Kalaallit Nunaata Radioa Ukiumoortumik nalunaarut 2004
Kalaallit Nunaata Radioa Imai Suliffeqarfik pillugu paasissutissat 1 Pisortat nalunaarusiaat 2 Siulersuisut pisortaanerullu oqaaseqaataat 13 Kukkunersiuisut oqaaseqaataat 14 Naatsorsuusioriaaseq atorneqartoq 15 Angusanut naatsorsuutit 16 Oqimaaqatigiisitsineq 17 Aningaasaleeriaatsit 1. januar - 31. december 19 Nassuiaatit 20
Kalaallit Nunaata Radioa 1 Suliffeqarfik pillugu paasissutissat Suliffeqarfik Kalaallit Nunaata Radioa Kommune angerlarsimaffiusoq: Nuuk Kommune Siulersuisut Pollas Lyberth, formand Johannes Sandgreen Lisbeth Søvndahl Pedersen Lars Johansen Frederik Olsen, STTK Kurt Egede, medarbejderrepræsentant Carsten F. Fauerschou, medarbejderrepræsentant Pisortaaneq Lars Lennert-Sandgreen Qukkunersiuisut Deloitte Statsautoriseret Revisionsaktieselskab
Kalaallit Nunaata Radioa 2 Ukiumoortumik nalunaarusiaq Aqutsisoqarfiup nalunaarusiaa 2004 2004 anigorparput 2.080 t. kr.-inik sinneqartooruteqarluta, tamannalu missingersuusianinngarnit 398 t. kr.-inik pitsaanerulluni. 2004-p naanerani nammineq aningaasaativut 1.382 kr.-inut ikilisissimavavut, pissutigalugu 31. decemberimi akiitsuvut katillutik 6.350 t. kr.-iummata aammalu pigisavut nalillit 4.968 t. kr.-iullutik. KNR-ip Nunatta Karsianit taarsigassarsiai 3.000 t. kr.-iusut 2002-p naanerani taarsigassarsiarineqartut 1.950 t. kr.-inut ikilisimapput. KNR-ip atoriaannaasunik aningaasaatai ukup naanerani 3.830 t. kr.-iupput, tamannalu naammagisimaarnarluni. Aqutsisoqarfiup aningaasaqarnikkut pilersitseqqinnera 2005-imi nanginneqarpoq. KNR-ip 2005-imi akiliisinnaassuseqalernissaa anguniarneqarpoq. Pilersitatsinnit isertitatta missingersuusianinngarnit 1.307 t. kr.-inik amerlanerunissaat iluatsipparput, tamannalu pingaartumik pilerisaarutinik (430 t. kr.-inik amerlanerusut), aningaasaliissuteqartunit isertitat (236 t. kr.- inik amerlanerusut), nalunaarutit pilluaqqussutillu (247 t. kr.-inik amerlanerusut) kiisalu aallakaatitassianit tunisat (316 t. kr.-inik amerlanerusut). KNR-ip ukioq taanna ukiutut Namminersornerunerup eqqunneqarfiatut nalliuttorsiorfiunera malugisimavaa, ukioq kunngikkormiunik tikeraartoqarfiusoq, ukioq arsaalluni EMeqarfiusoq kiisalu ukioq Olympiadeqarfiusoq. Suliassat TV-kkut aallakaatitassiorfioqisut taamaattumillu suliaqarfinni arlaqartuni amerlanerusunik isertitaqarfiusut.. Nunatta Eqqartuussiviata KNR-p siornatigullu siulersuisuni ilaasortaasimasut akornanni ukiuni 1996-97-imi siulersuisut akissarsiaat pisussaatitaaffeqanngitsumik tiguneqarsimasut utertinneqarnissaat pillugit isumaqatigiissuteqartoqarpoq. Utertillugit akilerneqartussatut piumasarineqartut katillugit 965 t. kr.-iupput. Isumaqatigiissuteqarnerup kingornatigut 665 t. kr.-it utertillugit akilerneqarput. Akiligassanut sinneruttunut naafferartumik akilersuinissat isumaqatigiinniutigineqarput. 2004-mi KNR-imi sulisut agguaqatigiissilugit 107-iupput 2003-milu 111-ullutik. Namminersornerullutik Oqartussanit tapiissutitut aningaasaliissutinut naleqqiullugu akissarsianut aningaasartuutit 2003-mi 68%-imiit 2004- mi 69%-imut amerleriarsimapput. Naak 2005-imi agguaqatigiissillugu sulisinut 106-inut missingersuusiortoqaraluartoq akissarsiat %-iata 70-imut qaffariarnissaa ilimagineqarpoq. 2004 aammattaaq allanngortiteriffiuvoq aaqqissuussaanikkut nikisiterinermik aallaaveqartumik. Ilaatigut sulisut iluanni avataanilu kattuffinnit soorlu SIK-mit KNAPK-millu peqataaffigineqartunik februarip, martsip aprilillu ingerlaneranni ataatsimiittoqartarpoq, suliarlu tamanna KNR-ip siunissami qanoq inunnik sullissivittut siuarsarneqartariaqarneranik kaammattuuteqarnernik kinguneqarluni. Kaammattuuteqarnerit taakkua KNR-ip siunissamut pilersaarutaanut ilanngunneqarput. Allanngortiterineq aammattaaq aalajangersimasumik aaqqissuussinermik nutaamik kinguneqarpoq. KNR-ip 2004-mi aallakaatitsinermut, tusagassiornermut atortuutinullu pisortatut atorfiit inuttalerpai nutaarsiassaqartitsivimmilu pisortap inuttalernissaa amigaatigalugu. Pilersaarutaavoq nutaarsiassaqartitsivimmi pisortaq 2005-
Kalaallit Nunaata Radioa 3 imi upernaakkut/aasakkut inuttalerneqassasoq, Qanoruup radioaviisillu ataatsimoortumik nutaarsiassanut aaqqissuisoqarfiisa ataatsimoortinneqarnissaannut pissusissamisoortumik ilassutitut. Tamatuma saniatigut digitalinngorsaanermik suleqatigiissitaq suliffiup iluani suliassaqarfinni assigiinngitsuni tunisassiornermut atortut digitalinngorsarneqarnissaannut KNR-ip misissuineranut pisariaqartitaanullu atatillugu ukiup affaata missaani ingerlasimavoq. Misissuinerit ilaattut suleqatigiissitap radioqarfiit tv-qarfiillu allat kiisalu digitalimut atortunik nioqquteqartut tikeraartarpai. Suliaq nalunaarusiamik kinguneqarpoq, tassanilu takuneqarsinnaalluni KNR-ip digitalinngorsaanissamik pisariaqartitsinerata ikiorsiiviginissaanut ukiut pingasut ingerlaneranni 20 mio. kr.-it missaannik aningaasaliisoqarnissaa pisariaqartinneqartoq. Ukiakkut aammattaaq digitalimut atortut annikitsunnguit pisiarineqarput, tassami radiop aaqqissuinermut maskiinat aallakaatitassianik aaqqissuinermut atorsinnaasut ikkussuutitimmagit. Atortut taakkua tassa båndinut maskiinanut pisoqalisimasunut piffissartornaqisunullu taarsiullugit atorneqartut. 2004-p ingerlanerani Radiukkut tv-kkullu aallakaatitsisarneq pillugu Inatsisartut peqqussutissaat nutaaq pillugu marloriarluni tusarniaasoqarpoq. Siulersuisut aqutsisut peqatigalugit tamarmik tusarniaanermut akissutissaq suliaraat. Ukiut amerlaqisut sulereernikkut Radiukkut tv-kkullu aallakaatitsisarneq pillugu Inatsisartut peqqussutaat maanna naammassimmat 1. januar 2005-imilu atuutilerluni tamanna oqiliallaataavoq. Peqqussummut nutaamut ilanngullugu KNR-ip Naalakkersuisullu akornanni KNR-ip innuttaasunik sullissineranut tunngasumik naammassisassanik isumaqatigiissuteqartoqassaaq. 2004-p ingerlanerani KNR-ip aamma KIIIP-ip akornanni isumaqatigiissutip taamatut ittup imassaanut missingiussassaq pillugu oqaloqatigiittoqartarpoq. KIIP-ip siunnersuutaani nalunaarsuinissamik nalunaarusiornissamillu piumasaqaatit assut sukumiisut naatsorsuutigineqaqqaartariaqarput. Piumasaqaatit taakkua naammassineqarnissaanni allaffissornikkut suleriaatsit nutaat pissarsiarineqarnissaat annertusarneqarnissaallu naatsorsuutigineqaqqaassaaq. Tamanna aningaasarpassuarnik piffissamillu naleqarpoq. Ukiunut 2006-09-imut isumaqatigiissutip atsiorneqarnissaa siunertaralugu oqaloqatigiittarnerit 2005-imi nangeqqinneqarnissaat naatsorsuutigineqarpoq. 2004-p ingerlanerani siulersuisut isumasioqatigalugit tv-p illutaata allanngortiterneqarnissaanut periarfissat misissorneqarput, paasiumallugu sulisut tamarmik illumi tassani inissisimasinnaanersut. Aaqqissuisoqarfiit apeqqutaatinnagit suleqatigiinnissaq aammalu aallakaatitassiornissap - aammattaaq radiukkut tv-kkullu tunisassiat akornanni - pitsaanerusumik ataqatigiissaarnissaa eqqarsaatigalugit illuummi tassaniinnissamik kissaateqarneq annertoorujussuusimavoq. Tamanna iluatsitsiviusimavoq aammattaarlu suliffinnik nakkutilliisoqarfiup akuersissuteqarnera ilanngullugu. Aqutsisut tamanna pillugu siulersuisut peqatigalugit aalajangerput tv-p illutaata allanngortiternera ingerlanneqassasoq, taamaalilluni taanna 2005-imi julimi naammassineqarsimassalluni. Tamanna najoqqutaralugu Nuummi suliassat sulisullu tamarmik, taamaallaat toqqorsivik diskotekilu marlunnik sulisulik inissaqartinneqanngitsorlu, tv-p illutaani 2005-imi julip qaammataata ingerlanerani ataatsimoortinneqassapput. Tamanna aammattaaq KNR Radiohusitoqqamiit, Grønlands Radio KNR-ip ukiuni 47-ni najugarisimasaaniit nuuttariaqarneranik kinguneqarpoq. KNR Radiohusimik atuijunnaarpat taanna Namminersornerullutik Oqartussat ataanni allamut atorneqassasoq naatsorsuutigineqarpoq.
