P/F EIK BANKI YVIRI VIÐ STROND 2 POSTBOX TÓRSHAVN Føroyar

Transkript

1 P/F EIK BANKI YVIRI VIÐ STROND 2 POSTBOX TÓRSHAVN Føroyar Dagfest: 3. februar 2017 J.nr.: 16/ P-tal/V-tal: Títt skriv: BROYTINGARSKRIV Viðvíkjandi goodwill í samband við yvirtøku av aktivum og passivum frá gamla Eik Banka Vísandi til ætlanarskriv dagfest 15. september 2016, skriv frá Deloitte vegna Eik Banka dagfest 30. november 2016 og fund 1. desember 2016 við Eik Banka, hevur TAKS gjøgnumgingið viðmerkingarnar frá Eik Banka. Í fyrsta lagi er tað sambært viðmerkingunum fatanin hjá Eik Banka, at Eik Banki hevur rætt til at avseta, t.v.s. skattliga draga frá, 477 mió. kr. fyri roknskaparárið Í øðrum lagi, at Eik Banki hevur rætt til at avskriva 477 mio. kr. sum goodwill yvir 10 ár, og í triðja lagi, at skattliga virði av goodwill sambært metingini hjá PWC er 250 mió. kr., og at Eik Banki harvið hevur rætt til at avskriva 250 mió. kr. yvir 10 ár. Viðvíkjandi principalum pástandi: Viðvíkjandi viðmerkingunum frá Deloitte, har tað verður gjørt vart við, at tað í fyrsta lagi er fatanin hjá Eik Banka, at talan er um avseting móti tapi av útlánum og ábyrgdum við heimild í kunngerð nr. 13 frá 12. februar 1992, og at Eik harvið metir, at rættast hevði verið at avsett, t.v.s. skattliga draga frá, 477 mió. kr. fyri roknskapar árið 2011, skal TAKS gera vart við, at TAKS longu við broytingarskrivinum dagfest 30. juni 2015 hevur tikið avgerð um, at talan er um ein undirbalanca og at hesin harvið ikki kann dragast frá sambært kunngerð nr. 13 frá 12. februar Eik Banki hevur ikki kært hesa avgerð, og sigur í skrivi dagfest 19. februar 2016, at Eik Banki hevur tikið hesa niðurstøðu til eftirtektar. TAKS er ikki samt í, at tað ikki hevur verið grundarlag fyri at gera ein endaliga byrjanarfíggjarstøðu. Víst verður til notat om åbningsbalancen i Eik Banki Føroya P/F, frá KPMG dagfest 15. mars 2011, har tað verður skrivað: Som følge af sammenbrudet og den efterfølgende salgsproces har der ikke i 2010 været fokus på færdiggørelse af åbningsbalancen, ligesom der kun delvist er opgjort og bogført værdireguleringer i 3. og 4. Kvartal 2010 i forhold til hidtidige regnskabsmæssige værdier og sædvanlige regnskabspraksis. Dette gælder især udlån og i et vist omfang domicilejendomme. TAKS skal eisini vísa á, at endaliga byrjanarfíggjarstøðan er ein meting av virðinum á yvirtøkudegnum, eins og tað er lýst í notati frá KPMG dagfest 15. november 2010 og í skrivi frá Spekt 15. mai 2013, har tað verður skrivað: De regnskabsmæssige værdier i den endelige åbningsbalance er udtryk for dagsværdien pr. 1. Oktober 2010, og er således som udgangspunkt i henhold til almindelige skatteprincipper også udtryk for de skattemæssige indgangsværdier.

