V I N N U M Á L A R Á Ð I Ð. Løgtingið Tórshavn, tann 1. desember 2014 Vmr. J.Nr.: 14/

Transkript

1 Løgtingið Tórshavn, tann 1. desember 2014 Vmr. J.Nr.: 14/ Viðgjørt: RJ Løgtingsmál nr. 60/2014: Uppskot til ríkislógartilmæli um at seta í gildi fyri Føroyar Anordning om ikrafttræden for Færøerne af en række love om ændring af patentloven, og Rådets forordning (EF) nr.2100/94 af 27. juli 1994 om EF- sortsbeskyttelse, artikel 5 og artikel 14 Uppskot til Rislógartilmæli um at seta í gildi fyri Føroyar Anordning om ikrafttræden for Færøerne af en række love om ændring af patentloven, og Rådets forordning (EF) nr.2100/94 af 27. juli 1994 om EF- plantesortsbeskyttelse, artikel 5 og artikel 14. Mælt verður ríkismyndugleikunum til at seta í gildi fyri Føroyar hjálagda uppskot (skjal 1). Anordning om ikrafttræden for Færøerne af en række love om ændring af patentloven og Rådets forordning (EF) nr. 2100/94 af 27. juli 1994 om EF- sortsbeskyttelse, artikel 5 og artikel 14. Kap. 1. Almennar viðmerkingar Immaterialrættur Hetta ríkislógartilmæli um at seta í gildi fyri Føroyar Anordning om ikrafttræden for Færøerne af en række love om ændring af patentloven og Rådets forordning (EF) nr. 2100/94 af 27. juli 1994 om EF-sortsbeskyttelse, artikel 5 og artikel 14, er liður í einari dagføring av lóggávuni um Ídnaðarhugverksrættin. Hini uppskotini, sum verða løgd fram samstundis sum hetta, og sum eiga at verða viðgjørd saman við hesum, eru: Ríkislógartilmæli um at seta í gildi fyri Føroyar Anordning om ikrafttræden for Færøerne af række love om ændring af varemærkeloven. Ríkislógatilmæli um at seta í gildi fyri Føroyar Anordning om ikrafttræden af designloven, og Ríkislógartilmæli um at seta í gildi fyri Føroyar Anordning om ikrafttræden for Færøerne af lov om brugsmodeller. Málsøkið Ídnaðarhugverksrættur er partur av lóggávuni, sum verður nevndur Immateriellur rættur, á føroyskum Hugverksrættur. Immateriellur rættur er intellektuellur ognarrættur, t.d. einkarætturin til nakað, sum ein ella fleiri persónliga hava skapað í felag. Tað kann vera eitt hugskot, sum kann verða nýtt vinnuliga, eitt vørumerki, ella eitt serligt eykenni fyri vørur. Ídnaðarhugverksrætturin er ikki yvirtikið málsøki, sambært lóg nr.79. frá 12. mai 2005 um mál og málsøki føroyskra myndugleika at yvirtaka (yvirtøkulógin). TINGANES POSTSMOGA TÓRSHAVN TELEFON TELEFAX VMR@VMR.FO

2 Harafturímótið er málsøkið Upphavsrættur, sum eisini er partur av lóggávuni, sum verður nevndur Immateriellur rættur ella hugverksrættur, yvirtikið tann 1. januar Tann 6. mai 2013 kom løgtingslóg um upphavsrætt í gildi í Føroyum. Yvirskipaði munurin á málsøkinum Upphavsrættur og Ídnaðarhugverkssrættur er, at ímeðan Upphavsrætturin er ein rættur, sum verður til t.d. tá ið ein bók verður skrivað, eitt lag verður gjørt, ella ein málningur verður málaður, so verður Ídnaðarhugverksrætturin ikki til fyrr enn rættindini ella verja eru skrásett hjá einum løggildum