Kalaallit Nunaata Radioa 4 KNR-ip TP/Tusagassiortut Peqatigiiffiannik isumaqatigiissutaa 31. marts 2004-mi atorunnaarpoq. Isumaqatigiinniartut ukiap ingerlanerani ataatsimiittarput, isumaqatigiissinnaasimanatilli. TP 25. februar 2005 aallarnerfigalugu suliumajunnaarnissamik unitsitsinissamillu ilimasaarivoq. Ulloq taanna nallertinnagu isumaqatigiinniarnerit nangeqqinneqarnissaat naatsorsuutigineqarpoq. Ukiumoortumik nalunaarusiaq 2004 RADIOAVISI Aallakaatitsisarneq Radioavisit amerlassusiat sivisussusiallu ukiumut siulianut naleqqiullugu allannguuteqanngillat, naak sulisussaleqineq sulisullu taarseraannerat annertukulussimagaluartoq. Radioavisip nutaarsiassanik nunatsinneersunik nunanillu allaneersunik pingaarnernik ullut tamakkiallugit pilersuisussaatitaanini aamma naammassisinnaasimavaa. Taamatuttaaq inuiaqatigiinni pisunik pingaarutilinnik oqallinnermut tunngavissanik oqallissutissanillu nutaanik pilersuisussaatitaanini naammaginartumik attasinnaasimavaa. Nittartagaq KNR-ip nittartagaa ukiap ingerlanerani nutarterneqarpoq. Tamanna Radioavisip nutaarsiassanik pilersuineranik annertuumik pitsanngortitsisimavoq, ilaatigut radioavisit nittartakkakkut tusarnaarneqarsinnaalernerannik kinguneqartumik. Inuttat Sulisut taarseraannerat tusagassiortunillu kalaallinik amigaateqarneq ukioq kaajallallugu ajornartorsiutaavoq. Taamaakkaluartoq radioavisit pitsaassusaat angisuumik innarlerneqanngilaq. Tusagassiortut qallunaat 3 kalaallillu aamma 3 soraarput. Taartaasut 2 taamaatipput, ukiorlu kaajallallugu atorfiit arlallit inuttaqanngillat. Atorfik ataaseq nutserisumik inuttalerneqaraluartoq ukiup naanerani inuttaarupoq. 2005-ip aallartinnerani tusagassiortut kalaallit atorfii 2 inuttaqanngillat, sulilu ilanissat ilimanarpoq. Radioavisimi sulineq oqilisarniarlugu piffissat suliartortarfiit allannguallatsinneqarput, sap. akunneranullu ullut ataannartumik suliffiusartut ikilineqarlutik. Tamakkuli iluaqutaagaluarlutik ajornartorsiutip qitianik allanngortitsinngillat, tassalu suliartortarfiit nikerartuunerat, ullormut naammassinigassat amerlassusiat, nalliuttuni sapaatinilu sulisarneq - ataatsimut isigigaanni ilaqutariittut inuunermut attuisartut. Aningaasarsiat suliffinnut allanut (avisit, TV-qarfiit, ingerlatseqatigiiffiit) naleqqiullugit annikinnerunerat ilanngukkaanni pikkorissunik sulisoqarniarneq aporfissaqaqaaq.
Kalaallit Nunaata Radioa 5 Teknik Radioavisi maanna digitalisererneqarluni naammassilerpoq. Qarasaasiatigut killuisarfiit 10 pigaagut, amigaataasullu marlussuit pigilerutsigit elektroniskimik suliffiit naammatsissapput. Telefonikkut immiussisarfimmik peqalerutta tusagassiortut namminneq naammassisinnaasaat suli annertunerulissapput. Angalanerit Illersornissamut isumaqatigiissutip nutarterneqarnera, silaannaap allanngoriartornera, akit assigiittussanerisa allanngortinneqarnerat, kunngikkormiut tikeraarnerat namminersornerulernerullu ukiunik 25-nngortorsiornera tusagassiornitsinni malunnaateqarluarput. Angalanernik arlalinnik kinguneqarput, soorlu aamma arfanniarneq pillugu ukiumoortumik Italiami ataatsimeersuarneq najuuffigineqartoq. Radioavisi ukiumut ½ mio.kr.-nik angalassutissaqarpoq, nutaarsiassallu avataaniit aningaasaliiffigeqqusaanngimmata angalanermut atugassagut killeqarput. Tusagassiuutinik allanik suleqateqarneq Upernaaq misiliivugut Sermitsiaq suleqatigalugu apeqqummik aalajangersimasumik sammisaqarluta. Mingutsitsineq, ilaatigut eqqaavinneersoq, allaaserisat ilanngutassiallu arlallit aqqutigalugit qulaajarneqarpoq. Misiliinikkut anguniarneqarpoq tusagassiortut (Sermitsiamiit 1, RAV-miit 2) suleqatigiissinnerat oqaluttuassanik nutaanik qulaajaanernillu sunik kinguneqarsinnaanersoq. Misiliineq sapaatit akunnerini 3-4-ni sivisussuseqarpoq, ajoraluartumillu aporfissaqarsimavoq, taamaalillunilu qulaajakkanik nutaarluinnarnik pissarsiffiunngitsoorluni. Suleriaaserli iluatsinnarmat misileeqqinniarpugut, 2005-illu upernaavata ingerlanerani taamaaliornissarput pilersaarutigaarput. IMMIKKOORTORTAQARFIIT KNR-Avannaa Tusagassiortut 2 nipilerisorlu/assiliisoq 1 radiomut TV-mullu nutaarsiassanik aallakaatitassianillu allanik sullerillutik pilersuipput. Avannaani sulisutta uppernarsarpaat ikikkaluarluni suliamik pimoorussigaanni sorpassuit naammassineqarsinnaasut. Kujataata Radioa Tusagassiortut 3, nipilerisoq 1. Taqqavanissaaq sulisut sullerillutik nutaanillu misiliinissamut tunuarsimaarnatik pilersueqataapput. TV-kut atortut nutaangitsut Nuummiit Qaqortuliaanneqarput, teknikerimillu sungiusarneqarlutik sulisut TV-lerinermik sungiusarneqarput. Qaqortumi TV-qarfik suleqatigalugu Qanoruumut ilanngutassiarpaalussuit naammassineqarput, taamaalillunilu atortorpassuit aningaasarpassuillu atunngikkaluarlugit Kujataa nunallu sinnera TV-kut imminnut qanilliallatsinneqarput. Ataatsimoortumik
Kalaallit Nunaata Radioa 6 KNR-Avannaa Kujataatalu Radioa (KNR-Kujataanik atserneqartariaqaleraluartoq) KNR-ip iluani aaqqissuisoqarfituaapput bimedialimik suleriaasillit, imaappoq sulisut radiomut TV-mullu assigiimmik sullissisinnaallutik. Taama suleriaaseqarneq nutaarsiassalerinermut pisorsaataalluarpoq. Qanorooq Sæson A: Sæson A aallartisimalaalneraniit Qanorooq-mi tusagassiortutut atorfiit pingasut inuttassaqartinneqanngillat, taamatullu ingerlaneq Sæson A ilangaatsiarsuani taamaappoq, april-ililli qiteqqunnerani aaqqissuisoqarfimmi ataatsimik suleqatitaarpugut. Tamanna tunngavigalugu freelancer-inik vikar-iugallartussanik piffissap ilaani sulisitsisarpugut, saniatigullu aamma avataaniit pisinermut aningaasartuutinik atuingaatsiarluta. Tassungali atatillugu erseqqissaatigereertariaqarpara atorfeqartitsinermut aningaasartuutissaagaluit