Uppskot. til. Viðmerkt verður, at í sambandi við hesa fyriskipan hevur verið roynt at gera tær tillagingar, sum serligu føroysku viðurskiftini krevja.

Transkript

1 F ÍGGJARMÁLARÁÐIÐ Argir, 10. apríl 2008 Løgtingsmál nr. 194/2007: Uppskot til ríkislógartilmæli um at seta í gildi fyri Føroyar lov om forebyggende foranstaltninger mod hvidvask af udbytte og finansiering af terrorisme Uppskot til ríkislógartilmæli um at seta í gildi fyri Føroyar lov om forebyggende foranstaltninger mod hvidvask af udbytte og finansiering af terrorisme Mælt verður ríkismyndugleikunum til at seta í gildi fyri Føroyar hjálagda uppskot til kongliga fyriskipan (skjal 1) Anordning om ikrafttræden for Færøerne af lov om forebyggende foranstaltninger mod hvidvask af udbytte og finansiering af terrorisme. 1. Inngangur Fyriskipanin setur í gildi í Føroyum donsku lógina um fyribyrgjandi tiltøk móti at hvítvaska vinning og fígging av yvirgangi (lov om forebyggende foranstaltninger mod hvidvask af udbytte og finansiering af terrorisme). Soleiðis verður reglugrundarlagið dagført undir tí, sum er sett í gildi í Danmark 15. desember 2007 viðvíkjandi teimum málsøkjum, sum eru umfatað av ríkisviðurskiftunum. Viðmerkt verður, at í sambandi við hesa fyriskipan hevur verið roynt at gera tær tillagingar, sum serligu føroysku viðurskiftini krevja. Lov om forebyggende foranstaltninger mod hvidvaskning af penge, sum varð sett í gildi fyri Føroyar við kongligari fyriskipan nr. 776 frá 3. oktober 1997, er í 2006 í Danmark loyst av av nýggjari høvuðslóg: Lov nr. 117 af 27. februar 2006 om forebyggende foranstaltninger mod hvidvask af udbytte og finansiering af terrorisme (hereftir hvítvasklógin). Lóg nr. 117 frá 27. februar 2006 setur í verk 3. hvítvasksdirektivi hjá ES. Í direktivinum er settur inn stórur partur av endurskoðaðu tilmælunum um stríð ímóti hvítvasking og fígging av yvirgangi, sum Financial Action Task Force on Money Laundering (FATF) hevur samtykt í juni Hvítvasklógin er síðan broytt tvær ferðir. Hesar broytingar eru tiknar við í fyriskipanina. Talan er um: - 8 í lov nr. 542 af 8. juni 2006 om ændring af straffeloven, retsplejeloven og forskellige andre love. - 6 í lov nr. 108 af 7. februar 2007 om ændring af lov om værdipapirhandel m.v., lov om finansiel virksomhed, lov om aktieselskaber, årsregnskabsloven, lov om forebyggende foranstaltninger mod hvidvask af udbytte og finansiering af terrorisme, lov om en Kvíggjartún 1 Postsmoga Argir Telefon Telefax fmr@fmr.fo