myndugleika, aftaná umsókn frá honum, sum vil hava ávís rættindi ella verju. Í Danmark er løggildi myndugleikin Patent-og Varemærkestyrelsen. Tann, sum fær einkarætt/patent upp á eina tøkniliga loysn, fær einkarætt til í einum tíðarskeiði, sum kann verða upp til 20 ár, at fáa inntøkur o.a. av hesum. Undir hugtakið Ídnaðarhugverksrætt kemur eisini nýtslumodel (brugsmodel) design og vørumerki. Eitt nýtslumodel minnir um einkarætt/patent, men er ætlað til meiri einfaldar og smærri uppfinningar. Eitt nýtslumodel kann verjast upp til 10 ár. Lógin um design er ætlað at verja rættin til útsjóndina á einum luti. Tað kann eitt nú vera møblar, lampur, ella aðrir lutir, við serligari sniðgeving. Verjan er galdandi upp til 25 ár. Eitt vørumerki er tað eyðkenni, sum ein vøra verður marknaðarførd undir, t.d. Volvo, B&O, ella Lego. Eitt vørumerki kann verjast upp til 10 ár. Immaterialrætturin er í høvuðsheitum grundaður á altjóða sáttmálar. Í ES eru reglurnar á økinum, á sama hátt sum við upphavsrættinum, í stóran mun tillagaðar. Teir myndugleikar, sum umsita skipanina, eru partvís tjóðskapar myndugleikar og partvís altjóða myndugleikar. Danskur einkarrættur Virki og persónar úr øllum londum kunnu søkja um danskan einkarætt. Ein danskur einkarættur hevur gildi í Danmark, Føroyum og Grønlandi. Europeiskur einkarættur Tað er The European Patent Office (EPO) í München, sum veitir europeiskan einkarætt. Ein slíkur einkarættur hevur einki við ES at gera, men verður givin við støði í tí Europisku Patentkonventiónini (EPK). Danmark luttekur í sáttmálanum, men ikki Føroyar. Ein europeiskur einkarrættur er tí ikki galdandi fyri Føroyar. Virki og persónar úr londum, eisini tey, sum eru uttan fyri EPK, eitt nú úr Føroyum, kunnu søkja um europeskan einkarætt hjá EPO. Einkarætturin fær gildi í teimum EPK londum, sum umsøkjarin hevur biðið um; men ikki í Føroyum, tí sáttmálin er ikki galdandi fyri Føroyar. Reglurnar um europeiskan einkarætt verða ikki settar í gildi fyri Føroyar við hesum uppskoti. Orsøkin er, at lóg nr. 368 frá 7. juni 1989 om ændring af patentloven, har tann europeski einkarrættarsáttmálin var staðfestur, ikki fevnir um Føroyar. Landsstýrið metir, at tað er rættast, at europeiski sáttmálin um einkarætt eisini verður galdandi fyri Føroyar, og ætlar tí at biðja ríkisstjórnina um at bera so í bandi, at hetta verður gjørt. Mannagongdin sambært donsku grundlógini í slíkum máli er, at um so er, at europeiski sáttmálin um einkarrætt skal gerast galdandi fyri Føroyar, so skal ein meiriluti upp á minst 5/6 av limunum í Fólkatinginum taka undir við lógaruppskotinum. Altjóða einkarættur Ein altjóða einkarættur er grundaður á Patentsamstarvssáttmálan (PCT). Altjóða einkarættarkipanin verður umsitin av World Intellectual Property Organization (WIPO) í Geneve. Virki og persónar í limalondunum kunnu søkja WIPO um einkarætt, men tey skulu lata umsóknina fara víðari í teimum PCT limalondum, har tey ynskja einkarætt.