atorneqanngitsoortariaqarsimasagut avataaniit pisinerusariaqarsimanitsinnut matussusiisinnaalluarsimasut. TV-qarfinnik sinerissamiittunik piffissami tassani suleqateqarneq amerlanerpaatigut naammagisimaarnarluarpoq. Sæson A-mi Soqutiginartut saniatigut naammassillugu suliarineqartarpoq. Sæson B: Ukioq manna Sæson A-p nalaani immikkut iliuuserineqartoq tassaavoq Qaqortumi Kujataata Radioani suleqatitta TV-lerinermi atortunik pajunneqarlutillu atuinissamut sungiusartinneqarnerat. Tamatumunnga aallaaviusoq tassaaavoq taamanikkut Sæson A-p ingerlanerani Tusaat Sikorsuit TV-mik suleqateqarnerup naammaginarunnaavikkaluarnera. Sæson C: Qanorooq septemberip 13-ianiit nalinginnaasumik ullut tamaasa aallakaatitsisaleqippoq. Sulisoqarniarnermut tunngatillugu immikkut iliuuseqarnikkut aaqqiissuteqarpugut, tassa tusagassiortoq ataaseq Kujataata Radioa-niittussanngorlugu atorfinitsikkatsigu. Taamaaliornikkut sulisoqarnerup tungaatigut pitsanngoriartitsivugut, aammali saniatigut qulakkeeraparput sinerissamiit pilersorneqarnitta annertunerulaalernissaa aamma siunissami. Tamatuma kingorna Qanorooq sinerissami TV-qarfinnik marlunnik suleqatigiinnissamut tunngasunik illua`tungeriinnut pisussaaffiliisunik isumaqatigiissusiorpoq, isumaqatigiissutillu taakku ukioq 2005-imi maj-ip naanissaata tungaanuugallartoq atuutissapput. Siullertut Tusaat Sikorsuit TV teknik-ip tungaatigut suleqatissatut isumaqatigiissuteqarfigineqarpoq, tassa Kujataata Radioani tusagassiortup ataatsip Qanorooq-mut ilanngutassiortarnissaanut atatillugu Tusaat Sikorsuit TV qaammatip ataatsip ingerlanerani ulluni aqqaneq marlunni agguaqatigiissillugu sapaatip akunneranut ulluni pingasuni - teknikerissaqartitsissasoq isumaqatigiissuteqarfigineqarmat, taamatullu isumaqatigiissuteqarneq aalajangersimasumik qaammammut akiluteqarfigineqartassaaq. Taassuma saniatigut ukiuni arlalissuanngortuni pisiffigisartagarput Sisimiut TV aamma maj-ip naanisassaata tungaanuugallartoq atuuttussamik isumaqatigiissuteqarfigineqarpoq, tassa massakkuugallartoq Sisimiut TV isumaqatigiissuteqarfigineqarmat qaammammut aalajangesimasumik akiliuteqarfigisassagipput, il-
Kalaallit Nunaata Radioa 7 lua tungaatigulli Sisimiut TV qaammammut ilanngutassianik arfineq pingasunik (agguaqatigiissillu sapaatip akunnearanut ilangutassianik marlunnik) nassitsisassasoq. Tamakku tamaasa tunngavigalugit aaqqissuisoqarfimmi sulisoqarneq Sæson A-mut sæsom B-mullu sanilliutissagaanni pitsanngoriaateqarluinnarpoq, tassa massakkorpiaq aaqqissuisoqarfimmi sulisoq ataaseq kisiat amigaatigineqarmat. Aallakaatitsivik KNR-ip allanngortiterneqarnissaanut ilassutitut stationip aallakaatitsinermik suliaata erseqqiinerulersinneqarnissaa siunertarineqarpoq, ilaatigut radiukkut tv-llu kanal-iisigut aallakaatitassiat siunissami immikkoortortaqarfimmi aaqqissuunneqartalernerisigut, ilaatigullu aallakaatitassiat sorliit aallakaatitassiarineqartussat aallakaatinneqartussallu toqqarneqartalernerisigut, ilaatigullu aaqqissuinikkut aqutsinermi killiliussatut najoqqutassiat qulliunerusutigut suliarinerisigut malittarinerisigullu, ilaatigullu aallakaatitsinermik suliap pitsaassuseqarnissamigut sammineqarneruneratigut, aallakaatitsiviup aaqqissuussamik aammattaaq tusarnaartartunik isiginnaartartunillu atassuteqalerneratigut tassa imaappoq atuisartunut tulluarnerusumik ineriartortitsinissamut isumaginnittutut. Aallakaatitassiornermi pisortap atorfianut suliassanik pingaarnerpaanik isumaginnittussatut Naja Paulsen 1. oktober 2004 atorfinitsinneqarpoq. Tamanna kinguneqassaaq aallakaatitsiviup pilersinneqarnera aatsaat 2005- imi malugineqarsinnaassammat aammalu ukiuni aggersuni iluamik aatsaat malunnarsissalluni. Aallakaatitassiornermi pisortap siullermik aallakaatitassiorfiup tv-mut immikkoortortaani aqutsisut suleqatigai, tamatumani 2005-imi Sæson A-mut aallakaatitassiat nutaat ilanngullugit pilersaarusiortoqarluni atortussanut sulisussanullu naleqqussagaaniartussamik. Suliaq tamanna ilungersuunneqaraluartoq 2005-imut tv-mi Sæson A-p allaanerulaarnissaa aammalu naammaginartuunissaa neriuutigalugu suliaraarput. KNR-ip aningaasaqarniarnera massakkorpiaq eqqarsaatigalugu oqaatigineqanngitsoorsinnaanngilaq KNR-ip aallakaatitassianik tunniussisinnaanerata naammassinissaa ajornakusoortuusoq. Aallakaatitassiorfimmut TV-mi tusagassiortutut atorfiit inuttaqanngitsut inuttalerniarnerat ajornakusoorsimavoq, kisiannili aallakaatitassiat aallakaatitsiviup anguniagassatut aalajangiussimasaasa piviusunngortinnissaannut immikkoortortaqarfimmi atorfillit ikinnerpaatinneqarnerat iluatsissimalluni. Tullinnguullugu immikkoortortaqarfiup aammattaaq sæsoni nutaaq pilersaarusiorlugu aallartippaa radiomut immikkoortortaqarfimmut tunngasunik missingersuutitalerlugu. Aqutsisut tamarmiusut anguniagaraat aallakaatitsivimmut, aallakaatitassiorfimmut nutaarsiassalerivimmullu immikkoortortaqarfiit suleqatigiillutik ukiumi nutaami aaqqissuinikkut killiliussatut nutaatut aalajangersakkat aallaavigalugit radiukkut aallakaatitassianik tamarmiusunik nutarterinissaat (pingaartumik tassunga ilanngullugit ullaakkut ullaallu tungaani aallakaatitassiat). Tassunga atatillugu aammattaaq radiop immikkoortortaanut najoqqutassiat nutaat suliarinerat aallartinneqarpoq, aallakaatitassiat pitsaanerulernissaannik anguniakkanut ikorseeqataasussaq. KNR-ip nittartagaanut nutartikkamut piareersaatit 2004-p naanerani naammassineqarput nittartagarlu atuisartunit takuniarneqarluartarpoq nuannaarutaallunilu. Soorunami neriuutigaarput siunissami nutarterinerit annertusarsinnaassallugit, suliniutilli taamaattut atortussanik aningaasanillu KNR-ip maannakkorpiaq piginngisaanik pisariaqartitsiffiupput.