2 Samanumtikið er talan um, at dagsvirði á yvirtøkudegnum er gjørt upp til netto -514 mió.kr., eins og tað skal gerast, tá talan er um eina skattskylduga flyting av ogn og skuld. Hetta er uppgjørt av grannskoðarafelagnum KPMG, víst verður til skriv dagfest 24. mars 2011, og er eisini í samsvar við svarið frá Fíggjarligt Støðufesti, dagfest 8. apríl 2016, har skriv frá grannskoðarafelagnum EY (Ernst & Young) dagfest 5. apríl verður viðlagt. TAKS heldur fast við, at talan er um, at nýggi Eik Banki á yvirtøkudegnum 1. oktober 2010 yvirtók aktiv og passiv, sum netto høvdu eitt negativt virði uppá 514 mió.kr., og at talan harvið er um yvirtøku av einum undirbalanca frá gamla Eik Banka. Talan er tí ikki um avseting móti tapi av útlánum og ábyrgdum sambært kunngerð nr. 13 frá 12. februar 1992, men um ein undirbalanca, sum skattliga skal viðgerast eftir 35a, stk. 2 í skattalógini. Harumframt skal TAKS, eins og tað var nevnt í ætlanarskrivinum, gera vart við, at TAKS hevur ta áskoðan, at virðismetingin av Adjustment, carve-out, eisini nevnt non-faroese assets, við samlaðari niðurskriving uppá t.kr., er ein niðurskriving av aktivum, sum eru flutt til nýggja Eik Bank Danmark soleiðis, at hesi kundu verða seld saman við aktivum í nýggja Eik Bank Danmark. Við atliti til, at talan veruliga er um eina avhending frá gamla Eik Banka til nýggja Eik Bank Danmark, metir TAKS, at skattligu inngangsvirðini og skattligu útgangsvirðini eiga at verða tey somu. Viðvíkjandi subsidiærum pástandi: Viðvíkjandi viðmerkingunum frá Deloitte, har tað verður gjørt vart við, at tað í øðrum lagi er fatanin hjá Eik Banka, at Eik Banki hevur rætt til skattliga at avskriva 477 mió. kr. av undirbalancuni uppá 514 mió. kr. sum goodwill yvir 10 ár, verður tað ført fram undir punkt 2.2 í skrivinum frá Deloitte, at Eik Banki er ósamt í niðurstøðuni hjá TAKS, um at avhendingin millum gamla Eik Banka og nýggja Eik Banka er at javnmeta sum ein handil millum heftar partar. Við atliti til, at gamli Eik Banki var umfataður av bankapakka 1, hevur TAKS í ætlanarskrivinum dagfest 15. september 2016 ført fram, at talan er um eina tvungna yvirtøku, og at bæði gamli Eik Banki og Fíggjarligt Støðufesti, við atliti til 7 stk. 2 í lov um finansiel stabilitet, vóru tvungin til at avgreiða handilin. 7 stk. 2 í lóg um finansiel stabilitet sigur: Hvis pengeinstituttets kapital ikke er retableret inden udløbet af den i stk. 1 nævnte frist, er pengeinstituttet og Finansiel Stabilitet A/S forpligtet til senest på det tidspunkt, hvor Finanstilsynets frist udløber, at indgå en betinget aftale om, at pengeinstituttet skal overdrage sin virksomhed helt eller delvis til en køber anvist af Finansiel Stabilitet A/S, jf. 246, stk. 2, i lov om finansiel virksomhed. Finansiel Stabilitet A/S afgør, hvilke dele af pengeinstituttets virksomhed, der ikke skal overdrages. Aktiekapitalen og anden efterstillet kapital, jf. 132 og 136 i lov om finansiel virksomhed, overdrages ikke. Deloitte skrivar í sinum svari at Det eneste tvugne er derfor, at overdragelsen skulle gennemføres, hvis der var et grundlæggende ønske om at bevare Eik Bank, men dette medfører på ingen måde, at overdragelsesprisen er aftalt mellem parter uden modstående interesser. 2 av 6

