. arbeiði fyri ymisku økini undir ráðnum. Útreiðslan, t.e. játtanin og tænastan sum her verður rindað (játtað) eru ikki á somu høvuðskonti. Hetta merkir, at hesi viðurskifti ikki eru sambr. nevndu játtanarviðurskiftum omanfyri jfr. játtanarskipanina, ynski frá fíggjarnevnd og landsgrannskoðara um rættleika í játtanarviðurskiftum, tvs. bæði játtanarmynduleiki og almenningur verða villeidd í hesum sambandi. Høvuðsparturin av hesum útreiðslum verður í ráðnum í dagligari talu nevnd felagsútreiðslur. Felagsútreiðslurnar hava ein býtislykil fyri økini, sum eru skipaði í hølunum Yviri við Strond, íroknað ráðið. Hesar útreiðslur vera partvíst endurgoldnar, sí konta 76, innanhýsis flytingar ímillum almennar stovnar. Hesin peningur (inntøka) inngongur síðani í vanliga raksturinum í ráðnum, sí t.d. rokniskapirnar fyri 2001 og Peningurin verður tikin av konto 71 í teimum ymisku økjunum og ikki av konto 11, sum er roknað til lønir! Sjálvt um hesi viðurskifti eru aftirvendandi, verður ikki í fíggjarlógarhøpi roknað við hesum inntøkum/útreiðslum, tvs. hesar hava ávíst reglusemi og veksandi ár fyri ár. Í Fíggjarlógini fyri 2005 eru somu viðurskifti galdandi, neyðugi rættleikin í samband við inntøkur/útreiðslur er ikki tilstaðar. Tvs. játtanarmynduleiki og almenningur verða framhaldandi villeidd. Sambr. játtanarskipanini og ynskjum frá politiskum og umsitingarmynduleika á økinum og sæð í ljósinum av betri gjøgnumskygni fyri játtanarmynduleikan og almenningin, er rættast um peningurin, tvs. í hesum førum at lønirnar eru játtaðar á teimun konti, tvs. teimum støðum har tænasturnar verða veittar - ein meginregla í allari skipanini. Eisini er galdandi, at fólk úr øðrum økjum í Fiskimálaráðnum er komin á lønarlistan hjá ráðnum og tænasturnar hesi fólk veita, er í stóran mun mótvegis øðrum økjum undir ráðnum. Samanlagt eru hesar lønarútreiðslur millum kr. 2-2,5 mió.! Hetta merkir, at samlaða játtanin hevur munandi játtanarligan sjálvstøðugan áhuga. Mín metan er, sæð í ljósinum av gongdini síðstu árini og ikki minst út frá fyrr umrødda játtanarrættleika, at minni parturin av hesi lønarupphædd objektivt hoyrir heima á lønarlistanum hjá ráðnum! Eyðsæð uttan at verða lítillátin meti eg, at tað ikki er nakar í ráðnum í dag sum hevur betur grundarlag fyri at meta um hesi viðurskifti enn undirritaði. Komandi bygnaðarbroytingar og umrøddu lønarútreiðslur. B, aðalstjóri hevur sett dyrnar uppá glopp fyri ætlaðu bygnaðarbroytingum í Fiskimálaráðnum. Stutt sagt kan sigast, at niðurstøðan burtur úr hesum ætlanum er, at kjarnuuppgávurnar framyvir í ráðnum verða at ráðgeva landstýrismanninum í fiskivinnupolitiskum og løgfrøðisligum spurningum. Tvs. í høvuðsheitum verður tað Aðalskrivstovan og partur av Fiskivinnustovuni, sum framyvir verður tað, ið vit í dag kalla Ráðið. Tað merkir, at restin av økjunum á einhvønn hátt, fáa ein meira sjálvstøðugan eksistens við egnum játtanum og verða yvirhøvur fyrisitingarliga sjálvstøðugt skipað, ella verða flutt ella á annan hátt samskipaði - meira leyst av landstýrismanninum. Avleiðingin av hesum er, at ráðið ikki framyvir hevur tørv fyri t.d. reingerð fyri uml. kr , móttøku og journal fyri kr. 1/2-3/4 mió. osv. Eftir fyrr umrødda býtislykli fyri felagsútreiðslur og einari meting fyri einum skynsomum rakstri frameftir, er realistiskt 8/22