Kalaallit Nunaata Radioa 8 Nutaarsiassaleriviup nittartakkami nutaarsiassat isumagai, takuniaasullu ukiuni kingullerni amerliartuinnarlutik. Nittarsaassinermut immikkoortortaqarfik ukioq taanna meeqqanut juullimut ammartakkamut aningaasaliisussarsiornermini suliniarluarsimavoq, aningaasaliisussallumi nassaaralugit. Taamaalilluni KNR-imi juulleqqippoq. Taamatuttaaq juullimut ammartagaq pisiarineqarsinnaasimavoq, taamatuttaarlu KNR-TV-mi ukioq taanna juullimut ammartakkap saqqummiunneqarneranut atatillugu allagartarsuaq juullimullu allaffissiaq suliarineqarput. Tamakkua tamarmik piviusunngorput suliffeqarfiup Brugsenip suliniutit aningaasaliiffigisinnaasimammagit. Tamatuma saniatigut danskit nunanut allanut unammisartui ilanngullugit arsaannermik aallakaatitassianut nuannarineqarluartunut aningaasaliisunit aningaasat nassaarineqarput. Nittarsaassinermut immikkoortortaqarfik aammattaaq 2004-mi Air Greenlandimik isumaqatigiissuteqarpoq KNR-imi sulisut angalanissaannut periarfissanik pitsaanerulersitsisumik. Toqqorsivik diskotek-imullu immikkoortortaq eqqarsaatigalugit paasivarput arlaqartunik iluarsisassaqartoq aammattaaq isumagisariaqakkatsinnik, aallakaatitsisarnermi suliniutit nutaat atulersinneqariarpata. Oqaluttuarisaanikkut pingaartitavut isumagineqassapput aammalu båndit pisoqqat cd-rom-imut immiunneranik suliassaq aallartinneqassalluni. Aammattaaq immikkoortortaqarfiit taakkua nutarterneqarnissaat pisariaqarpoq, taamaalillutik taakkua siunissami suliffeqarfiup pisariaqartitaanik suleriaatsinut kiffartuussinernullu naleqqussarneqassallutik. Aallakaatitsiviup akisussaaffeqarfii allat: 1. Kanal-it aallakaatitsiviit / tusagassiuutit radiomi, tv-mi, tekst tv-mi aallakaatitassiat aallakaatitassiarineqartut båndinullu immiunneqartut eqqarsaatigalugit aaqqissuineq, kiisalu pilerisaarutit, aningaasaliisussat, innuttaasunut paasissutissat aammalu aallakaatitassianik nalunaaruteqartarnerit eqqarsaatigalugit. Tassunga atatillugu aallakaatitassianik ataqatigiissumik ilisarnaasersuineq / crosspromotion. 2. Radiomut tv-mullu killiliussatut najoqqutassiat suliarinerat ineriartortinnerallu, ilaatigut aallakaatitassiat siunertaasa, imaasa, qanoq ittuussusiisa, kikkunnut tunngatinneqarnerisa kiisalu aningaasaqarnikkut killiliussat nassuiarneqarnerisigut. Tamatumani eqqarsaatigineqarput KNR-ip aallakaatitassiatigut suleriaasiani periaasianilu anguniagassatut siunertat, aallakaatitassiornermi pissuserissaartuunissamut najoqqutassiat kiisalu missingersuusiat. Killiliussatut najoqqutassiat taakkua aallakaatitassiornermi pisortamut aammattaarlu aallakaatitassiortunut tamanut tunngavissanik pilersitsissapput najoqqutassaassallutillu, aallakaatitassianik aallakaatitassiornerit KNR-ip kanaliisigut aallakaatinneqassappata. 3. Radiomut tv-mullu aallakaatitassiassatut isumannaagassatullu pilersaarutit suliarinerat (ukiumut, sæsonimut, qaammammut, sap. akunneranut, ullormut). Tassa imaappoq aallakaatitassianik pilersaarusiorneq kiisalu aallakaatitassianik aaqqissuussineq.
Kalaallit Nunaata Radioa 9 4. Naalaartartunut isiginnaartartunullu aaqqissuussamik atassuteqarneq (tassunga ilanngullugit misissuinerit) aallakaatitassiat pitsaassutsimikkut nalilerneqarnissaannut aqunneqarnissaannullu ingerlaavartumik tunngaviusussaq. 5. KNR-ip pilerisaarinermut immikkoortortaqarfia kiisalu aallakaatitassianut aningaasaliisussarsiorneq. Aningaasaliisussarsiornermut aammalu aningaasaliisussat suliniutaannut atatillugu aallakaatitassiorfik ilanngunneqarpat, taanna aallakaatitassiornermi pisortamut ataqatigiissinneqassaaq kalerrisaarutitigut paatsiveeruttoqarnissaa pinaveersaarniarlugu. 6. KNR-ip toqqorsivia diskotek-ialu. 7. Immikkoortortaqarfiup suliassai tunngavigalugit kisitsisitigut paasissutissat suliarinerat. 8. Killiliussatut najoqqutassiat qulaani taaneqartut ilassutaattut aningaasaqarnikkut killiliussat aqunneqarnerat malittarineqarnerallu. Aallakaatitassiani aningaasaqarnerup aqunneqarnera aallakaatitassiornermik suliassanut missingersuusiat iluanniitinneqartussaq aallakaatitassiornermi pisortaq aningaasaqarnermullu pisortaq qanimut suleqatigalugit pissaaq. 9. Immikkoortortaqarfinni sumiiffinni allani radiomi tv-milu peqatigiiffinnut, free-lancerinut ikiortaasunullu isumaqatigiissutit suliarinerat. Aallakaatitassiorfiup free-lancerinut toqqaannartumik toqqaannanngitsumillu suleqateqarneranut atatillugu tamanna aallakaatitsinermi pisortamut ataqatigiissinneqassaaq marloqiusamik inissisimanerit pinaveersaarniarlugit. 10. KNR-ip pisussaatitaaffimminik aqutsinera tamarmiusoq (TV, radio aamma tusagassiuutit nutaat kiisalu pisussaatitaaffinnut aallakaatitassianullu pisinnaatitaaffiit tuniniarnerat). 11. KNR-ip DR-imik, TV2/Danmarkimik aammalu nunani tamalaani stationinik allanik suliamut tunngassuteqartunik (soorlu canadamiunik, skandinaviamiunik il.il.) suleqateqarneq. 12. Ajunaarnersuarmi eqqugaasunut iluaqutissamik suliassat immikkut ittut soorlu nuna tamakkerlugu katersuiniarnerit ataqatigiissaarnerat, tamatumani suliffeqarfiit, suliniaqatigiiffiit sullissiveqarfiillu allat ilanngullugit. Tamatuma saniatigut aallakaatitsiviup tusagassiuinerup silarsuaani suliffeqarfiit suliamut tunngassuteqartut suleqatigalugit Kalaallit Nunaanni tusagassiuuteqarnikkut pissutsit pillugit misissuineq aallartippaa. Misissuinermi tamatumani anguniagaavoq tusagassiuuteqarneq taassumalu tusagassiuuteqarnerup annertussusiata periarfissaasalu piareersarnissaanni ullumikkut sulisinnaassusia - aammalu siunissami qaninnerusumi tusagassiuuteqarnerup ineriartornissaa piareersassallugu. Radiukkut aallakaatitassiorneq pillugu ukiumoortumik nalunaarut 2004: 2004-mi aningaasatigut ingerlanerput patajaappoq, taamaalillunilu sinaakkusiussat iluanni suliassat piareersarnissaat toqqissisimanarluni. Soorlu siumungaaq nalunngereerparput freelancerit illoqarfinnilu tusaateqarfiit qassit isumaqatigiissusiorfigisinnaanerlugit. Sæson A 2004 sap.ak. 2-miit (5. januar) aallartipparput, sap.ak. 24-illu (13. juni) tungaanut ingerlallugu. Sæsoninmi tassani nutaaliarnerpaavoq Inuusuttut akisunnerat, peqatigiiffik Foreningen af de grønlandske Børn suleqatigalugu februaarimiit aallakaatittaligarput. Peqatigiiffiup aaqqissuisoq sulisullu marluk akissar-
