Masterinngorniat. Masterinngorniatut ilinniaqqinnerput meeqqat atuarfiata aaqqissuuteqqinneranut ilaavoq.

Størrelse: px

Starte visningen fra side:

Download "Masterinngorniat. Masterinngorniatut ilinniaqqinnerput meeqqat atuarfiata aaqqissuuteqqinneranut ilaavoq."

Malene Klausen
7 år siden
Visninger:

1 ut ilinniaqqinnerput meeqqat atuarfiata aaqqissuuteqqinneranut ilaavoq. Meeqqat atuarfiata ineriartortinneqarnissaa anguniagaavoq. Atuarfitsialammik aaqqissuusineq siunertaqarluarluni suliaavoq, tamannalu aaqqissuusseqqinneq iluatsissappat ilinniaqqittarnissaq periarfissaasariaqarpoq, ilinniaqqinnikummi ingerlariaqqinnissamut kivitseqataasussaammata. 1

2 Aaqqissuuseqqinnermi isumagineqartussanut assigiinngitsunut inuit immikkut ilisimasallit pigineqarnissaat pisariaqarpoq, takorluukkallu piviusunngortinneqassappata ilinniartitseqqinnissaq pingaaruteqarpoq. Atuarfeqarfinni aqutsinermut, atuarnermut, naliliinermut, ilinniartitsisunik pisortanillu coacherinermut, atuartitsivinni arlalinnik oqaaseqarfiusuni oqaatsinik ilinniartitsinermut, inuiaqatigiinni arlalinnik oqaaseqarfiusuni oqaatsinik ilinniartitsinermut, psykologimi, pædagogikkimi il.il. atuartitsisartussat piukkunnaatillit immikkullu ilinniarsimasut pisariaqartinneqarput. 2

3 Ilinniartitaanermi ineriartorneq ingerlaannassappat, pisariaqarpoq atuarfeqarfiup aaqqissuuteqqinneqarneranut ilinniartitsisut kivitseqataasussatut isumalluutissat ilinniarteqqinneqarnissaat. Taamaammat aaqqissuusaqqinnermik suliaqarnermut ilaatillugu pingaaruteqarpoq masterinik kandidatinillu ilinniartitsineq. 3

4 Ilinniartitsisut suliassamik kivitsisuusussat qaffasissumik ilinniarniagaqanngippata ilisimasaqarnatillu, ilinniagassat ilisimasassallu ineriartortinnissaat anguneqarsinnaanngilaq. Maanna qaffassaqqillutik ilinnialersimasut masterinngorniat kandidat-inngorniallu tunniussinnaasaat tassaavoq, inuiaqatigiit arlalinnik oqaaseqarfiullutillu kultureqarfiusut atuartitaanerisa ilinniagassanut tunngatillugu ineriartortinnerat. 4

5 Ilinniartitaaneq marloqiusaavoq, tassani ilinniartut ilisimasassat ilikkagassallu ineriartortittarmatigit, makkuusut : Aaqqissuuseqqinnermut atatillugu pamersaanermi nalinginnaasumi isumaliutigisariallit, tassunga ilaallutik piffimmi atuartitsinerup tunngavii atuarfiullu qanoq ineriartortinneqarsinnaanera. Inuiaqatigiinni arlariinnik oqaaseqarfiusuni oqaatsinik atuartitsisarneq, tassunga ilaallutik atuartitsivinni/inuiqatigiinni arlariinnik oqaaseqarfiusuni oqaatsinik atuartitsinerup ineriartortinneqarsinnaanera. 5

6 /Pamersaaneq nalinginnaasumik Aaqqissuuseqqinnermut atatillugu pamersaanermi nalinginnaasumi isumaliutigisariallit, tassunga ilaallutik piffinni atuartitsinermut tunngaviit atuarfiillu qanoq ineriartortinneqarsinnaanerat. 1. Atuartitsinermi sakkussat. 2. Atuarfitsialaap iluani atuarfeeqqat. 3. Ilinniaqqinnitta aaqqissuusaanera aaqqiissuuseqqinnermullu pingaarutaa. 4. Kulturi aallaavigalugu atuartitsineq. 5. Ilinniaqqinnermi ulluinnarni atuartitsineq eqqarsaatigeqqinneqartarpoq taamaalillunilu ineriartortinneqarlunilu pitsanngorsarneqartarluni. 6. Nunaqarfiit illoqarfiillu nikingassusaat iluarsiniarneqartarpoq. 6