3 Vísandi til punkt 1 í avtaluni millum Eik Banki P/F og Fíggjarligt Støðufesti, er avtalan gjørd við heimild í 7 stk. 2 í lov nr af 10. oktober 2008 um Finansiel stabilitet. Við atliti til, at dagsvirði á yvirtøkudegnum er gjørt upp til netto -514 mió., so er talan um, at nýggi Eik Banki formliga hevur keypt aktiv og passiv við negativum virði uppá 514 mió. kr. fyri 0 kr. Talan er tí ikki um, at gamli Eik Banki hevur selt ov bíligt, og við atliti til, at ongi aktiv vóru eftir í gamla Eik Banka eftir avhendingina til nýggja Eik Banka, var tað ikki gjørligt fyri Fíggjarligt Støðufesti at fáa ein betri prís enn tann í avhendingar sáttmálanum punkt 11 ásetta prísin, t.v.s. kr. 0,-. Harumframt hevur yvirtøkan, vísandi til svarið frá Fíggjarligt Støðufesti dagfest 8. apríl 2016, viðført eitt tap fyri Fíggjarligt Støðufesti svarandi til undirbalancan, og tað má tí metast, at handilin ikki hevði verið gjøgnumførdur til kr. 0,-, um talan var um eina vanliga fría sølu millum partar við mótstríðandi áhugamálum. Viðvíkjandi 7B, í donsku ligningslógini, skal TAKS gera vart við, at hendan ikki er í gildi í Føroyum, og at tað tí ikki ber til beinleiðis at nýta hesa. Við atliti til, at flytingin av ogn og skuld frá gamla Eik Banka til nýggja Eik Banka er orsakað av bankapakka 1, her undir lóg um finansiel stabilitet, so er ikki talan um eina vanliga avhending, og TAKS er tí av teirri fatan, at atlit skal takast til serligu orsøkina til avhendingina, og at sølan tí skattliga verður at javnmeta við ein sølu millum heftar partar. Viðvíkjandi meira subsidiærum pástandi - viðvíkjandi metta handilsvirðinum Vísandi til skriv frá Deloitte, er tað í triðja lagi fatanin hjá Eik Banka, at virði av goodwill er 250 mió. kr. Eftir gjøgnumgongd av tilfarinum viðvíkjandi yvirtøkuni av ogn og skuld frá gamla Eik banka til nýggja Eik Banka, er tað niðurstøðan hjá TAKS, at endaligi yvirtøkubalancin er ein meting av handilsvirðinum á yvirtøkudegnum. Sum áður nevnt, er TAKS av tí fatan, at undirbalancin skattliga skal viðgerast eftir 35a, stk. 2 í skattalógini, men at atlit skal takast til serligu orsøkina til avhendingina, og at sølan tí skattliga skal javnmetast við eina sølu millum heftar partar. Víst verður í hesum sambandi til rundskriv nr. 1 frá 2007 um goodwill-virðisáseting, sum sigur: Sum dømi kann nevnast, at goodwill, sum verður selt millum heftar partar, verður virðissett við eini meting av handilsvirðinum, men við atliti til tær faktisku umstøðurnar undan og eftir søluni. Er talan um óheftar partar er søluprísurin útgangsstøðið. Eik Banki hevur i hesum samband fingið eina virðismeting av goodwill frá PWC, sum liggur í millum 180 mio. kr. og 320 mio. kr. (250 mio. kr. i punktestimat) víst verður til siða 4 í virðismetingini. Í hesum sambandi verður tað á siða 4 skrivað: Værdiansættelsen er baseret på skøn over en fremtidig udvikling, der i sagens natur er usikker. Værdiansættelsen er særligt følsom overfor forudsætninger vedrørende den 3 av 6