9 leysliga at meta, at uml. helmingurin ella reiðiliga helmingurin av ímillum kr. 2-2,5 mió. (helst nærri kr. 2,5 mió.) hoyra játtanarliga heima uttanfyri ráðið! Eisini skal minnast á, at fólk er í farloyvi, sum lættir munandi um á lønarkontuni fyri 2005, umframt at ein loysn er funnin fyri lønini hjá samskiparanum í fiskivinnugransking, soleiðis at henda lønin ikki neyðugt skal lønast av ráðnum. Somuleiðis er eitt normerað starv í ráðnum (Fiskivinnustovan) ikki sett, umframt at peningur hevur verði á lønarkontuni til avloysing í summarferiu v.m. Afturlítandi í høpi av hvussu Fiskimálaráðið varð skipað og sett saman fyri nøkrum áðrum síðani, og havandi í huga "reversibilitetin" í ætlaðu bygnaðarbroytingum, saman við rættleikanum í verðandi játtanarskipan, krydrað við eitt sindir av vanligum rættvísi og virðiligari mannagongd, eigur at verða umhugsað at flyta umrøddu tænastur aftur, har tær hoyra heima. Tað merkir, játtanarliga flyta tann partin av lønarupphæddini, sum veruliga ikki hoyrir heima í ráðnum út aftur á tey økini, har respektivu tænasturnar verða veittar. Er tað soleiðis, at tað í teimum respektivu økjunum ikki er pláss á lønarkarminum, eigur trupuleikin at verða loystir har! Tað ber ikki til at fasthalda størv í ráðnum, sum eru játtaði undir skeivum fortreytum. Tænasturnar, sum hesar lønir føra við sær, verða veittar aðrastaðir, og ætlanir eru um bygnaðarbroytingar, sum nattúrliga skuldi skunda undir at flyta tænasturnar aftur, har tær hoyra heima. Avleiðingin av hesum viðurskiftum er ikki umhugsað! Ella er ráðføringin hesum viðvíkjandi soleiðis, at hesi viðurskifti ikki verða tikin fram í ljósmála? Her skal skoytast uppí, at verðandi lønarkarmar í fleiri av økjunum undir ráðnum geva møguleika fyri hesar tænastur (fólk) talan er um, og at hesi nattúrliga verða skipað í respektivu økjunum. Umframt skal nevnast, at fleiri øki hava ynski um meira fólk, og játtanirnar eru til staðar! Tvs møguleiki er at flyta fólk! Her verður sipað til t.d. lønjavningarstovu, Fiskiveiðieftirlitið og Skipaeftirlitið! Endaliga skal sigast, at verðandi ætlan um uppsagnir, sum rakar tvey starvsfólk, ið eru flokkað undir sáttmálanum hjá BLF - um hildið verður fast við ætlaðu uppsagnirnar - beinleiðis førir við sær fasthaldan av øðrum størvum, sum ikki hoyra undir BLF-sáttmálan og sum eru játtaði undir skeivum fortreytum og/ella eru komnar á lønarlistan hjá ráðnum gjøgnum "bakdyrnar". Bygnaðarbroytingar og starvsfólkapolitikkur í hesum sambandi. Í ætlanarskrivinum, sí hetta og endurgeving av hesum fyrst í skrivinum, verður grundgivið fyri ætlaðu uppsøgnini við bygnaðarbroytingum. Eisini vóru hesi viðurskifti staðfest av aðalstjóranum á fundinum 16. september Í starvsfólkapolitikkinum fyri bygnaðarbroytingar, verður tosað um starvsfólkaluttøku í samband við avgerðandi broytingar á arbeiðsplássinum. Talan er um avgerðandi broytingar, tá ið innihaldið í arbeiðinum broytist ella ávirkast grundleggjandi. Í ætlanarskrivinum verður beinleiðis sagt, at fíggjararbeiðið verður umskipað, og at fíggjarog starvsfólkaleiðarin frameftir burturav tekur sær av fíggjarligum arbeiði, herundir fíggjarætlan og -lóg. Síðsta innihaldið í starvi mínum er nú tikið burtur! Ongin ivi kann verða um, at hetta eru avgerðandi broytingar, og at starvsinnihaldið broytist grundleggjandi - tað er jú heilt burtur! Grundleggjandi kann sigast, at starvsfólkapolitikkurin í samband við bygnaðarbroytingar ikki er fylgdur! Endamálið við politikkinum er sett fult og heilt til viks. Í høvuðsheitum er parturin viðvíkjandi kunning eisini settur til viks, m.a. er her tilskilað at tíð skal verða at umrøða málið, so sjónarmið og uppskot hjá starvsfólkunum kunnu verða tikin við í 9/22