7 /Oqaatsinik atuartitsinermi ilikkarneq Inuiaqatigiinni arlariinnik oqaaseqarfiusuni oqaatsinik atuartitsineq, tassunga ilaalluni atuartitsivinni/inuiqatigiinni arlariinnik oqaaseqarfiusuni piffinni oqaatsinik atuartitsinerup ineriartortinneqarsinnaanera. Qaffasissumik ilinniagaqarsimanissaq piumasaqaataatillugu, ilinniaqqinnerup inuit atorfinni oqaatsinik ineriartortitsinermik sammisaqartuni suliaqarnissaannut piukkunnartunngortittarpai. Oqaatsinik atuartitsinermi ilikkartitsinissamut ilinniartut arlariinnik oqaaseqarnermut tunngatillugu isumaliutigisarialinnik suliaqarnerminni ilinniagaqarnertik qaffassartarpaat, ilinniarnerminnullu atatillugu qulequttat tulliuttut sammisarlugit: 7

8 / Oqaatsinik atuartitsinermi ilikkarneq 1. -oqaatsinut politikki 2. -oqaatsit aamma sumiorpalussuseq 3. - atuartitsivimmi arlariinnik oqaaseqarfiusumi (oqaatsinik) atuartitsineq 4. -Kalaallit Nunaanni oqaatsit atuartitsissutaasartut ilikkagassatut anguniagassartaasa oqaluttuassartaat 5. -nunasiaataanerup kingorna ilikkagassatut anguniakkat aamma naliliinermut nalunaarusiat misissoqqissaarnerat 6. - oqaatsinik atuartitsinermi nassaarsiorsinnaaneq 8

9 Ilinniaqqinnerit taakku oqaatigineqareersutut siunertaraat meeqqat atuarfiini/ilinniaqqiffinni suliassanut pikkorissutsip nukittorsarnissaa. Ilinniaqqittut ilinniarnermik ingerlaneranni soraarummeernerminnut atatillugu suliaqarnerminni isumaliutigisariallit assigiinngitsut suliarisarnikuuaat, taamaalillutillu atuarfiup aaqqissuuteqqinneqarnera pillugu assigiinngitsunik ilisimasaqaleriartuaarsimallutik. Ilisimasaq tamanna atuarfiit aaqqissuusaaqqinneranni ineriartortikkusunnarpoq atortikkusunnarlunilu. 9

10 Apeqqutaaginnalerporlu ilisimassuseq masterinngorniani kandidatinngornianilu pigiliunneqartartoq, inuiaqatigiit ataatsimut isigalugit naleqquttuunersoq Kalaallillu Nunaanni ilinniartitaanermut iluaqutaassanersoq nukittorsaataassanersorlu? Pingaaruteqannginnerlunimi siunnersortit, ilinniartitsisunngorniani ilinniartitsisut, Ilisimatusarfimmi ilinniartitsisut il.il.qaffasissumik ilinniagaqarnissaat, ilaatigut ilinniartitsisunik pædagoginillu ilinniartitsinerit qaffassarniarlugit, taakkuummatami kinguaariit tulliuttut ilinniartinneqarnissaanik suliaqartussat? 10

11 Apeqqutaaginnalerpoq ilinniarnerit qaffassarneqarnissaat eqqarsaatigalugu qaffasissumik ilinniartitsinissamut inuiaqatigiittut akissaqarnersugut, imaluunniit suli avataaniit sulisussanik pissarsiortariaqartassanersugut imaluunniit ilinniartitaanerit qaffassaanerit unitsissaneripput. Uatsinnut masterinngornianut kandidat-inngornianullu akissutissaq erseqqippoq. NAAMIK,Kalaallit Nunaat ilinniartitseqqittarnerit unitsinnissaannut ilinniartitaanerillu qaffassarnissaannut nukissat pisariaqartut atunngitsoornissaanut AKISSAQANNGILAQ. 11

12 Eqimattat sulinissaannut apeqqutit: Atuarfeqarfiit meeqqeriviillu ilinniaqqinnerput suliagullu qanoq atorsinnaavaat? Aaqqissuuseqqinnerup iluani immikkut ittunik ilisimasalinnik ilinniartitsinissaq sooq suli pingaaruteqarpa? 12

Relaterede dokumenter

Siunissami meeqqanut atuarfeqarnerup ilusilerneqarnissaa. Isumassarsissutissanngorluni. oqallissaarutitut saqqummiussaq

Siunissami meeqqanut atuarfeqarnerup ilusilerneqarnissaa Isumassarsissutissanngorluni oqallissaarutitut saqqummiussaq KANUKOKA-seminar:Samarbejde på børn- og ungeområdet 08-12-2011 1 Oqallissaaraluni saqqummiussap