3 Danmark, íroknað Føroyar, luttekur í PCT samstarvinum. Ein altjóða einkarættur, sum verður latin víðari fyri Danmark, fevnir soleiðis eisini um Føroyar, á sama hátt sum føroysk virki og persónar kunnu søkja um altjóða einkarætt. Tað skal viðmerkjast, at altjóða skipanin um einkarætt er munandi truplari at umsita enn tann europeiska, tí ein altjóða umsókn um einkarætt verður í teimum einstøku londunum viðgjørd sum ein national umsókn. Hetta er ikki galdandi fyri eina umsókn sambært europeiska sáttmálanum um einkarætt. ES- einkarættur Ein ES einkarættur er galdandi í øllum ES londum, sum taka undir við sáttmálanum um ein felags ES- einkarætt. Reglurnar um ES- einkarætt kunnu ikki setast í gildi fyri Føroyar; men eitt føroyskt virki ella persónur, kann søkja og fáa ES einkarætt, sum tó ikki verður vardur í Føroyum. Orsøkin og endamálið við lógaruppskotinum Í Danmark, Føroyum og í Grønlandi er tað Patent- og Varemærkestyrelsen, sum umsitur ídnaðarhugverksrættin, eitt nú patentlógina/lógina um einkarrætt, vørumerkjalógina, designlógina (fyrr mynsturlógina) og lóg um nýtslumodel. Við heimild í hesum lógum veitir Patent- og Varemærkestyrelsen einkarætt, vørumerkir o.a. Rættindini sambært hesum lógum hava stóran týdning fyri tann, sum fær tey. Patent- og Varemærkestyrelsen hevur boðað frá, at tey í sambandi við teirra virksemi merkja øktan áhuga fyri Føroyum og Grønlandi, og tí er tað óheppið, at lóggávan í Danmark, Føroyum og í Grønlandi er so ymisk á hesum øki. Grønland hevur nú dagført reglurnar á økinum. Tíðin er harafturímóti farin frá tí lóggávu, sum er galdandi í Føroyum á hesum øki. Patent- og Varemærkestyrelsen upplýsir, at í praksis verður málsviðgerðin framd við støði í tí lóggávu, sum er galdandi í Danmark, (og nú eisini í Grønlandi). Í serligum førum, har vandi er fyri, at rættindi kunnu verða mist, verða málini viðgjørd serstakt við atliti til viðurskifti í Føroyum. Galdandi lóg um einkarrætt/patent í Føroyum er frá Ríkislógin, soleiðis sum hon er galdandi í Danmark, er seinni broytt, men nógvar av hesum broytingum eru ikki settar í gildi fyri Føroyar. Tíðarskeiðið, har mótmæli kunnu gerast ímóti einkarrættinum, er t.d. flutt frá tíðini áðrenn, einkarrætturin var fráboðaður, til aftaná fráboðanina. Tíðarskeiðið, har mótmæli kunnu gerast, er tað tíðarskeiðið, har triðjimaður kann gera mótmæli um avgerðina um at veita einkarætt. Av tí, at Patent- og Varemærkestyrelsen gevur ein samlaðan einkarætt fyri Danmark, Føroyar og Grønland, ber tað ikki til í praksis at viðgera mótmæli viðvíkjandi Føroyum frá tíðini áðrenn, einkarrætturin varð givin, (gomul lóggáva Føroyar) og mótmæli viðv. Danmark og Grønlandi aftaná, at einkarrætturin varð givin (nýggj lóggáva). Eitt mótmæli snýr seg ikki um umveldið, men snýr seg vanliga um, hvørt ein einkarættur lýkur krøvini í lógini um heimsumfatandi nýggjheit og týdningin av uppfinnigini. Harumframt heimilar lógin, at ein og hvør kann aftaná, at mótmælisfreistin er farin, biðja Patentog Varemærkestyrelsen meta um, hvørt ein einkarættur, sum er givin, kann vera ógildugur, t.d. vegna nýggjar upplýsingar í málinum. Higartil hava bert dómstólar havt heimild til at viðgera spurningar um, hvørt ein einkarættur er ógildugur. Í praksis er tað ógjørligt hjá Patent- og Varemærkestyrelsen bæði at viðgera málið umsitingarliga sambært nýggju lógini, og samstundis at vísa málið til rættin sambært gomlu lógini. Danmark, Føroyar og Grønland eru limir í Patent Corporation Treaty (altjóða skipanin fyri einkarætt, eisini nevnt PCT skipanin). Tá ið ein altjóða umsókn um einkarætt skal hava gildi í