10 avgerðargrundarlagið, áðrenn avgerðin verður endaliga staðfest. Eisini eru týðandi partar av tí at seta í verk, settir til viks. Her skal skoytast uppí, at undirritaði var við í drúgvari tilgongd í samband við orðing og tillaging av flestu starvsfólkapolitikkum. Eg kenni tilgongdina, viðmerkingarnar frá pørtum, sum vóru hoyrdir og í øllum viðurskiftum "andan", ið liggur aftanfyri neyvu orðingarnar í samband við orðingarnar í starvsfólkapolitikkunum! Ongin ivi er um, at viðurskiftini viðvíkjandi starvsfólkapolitikkinum í samband við bygnaðarbroytingar groft og grundleggjandi er sett til viks. Hesi viðurskifti eru so grundleggjandi fyri starvsfólkaleiðslu, at tað ikki ber til yvirsíggja hesi, - í øllum førum er ráðgevingin og grundarlagið í hesum sambandi út av lagi vánaligt. Onnur viðurskifti. Viðvíkjandi metingarstøðið undir ætlaðu uppsagnunum. Í ætlanarskrivinum og eisini endurgivið fyrst í hesum skrivi, verður sagt, at stóra fráverðan hevur havt týdning í metingini. Fiskimálaráðið hevur sokallaða klokkuskipan, og hevur undirritaði eina saldo uppá uml tímar. Tá er ikki rættað fyri arbeiði uttanfyri vanliga arbeiðstíð í samband við fíggjarlógararbeiðið fyri Tá ið hesir tímar eru rættaðir, er saldoin positiv. Seinastu tíðina havi eg verði sjúkrameldaður í tveimum førum - fyrstu ferð í tríggjar vikur og síðani í fýra vikur. Fyrsta skeiðið var eg til arbeiðis kortini, umframt yvirarbeiði sum vanliga er í samband við fíggjarlógararbeiði. Í samband við næsta skeiði eg var sjúkrameldaður, var mín læknaliga ráðgeving, at eg skuldi halda meg til sjúkrameldingina, og hesum boðaði eg frá. Orsøkin til sjúkrameldingina er vælkend, og hevur Fiskimálaráðið sum arbeiðsgevari verið kunnugur við henda trupulleikan í longri tíð, uttan tó at geva hesum neyðugan ans. Ikki fyrrenn viðurskiftini komu alment fram, kom dyk á royndirnar at loysa trupulleikan. Hesi viðurskifti kann eg ikki lastast fyri. Grundarleggjandi kann sigast, at starvsfólkapolitikkurin í samband við arbeiðsumhvørvispolitikk staðiliga er settur til viks, og handfaringin og ráðgevingin í hesum sambandi út av lagi vánalig. Í fyrstu hálvu av tíðarskeiðinum, eftir at eg kom aftur úr farloyvi, hevði eg avtalu við arbeiðsgevaran um keyp av nøkrum vikum fyri at halda frí, eftirsum at kona mín tá var búsitandi í Danmark. Hesi viðurskifti vóru avtalaði ímillum partarnar og annars í tráð við góðan starvsfólkapolitikk, sí annars m.a. familjupolitikkin. Umframt er at siga, at fráveran sæð í mun til innihaldið í starvinum ikki á nakran hátt darvaði útinnanina av hesum. Verður í ætlanarskrivinum sipað til aðra fráveru, enn tað her er nevnt, verður Fiskimálaráðið vinarliga biðið um at skjalprógvað hesa. Eisini verður nevnt, at tað í metingarstøðinum er lagdur dentur á dygdina í málsviðgerðini og samstarvið við aðrar partar í Fiskimálaráðnum. Tað verður ikki nevnt um hendan verður mett sum góð ella minni góð ella annað! Um so er, at ætlanin er at siga, at dygdin ikki er mett at verða góð og/ella samstarvið við aðrar partar í ráðnum ikki er í lagi, ella annað, ið er ætlað sum grundgeving fyri ætlaðu uppsøgnini, verður Fiskimálaráðið biðið um at greiða nærri frá hesum, grundgeva fyri hesum og vísa á dømi, sum byggja undir slíka møguliga grundgeving! Grundarlagið fyri niðurstøðuni og ætlanini hjá Fiskimálaráðnum fylgir ikki Løgtingslóg um fyrisiting! Hóttan um uppsøgn. 10/22