2 garantifond for skadesforsikringsselskaber, lov om forsikringsformidling og forskellige andre love. 2. Endamálið við hvítvasklógini og ætlað ávirkan Endamálið við nýggju hvítvasklógini er at herða krøvini til fyribyrgjandi tiltøkini móti hvítvaski og seta í verk fyribyrgjandi tiltøk móti at fíggja yvirgang. Hetta verður gjørt sum liður í áhaldandi átakinum móti tílíkum virksemi. Hetta verður gjørt við at seta økt krøv til teir persónar, sum eru umfataðir av lógini, og til kunnleikan, sum fyritøkur skulu hava til kundar teirra. Lógarkravið um kunnleika til kundar verður soleiðis nágreiniligari, og krøv verða sett um serligt ansni viðvíkjandi ávísum kundaviðurskiftum. Harafturat víðkar lógin fráboðanarskylduna til at umfata illgruna um, at transaksjónir ella áheitan hevur tilknýti bæði til brot á revsilógina og á serlóggávuna, um illgruni er um lógarbrot, sum kann revsast við fongsli í meira enn eitt ár. Fyri at tryggja, at fyribyrgjandi tiltøkini verða nýtt á øllum viðkomandi økjum, fer virkisøki lógarinnar at verða víðkað til at umfata fleiri persónar og fyritøkur, sum skulu hava skyldu til at syrgja fyri fyribyrgjandi tiltøkum móti hvítvaski og fígging av yvirgangi. Lógin umfatar tí eisini útgevarar av elektroniskum pengum, dóttirfeløg hjá útlendskum fyritøkum í Føroyum, íløgufeløg og advokatar. At enda er ætlanin við lógini í størri mun at tryggja, at lógarkrøvini verða fylgd, og verður krav tí sett um eitt ávíst eftirlit við teimum fyritøkum og persónum, sum eru umfataðir av lógini. 3. Evni í lógini Í nýggju hvítvasklógini eru m.a. hesar týðandi broytingar: Fígging av yvirgangi: Galdandi lóg snýr seg bert um hvítvasking av peningi. Nýggja hvítvasklógin er víðkað til eisini at umfata fyribyrgjandi tiltøk móti at fíggja yvirgang. Í lýsingini av yvirgangi verður víst til lýsingina í 7 í lov for Færøerne om oplysninger, der skal medsendes om betaler ved pengeoverførsler. Henda lógin er enn ikki samtykt í Fólkatinginum, men Løgtingið hevur tikið undir við henni tann 14.mars 2008 (lm. 139/2007), og varð hon løgd fyri Fólkatingið 27. mars 2008 (L125/2007). Lýsing av hvítvaski: Lýsingin tekur støði í hæleribestemmelsen (áseting um tjóvsloyning) í 290 í revsilógini, sum somuleiðis umfatar brot á serlóggávuna. Revsilógarfyriskipan 284 umfatar tjóvsloyning. Tær báðar ásetingarnar eru ikki eins. Virkisøkið: Virkisøki lógarinnar er víðkað til eisini at umfata útgevarar av elektroniskum pengum, dótturfeløg hjá útlendskum fyrtøkum í Føroyum, íløgufeløg og advokatar. Advokatar eru bert umfataðir, tá ið teir hjálpa viðskiftafólki at leggja til rættis ella fremja transaksjónir fyri viðskiftafólk í sambandi við: a) keyp og sølu av føstum ognum ella virkjum b) umsiting av peningi, virðisbrøvum ella onnur aktiv hjá viðskiftafólki c) stovning ella umsitan av banka-, spari- ella virðisbrævakonti d) at fáa til vega neyðugan kapital til at stovna, reka ella leiða virki, 2/5

3 e) stovnan, rakstur ella leiðslu av virki ella f) aðra handilsliga ráðgeving og tá ið advokatar vegna teirra viðskiftafólk og fyri teirra rokning gera fíggjarliga transaksjón ella transaksjón viðvíkjandi fastari ogn. Krav um kunnleika til kundar: Lógin setur neyvari krøv til, at tær fyritøkur og teir persónar, sum eru umfataðir av lógini, kenna teirra kundar. Um kundin er eitt felag, fer hetta serliga at hava við sær krøv um øktan kunnleika til fysisku eigararnar. Harumframt skulu upplýsingar fást til vega um endamálið við handilssambandinum, hvussu víðfevnt tað er, eins og støðugt eigur at verða hildið eyga við kundaviðurskiftunum. Í ávísum førum setur lógin serlig herd krøv til kundakunnleika í mun til váða. Herda kravið er m.a. galdandi mótvegis kundum, búsitandi uttanlands, sum hava hægri politisk størv, ella hægri hernaðarligum persónum, so sum generalum. Í lógini er harumframt møguleiki fyri at sleppa undan krøvunum til kundakunnleika í mun til nærri nevnd kundasløg, vørur og transaksjónir. Somuleiðis gevur lógin undir serligum viðurskiftum møguleika fyri at brúka samleikaupplýsingar, sum eru fingnar til vega av triðjamanni. Innanhýsis reglur og útbúgving Krøv verða harumframt sett um, at tær fyritøkur, sum eru umfataðar av lógini, skulu gera mannagongdir fyri fyritøkuna og seta leiðara, sum skal tryggja, at fyritøkan heldur sínar skyldur sambært lógini. Fráboðanarskylda Um illgruni er um hvítvask, verður fráboðanarskyldan víðkað hjá teimum persónum og fyritøkum, sum lógin umfatar. Fráboðast skal, um illgruni er um, at peningaognir stava frá broti á revsilógina ella serlóggávuna, um illgrunin viðvíkur lógarbroti, sum kann revsast við fongsli í meira enn eitt ár. Falsaður peningur Skylda verður áløgd fyritøkum og persónum, sum fáast við og flýggja út pengaseðlar og myntir, at taka hesar úr umferð, um illgruni er um, at teir eru falsaðir. Eftirlit við at lógin verður hildin Lógaruppskotið ásetur krav um ávíst slag av eftirliti við øllum persónum og fyritøkum, sum eru umfatað av lógini. Endamálið er at tryggja, at hesar fyritøkur og hesir persónar halda krøvini í lógini. Herða revsing Við serliga grovum ella umfatandi tilætlaðum brotum á ávísar reglur kann revsingin verða hækkað til fongsul í upp til 6 mánaðir. 3/5