4 Danmark, Føroyum og í Grønlandi, skal umsøkjarin søkja um hetta innan eina ávísa freist. Freistin var í 2003 broytt frá 20 mánaðum til 31. mánaðir aftaná altjóða umsóknardagin. Lógarbroytingin varð ikki sett í gildi fyri Føroyar. Orsakað av, at Patent- og Varemærkestyrelsen av einum mistaki viðgjørdi føroyskar umsóknir, grundað á 31. mánaða freistina, komu nøkur mál fram, har spurningurin var, um myndugleikin gjørdist endurgjaldskyldugur, orsakað av mistakinum. Lógarbroytingar í donsku lógini um einkarætt hava harumframt gjørt tað møguligt at viðgera umsóknir um patent á enskum máli. Hetta hevur verið eitt ynski frá vinnuni, tí ein umsókn um einkarrætt í Danmark er vanliga liður í einari altjóða umsókn. Galdandi lóggáva og lógartøkniligir spurningar í sambandi við viðgerðina av málinum Galdandi lóg um einkarætt í Føroyum er lovbekendtgørelse nr. 546 frá 25. oktober 1978 af patentloven. Lógarkunngerðin fevnir um lógina um einkarætt, lóg nr. 479 frá 20. december 1967, sum broytt við lóg nr. 221 frá 24. apríl 1972 og lóg nr. 264 frá 8. juni Patent- og Varemærkestyrelsen hevur í uppriti til Vinnumálaráðið tann 22. juni 2013, um dagføring av immaterialrættinum fyri Føroyar mælt til, at dagføringin av lógini um einkarætt verður gjørd á tann hátt, at gjørd verður ein lógarkunngerð, sum fevnir um alla lógina um einkarætt, soleiðis sum hon skal vera galdandi, í staðin fyri bert at gera eitt ríkislógartilmæli við teimum broytingum, sum verða gjørdar í galdandi lóg. Mannagongdin er annars, sambært vegleiðing frá danska løgmálaráðnum, dagfest tann 3. november 2011, at bert tær einstøku broytingarnar í lógini verða settar í gildi við kongligari fyriskipan. Skal hendan mannagongd nýtast, so skulu 13 lógarbroytingar í lógini um einkarætt setast í gildi fyri Føroyar við 13 kongligum fyriskipanum. Danska løgmálaráðið hevur boðað frá, at orsakað av, at arbeiðið við at dagføra lóggávuna á hesum øki er byrjað í 2009, og harvið áðrenn nýggja mannagongdin varð sett í gildi, so hevur løgmálaráðið einki ímóti, at hetta verður gjørt í einari lógarkunngerð. Lógarbroytingin í donsku lógini í kap. 10A um europeiskan einkarætt verður ikki sett í gildi fyri Føroyar, og er hetta tí, at lóg nr. 368 frá 7. juni 1998 um broyting av lógini um einkarætt, sum heimilaði at ratifisera europeisku konventiónina um einkarætt, ikki fevnir um Føroyar. Sambært viðmerkingunum til 10 í lógini, kann lógin, sum setir sáttmálan í gildi fyri Føroyar, setast í gildi, um so er, at ein meiriluti upp á 5/6 av limunum í Fólkatinginum atkvøður fyri málinum. Lógarbroytingin í kap. 10 c um ES einkarætt verður ikki sett í gildi fyri Føroyar. Í uppskotinum til ríkislógartilmæli verður víst til ES-fyriskipanir. Eitt dømi um hetta er 1, stk. 4 í ríkislógartilmælinum, har víst verður til Rådets forordning (EF) nr.2100/94 om EF-sortsbeskyttelse. Spurningurin um ígildisseting í Føroyum av ES-direktivum og ES-fyriskipanum hevur verið viðgjørdur fyrr. Løgfrøðiliga er spurningurin um, hvussu fram skal farast, tá ið ein ríkislóg, sum kann setast í gildi við kongligari fyriskipan fyri Føroyar, beinleiðis vísir til ES-fyriskipanir. ES-fyriskipanir eru kunngjørdar í Danmark í ES-tíðindum, og eru har galdandi á sama hátt, sum ein og hvør onnur lóg. Tann einstaki borgarin kann tí krevja sín rætt beinleiðis við tilvísing til eina ávísa ES-fyriskipan. Føroyar eru sum kunnugt ikki partur av ES, og ES-fyriskipanir eru ikki galdandi her. Avgerandi er, at Løgtingið tekur støðu til málið, og viðger ES fyriskipanirnar, sum skulu setast í gildi, á sama hátt sum kongliga fyriskipanin, sum vísir til ES-fyriskipanina. ES- fyriskipanir, sum víst verður til í kongligari fyriskipan, eiga tí eisini at verða kunngjørdar á sama hátt sum kongliga fyriskipanin.