Kalaallit Nunaata Radioa 10 siaqartippai, uagullu allaffik, telefoni immiussiviillu isumagalugit. Naliliinerput malillugu aallakaatittakkat iluatsilluarput, tassani inuusuttut ajornartorsiutiminnik siarnguteqarlutik allagaqarlutilluunniit saqqummiussisarput, ilisimasalinnillu aallakaatitami akineqarlutik. Aallakaatitat novemberip tungaanut ingerlapput, aasaanerani sulinngiffeqarnerup nalaani uninngalaaginnarlutik. Sæson A tamakkerlugu nal. 06.30 aallartittarpugut, nal. 22.30-lu unilluta. Piffissap taassuma iluani sapinngisamik tamatigoortunik aallakaatitsiniartarpugut. Inuiaqatigiinnut tunngasut aalajangersimasunik sammisallit aallakaatinneqartarput, kulturimut tunngasut, aliikkutassiaanerusut, nipilersukkat, meeqqanut inuusuttunullu tunngasut, biibilimik eqqarsaatissiinerit, kalaallisullu naalagiarnerit sapaatit tamaasa, qaammammullu ataasiarluni qallunaatut naalagiarneq. Ulluinnarni ullut tamaasa nalunaaqquttap akunnerisa sisamaat avillugu toqqaannartumik aallakaatitsisarpugut, 06.30-miit 09.00-imut Iterluarnaaq, tavalu nal. 10.00-imiit 11.00-imut tusarnaartut ilaatigut peqatigalugit aallakaatitsisarluta, soorlu oqallinnernik, sapaatip akunnerani sammisamik, aperiinnariarimik inuugujumillu. Ulluinnarni ulluni sisamani nal. 11.00-miit 12.00-mut illoqarfiit radiui assigiinngitsut sisamat aallakaatitsisarput. Ulluinnarni ualikkut aallakaatitseqqiinerit ingerlanneqarnerusarput, unnukkut sapaatillu akunnerata naanerani aallakaatitat aallakaateqqinneqarlutik. Sapaatip akunnerata naanerani (tallimanngornikkut unnukkumiit) nutaamik aallakaatitassiat amerlanerit aallakaatinneqartarput. Tamakku kulturimut, inuiaqatigiinnut, aliikkutassianut aammalu meeqqanut inuusuttunullu tunnganerusarput, sulisunit freelancerinillu aallakaatitassiaasarlutik. Namminersornerulernermit ukiut 25-nngornerat radiumissaaq nalliussivarput namminersornerunerunerup oqaluttuassartaata ilaa assigiinngitsunik aallakaatitassiaralugu, angalallutalu immiussisinnaasimavugut Air Greenlandip tapiissuteqarneratigut. Sæson B sap.ak. 25-mi (14. juni) aallartippoq, sap.ak. 37-illu (12. september) naaneranut ingerlalluni. Sæson B feeriarfiup naligigaluaraa aallartinneraniillu ualikkut siornatigutut nipangerallarneq ajorpugut, aammalu tallimanngornikkut arfininngornikkullu unnuaqeqqata tungaanut aallakaatitsisarluta, freelancerit illoqarfiillu tusaateqarfii suleqatigalugit. Ilanngullugu oqaatigissavara nunatsinni timersornermik pissartanngorniuuttarnerit assigiinngitsut sæson A-mi B-milu aamma malinnaavigisaratsigik. Sæson C sap.ak. 38 (13. September) aallartippoq, sap.ak. 52-ilu (2. januar 2005) ilanngullugu ingerlalluni. Søsoson C-mi radiop oqaluttuarisaanerani allannguutit angisuut marluk pipput. Siulleq tassaavoq KNR-ip aaqqissuuteqqinnerata aallartinissarnera, immikkoortortaqalerneratigut aallakaatitsivimmik aallakaatitassiorfimmillu. Maannakkorpiq suli ikaarsaariarfimmiippugut. Allannguutip angisuup aapparaa radio teknikkimut digitaliusumut nuukkiartulermat, aallakaatitassiortut immiussaminnik namminneerlutik aaqqissuisinnaajartulissallutik. Teknikki suli nutaajoqimmat namminneerlutik aaqqissuisinnaanerat soorngunami suli killeqaraluarpoq. Kisianni qularutissaanngilaq teknikki nutaaq siunissami periarfissiissasoq teknikerinik ikiorteqartarnerup annikillineranik, taamalu taakku allanut atorneqarsinnaalissallutik. Immiussissutit Dalet-it, allatulli nutaatut, aallaqqaataani ajornartorsiuteqalaarsimapput, immiussat ilaatigut tammartoortarlutik, neriussaagulli tamarmik qaangerneqarumaartut. Aallakaatitassiornerup iluani juulleriartornerani angalatitsinivut marluk pissarsiviulluarput. Aallakaatitassiortoq ataaseq teknikerilerluni Maniitsuliarpoq, aappaalu aamma teknikerilerluni Narsaliarluni.
Kalaallit Nunaata Radioa 11 Angalatitsinerit juullimut aallakaatitassanik, allanillumi, nutaanik amerlaqisunik pissarsiffiupput. Soorluuna ukiormanna siornatigornit juullernerusugulluunniit, ilaatigut juullimi atuffassissutinik, juullisunnitsunik oqaluttuartitsinernik, inersimasunut meeqqanullu ammartakkanik il.il. Puiussanngilarattaaq Ukioq naagujoq, isumaga malillugu ajoriinnagassaanngivissoq. Piffissaq iluatsillugu sulisut freelancerillu juullimut ukiullu nikinnerannut aallakaatitassiaannut pitsaasunut amerlasuunullu qutsavigerusuppakka. Sulisut allannguuteqanngillat, sulisumik ataatsimik radioaviisimut paarlaassineq eqqaassanngikkaanni. Radiomi aallakaatitassiortut quliupput, pisortat ilanngullugit, teknikerillu aamma quliullutik, projektlederi ilanngullugu. Speakerit suli marluupput, aappaalu nammineerluni aallakaatitsisarluni. Tamatta kissaatigisatsitut aallakaatitat pitsaanerulersissagutsigik aallakaatitassiortut misissuillutik piareersarnissaminnut piffissaqarnerusariaqarput. Tamatuma kingunerissavaa aallakaatitassiortup ataatsip sapaatip akunneranut aallakaatitassiarisartagaasa ikilinerat, ullumikkut agguaqatigiissillugu 30 minutikkaartut pingasuusut. Teknikerit amerlassusiat aallakaatitsinermut immiussinernullu naammaqqarpoq. Sinerissami tusaateqarfinnik suleqateqarnerput 2004-mi ajunngitsutut oqaatigisariaqarpoq, paaseqqipparpulli tunniussinnaasaasa killinganniilluta, tussaateqarfik ataaseq eqqaassanngikkaanni. 2004-mi aallakaatitat immikkoortiterneri naatsorsoqqissaanngikkaluarlugit kalaallisut aallakaatitat 45%-it missaanniipput, qallunaatut aallakaatitat 20%-it missaanniillutik, nipilersukkallu, ilaatigut kalaallisut oqaasertalersukkat, 35%-it missaannillutik. Ataatsimut isigalugu 2004-mi radiukkut aallakaatitsisarneq naammaginartumik ingerlasimasutut oqaatigisariaqarpoq, sulisutigut aningaasaqarnikkullu periarfissarititat eqqarsaatigigaanni. Ressourceafdelingimiit Sulisunut tunngasut: Augustip naanerani IT-chef nunatsinniit aallarnissani pissutigalugu soraarniuteqarpoq. Sulisussarsioreernerup kingorna qujanartumik ilinniarluarsimasumik atorfinitsitsisoqarpoq. Suliassat IT-mut tunngassuteqartut atortunik nutarterinerit annikikkaluartut kingunerisaannik malunnartumik amerliartormata immikkoortortami tassani sulisut suliassaaleqinavianngillat. Ressourceafdelingimi sulisut sinneri allannguuteqanngillat. Radiominngaaniit teknikerinik Tysklandimi AEB-messe-mut takusaasoqarpoq atortunik digitalinik nutaarsiassanik takusaallutik. Ajoraluartumik TV-minngaaniit IBC-messemut Hollandimi takusaanissaq akuerineqanngitsoorpoq. Pikkorissarnerit arlalialuit qarasaasialerisunit serviceteknikerinillu Danmarkimi ingerlanneqarput. AEBmidlinik qinnuteqarnerit akuerineqarput. Teknikkikkut atortut: Digitaliseriinissaq siunertaralugu ataatsimiititaliami ilaasortat ilaat tallimat Danmarkimi TV-qarfinnut assigiinngitsunut, TV2-qarfiunerusunut paasisassarsiorlutik isumassarsiorlutillu angalapput pingaartinnerullugit