11 Í tíðarskeiðnum fyri at undirritaði fekk handað bræv um ætlaða uppsøgn, eru tvær hóttanir settar fram ímóti undirrritaða. Sokallaði fsu-leiðarin hevur í tveimum førum hótt beinleiðis við at siga undirritaða úr starvi. Fyrstu ferð var 2-3 vikur áðrenn handanina av ætlaða uppsøgnarskrivi og aðru ferðina var fáar dagar undan handani av umrødda skrivi. Aðru ferðina - í telefonsamrøðu - fekk eg orðarætt at vita,"...minst til at tú hevur ein leiðara, eg kann gott undvera teg, tað er ikki brúk fyri tær". Undirritaði spurdi uppaftur, um eg kundi fáa hetta sum teldubræv. Sum svar uppá henda spurning segði fsu-leiðarin "haldkjaft, ha, síðani varð telefonrørið smekkað á. Hesi viðurskifti kunnu prógvast! Hesi viðurskifti eru langt frá í tráð við góðan starvsfólkapolitikk og av slíkum slag, at hesi eiga at fáa fylgjur. Leggjast skal afturat, at undirritaði ikki í starvstíðini í Fiskimálaráðnum hevur fingið munnliga ella skrivliga ávaring. Fiskimálaráðið og vánaliga umdømi. Sum øllum kunnugt hevur Fiskimálaráðið í longri tíð staðið fyri ábreiðslum um vánaliga handfaring av snøgt sagt øllum sløgum av málum, t.d. nógv umrødda handfaringin av ætlaðu uppsøgn av fulltrúa herfyri, ørgrinna av innlitsmálum - svaraðum og ósvaraðum, handfaring ella vantandi handfaring av fiskiloyvum, vantandi svar uppá hatta og hitt, ein rúgva av málum hjá umboðsmanni - ja, ein kann nevnað nógv dømi. Tó er vert at leggja til merkis, at tað ikki hevur verði kritikkur ímóti handfaring av tí starvsøki undirritaði hevur sitið við, tað tíðina eg havi virkað í Fiskimálaráðnum. Her skal undirstrikast og minnast á, at tað eru sera strong krøv til handfaring av umrødda virkisøki og sitir tað ein heilur stovnur og hyggur yvir tínar herðar, umframt eitt heilt ráð sum hevur yvirskipaðu handfaringina av fíggjarmálum. Landsgrannskoðarin hevur víðar heimildir at virka undir, og er nevnda virkisøkið sum heild skipað við einari rúgvu av reglum og skipanum, ið skulu yvirhaldast sambr. lóg! Fyri rættleikans skyld skal nevnast, at Landsgrannskoðarin í áravís hevur havt tingjandi viðmerkingar og kretik viðvíkjandi viðurskiftum í Fiskimálaráðnum. Tað avgerðandi í hesum sambandi er, at hesi viðurskifti mest sum burturav hava leiðslumessigan karakter - antin hjá evstu leiðslu ella á deildarstøði! Niðurstøða. Samanumtikið kann sigast, at sera óviriliga starvsfólkamannagongdin við undirgravan av starvsinnihaldi, uttan at seta annað innihald ístaðin, má metast sum avgerðandi brot á verðandi starvsfólkamannagongd og sum heild brot á vanliga mannagongd í samband við starvsviðurskifti. Játtanarligu skeivleikarnir og villeiðingarnar í samband við játtanarligu skeivleikarnar, saman við manglandi royndini at rætta hesi viðurskifti í samband við millum annað ætlaðu lønarsparingarnar, saman við ætlaðu bygnaðarbroytingunum, og tað at mannagongdin í starvsfólkapolitikkinum í samband við bygnaðarbroytingar, sum heild verður sett til viks, bendir á, at grundarlagið fyri uppsøgnini ikki er til staðar og umhugsað nóg væl. Ráðgevingin, ið stuðlar undir støðutakanina, er heft við avgerðandi manglar og skeivleikar. Grundarlagið fyri ætlanini um mína uppsøgn eru í stóran mun viðurskifti, sum Fiskimálaráðið sjálvt hevur staðið fyri, og tískil ikki viðurskifti eg kann ábyrgdast fyri. Mín áheitan til tín sum aðalstjóra í Fiskimálaráðnum er at viðurkenna, at grundarlagið fyri uppsøgnini er skeivt, samstundis sum tað verður viðurkent, at handfaringin av mínum starvsviðurskiftum, her serliga hugsað um innihaldið í starvinum, ikki hevur verið góð, mangulfull og ikki sambært galdandi starvsfólkapolitikki. Út frá hesum verður mett, at grundarlag er fyri, at partarnir samráðast um eina loysn fyri mínum framtíðar starvsviðurskiftum í Fiskimálaráðnum. 11/22