5 Viðvíkjandi direktivum er støðan eitt sindur øðrvísi, tí ES-direktiv eru ikki galdandi sum lóg í teimum einstøku londunum í ES. Tann einstaki borgarin kann tí ikki krevja sín rætt beinleiðis grundaðan á eitt ávíst ES-direktiv. Eitt ES-direktiv er meira at samanbera við eitt tilmæli til ES-londini um, at tey í teirra nationalu tjóðskapar lóggávu fylgja teimum leiðbeiningum, sum eru ásettar í direktivinum. Í fleiri førum, serliga í ríkislóggávu, verður víst til, at galdandi lóggáva tekur støði í einum ávísum ES-direktivi. Í slíkum førum kann eitt direktiv hava virði sum rættarkelda, tá ið lógarteksturin skal tulkast. ES- direktiv, sum víst verður til í einum lógaruppskoti, t.d. í viðmerkingunum, eigur tí eisini at vera partur av málinum. Spurningurin er viðgjørdur saman við ríkismyndugleikunum, sum taka undir við mannagongdini, sum skotin er upp. Eitt ríkislógartilmæli er tað, sum liggur í heitinum, eitt tilmæli. Tann formliga ábyrgdin fyri, at materiel heimild er til at seta lógina í gildi fyri Føroyar, liggur í síðsta enda hjá ríkismyndugleikunum. Eitt fordømi um líknandi støðu, har víst verður til ES reglur, er at finna í løgtingslóg nr. 16. frá 23. februar 2001 um djórasjúkur. Har hevur landsstýrismaðurin fingið heimild til at seta í gildi reglur, sum eru neyðugar, til tess at fremja fyriskipanir, direktiv og avgerðir frá ES. Sambært hesi heimild hevur landsstýrismaðurin sett í gildi kunngerð nr. 106 frá 3. juni 2001 um minimumstiltøk í sambandi við niðurberjing av ávísum sjúkum hjá akvakulturdýrum. Eitt annað dømi er galdandi vørumerkjalóg, lov nr. 341 frá 6. juni 1991, sum sett í gildi fyri Føroyar við kongligari fyriskipan nr. 331 frá 4. mai 1994, løgtingsmál 103/1992. Eitt eldri vørumerki verður sambært galdandi vørumerkjalóg roknað sum eitt vørumerki, ið lýkur treytirnar fyri at vera eitt eldri vørumerki, sambært ES- fyriskipanini um vørumerki. Eitt triðja dømi er at finna í løgtingsmáli nr. 89/2007: Uppskot til ríkislógartilmæli um at seta í gildi fyri Føroyar årsregnskabsloven. Her vísti kongliga fyriskipanin til årsregnskabsloven til eitt ES- direktiv. Trupulleikin varð loystur á tann hátt, at ES-direktivið varð lagt við sum skjal til kongligu fyriskipanina, og varð kunngjørt í Kunngerðablaðnum. Spurningurin um ES-fyriskipanir í føroyskari lóggávu varð eisini viðgjørdur í løgtingsmáli 42/2000: Uppskot til ríkislógartilmæli um at seta í gildi fyri Føroyar Anordning om ikrafttræden for Færøerne af udlændingeloven. Stuttur samandráttur av nýskipanini Niðanfyri eru í stuttum lýstar tær broytingar/nýskipanir, sum verða settar í gildi við hesum uppskoti. Lógarinnar kap. 1. Almindelige bestemmelser Í kapitli 1 í lógini fevna lógarbroytingarnar um ítøkiligar treytir fyri at fáa einkarætt til bioteknologiskar uppfinningar. Ásetingin implementerar EU direktiv 98/44/EF frá 6. juli 1998 um rættarverju av bioteknologiskum uppfinningum (skjal 2). Ásetingin bannar at fáa einkarætt til mannalikam, men loyvir undir ávísum treytum einkarætt til ílegur. Tað fer eisini at bera til at fáa einkarætt til djór, tó ikki sløg og ætt og. Ásetingin er ein staðfesting av galdandi praksis, sí skjal 7, har hetta verður viðgjørt í viðmerkingunum til 1a. Lógarinnar kap 2. Patentansøgninger og deres behandling Í kapitli 2 í lógini eru reglurnar um útflýggjan av deponeraðum biologiskum tilfari broyttar.