Kalaallit Nunaata Radioa 12 TVMidtvest aamma TV2 Bornholm. Tamanit tikilluaqquneqarluarlutalu paasisaqarluarpugut suleriaqqinnissamut atorluarsinnaasunik. Taamatuttaaq siunertaqarlutik radiominngaaniit teknikerit marlukkaarlutik marloriarlutik radioqarfinnut assigiinngitsunut Danmarkimi paasisassarsiorput. Digitaliseringsgruppiminngaaneersut Danmarkimut Savalimmiunullu paasisassarsiornerini paasisat aallaavigalugit tulleriiaarinertalimmik, aningaasartai ilanngullugit, digitaliseriisoqalerpat najoqqutarineqarsinnaasumik ataatsimiititaliaq saqqummiussaqarpoq. Direktionimut ingerlateqqinneqarpoq tassanngaaniillu KNR-p siulersuisuinut akuerisassanngorlugu ingerlateqqinneqarpoq. Saqqummiussaq siulersuisunit tigulluarneqarpoq kaammattuutigineqarlunilu aningaasaliisartunut ingerlateqqinneqassasoq. Landstingip piorsarsimassutsimut tunngasunut ataatsimiititaliaata KNR-mut pulaarnerata kingorna Siumuminngaaniit siunnersuutigineqarpoq Landstingi 2006-mi digitaliseringimut atugassanik aningaasaliisariaqartoq. Neriuuteqalaalernermut tamakku ilapittuutaapput. Qarasaasiat atorlugit katiteriviit marluk nutartigassanngorsimasut nutarterlugit Danmarkimi suliarineqarput, Danmarkimut paasisassarsiorneq iluatsillugu KNR-miit peqataaffigineqartumik. Serverit nutaanngilisut taarsillattaarneqarput taamattaarlu pc-t sulliviit taarsertariaqalersimasut tamarmik taarsersorneqarlutik. Radiomi aallakaatitassanut immiussissutit nutaanngilisoorlutik ilaanneeriarlutik immiussiumajunnaartalermata allatut ajornartumik qarasaasiat atorlugit sullivissanik 5-nik Dalettinik pisisoqarnissaa aqutsisunit aningaasaliifigineqarpoq båndinut immiussinerit saniatigut immiussivissanik. Aallakaatitassiortut atortut taakku nutaat sungiusassavaat; eqqarsaataavorlu atortut taakku amerliartuaartinneqassasut. Radiomi Dalettinik atortoqaleriartorneq ingerlateqqillugu suli 5-nik ukiup naajartulernerani pisisoqarpoq. Aallakaatitassiortut atortut atornissaannik ilinniartinneqarput radiomi teknikerit superbrugerit ilinniartitsisoralugit. Ukioq naajartulersoq aqutsisut aalajangerput Qanoruumi tusagassiortut sungiusaatissaannik minikameramik atortui ilanngullugit aammalu katiterutaasinnaasumik sungiusaatissaannik pisisoqassasoq. Ilanngullugu Kujataata radioanut aamma taamaattumik pisisoqassaaq. Allanngortiterinermut atatillugu Qanoruup studiaata studie 1-mut nuunneqarnissaa pissutigalugu pultimik nipilerissummik nutaarsiassanut KU-milu aallakaatitanut atorsinnaasumik iluatsivillugu Danmarkimiit atornikumik pisisoqarpoq. Radiormiut TV-qarfimmut nuuppata studiat nutaat marluk sananeqarsimassapput. Taakku atortunik nutaanngitsorsuarnik atortulersornissaat akilersinnaanngitsutut nalilerneqarpoq, taamaattumillu nutaanik digitaliusunik nipilerissutinik (mixere) teknikrummissamilu atortussat ilanngullugit pissarsiniartoqassasoq aalajangiunneqarpoq, taakkulu aningaasassarsiuunneqassapput, tassami digitaliseriinissamut pilersaarutini ilaagaluarmata siuartinneqarlutilli. Nipilerissutit atorunnaartussat iluatsillugu tuniniarneqarnissaat siunniunneqarpoq.
Kalaallit Nunaata Radioa 13 TV-kkut illoqarfiup iluani sumiiffinnit assigiinngitsuniit aallakaatitsissagaanni tigooraassutissamik, rundstråleantenne, pisisoqarpoq. taanna Telep napparussuanut ikkunneqassaaq illoqarfiullu iluani suminngaaniilluunniit takuneqarsinnaassalluni. Illuutinut tunngasut: KNR-mi aqutsisuniit piumaffigineqarneq malillugu misissoqquneqartoq radiohusermiut TV-p illutaanut nuussinnaanersut siunnersuisartut Rambøll suleqatigalugit misissorlugu aallartinneqarpoq. Radiormiut nuussappata pisariqarpoq TV-p illutaata agguataarnerata allanngortiternissaa; misissuinermilu paasineqarpoq radiormiut TV-p illutaani aamma inissaqartut, taamaallaat Arkivi Diskotekilu radiohusimiiginnassallutik inissaqartinneqannginnamik. Kisianni siunissami taakkuttaaq nuutsinneqarsinnaanissaat aamma eqqarsaatinut ilaavoq. Titartakkanik takutitassaqalermat sulisunut saqqummiunneqarput, periarfissarlu arlaanik uparuagassanik siunnersuutissanilluunniit saqqummiussiffissaq atorsimallugu. Suliamut KNR-mi siulersuisut malinnaatinneqarput siullermik augustimi pilersaarutinik ilisimatitsiffigineqarlutik, kingullermillu siulersuisut novemberip naanerani ataatsimiinneranni akuerineqarpoq suliap ingerlateqqinnissaa, suliariumannittussarsiuussinissarlu pillugu allagarsiisoqarnissaa akuerineqarput. Allagarsiisoqarpoq januarimilu 2005 licitationeqarnissaa aalajangiunneqarluni, taava taamanikkut paasinarsiumaarpoq ilumut suliarineqarnissaanut aningaasartuutissanut missingersuutit eqqorlugit suliarineqarsinnaajumaarnersoq. Innaallagiaaruttoornerani generatori radio-teknikkimik pilersuisussaq radiohusip silataani inissinneqarpoq, juullikkullu nalaani innaallagiaarunnermi paasinarsivoq siunertaasoq naapertorlugu nammineerluni aallartoq pilersuillunilu. Diskotekip/arkiveqarfiup allaffiani natersuaq linoleumimik taarsertariaqalivissoq aammalu silaannarissarfilernissaa ukiup naajartornerani ulapaarneq pissutigalugu 2005-p aallartinnissaanut kinguartinneqarput. Avannaani kujataanilu immikkoortortaqarfiit: Kujataata radioani teknikeri TV-mut immiussisinnaalernissamut pikkorissarneqarpoq, tamatumalu kingorna atortussaanik assiliivimmik katiterutaasinnaasumillu Nuummi atornikunik nassinneqarpoq. Qanoruumut ilanngutassanik pilersuinissaq siunertaavoq. KNR-Avannaani natersuatoqqat nutaanngilisoortut linoleumimik taarserneqarput. Tamatuma saniatigut silaannarissarfitsigut pitsanngorsaalaartoqarpoq aammalu iluatsillugu innaallagissamut ikkuffiit nuutassat iluarsagassallu iluarsarneqarput. KNR-Avannaani kamera katiterullu Qanoruumut ilanngutassanut atortartut, atornikooreeramimmi, ajoquteqallattaartut Nuummut nassiullugit iluarsartikkiartullattaarput. Kujataani avannaanilu teknikkikkut atortut suli qanganitsat atorneqartut nangiarnarsiartortuarsinnarput. Telefoneqarneq: Telefonsystemerput digitalisererlugu aallartinneqarpoq, akissaqassuserlu naapertorlugu telefonitoqqat digitalinik taarsillattaarneqarput. Tamatuma kingunerisa ilagivaat Radiohusimi TV-milu telefonip paarineqarnera TVminngaaniit isumagineqalermat. Radiohusimut iserniartut aamma TV-qarfimmiit ammaanneqarsinnaapput. Siunissami suli ineriartorteqqinneqassaaq.