4 4. Búskaparligar og fyrisitingarligar avleiðingar Uppskotið hevur ikki fíggjarligar ella umsitingarligar avleiðingar fyri føroyskar myndugleikar í sjálvum sær, tí talan er ikki um sermál. Tó hevur verið neyðugt hjá landsstýrinum (Vinnumálaráðnum) at gera líknandi uppskot fyri føroysk málsøki (tryggingarøkið, postgiro v.m.), ið hevur umsitingarligar avleiðingar við sær. Ta uppskotið verður lagt fyri tingið samstundis sum fyriliggjandi uppskot. Fyri privatu vinnuna hevur hetta uppskotið serliga avleiðingar fyri bankar, sparikassar, ávísar fíggjarstovnar og advokatar, ið skulu tillaga sínar arbeiðsgongdir til nýggju krøvini. 5. Hoyring Uppskotið hevur verið til hoyringar hjá Felagnum Peningastovnar og hjá Dátueftirlitinum. Felagið Peningastovnar hevði ein fyrispurning um fráboðanarskylduna, men tók annars undir við at seta uppskotið í gildi. Dátueftirlitið svaraði, at hoyringsfreistin var ov stutt til at viðgera tað ítøkiliga uppskotið, men vísti annars til hoyringssvar, sum Dátueftirlitið gav Fíggjarmálaráðnum 19. apríl 2007 til eitt fyrri útkast til sama uppskot til kongliga fyriskipan. Hoyringssvarini eru løgd við sum fylgiskjøl. 6. Fylgiskjøl: Skjal 1: Anordning om ikrafttræden for Færøerne af lov om forebyggende foranstaltninger mod hvidvask af udbytte og finansiering af terrorisme Skjal 1: Europa-Parlamentets og Rådets direktiv 2002/87/EF af 16. december 2002 om supplerende tilsyn med kreditinstitutter, forsikringsselskaber og investeringsselskaber i et finansielkonglomerat Skjal 1: Europa-Parlamentets og Rådets direktiv 2004/39/EF af 21. april 2004 om markeder for finansielle instrumenter (MiFID-direktivet) Skjal 1: Europa-Parlamentets og Rådets direktiv 2005/60/EF af 26. oktober 2005 om forebyggende foranstaltninger mod anvendelse af det finansielle system til hvidvaskning af penge og finansiering af terrorisme (3. hvidvaskdirektiv) Viðvíkjandi serligu viðmerkingunum, sí hjáløgdu donsku lógaruppskotini. Skjal 1: Uppskot (L 47/2005) uppskot til Lov om forebyggende foranstaltninger mod hvidvask af udbytte og finansiering af terrorisme Skjal 2: Uppskot (L 217/2005) til broyting í m.a. lov om forebyggende foranstaltninger mod hvidvask af udbytte og finansiering af terrorisme (úrdrag) Skjal 3: Uppskot (L 20/2006) til broyting í m.a. lov om forebyggende foranstaltninger mod hvidvask af udbytte og finansiering af terrorisme (úrdrag) Skjal 4: Hoyringssvar frá Felagnum Peningastovnar Skjal 5: Svar til hoyringssvar frá Felagnum Peningastovnar Skjal 6: Hoyringssvar frá Dátueftirlitinum 4/5

5 Skjal 7: Hoyringssvar frá Dátueftirlitinum til eitt fyrri útkast til uppskotið Fíggjarmálaráðið 9. apríl 2008 Karsten Hansen landsstýrismaður /Petur Alberg Lamhauge aðalstjóri 5/5