Silarput unammillerpoq siunissamut naleqqussarneq Atuartitsisunut isummersuutit Saqqummersitamik sammisaqarneq meeqqat atuarfianni meeqqanut angilaartunut angajullernullu atuartitsissutini inuiaqatigiilerinermi pinngortitalerinermilu atuartitsinermi naleqquppoq. Saqqummersitami takutitassiani plakatini arfiniliusuni qulequttat makku sammineqarput: 1) Silarput unammillerpoq siunissamut naleqqussarneq (plakati siulleq aallarniut) 2) Nunarsuarmi silaannaq allanngoriartorpoq 3) Kalaallit Nunaanni silaannaq kiannerulissaaq 4) Inuutissarsiornermi inuiaqatigiinnilu unammilliutit nutaat 5) Ilisimasat pilersaarusiornerlu siunissami pingaarnersaalissapput 6) Pissutsit tunuliaqutaasut (plakati inerniliisoq innersuussutinillu imalik) Katersugaasiviup siunnersuutiginiarpaa, atuartut katersugaasivimmut pulaarnerminni eqimattakkuutaarlutik sulissasut. Eqimattat ataasiakkaat saqqummersitami nikeraallutik sulisinnaapput imaluunniit tamarmik immikkut qulequttamik aaliangersimasumik sammisaqarsinnaapput kingusinnerusukkut atuaqatiminnut saqqummiussassaminnik. Katersugaasivimmut pulaarnissaq pilersaarusioreerneqarsinnaavoq atuarfimmi quppersakkap Silarput unammillerpoq siunissamut naleqqussarneq atuartitsissutigineratigut imaluunniit videop aamma taamatut taaguutillip takutinneratigut. Katersugaasivik isumaqatigineratigut video quppersakkallu atuaqatigiit atugassaat sivikinnerusumik atukkiunneqarsinnaapput.
Katersugaasiviup siunnersuutiginiarpaa, atuartut atuartinneqarnerup ilaatut eqqartussagaat silaannaap allanngulernerata kingunerisinnaasai aammalu nutaanik periarfissaqartitsilersinnaanera Sisimiuni inuiaqatigiinnut inuutissarsiornermullu qanoq sunniuteqassanersut. Oqallinnermi aamma Sisimiuni inuutissarsiuteqarnermik sulialinnik aggersaasoqarsinnavoq apersorlugit oqalugiartillugilluunniit. Aaama takujuk www.dmu.dk
Silarput unammillerpoq siunissamut naleqqussarneq Angajullernut atuartitsissutit Nunarsuup silaannaata pissusia pillugu paasissutissat atorlugit siulittuutigineqarpoq nunarsuarmi silaannaq allanngussasoq. Allannguutit suussapput? Allannguutinut suut peqqutaasinnaappat? Allannguutissat issittup pinngortitaanut qanoq sunniuteqassappat? Kalaallit Nunaata Avannaani allannguutit qanoq sunniuteqassanersut ilimagineqarpa? Nunatta Kujataani allannguutit qanoq sunniuteqassanersut ilimagineqarpa? Silaannaap allanngornissaanut siulittuutigineqartut sunik nutaanik periarfissaqartitsilersinnaappat? Inuutissarniornerup pilersaarusiorneranut suut piumasaqaatigisariaqalissavagut? Silaannaap pissusiani allanngornerit paasiumallugit piareersarfigiumallugillu nunat tamalaat suleqatigiissutigisaat suut maannamut aallartinneqareerpat?
Silarput unammillerpoq siunissamut naleqqussarneq Akullernut ilinniartitsissutit Misissuisartut qanoq isumaqarpat nunarsuarput allanngulersoq? Kalaallit Nunaanni immaqa qanoq pisoqassava? Allannguutit qanoq ililluta sapinngisamik pitsaasumik piareersarfigisinnaavagut?
Klimaet udfordrer tilpasning til fremtiden Undervisningsmateriale - mellemtrin Udlån af materialer til skolerne. Art Antal Dato for lån Dato for aflevering Låners underskrift