Kalaallit Nunaata Radioa 14 Tele Greenland: Teleafgiftit naatsorsuigallarneq malillugu 2005-mi 2,4 mio.kr.-nik ikileriassasut nalunaarutigineqarpoq. Akiliutit annikilleriarnissaannut afskrivningit pissutaanerpaassapput. Tele Greenlandilu driftkoordineringsmødeqartarnerit ingerlaavarput.
Kalaallit Nunaata Radioa 15 Siulersuisut pisortaanerullu oqaaseqaataat Siulersuisut pisortaanerullu ullumikkut ataatsimiinnermi ukiumoortumik naatsorsuutit erqartorpaat akueralugillu. Tamanna toqqammavigalugu naatsorsuutit naalakkersuisunit akuerineqarnissaat inassutigineqarput. Nuuk, den 16. februar 2005 Pisortaaneq Lars Lennert-Sandgreen Pisortaaneq Siulersuisut Pollas Lyberth Johannes Sandgreen Lisbeth Søvndahl Pedersen Siulittaasoq Lars Johansen Frederik Olsen Kurt Egede Carsten F. Faurschou
Kalaallit Nunaata Radioa 16 Kalaallit Nunaata Radioa-nik piginnittunut Kalaallit Nunaata Radio-ata ukiumut 2005-mut naatsorsuutai kukkunersiorpavut. Ukiumoortumik naatsorsuutit suliffeqarfiup pisortaasa akisussaaffigaat. Uagut akisussaaffigaarput kukkunersiuinerput malillugu ukiumoortumik naatsorsuutit nalilernissaat. Kukkunersiuineq Kukkunersiuineq ingerlapparput naatsorsuutinik saqqummiussinermut inatsisitigut piumasarisaasut malillugit, aamma Namminersornerullutik Oqartussat pisortatigoortumik suliffeqarfiini maleruagassat naatsorsuusiornerminnilu periaasissaat akuerisaasut maillugit. Malitassat taakku piumasaraat kukkunersiuinerput piareersarlugulu ingerlatissagipput sapinngisaq tamaat qulakkeerniarlugu ukiumoortumik naatsorsuutit annertuunik kukkunilinnik imaqannginnissaat. Kukkunersiuinermi paasissutissat, ukiumoortumik naatsorsuutini kisitsisinik paasissutissanillu allanneqarsimasunik uppernarsaasiisussat, tigusiffigillattaarneqarput. Kukkunersiuinermittaaq isummerfigineqarput naatsorsuusioriaaseq pisortaasut atorsimasaat aammalu pisortat naliliisimaneri pingaarutillit, kiisalu ukiumoortumik naatsorsuutit tamarmiullutik saqqummiunneqarnerisa nalilerneqarnerat. Isumarput malillugu kukkunersiuineq ingerlanneqartoq inerniliinissatsinnut naammattumik tunngavissiivoq. Kukkunersiuineq apeqqusiinissamut tunngavissiinngilaq. Inerniliineq Isumarput malillugu ukiumoortumik naatsorsuutit eqqortumik oqaluttuarput suliffeqarfiup 31. december 2004- mi naliliutimigut, akiitsumigut aningaasaqarnermigullu qanoq inissisimaneranik. Paasissutissat allat Siumut missingersuusiat kisitsisitaat immikkullu pisortat aallakaatitat pillugit ukiumoortumik nalunaarusiaat kukkunersiorneqanngillat. Nuuk, den 16. februar 2005 Deloitte & Touche Kukkunersiuisoqatigiit naalagaaffimmit akuerisaasut Peter A. Wistoft Kukkunersiuisoq naalagaaffimmit akuerisaasoq
Kalaallit Nunaata Radioa 17 Naatsorsuusioriaaseq atorneqartoq Nalinginnaasumik Ukiumoortumik naatsorsuutit Namminersornerullutik Oqartussat maleruagassaat atuuttut malillugit tunniunneqarput. Isertitat aningaasartuutillu ukiumut naatsorsuusiorfiusumut pineqartumut ilaatinneqarput, qanoq ilisukkut akilerneqarsimanerat aalajangiisorinagu. Naatsorsuusioriaaseq atorneqartoq ukiumit kingullermit allaanerunngilaq. Naliliutit aalaakkaasut Suliffeqarfiup naliliutaasa aalaakkaasut (illuutit il.il.) nalingi ilanngunneqanngillat, taakku Landskarsip naatsorsuutaanit aningaasalersorneqarlutillu aningaasartuutaaniitinneqarmata. Feriepenginut pisussaaffiit aammalu atorfilinnut tjenestemandinullu pisussaaffiit allat Namminersornerullutik Oqartussat maleruagassaat nalinginnaasut atuuttut malillugit atorfillit feriepengisiassaannut pisussaaffiit immikkoortinneqarsimanngillat.
Kalaallit Nunaata Radioa 18 Angusanut naatsorsuutit 1. januar 31. december Regnskab Budget Regnskab 2004 2004 2003 Note DKK 000 DKK 000 DKK 000 Tapiissutit 1 52.164 52.164 51.554 Produktionsindtægter 2 6.486 5.179 5.538 Andre indtægter 3 941 16 51 Isertitat katillugit 59.591 57.359 57.143 Løn & honorarer 4 38.333 37.605 37.095 Personaleomkostninger 5 2.547 2.644 2.376 Produktionsomkostninger 6 2.910 2.607 2.237 Kontrakter og forpligtelser 7 2.909 3.012 3.277 Administration 8 3.789 3.517 2.944 Biler & taxa 9 389 327 783 Køb & leje af materiel 10 1.796 1.659 1.332 Bygningers drift 11 2.926 2.609 2.473 EDB 12 1.874 1.662 1.509 Aningaasartuutit 57.473 55.642 54.026 Aningaasanik nalillit pitinnagit angusat 2.119 1.717 3.117 Finansielle indtægter 13 92 98 95 Finansielle udgifter 14 131 133 169 Ukiumut angusat (amigartoorneq) 2.080 1.682 3.044 Der henlægges til næste år under forudsætning af Landsstyrets godkendelse, jf. vedtægternes 18.