12 Avrit av hesum skrivið er sent G, formanni í BLF, Búskapar- og Løgfrøðingafelagnum og umhugsað verður at læta Løgtingsins Umboðsmanni sama skriv, umframt annað tilfar í málinum. Tann 29. okt. 2004, hevur Fiskimálaráðið sent A soljóðandi uppsagnarskriv: Fráboðan um, at tygum verða loystur úr starvi Víst verður til ætlanarskriv dagfest 16. september Fiskimálaráðið skal hervið boða frá, at hildið verður fast um ætlanina, soleiðis at tygum verða loystur úr starvi frá 31. januar 2005 at rokna. Tygum sleppa undan at starvast í uppsagnartíðini. Uppsøgnin er, sum fráboðað í ætlanarskrivinum, grundað á, at lønarjáttanin hjá Fiskimálaráðnum (Aðalskrivstovan og Fiskivinnustovan) í uppskotinum til fíggjarlóg fyri 2005 verður munandi lækkað í mun til framskrivaðu lønarjáttanina fyri Viðmerkingar Fiskimálaráðsins til hoyringssvar tygara, dagfest 28. september 2004, er hjálagt hesum skrivi. Eg fari vegna Fiskimálaráðið at takka tygum fyri starvstíðina. Somuleiðis vil eg bjóða tygum til eina fráfaringarsamrøðu mikudagin 3. november 2004 kl Tá hava vit møguleika at umrøða, hvørjar møguleikar Fiskimálaráðið hevur fyri at hjálpa tygum víðari á yrkisleiðini. Sama dagin hevur ráðið sent A soljóðandi viðmerkingar til ummælisskriv hansara: Viðmerkingar til hoyringssvar tygara í sambandi við ætlanarskriv um uppsøgn Í skrivi, dagfest 28. september 2004, hava tygum gjørt viðmerkingar til ætlanarskriv Fiskimálaráðsins, dagfest 16. september 2004, um at siga tygum úr starvi frá 31. januar 2005 at rokna. Fiskimálaráðið hevur hesar viðmerkingar til tygara hoyringssvar: Innleiðandi eigur at verða havt í huga, at tygum verður sagdur úr starvi, tí Fiskimálaráðnum er álagt at spara lønir komandi ár. Vísandi til at játtanin til lønir í 2004 longu er ov lág, rakar kravið um lønarsparingar á fíggjarlógini fyri 2005 Fiskimálaráðið ógvuliga hart. Sparikravið svarar til umleið ,- krónur og kann einans røkkast við uppsagnum. Tá boðini um lønarsparingina vóru komin, gjørdi leiðslan eitt metingarstøði, ið greinar hvørji viðurskifti dentur verður lagdur á, tá metast skal um, hvør skal sigast úr starvi. Metingarstøðið er endurgivið í ætlanarskrivinum, dagfest 16. september Í skrivinum, dagfest 28. september 2004, vísa tygum á, at starvsinnihaldið eftir at tygum komu aftur úr farloyvi, eftir tygara tykki, ikki hevur verið nøktandi, og at tygum hava biðið um at fáa eina nýggja starvslýsing, ið endurspeglar broyttu umstøðurnar í starvinum. Síðani nýggja leiðslan tók við í Fiskimálaráðnum, hevur sum kunnugt verið arbeitt við grundleggjandi bygnaðarbroytingum í ráðnum. Leiðslan ætlaði, at tygara starvslýsing skuldi endurskoðast, eins og hinar starvslýsingarnar í ráðnum, tá ið bygnaðarbroytingarnar vórðu settar í verk. Tygum vísa harumframt í tygara hoyringssvarið á, at Fiskimálaráðið eftir tygara tykki, ikki heldur seg til galdandi játtanarskipan í sambandi við landsins fíggjarlóg. 12/22

13 Sum undirritaða vísti á, á fundi okkara millum tann 7. oktober 2004, undrar tað meg, at fíggjarfulltrúin ger vart við slík viðurskifti í sambandi við uppsagnarmál. Er hald í pástandunum, áttu tygum at hava boðað leiðsluni frá hesum viðurskiftum fyri langari tíð síðani. Fiskimálaráðið er av tí áskoðan, at ráðið heldur seg til galdandi reglur á økinum viðvíkjandi játtanarskipan í sambandi við landsins fíggjarlóg, og vísir tískil aftur tygara atfinningum hesum viðvíkjandi. Í hoyringssvarinum vísa tygum á, at ráðið rindar lønir fyri starvsfólk, ið upprunaliga eru sett á øðrum rakstrarstaði undir ráðnum. Uttan at taka støðu til søguna og hvar hesi starvsfólk upprunaliga hava verið lønt, kann verandi leiðsla staðfesta, at starvsfólkini eru á lønarlistanum hjá sjálvum ráðnum og tískil partur av miðfyrisitingini, soleiðis