6 Á sama hátt fevna broytingarnar um serlig undantøk frá einkarrættinum í sambandi við royndir og kanningar viðvíkjandi upprunaheilivági. Broytingarnar skulu tryggja, at verjan av einkarætti av einum ávísum heilivági ikki má føra til óætlaða seinking av tí lógarásettu góðkenningarmannagongdini, sum ein kopiframleiðari skal fylgja, fyri at yvirhalda krøvini í lógini um heilivág. Eisini verður tíðarskeiðið, har triðjimaður kann mótmæla, at einkarættur verður givin, broytt. Vanliga eru tað ikki gjørd nógv mótmæli, og við at broyta reglurnar um mótmælisfreistina til 9 mánaðir aftaná, at einkarrætturin verður givin, fer at bera til at viðgera málini um einkarætt skjótari. Við broytingini verður eisini møguligt at viðgera umsóknirnar um einkarætt á enskum. Orsøkin til hetta er, at tey, sum hava fingið einkarætt, sum oftast arbeiða í altjóða høpi, og tí hava hesi brúk fyri at verja einkarættin í fleiri londum. Sum er skal alt tilfar í sambandi við ein einkarrætt, sum fevnir um Føroyar, umsetast til danskt. Í skjali 2 í viðmerkinginum til 1 verður hetta viðgjørt meira ítøkiliga. Lógarinnar kap 3. International patentansøgning Freistin fyri at føra víðari eina altjóða umsókn um einkarætt varð, sum fylgja av eini broyting av samstarvssáttmálanum um einkarætt, (Patent Cooperation Treaty), og eini lógarbroyting í donsku lógini um einkarætt, broytt í 2013, frá 20 til 31 mánaðir. Broytingin varð ikki sett í gildi fyri Føroyar, sum framvegis hava 20 mánað freist. Ymsu freistirnar hava víst seg at gera skipanina trupla at umsita. Ein altjóða umsókn um einkarætt kann førast víðari, um so er, at hon er skrivað á enskum. Higartil hevur kravið verið, at tilfarið skal umsetast til danskt, og kravið er framvegis galdandi, um so er, at umsóknin eisini skal fevna um Føroyar. Lógarinnar kap. 6: Licens, overdragelse m.v. Í kapitli 6 eru ásett og nágreinað nøkur minimumskrøv fyri at fáa tvangslisens, herundir at royndir skulu hava verið gjørdar fyri at gera avtalu. Ein tvangslisensur er ein rættur, sum í hesum føri Patent- og Varemærkestyrelsen kann geva einum og hvørjum, sum vil brúka eina uppfinning, t.d. um uppfinningin ikki verður brúkt av honum, sum hevur fingið einkarættin. Tann, sum hevur fingið einkarætt, kann eisini sjálvur selja rættin, ella geva øðrum loyvi at brúka rættin. Tað verður kallað ein vanligur lisensur. Lógarinnar kap. 7: Patentets ophør, administrativ omprøving m.v. Heimild verður nú fyri at royna einkarættin umsitingarliga aftaná, at einkarrætturin er latin. Fyrr hevur tað verið soleiðis, at bert dómstólarnir hava kunnað tikið avgerð um slíkt. Eisini eru komnar ásetingar, sum hava til endamáls at forða fyri parallellari viðgerð í rættinum ella hjá Patent- og Varemærkestyrelsen. Lógarinnar kap. 9: Straf- og erstatningsansvar m.v. (håndhævelse) Viðkomandi ásetingar eru í í lógini.

7 Lógarinnar kap. 10: Forskellige bestemmelser Kravið um, at fulltrúi fyri umsøkjararnar um einkarætt skal búgva í Danmark, er strikað. Í staðin fyri kann Patent- og Varemærkestyrelsen biðja tann, sum fær einkarætt, lata seg umboða við fulltrúa, búsettan í einum EBS landi. Lógarinnar kap. 10B: Supplerende beskyttelsescertifikater Heimilað verður meira til landsstýrismanninum at áseta reglur, sum eru neyðugar fyri at brúka reglurnar hjá EU um supplerende beskyttelsescertifikater. Áðrenn slík lóggáva møguliga verður sett í gildi, verður málið lagt fyri Løgtingið. EU fyriskipanir um supplerende beskyttelsescertifikat snúgva seg um, hvussu tíðarskeiðið, har ein einkarættur er vardur, kann leingjast. Hetta hevur serligan týdning fyri framleiðslu av heilivági, tí tað á