Kalaallit Nunaata Radioa 19 Oqimaaqatigiisitsineq pigisat 31. december Pigisat Regnskab Regnskab Nass 2004 2003 DKK 000 DKK 000 Tuniniaanermit pissarsiassat 15 988 547 Andre tilgodehavender Pissarsiassat allat 16 67 173 Piffissanut allanut nuutassat 17 82 82 Pissarsiassat 1.137 803 Aningaasat tigoriaannaat 3.830 1.945 Pigisat kaaviaartitat 4.968 2.748 Aktiver i alt Pigisat katillugit 4.968 2.748
Kalaallit Nunaata Radioa 20 Oqimaaqatigiisitsineq akiligassat 31. december Passiver Akiligassat Regnskab Regnskab Nass. 2004 2003 DKK 000 DKK 000 Ukiumut angusanit pissarsiat (amigartoorneq) (3.463) (6.506) Angusat nutaat 2.080 3.044 Nammineq aningaasaatit (negativ) (1.382) (3.463) Namm. Oqartuss. atukkat 1.350 1.950 Akiitsut sivisuumik akilersugassat 1.350 1.950 Nam. Oqart. akiitsut sivikitsumik akilersugassat 600 600 Pisiniarfigisartakkanut akiitsut 1.798 1.481 Akiitsut allat 18 2.602 2.179 Akiitsut sivikitsumik akilersugassat 5.000 4.260 Akiitsut 6.350 6.210 Akiligassat katillugit 4.968 2.748
Kalaallit Nunaata Radioa 21 Aningaasaleeriaatsit 1. januar - 31. december Note 2004 2003 DKK 000 DKK 000 Bevilling 52.164 51.554 Forbrug (50.084) (48.510) 2.080 3.044 Ændring i tilgodehavender (335) 463 Ændring i kreditorer og skyldige omkostninger 740 (1.406) Pengestrømme fra drift 2.486 2.101 Afdrag på lån Grønlands Hjemmestyre (600) (450) Optagelse af lån Grønlands Hjemmestyre 0 0 Pengestrømme fra finansiering (600) (450) Ændring i likvide midler 1.886 1.651 Likvider ved periodens begyndelse 1.945 294 Likvider 31. december 3.830 1.945
Kalaallit Nunaata Radioa 22 Nassuiaatit Regnskab Budget Regnskab 2004 2004 2003 DKK 000 DKK 000 DKK 000 1. Tilskudsbevilling Bevilling KNR 52.164 52.164 51.554 52.164 52.164 51.554 2. Produktionsindtægter Radioreklamer 43-13 Levende reklamer 776 750 712 Skiltereklamer 2.439 2.007 2.103 Sponsorindtægter 936 700 900 Meddelelser/lykønskninger 1.486 1.239 1.291 Tekst TV 470 500 469 Salg af udsendelser 329 13 60 Konstaterede tab på debitorer 24 - (40) Ændring forventet tab på debitorer (11) (30) 31 6.486 5.179 5.538 3. Andre indtægter Salg af materiel 22-7 Udlejning af materiel 99 16 18 Udlejning af mandskab 41-22 Tilbagebetalt honorar 965-0 Ændring forventet tab på debitorer (187) - - Gebyrindtægter 0-3 941 16 51
Kalaallit Nunaata Radioa 23 Nassuiaatit Regnskab Budget Regnskab 2004 2004 2003 DKK 000 DKK 000 DKK 000 4. Løn & honorarer MÅNEDSLØN Bestyrelseshonorar 492 500 497 Månedsløn 29.118 29.718 28.669 Variable tillæg 1.733 1.749 1.645 Overarbejde 441 405 574 Engangsvederlag 64-37 Feriepenge fratrådte 662 319 623 Særligt ferietillæg 1,5% 391 413 374 Pensionsbidrag 1.757 1759 1.702 ATP 26 17 28 Aflønning via Grl. Hj.styre 427 421 406 Pressefor. feriehjlp.fond 68 73 63 Efter- og videreudd.fonde 64 74 61 SIK Oplysnings-og uddan.fond 8 9 9 Ændring skyldig regulering månedsløn 609 - (325) MÅNEDSLØN I ALT 35.858 35.456 34.363 TIMELØN Timeløn 323 275 511 Variable tillæg 40 44 52 Feriepenge fratrådte - 44 76 SIK opl. & udd.fond 2 2 2 Pensionsbidrag 0 7 14 Overarbejde 28 49 62 Afgrænsning timeløn - - (10) Ændring skyldig regulering timeløn 4-26 TIMELØN I ALT 398 421 733 HONORAR Honorar A-indkomst 1.833 1.560 1.743 Honorar B-indkomst 244 168 256 HONORAR I ALT 2.077 1.728 1.999 38.333 37.605 37.095
Kalaallit Nunaata Radioa 24 Nassuiaatit Regnskab Budget Regnskab 2004 2004 2003 DKK 000 DKK 000 DKK 000 5. Personaleomkostninger Udstationering 118 - - Rejse- og flytte omkostninger 518 496 439 Vakantomkostninger 548 521 591 Fratrædelsesomkostninger 29-10 Feriefrirejser 147 217 347 Boligtelefoner 135 100 142 Kursus og efteruddannelse 293 578 221 Personalepleje 380 407 302 Frirejser sygdom mm. 54-21 AEB bidrag 325 325 303 2.547 2.644 2.376 Der har været beskæftiget gennemsnitligt 107 medarbejdere mod 111 i 2003. 6. Produktionsomkostninger Produktionsrejser 1.226 831 932 Produktioner 1.427 1.343 1.077 Traktementer under udsendelser 41 61 39 Mødeudgifter 3 5 4 Præmier, konkurrencer 2 10 14 Kulisser 25 150 28 Kostumer og rekvisitter 59 105 54 Fragt vedr produktioner 50 73 63 CD 77 29 27 2.910 2.607 2.237
Kalaallit Nunaata Radioa 25 Nassuiaatit Regnskab Budget Regnskab 2004 2004 2003 DKK 000 DKK 000 DKK 000 7. Kontrakter og forpligtelser Koda 1.314 1.218 1.324 NCB afgift 20 10 10 Grl Forfatterforening 134 174 191 Gramex 153 240 470 Provision - meddelelser 145 125 127 RAV: Ufo-fonden, ophavsreth. 27 19 18 DR programmer 151 225 208 Vejrmeldinger TV 186 197 194 Satellitaftaler 20 30 24 Internet 145 182 108 EBU samarbejde 10 16 16 TV2 samarbejdsaftale 295 270 291 Ritzaus Bureau 307 307 298 2.909 2.984 3.277
Kalaallit Nunaata Radioa 26 Nassuiaatit Regnskab Budget Regnskab 2004 2004 2003 DKK 000 DKK 000 DKK 000 8. Administration Kontorartikler 73 97 98 Tryksager 78 30 20 Telefon-fax-datalinier 1.156 1.188 1.177 Porto postboksleje 34 29 28 Tidskrifter/bøger 87 94 94 Mødeudgifter 27 16 18 Annoncer 124 29 63 Nyanskaffelser 15 20 3 Reklameartikler 43 - - Tjenesterejser 378 377 375 Bestyrelsesomkostninger 302 352 423 Forsendelse/fragt 25 22 23 Serviceaftaler 268 253 234 Bankomkostninger 13 13 12 Rep/vedligehold kontormaskiner 6 10 14 Repræsentation 34 6 12 Advokatbistand 324 120 190 Ingeniør - 4 3 Teknisk bistand 314 400 1 Anden konsulent bistand 407 360 36 Revision 77 100 123 3.789 3.517 2.944
Kalaallit Nunaata Radioa 27 Nassuiaatit Regnskab Budget Regnskab 2004 2004 2003 DKK 000 DKK 000 DKK 000 9. Biler & taxa Indkøb af motorkøretøjer - - 457 Rep/vedl køretøjer 94 66 87 Brændstof 39 34 31 Motorafgift 43 45 27 Forsikring 53 13 16 Leje af biler 19 15 13 Taxa 141 153 152 389 327 783 10. Køb & leje af materiel Køb materiel produktion 985 826 684 Køb møbler og kontorinventar 157 126 74 Lyd-og videobånd 303 347 207 Forsendelse/fragt 67 39 48 Værktøj 13 14 14 Batterier 7 7 14 Rep og vedligehold materiel 263 300 292 1.796 1.659 1.332 11. Bygningers drift Husleje 374 245 147 Ombygning 361-10 Indvendig vedligeholdelse 258 314 242 Brandslukningsudstyr 19 18 18 Alarm og sikring 169 204 186 Rengøring 594 658 693 Snerydning 43 49 43 Opvarmning 250 228 232 Elektricitet 731 771 778 Vandafgift 103 99 100 Renovation 24 22 23 2.926 2.609 2.473
Kalaallit Nunaata Radioa 28 Nassuiaatit Regnskab Budget Regnskab 2004 2004 2003 DKK 000 DKK 000 DKK 000 12. EDB Indkøb af hardware 719 611 652 Indkøb af software 425 451 242 Leje af EDB 65-1 EDB driftsudgifter 217 160 187 EDB extern bistand 448 440 426 1.874 1.662 1.509 13. Finansielle indtægter Renteindtægt debitorer - 7 6 Renteindtægt bank 92 91 89 92 98 95 14. Finansielle udgifter Renteudgift kreditorer - 2 2 Renteudgift Grl.hjm. 131 131 167 131 133 169 15. Tilgodehavender fra salg Eksterne debitorer 792 571 Incasso debitorer 434 15 Hensat til tab på debitorer (237) (39) 988 547
Kalaallit Nunaata Radioa 29 Nassuiaatit Regnskab Budget Regnskab 2004 2004 2003 DKK 000 DKK 000 DKK 000 16. Andre tilgodehavender Depositum Frankeringsmaskiner - 5 Dep.Blok 7 Grl.Bank 5213468 9 9 Deposita 44 41 Rejseforskud - 22 A/C Løn - 27 Personaletilgodehavender 14 69 67 173 17. Periodeafgrænsningsposter Forudbetalte omkostninger 82 82 82 82 18. Anden gæld Mellemregning med ønskekoncert 13 6 A-skat,tilbageholdt 1.100 1.146 Skyldig ATP 17 0 Skyldig løn 260 164 Skyldig pension 60 6 Skyldig lønregulering 675 171 Skyldige feriepenge 160 339 Skyldige omkostninger 317 347 2.602 2.179