4 fremtidige indtjening, herunder at der var foretaget tilstrækkelige nedskrivninger, og at den tilbageværende aktivitet afspejlede en sund forretning. PWC hevur í hesum samband eisini viðgjørt søluna til TFH á siða 21 og 22, og førir fram, at har eru viðurskifti sum tosa fyri, at sølan ikke er fair markedvalue. TAKS fer í hesum samband at vísa á, at metingin hjá PWC gevur eitt virði av eginognini í nýggja Eik Banka í millum 1,67 1,80 mia. kr., meðan veruliga sølan millum Fíggjarligt Støðufesti og TF Holding dagfest 3. februar 2011 viðvíkjandi søluni av 70% av partapeninginum í nýggja Eik Banka, var 450 mió. kr. fyri 70 % av partapeninginum. Í mun til PWC metingina átti hetta at verða millum 1,17 1,26 mia. kr. Við atliti til, at útrokningin hjá PWC er ein meting við óvissu, er TAKS av teirri fatan, at ítøkiligi søluprísurin millum Fíggjarligt Støðufesti og TF Holding uppá 70% av partapeninginum í nýggja Eik Banka, hóast serligu umstøðurnar í skattligum høpi vigar tyngri, tá skattliga virðið av goodwill skal uppgerast, og at hesin tí eigur at vera lagdur til grund fyri skattligu metingini av goodwill í sambandi við avhendingina frá gamla Eik Banka til nýggja Eik Banka. Víst verður til rundskriv nr. 1 frá 2007 um goodwill-virðisáseting, har tað stendur: Útrokningin av goodwill er standardiserað, tí kunnu ítøkiligar umstøður verða, sum gera, at dømið ikki so væl kann nýtast. Í sovorðnum førum má rættast í úrslitinum, so endaliga virðisásetingin svarar til tann prísin, sum ein óheftur triði persónur væntandi hevði vilja goldið fyri goodwill eftir umstøðunum. TAKS heldir tí fast í ætlanarskriv dagfest 15. September 2016, og niðurstøðan hjá TAKS er tann, at skattliga virðið av goodwill er kr. 0,-, og at Eik Banki tí ikki kann avskriva skattliga uppá goodwill, sum Eik Banki skattliga hevur uppgjørt til 477 mió. kr. Hetta merkir, at TAKS hevur broytt skattskylduga úrslitið hjá Eik Banka fyri 2011, 2012, 2013, 2014 og 2015 soleiðis: 2011: Skattskyldug inntøka sambært sjálvuppgávu: kr kr. Skattligt hall at føra fram til 2012 verður avmarkað til kr. 2012: Skattskyldug inntøka sambært sjálvuppgávu: kr kr. Skattligt hall at føra fram til 2013 verður avmarkað til = kr. 4 av 6

5 2013: Skattskyldug inntøka sambært sjálvuppgávu: kr kr. Skattskylduga úrslitið fyri 2013 aftaná framflutt hall verður = kr. og skattligt hall at føra fram til 2014 verður avmarkað til 0, : Skattskyldug inntøka sambært sjálvuppgávu: kr kr. Við atliti til avmarking av framfluttum halli verður skattskylduga úrslitið fyri 2014 kr : Skattskyldug inntøka sambært sjálvuppgáva: kr kr. Við atliti til avmarkingina av framfluttum halli verður skattskylduga úrslitið fyri 2015 kr TAKS skal gera vart við, at ongi hall eru at flyta fram til Kæruvegleiðing Avgerð okkara kann kærast til Kommunalu skattakærunevndina. Kæran skal vera skrivlig og skal innihalda grundgeving fyri, hví felagið heldur, at avgerð okkara er skeiv. Legg avrit av møguligum prógvum saman við brævinum. Eftir ynski kann felagið ella eitt umboð fyri felagið bera fram áskoðan sína munnliga fyri nevndini. Send kæruna til Kommunalu skattakærunevndina fyri Tórshavnar øki, Tórsgøta 9, Postrúm 36,. Kærufreistin er fýra vikur eftir, at hetta bræv er komið fram. 5 av 6

6 Felagið kann søkja um at fáa longt gjaldsfreistina av skattakravi við rentum Í sambandi við kæruna kann felagið skrivliga søkja um at fáa longt gjaldsfreistina av skattakravi við rentum. Saman við umsóknini skulu liggja avrit av broytingarskjali, kæru og váttan frá Kommunalu skattakærunevndini um, at kæran er latin henni. Send umsóknina til TAKS,,. Vinarliga, TAKS Poula á Líðarenda Leiðari fyri skatti Nicholas Nielsen Fulltrúi 6 av 6