sum hon nýliga er lýst í frágreiðing frá løgmansskrivstovuni. Boðini um lønarsparingar í komandi ári eru júst rættaði móti miðfyrisitingini. Í sambandi við ætlaðar bygnaðarbroytingar kann gerast talan um at flyta starvsfólk aftur til rakstrarstøð undir Fiskimálaráðnum, men at gjørt tað í sambandi við lønarsparingarnar í miðfyrisitingini hevði verið at umgingið boðini um at spara. Roknast kann heldur ikki við, at rakstrarstøð undir Fiskimálaráðnum í fíggjarlógini fyri 2005 hava møguleika fyri at økja um lønarútreiðslurnar. Hildið verður tískil fast um, at tað er neyðugt at fremja tær fráboðaðu uppsagnirnar fyri at ráðið kann halda lønarjáttanina fyri komandi ár. Í tygara hoyringssvarið vísa tygum eisini á, at Fiskimálaráðið hevur grundgivið fyri ætlaðu uppsøgnini við bygnaðarbroytingum í ráðnum, og at tygum meta, at starvsfólkapolitikkurin viðvíkjandi bygnaðarbroytingum er settur til viks í hesum máli. Hesum er Fiskimálaráðið ikki samt við tygum í. Tá ætlanarskrivið sigur, at fíggjararbeiðið verður umskipað og at avgreiðslu- og starvsfólkamál verða umskipað við eini bygnaðarbroyting í ráðnum, er hetta bert ein sjálvsøgd staðfesting av, at tá lønarjáttanin lækkar og starvsfólkini verða færri, mugu arbeiðsgongdirnar umskipast. Hetta eru ikki bygnaðarbroytingar av tí slagnum, sum starvsfólkapolitikkurin snýr seg um. Í sambandi við ætlaðar bygnaðarbroytingar annars, t.d. at skipa Fiskiveiðieftirlitið og Skipaeftirlitið sum stovnar umframt at býta arbeiðsuppgávurnar hjá Fiskivinnustovuni annarleiðis, hevur Fiskimálaráðið hildið seg til galdandi starvsfólkapolitikk. Sum fráboðað í ætlanarskrivinum er eitt metingarstøðið gjørt sum grundarlag fyri at meta um hvørji starvsfólk, ið skuldu sigast úr starvi, og hevur leiðslan viðgjørt ætlaðu uppsagnirnar við støði í arbeiðsuppgávunum og førleikanum hjá tí einstaka starvsfólkinum, og at tað í tygara føri verður mett, at stóra fráveran hevur havt týdning í metingini, men at dentur eisini hevur verið lagdur á dygdina í málsviðgerðini og samstarvið við aðrar partar í Fiskimálaráðnum. Leiðslan hevur síðani útfrá hesum og einari samanbering av tínum starvi við førleikan og tørvin í ráðnum annars mett, at ráðið undir givnu umstøðunum best kann verða tygara starv fyri uttan. Tygum vísa í hoyringssvarinum harumframt til, at tygum ikki taka undir við at tygum hava havt eina stóra fráveru úr starvinum. Fiskimálaráðið heldur fast um, at tygum hava havt eina stóra fráveru úr starvinum. Frávera er ikki bara ein spurningur um tímauppgerð, men havast má eisini í huga, nær viðkomandi persónur er fráverandi. Tygum hava fleiri ferðir verið burturstaddur, tá ið áleikandi uppgávur í sambandi við fíggjarlógararbeiðið hava verið fyri. 13/22

14 Í hoyringsskrivinum vísa tygum eisini á, at tygum meta, at galdandi arbeiðsumhvørvispolitikkur er settur til viks í Fiskimálaráðnum, og vísa tygum í hesum sambandi til sjúkramelding hjá tygum. Fiskimálaráðið er av tí áskoðan, at ráðið hevur hildið seg til galdandi arbeiðsumhvørvispolitikk. Starvsfólk hava víst á ringa inniluft v.m. í hølunum hjá Fiskimálaráðnum, og hevur leiðslan tikið stig til at finna nýggj hølir til starvsfólkini í ráðnum, og eru starvsfólkini kunnað um hetta. Eisini vísa tygum á, at tað í metingarstøðinum er lagdur dentur á dygdina í málsviðgerðini og samstarvið við aðrar partar í Fiskimálaráðnum, og ynskja tygum hesi viðurskifti útgreinaði nærri. Fíggjarleiðarin hevur fleiri ferðir gjørt vart við, at tygara avrik í sambandi við málsviðgerð ikki hevur verið nøktandi. Í hesum sambandi kann m.a. vísast á, at tygum fleiri