hesum øki ofta gongur long tíð frá tí at heilivágurin er uppfunnin, og til farið verður undir at framleiða hann. Niðanfyri er sett upp eitt yvirlit yvir tillagingar í donsku lógini um einkarætt í mun til føroysk viðurskifti. Alment Har tað í lógini stendur her i landet og i Danmark, skal hetta í tulkingini av lógini gerast við atliti til, at lógin verður sett í gildi fyri Føroyar 1, stk. 4 Grein 5 í Rådets forordning (EF) nr. 2100/94 er løgd við sum skjal 3b, stk. 1 Grein 14 í Rådets forordning (EF) nr. 2100/94 er løgd við sum skjal 12 og 66 Ásetingarnar um fulltrúar eru broyttar soleiðis, at Patent- og Varemærkestyrelsen kann krevja, at fulltrúi býr í Føroyum 46a, stk. 2 Lóg om plantenyheder er ikki galdandi fyri Føroyar 63, stk. 4 Tilvísingarnar til rættargangslógina kap. 34 eru broyttar til kap. 34 í føroysku rættargangslógini Kap. 10A, Ásetingarnar verða ikki settar í gildi fyri Føroyar, tí fyrivarni er tikið fyri Føroyar, tá ið tann europeiski sáttmálin um einkarrætt varð settur í gildi í Danmark

8 91, stk. 4 Heimastýri er broytt til sjálvstýri Kap. 10 C, Ásetingarnar verða ikki settar í gildi fyri Føroyar, tí Føroyar eru ikki limur í ES Kap. 10 D, Gjøldini eru nú sett inn í lógina Ummæli av uppskotinum. Uppskotið hevur verið til hoyringar hjá Vinnuhúsinum, Inova, Íverksetarahúsinum, Mentamálaráðnum, Heilsumálaráðanum, Granskingarráðnum og hjá Vinnuframagrunninum. Svarini er hjáløgd sum skjal Føroya Arbeiðsgevarafelag hevur ongar viðmerkingar til uppskotið og mælir til, at lógin verður sett í gildi fyri Føroyar. Granskingarráðið metir at dagførdu lógarupskotini lúka tey krøv, sum ES hevur sett viðvíkjandi luttøku í Horizon 2020, og hevur ikki aðrar viðmerkingar. Mentamálaráðið ger vart við, at um designlógin verður sett í gildi samstundis, sum lógin um mynstur fer úr gildi, so má 13, stk. 1 í føroysku lógini um upphavsrætt broytast á tann hátt, at hon verður samsvarandi orðingini í 10, stk. 1 í donsku lógini um upphavsrætt. Mentamálaráðið fer at gera hesa broyting soleiðis, at hon kann koma í gildi samstundis, sum designlógin kemur í gildi. Heilsumálaráðið hevur ongar viðmerkingar til materiella innihaldið í uppskotinum, men hevur nakrar tekniskar og málsligar viðmerkingar. Viðmerkingarnar eru lagdar fyri ríkismyndugleikarnar. Ríkismyndugleikarnir taka undir við at fremja nakrar av teimum broytingum, sum Heilsmálaráðið skjýtur upp. Hinvegin, so eru tað eisini nakrar broytingar, sum Heilsumálaráðið skjýtur upp, sum ríkismyndugleikarnir ikki taka undir við. Ein av hesum orðingum er her i landet,sum Heilsumálráðið mælir til í staðin fyri verður orðað Føroyar Orsøkin til at ríkismyndugleikarnir ikki taka undir við at broyta her i landet til Føroyar, er, at tá ið Patent- og Varemærkestyrelsen gevur eitt patent, vørumerkjarætt, designrætt ella annan immateriellan rætt sambært lóggávuni, so er er hesin rættur galdandi fyri alt tað danska kongaríkið. Vinnuframagrunnurin, Íverksetanarhúsið og Inova hava ikki svarað.

9 Lógaruppskotið er eftirkannað av Lógartænastuni, og er tað broytt samsvarandi teimum viðmerkingum, sum Lógartænastan hevði. Viðmerkingarnar frá Lógartænastuni eru lagar við sum skjal 20. Kap. 2 Avleiðingar av uppskotinum 1. Fíggjarligar avleiðingarnar fyri land og kommunu Uppskotið hevur ongar fíggjarligar avleiðingar fyri land ella kommunu. 2. Mettar umsitingarligar avleiðingar fyri land og kommunu Uppskotið hevur ongar umsitingarligar avleiðingar fyri land og kommunu. 