ferðir av fíggjarleiðaranum hava fingið tillutað uppgávur, ið tygum ikki hava loyst. Tygum hava eisini víst á, at fíggjar-, starvsfólka og umsitingarleiðarin í Fiskimálaráðnum í tveimum førum hevur sett fram hóttanir ímóti tygum um at siga tygum úr starvi. Viðkomandi fíggjar-, starvsfólka- og umsitingarleiðari hevur havt høvi til at gera viðmerkingar til tað sum tygum føra fram. Viðkomandi hevur játtað, at hann í sambandi við stóra ónøgd viðvíkjandi tygara avrikum í starvinum hevur úttalað seg heldur beiskliga við óhepnum orðavali til fylgju, og vil viðkomandi taka aftur hesi orð. Leiðslan í Fiskimálaráðnum skal við hesum boða frá, at tygara kritikkur í hesum sambandi verður tikin til eftirtektar, og at viðkomandi hevur fingið fráboðan um hetta. Við hesum verður sagt frá, at Fiskimálaráðið metir ikki, at grundarlag er fyri, at partarnir taka upp samráðingar um framhaldandi starvsviðurskifti tygara í Fiskimálaráðnum. Við teldubrævi, dagfest 1. febr. 2005, hevur A sent Fiskimálaráðnum soljóðandi viðmerkingar til málið, dagfestar 28. jan. 2005: Viðmerkingar til "Viðmerkingar til hoyringssvar tygara í samband við ætlanarskriv um uppsøgn", dagfest 29. oktober Eftir at løgfrøðisligar kanningar og aðrar kanningar eru framdar í samband við uppsøgn av undirritaða, og at endalig støða er tikin at lata Løgtingsins Umboðsmanni málið, vil eg fyri góðan ordan skyld endurtaka mínar viðmerkingar skrivliga í samband við omanfyrinevnda skriv. Somu viðmerkingar eru í høvuðsheitum settar framm á fundi við tygum. Fyrsta viðmerking í skrivi tykkara er: "Innleiðandi eigur at verða havt í huga, at tygum verða sagdur úr starvi, tí Fiskimálaráðnum er álagt at spara lønir komandi ár. Henda grundgeving er ikki nevnd í ætlanarskrivi, dagfest 16. september Víðari verður sagt:"í skrivinum, dagfest 28. september 2004, vísa tygum á, at starvsinnihaldið eftir at tygum komu aftur úr farloyvi, eftir tygara tykki, ikki hevur verið nøktandi, og at tygum hava biðið um at fá eina nýggja starvslýsing, ið endurspeglar broyttu umstøðurnar í starvinum. Síðani nýggja leiðslan tók við í Fiskimálaráðnum, hevur sum kunnugt verið arbeitt við grundleggjandi bygnaðarbroytingum í ráðnum. Leiðslan ætlaði, at tygara starvslýsing skuldi endurskoðast, eins og hinar starvslýsingarnar í ráðnum, tá ið bygnaðarbroytingarnar vórðu settar í verk." Her er fyrst at siga, at undirritaði hevur javnan og í nógvum førum víst á yvirfyri undanfarna aðalstjóra og sokallaða fsu-leiðaranum, at innihaldið ikki var nøktandi og hóskiligt fyri eitt BLF-starv. Hesi viðurskifti vóru viðurkend av báðum - enntá hevur fsu-leiðarin eisini í fleiri 14/22

15 førðum mint táverðandi aðalstjóran á somu viðurskifti - trupulleikin var her, at hesi viðurskifti vórðu játtaði undirritaða fleiri ferðir, tó uttan at nakað veruligt hendi! Tað grundleggjandi her er starvsinnihaldið og ikki starvslýsingin, sum tygum í viðmerkinginum fær tað at verða til. Hesi viðurskifti vórðu tygum kunnaður við, beinavegin tygum komu í Fiskimálaráðið, og hetta hevði onki við tað generellu støðu, at fólk í ráðnum skuldi hava nýggjar starvslýsingar eftir ætlaðar bygnaðarbroytingar. Míni viðurskifti høvdu verið eitt mál í uml. 2/3 ár, áðrenn tygum komu í Fiskimálaráðið, og tygum høvdu rúma tíð at viðgerða tað. Lutvíst høvdu tygum eisini víst á eina gongda leið í starvsinnihaldi, víst verður til mítt skriv 28. sept Hetta var eitt ítøkiligt starvsfólkamál um innihald, vísandi til treytirnar í starvssetanini og ikki eitt generelt mál einaferð frammi í tíðini viðvíkjandi starvslýsing! Niðast í skrivi tygara frá 29. okt verður sett spurnartekin við, hví fíggjarfulltrúin ger vart við viðurskifti í samband við uppsagnarmál? Til hetta er einfalt at siga, at undirritaði ikki hevði hugsað um hesi viðurskifti, sæð út frá hesum sjónarvinklinum, fyrr enn støðan við ætlanarskrivi um uppsøgn fyrilág. Annars er at siga, at hesi viðurskifti eiga at hava ans hjá bæði deildarleiðslu og evstu leiðslu. Mínar viðmerkingar í hesum sambandi standi eg við. Tað er ikki rætt at Løgtingið játtar lønir á einari høvuðskonti í ráðnum, fyri síðani at peningurin verður disponerðaður sum løn fyri tænastu hoyrandi heima á øðrum rakstrarstað (aðrari høvuðskonti), fyri síðani at verða endurgoldin av vanligari rakstrarkonti, tvs. ikki lønarkonti! Hesi viðurskifti geva eina skeiva og villeiðandi mynd, serliga tá upphæddin er munandi stór og hevur reglusemi ár eftir ár. Ein meginregla í játtanarskipani er, at lønarjáttanin skal avhaldast har hon er játtað! Fyrst á síðu 2 stendur: Í hoyringssvarinum vísa tygum á, at ráðið rindar lønir fyri starvsfólk, ið upprunaliga eru sett á øðrum rakstrarstaði undir ráðnum. Uttan at taka støðu til søguna og hvar hesi starvsfólk upprunaliga hava verði lønt, kann verðandi leiðsla staðfesta, at starvsfólkini eru á lønarlistanum hjá sjálvum ráðnum og tískil partur av miðfyrisitingini, soleiðis sum hon nýliga er lýst í frágreiðing frá løgmansskrivstovuni. Boðini um lønarsparingar í komandi ári eru júst rættaði móti miðfyrisitingini" Her er at siga, at hesi viðurskifti eru ein onnur síða av somu søk sum áður nevnt, tó er munurin tann at onki verður afturrindað yvir sokallaðu felagsútreiðslurnar, jfr. mítt skriv dagfest 28. september Fólk eru flutt á lønarkonti í Fiskimálastýrinum og verða næstan í fullan mun disponeraði av økjunum undir ráðnum. Hesi viðurskifti eru ikki sambr. játtanarskipanini. Sagt verður, at man ikki tekur støðu til málið, men samstundis viðgongur man, at hesi hava verið lønt aðrastaðni og vísir til frágreiðing frá løgmansskrivstovuni um miðfyrisitingina. Hesin parturin av frágreiðingini um Fiskimálaráðið er gjørdur í Fiskimálaráðnum og inngongur sum partur av lýsingini frá løgmansfrágreiðingini. Niðurstøðan er her, at man viðgongur at starvsfólk hava verið lønt aðrastaðni í økjum undir ráðnum og ikki í ráðnum. Man ynskir ikki at rætta skeivleikan, men staðfestir hann og velur at fremja uppsagnir mótvegis øðrum starvsfólkum í ráðnum, ið av røttum eru starvsett í ráðnum!! Í næsta broti á síðu 2 stendur: "Í sambandi við ætlaðar bygnaðarbroytingar kann gerast talan um at flyta starvsfólk aftur til rakstrarstøð undir Fiskimálaráðnum, men at gjørt tað í samband við lønarsparingarnar í miðfyrisitingini hevði verið at umgingið boðini um at spara. Roknast kann heldur ikki við, at rakstrarstøð undir Fiskimálaráðnum í fíggjarlógini fyri 2005 hava møguleika fyri at økja um lønarútreiðslurnar." Her verður m.a. sagt at tað kann gerast talan um at flyta starvsfólk aftur til rakstrarstøð undir Fiskimálaráðnum. Langt áðrenn talan var um møguligar uppsagnir hava tygum kunnað meg um partar av ætlaðu bygnaðarbroytingunum. Her er tað ein heilt natúrlig avleiðing, at talan verður um, at fólk verða flutt aftur - í øllum førum flutt av lønarlista hjá ráðnum - tí arbeiðið ella tænasturnar hesi fólk útinna hoyra heima á rakstrarstøðum undir ráðnum og ikki í ráðnum! Umframt hava tygum m.a. spurt meg um ráð specifikt í samband við at flyta ávís starvsfólk, sum liður í ætlaðu bygnaðarbroytingunum. At hesi viðurskifti falla samstundis, og at tað í fíggjarlógarhøpi verður talan um fíggarlógarárið 05, kann principielt 15/22