3. Fíggjarligar avleiðingar fyri vinnuna Uppskotið hevur ongar fíggjarligar avleiðingar fyri vinnuna, tí ein einkarættur er treytaður av, at viðkomandi søkir og fær einkarætt. Um so er, at eitt virki ella likamligur persónur fær einkarætt, so hevur hesin sjálvandi eitt ávíst virði. Einkarætturin kann eisini seljast øðrum. Avleiðingar fyri umhvørvið Uppskotið hevur ongar avleiðingar fyri umhvørvið. 4. Serligar fíggjarligar, umsitingarligar ella umhvørvisligar avleiðingar fyri serstøk øki í landinum Uppskotið hevur ongar fíggjarligar, umsitingarligar ella umhvørvisligar avleiðingar fyri serstøk øki í landinum. 5. Sosialar avleiðingar fyri ávísar samfelagsbólkar ella felagsskapir Uppskotið hevur ongar avleiðingar fyri ávísar samfelagsbólkar ella felagsskapir. Patent- og Varemærkestyrelsen hevur upplýst, at gjøldini, sum nú eru sett inn í lógina, hava verið óbroytt síðani Hava millumtjóða sáttmálar við sær fíggjarligar, umsitingarligar ella umhvørvisligar avleiðingar fyri landsmyndugleikar, kommunumyndugleikar, ávís øki í landinum, ávísar samfelagsbólkar ella vinnuna Nei, á hesum øki eru ikki millumtjóða sáttmálar, sum hava nakrar slíkar avleiðingar við sær. 7. Áleggur uppskotið fólki skyldur t.d. upplýsingarskyldu, skrásetingarskyldu ella t.d. krøv um loyvi, skal vera greitt frá umsitingarligu avleiðingunum av hesum Uppskotið áleggur ikki fólki nakrar skyldur, sum hava umsitingarligar avleiðingar við sær. 8. Verða heimildir lagdar til annan landsstýrismann, ella til kommunur umframt kommunustýrislógina, skal greiðast frá teimum fyrilitum, ið grundgeva hetta Uppskotið áleggur ikki heimildir til annan landsstýrismann ella til kommunur. 9. Fáa almennir myndugleikar atgongd til privata ogn, skal grundgevast fyri hesum og greiðast frá vavinum av heimildini Uppskotið hevur ongar avleiðingar í hesum sambandi. 10. Skema

10 Fyri landið /landsmyndugleikar Fyri kommunalar myndugleikar Fyri pláss/øki í landinum Fyri ávísar Samfelagsbólk =ar/felagsskap ir Fyri vinnuna Fíggjarligar/ búskaparligar avleiðingar Nei Nei Nei Nei Nei Umsitingarligar avleiðingar Nei Nei Nei Nei Nei Umhvørvisligar avleiðingar Nei Nei Nei Nei Nei Avleiðingar í mun til altjóða reglur og avtalur Nei Nei Nei Nei Nei Sosialar avleiðingar Nei Nei Nei Nei Nei Kap. 3. Serligar viðmerkingar Til 1. Viðvíkjandi serligu viðmerkingunum til tær einstøku greinirnar, so verður víst til viðmerkingarnar í teimum lógarbroytingum til lógina um einkarrætt, sum eru gjørdar, men sum ikki eru settar í gildi fyri Føroyar, og sum eru fevndar av hesum ríkislógartilmæli, skjal 3 til 15. Til 2. Lógin kemur í gildi dagin eftir, at hon er kunngjørd í Kunngerðablaðnum.

11 Hjáløgd skjøl Skjal 1. Anordning om ikrafttræden for Færøerne af en række love om ændring af patentloven. og Rådets forordning (EF) nr. 2100/94 af 27. juli 1994 om EF- plantesortsbeskyttelse, artikel 5 og artikel 14 Skjal 2. ES- direktiv 98/44 frá 6. juni 1998 om retlig beskyttelse af bioteknologiske opfindelser Skjal 3. Lov nr. 130 af 26. februar 1992 Skjal 4. Lov nr af 23. december 1992 Skjal 5. Lov nr. 900 af 29. november 1995 Skjal 6. Lov nr. 972 af 17. december 1997 Skjal 7. Lov nr. 412 af 31. maj 2000 Skjal 8. Lov nr af 20. december 2000 Skjal 9. Lov nr. 451 af 10. juni 2003 Skjal 10. Lov nr af 21. december 2005 Skjal 11. Lov nr. 538 af 8. juni 2006 Skjal 12. Lov nr. 546 af 8. juni 2006 Skjal 13. Lov nr. 399 af 30. april 2007 Skjal 14. Lov nr af 27. december 2008 Skjal 15. Lov nr af 28. december 2011 Skjal 16. Hoyringssvar frá Føroya Arbeiðsgevarafelag Skjal 17. Hoyringssvar frá Granskingarráðnum. Skjal 18. Hoyringssvar frá Heilsumálaráðnum. Skjal 19. Hoyringssvar frá Mentamálaráðnum. Skjal 20. Viðmerkingar frá Lógartænastuni. Vinnumálaráðið, tann 1. desember 2014 Johan Dahl _Bjørgfríð Ludvig